阿來東南亞風味 (Closed)

旺角嘢食種類特別多！有時真係花多眼亂都唔知食乜好！就咁行下行下就入咗去黑布街廣華街個頭！呢邊嘅餐廳相對就比較冇咁多人同逼夾的！我哋最終決定食泰菜，所以就嚟咗《阿來東南亞風味》開飯啦！簡單點咗一條燒鰂魚、海南雞同泰式鹹魚炒通菜！條鰂魚燒得好好食呀！魚肉非常之滑而且帶少少鹹香！仲有海南雞嘅肉質都好鮮嫩，滑到不得了呀！碟鹹魚炒通菜都好惹味呀！真心有驚喜！而且仲非常之抵食！值得再嚟呀！希望下次食到佢嘅限量肉骨茶啦！❤️❤️❤️

阿來東南亞風味encore今次新試青咖喱豬肉 好鬼辣，但係本人唔多食得辣，所以不能作準，但係可以作準嘅係愈食愈想食，最尾呢dou青咖喱都食哂味道: 7/10味精: 6/10價錢: 8/10環境: 6/10服務: 9/10

今日行到廣華街，見到【阿來東南亞風味】，其實之前已經經過好多次，但由於「其貎不揚」以為只係普通茶記，所以冇食過，原來佢係主打泰菜，價錢仲好街坊價，一於試吓~【馬來肉骨茶】馬來西亞式嘅肉骨茶，特點係藥材味濃郁。 原本係有肉骨同鳳爪，不過可能太好賣得返肉骨。湯底肉香味甘香味平衡，肉骨新鮮，最近天氣轉涼，食肉骨茶暖笠笠滋補吓就啱晒。【香茅鹽燒鰂魚】切開魚皮已經冒出香噴噴嘅煙，魚肉滑捋捋，塞咗香茅、檸檬葉去燒，香味滲晒落魚肉，有鹽嘅鹹香亦保持魚鮮味，正～【阿來海南雞飯】加$10轉咗雞脾，拆咗骨，啖啖嫩滑雞肉。有兩種醬汁蘸，蔥油惹味之餘又帶出雞嘅鮮味，自製海南雞醬就辣辣哋更有泰式風味。+$21轉咗原價$35嘅【椰青】，味道清甜，陣陣涼爽椰香味，雖然秋意漸濃但依然令我感覺好似喺泰國沐浴於陽光海灘之中～疫情關係，餐廳唔係喺旺區，周圍仲有啲僻靜添，但餐廳都有大半食客，而且keep住有食客攞外賣，仲有啲係熟客嚟，平靚正嘅街坊生意實有捧場客嘅～

平時都鐘意食泰國野，今日去旺角接朋友放工，佢話好肚餓，大笨象都食得落喎😂 行到廣華街見呢間坐滿人，個lunch set幾抵，50幾蚊包野飲，即管試下我哋揀咗G餐，金不換香辣肉片炒河($54)，跟餐嗌咗荔枝梳打(+$6)，梳打偏甜。炒河勁大碟，有豬肉片、紅蘿蔔、洋蔥、青椒、辣椒，菇等等好多配料，辣辣地，幾惹味另外仲叫咗通菜炒豬頸肉($68)。主角咖喱炒軟殼蟹($108)一上枱已經聞到陣椰汁味，炸軟殼蟹好香口又啖啖肉，如果蟹肉份量再多d就更好 最後加單叫咗個薄餅($25)，lam埋d咖哩汁仲加咗個椰青($35)，好