阿來泰式地道風味

Open Now

Now Closed

🐟冬陰功烏頭新鮮原條烏頭肉質彈嫩,保留了魚肉原有的鮮甜味。濃郁香料湯頭以冬陰功為基底,加入多種泰式香料調味,湯汁酸辣順口。結合酸甜的青柚、香菜、辣椒等配料,層次豐富,突出了泰式風味。整體口感清新爽口,讓人回味無窮。🐮牛肉炒粉絲分量十足的牛肉塊肉質軟嫩多汁,搭配脆嫩的粉絲和爽脆的蔬菜配料,口感層次豐富。辣椒、蒜蓉等調味料賦予了菜式濃郁的香氣和微辣感,令人食欲大開。蛋液的加入為整體添加了鮮美的口感,讓這道菜層次豐富,滿足味蕾。🥗飛天炒通菜新鮮通菜炒制後保持了爽脆的口感,搭配蒜蓉、辣椒等調味料,有著微辣爽口的風味。菜品色澤翠綠,清脆爽口,清新爽口。簡單的烹飪方式突出了食材本身的鮮甜,適合作為清爽的開胃菜。🥭芒果糯米飯糯米飯粒粒分明,Q彈帶勁。芒果塊果肉飽滿多汁,搭配黏稠的椰奶醬料,酸甜可口。整體口感香濃綿密,微甜不膩。這道甜品外表清新,內裏卻有層次豐富的香甜滋味,回味無窮。#阿來泰式地道風味 #阿來 #旺角美食 #泰國菜

自己鍾意食泰國菜，朋友帶咗我嚟食呢間位於旺角嘅小店，見menu都好齊全，基本上想食嘅都有提供。菠蘿炒飯次次都會點，唔油，夠味，估唔到仲有少少海鮮。金邊粉都唔錯，幾乾身，而且好香，份量又多，適合多人分享。海南雞滑嘟嘟，可惜只叫了例，完全唔夠食！咖喱炒蜆估唔到有驚喜，尤其係個醬汁，超級惹味，配飯或者蒜茸包都好好味，我直程當湯咁樣飲晒佢😂 如果覺得太肥嘅不妨叫埋呢度嘅菜，炒得幾入味而且菜品夠新鮮，整體質素唔錯。

呢間泰國餐廳價錢簡直係平民級，所以經常都滿座，好彩佢有上下兩層，唔洗等太耐位～兩個人食加埋都係$380，喺香港物價嚟講算係平！🔸阿來海南雞飯 $58呢個有驚喜，而且好抵食！海南雞雞肉嫩滑👍🏻唔知我好彩定本身係咁，個日我個份係雞髀肉，所以雞肉好滑，份量唔算少，咁先$58，真係抵食！🔸泰式火山排骨 $118由於我兩個人食，所以點咗個細嘅，但係細嘅份量都唔算少，都有六件排骨，堆砌出嚟都打卡able📸排骨肉中規中矩，唔算太腍亦唔算太硬，味道酸酸辣辣咁（唔算太辣）見到佢係淋咗泰式海鮮醬，為排骨增添味道👅🔸豬頸肉炒通菜 $78如果就咁炒通菜要$68，多$10就有埋豬頸肉，咁抵食我梗係加豬頸肉都唔算少，有6-7塊，都係腍嘅及彈牙通菜正正常常，用蒜蓉炒嘅所以唔係辣🔸泰式Suki炒粉絲 $68Suki係咪唔知點解呢？就係泰式壽喜燒/邊爐咁解，所以粉絲吸晒泰式酸辣汁的精華，味道酸酸辣辣地咁（辣過火山排骨）佢有雞牛豬或者海鮮嘅配菜可以選擇，我揀咗牛牛嘅質地就係乾炒牛河嗰啲牛，容易咬開🔸泰式奶茶 +$6呢杯跟海南雞飯餐+$6就可以飲到，就咁嗌本身要$25味道做到Thai Milk Tea咁，可能我叫佢少甜關係

今日同朋友去旺角行街，經過見到呢間泰國菜都幾多人食。而且價錢都好親民，所以就試吓啦！豬頸肉炒芥蘭 掋食👍🏻芥蘭熟度啱啱好，非常爽脆冇草青味，而且豬頸肉都好厚身，炒得好有鑊氣，仲要大大碟。泰式炒金邊粉❤️金邊粉夠乾身，唔會太濕。調味方面酸酸甜甜，撈埋執鞭啲花生碎同埋青檸汁一流！泰式鐵板蠔仔蛋驚喜嘅地方係有非常多蠔仔肉，而且蠔仔肉都唔腥。佢嘅醬汁酸酸甜甜同個蠔仔蛋幾夾，個蛋就偏厚身。泰式肉碎生菜包超級大碟，而且亦都有好多生菜，唔會唔夠包。碎肉肥瘦均勻，食落有好多豬肉嘅香味，亦都有少少豬油嘅香味。嗌咗小辣真係啱啱好，唔會太辣香茅味都好出！ 整體嚟講旺角泰國菜性價比都幾高，價錢都幾親民。 見到隔籬嗰個名爐烏頭好香下次試吓先。❤️

行完旺中好肚餓，行過隔離街就求其衝入去~點知食到間好野~上菜速度勁快~新鮮熱辣~啲staff都好nice~價錢又唔貴~即立入我喺旺角嘅飯堂之一~🔹泰式鐵板蠔仔蛋🔹 鐵板上，真係咋咋聲嫁~好大碟，個蛋好厚！蠔仔都幾多，同算大粒~又有芽菜喺底，索到啲蠔汁~🔹泰式滷豬髀🔹豬髀好淋，但又唔會太鹹~有白菜同炸菜伴碟~清淡啲又得，濃味啲又得~🔹泰式鮮蝦炒金邊粉🔹食泰式野一定揀Pad Thai~呢到都做到泰國風味~同都係好大碟，好抵食~🔹芒果糯米飯🔹熱辣辣嘅糯米飯~椰汁應該係自家製，因為唔會太甜，但芒果就好甜好新鮮，所以加埋剛剛好~🔹泰式奶茶🔹喺到可以揀少冰，又keep到甜味~喺泰國都未必得~正！

想約一約朋友出黎傾下計，上網搵到一家幾特別的泰式美食，這裡環境雅緻，一共有兩層，好有泰式風味☺️【泰式豬髀】泰式豬髀比較少見，豬髀肉質嫩滑，經過特製的泰式辣醬精心調製，入口時帶有微微的辣味😉【泰式炒金邊粉】金邊粉炒得有嚼勁，又帶有微微的鬆軟感，加上蔬菜之後，散發出濃郁的泰式風味，因為出面食過是辣的，問左職員，原來呢個菜式並唔辣😜【泰式火山排骨】排骨經過特別的調味和烤制之後，內裡嫩滑，搭配火山醬汁，差點就火山爆發了😂😂【椰青】椰青清新爽口，帶有淡淡的甜味和椰子的香氣😎【泰式奶茶】口感滑順，茶香與奶香完美融合，甜度適中，不會過於甜膩🤤好味指數：8/10 性價比指數：9/10

同朋友旺角行街傾偈，諗住約埋一齊去泰國旅行，即刻就諗起不如而家就即刻食返餐泰國菜先啦😆 周圍行吓睇吓邊度有泰國嘢食😚每道菜都好大碟，成枱都係，好彩有大胃王喺度😆阿來海南雞飯 ：海南雞飯係佢哋嘅招牌菜，雞好肥美，配黃油飯，泰式辣醬好惹味👍🏻泰式鐵板蠔仔蛋：鐵板上，滿到成座山，多蛋又多蠔仔🍳🦪 馬拉盞炒通菜：must eat啦，味道適中，唔會好咸🥬冬蔭功湯（小）：小碗都真係唔小碗，材料充足，唔會好辣🥹龍眼冰：甜甜地唔會好甜，啱晒而家天氣，行完街飲透心涼Menu好多菜式，每道菜份量十足大大碟👍🏻

阿來泰式地道風味📍 旺角通菜街97號地舖🦀 咖喱炒軟殼蟹 $128咖喱好香！唔會好辣但好惹味，我媽勁鍾意，撈住飯食到一滴不剩😂軟殼蟹都保留到香脆口感，入面應該有兩三隻軟殼蟹，好飽足！🍚 辣椒膏蝦頭油海鮮炒飯 $68好足料嘅炒飯，有兩隻大蝦、好多隻細蝦、魷魚仔、蟹柳等，炒到好乾身，蛋香、蝦香十足，微微地辣好上癮！我同阿媽一致覺得超好食！🍲 椰汁雞湯 $68呢個本身以為唔辣，但意外地幾辣，酸酸辣辣好開胃😋我哋嗌咗細份，但其實兩個人都夠分，因為入面料好多，有啲菇、雞肉、番茄仔咁～🥓 燒豬頸肉 $78醬汁酸酸辣辣幾惹味，外層都好香口，好大份！但係我哋覺得可以再燒乾多少少就會更加香口😂

嚟旺角食地道的泰國菜，一定會幫襯「阿來泰式地道風味」，價錢平民質素高😋泰式乾炒牛肉河粉$68呢個炒河粉好有泰式風味，夠鑊氣，河粉彈牙，份量都夠多，好味😋馬拉盞炒通菜$68呢個炒通菜都係夠鑊氣，夠晒味道，會偏鹹少少，又有少少辣，層次感足夠👍咖喱炒大蝦$168泰式咖喱炒大蝦，味道濃郁，夠晒滑口，啲蝦大大隻，蝦🦐走過油，食到好新鮮，夠晒彈牙，忍唔住叫咗碗白飯，真係送飯一流，識食一定要加埋蒜蓉包，夠晒好味😋👍

去開旺角成日經過呢一間泰國泰國菜小店，今日途經終於入去食午餐 睇過午餐牌好多選擇 令到我有選擇困難症全部都想食，而且CP值超高大約50幾蚊一個lunch 等同茶記價仲有特色嘅菜式叫咗個冬陰功蠔仔湯飯冬陰功用料十足，而且呢個味道唔會太辣，跟返香港人嘅口味 帶有淡淡嘅香茅味Creamy冬陰功湯底嚟嘅 。蠔仔好飽滿而肥 而且份量十足海南雞飯食好啲再加咗$10轉雞髀海南雞髀好肥美好滑雞油飯唔會好油，而且大鹹香等咗一陣就全部食清光啦加咗一碟，蒜蓉炒通菜添菜都好新鮮，好爽口最後加咗芒果糯米飯同埋泰式椰汁西米糕作飯後甜品 糯米飯好新鮮重暖暖哋㗎中芒果好甜椰汁西米糕裏便有芋頭粒粒在 非常match做得非常出色 下次再嚟食個晚餐阿來泰式地道風味 (旺角)旺角通菜街97號地舖#阿來泰式地道風味#hkfoodie#旺角美食#泰國菜

餐廳位於旺角，主打多款性價比高嘅泰國料理，肉類海鮮粉麵飯甜點都飲品都有供應，唔想煩嘅仲有套餐可以揀。餐廳分上下兩層，店員服務態度有禮，上菜速度快且熱辣辣，經過可以一試。二人套餐包括海南雞、咖喱炒蜆、通菜、白飯/油飯同飲品。海南雞肉質嫩滑，皮帶啫喱狀，咬落好滋味。超級喜歡呢度嘅咖喱，惹味唔辣，點蒜茸包真係好正，蜆肉大粒飽滿，讚。菜品可以自行選擇炒嘅方法，個人更推介馬來盞，通菜同椰菜苗都夠新鮮而且完全無渣。主食有菠蘿炒飯同金邊粉，前者炒至粒粒分明，味道偏清淡帶淡淡香氣，後者配料唔少，口感豐富。

食過咁多次，呢間真係要推薦比大家，因為唔止平靚正，仲要令客人好似去左泰國咁。最推薦既係燒豬頸肉＄78好食到暈，想講佢既燒豬頸肉真係數一數二好食，外香內多汁，加埋佢特別既汁，真係好味。馬拉盞少通菜 ＄68炒到好香又唔會好多油，獲氣十足，拎黎餸飯一流，次次黎食泰國野都係必食之選，做得唔錯。沙嗲串燒（半打）＄88質素算唔錯，肉大大舊，個準都調得好好，大家可以一試。椰青＄38超抵，大大個，真係好似去左泰國咁。

食好食性價比又高嘅泰國菜唔一定要去九龍城嘅🤣今日就近近哋係旺角呢間餐廳食，星期三夜晚去到兩層都坐滿人，果然好有人氣！▫️泰式鐵板蠔仔蛋 ($98)份量多到有座小山丘咁，蠔仔大大粒又冇腥味，蛋都好滑嫩，底下鋪滿芽菜，同蛋一齊食口感一流💯呢個真係必點！😍▫️泰式粉絲蝦煲 ($168)一上枱熱辣辣，粉絲份量又係超多，蝦就匿埋晒喺煲底🤣粉絲索曬醬汁味勁惹味，忍唔住食完一啖又一啖🥰▫️豬頸肉炒棷菜苗 ($78)平時比較少食椰菜苗🥬呢碟椰菜苗炒完仍然保持到翠綠色澤，食完竣又唔會有油膩感👌🏻豬頸肉帶有啲肥肉，更香口之餘口感爽彈唔會乾。呢度啲嘢食夠曬大份，最啱一班親朋好友share，今次我哋得兩個人就食唔曬，本身想試埋芒果糯米飯都食唔落，唯有下次再戰🥹

好耐無去旺角行街，陪朋友先達買完野，見到呢間阿來泰國菜個價錢都幾抵，就入去試下。🍤炸蝦餅外皮脆卜卜，蝦肉十分爽口彈牙，點埋泰式酸辣汁超好味👍🏻🥗飛天通菜通菜好鮮嫩，少少微辣加埋啲到時醬鹹鹹地，好夾👍🏻食完熱氣嘅炸蝦餅，再食返啲菜感覺健康好多🤣🥘咖喱炒蜆泰式咖喱好香椰汁味，唔辣。蜆肉新鮮甜美，好多都脹卜卜。原本冇諗住叫蒜蓉包，但係食到啲咖喱汁感覺一定要配啲澱粉質，於是叫咗蒜蓉包，真係超夾👍🏻如果你哋叫咖喱一定要叫蒜蓉包👍🏻原個大椰青椰雪到凍冰冰，飲落去超清甜，仲俾埋個匙 食椰肉，超滿足。朋友叫左青檸梳打，唔記得影相，青爽，原個青檸，唔係化學水。記起時，已俾朋友飲左大半。整體嚟講，價錢唔算太貴，食完覺得性價比唔錯，可以一試。

📍旺角平靚正泰國菜 — 阿來泰式地道風味🇹🇭❤️‍🔥𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🐔阿來海南雞飯 $58晚市呢個價錢黎講真係性價比好高！！雞唔算好嫩滑，但係對得住呢個價錢👍🏼而且份量都幾多～油飯充滿雞油香味，配埋個泰式酸辣醬汁，真心好食！🤤🥬泰式肉碎生菜包$88每次食泰菜我都會叫生菜包😝而呢度嘅生菜包都冇令我失望！肉碎調味好足，而且唔算好辣，啱晒我呢啲食唔到辣嘅人🤣🤣另外肉碎份量超多！食晒啲生菜都有好多肉碎剩😻🍤🥢泰式鮮蝦炒金邊粉 $68食泰國菜當然要食padthai啦～🥢呢度嘅金邊粉炒得都幾香，而且幾乾爽🤤仲有有幾隻大蝦，都幾足料！🦐🧋泰式奶茶 $25正正常常嘅泰奶🤣唔會過甜，不錯不錯👍🏼✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽賣相：🌟🌟🌟💫味道：🌟🌟🌟🌟性價比：🌟🌟🌟🌟推薦度：🌟🌟🌟🌟📍 阿來泰式地道風味 @aroykhaomangai 🔖地址：旺角通菜街97號地舖🕑營業時間：星期一至日 12:00-23:00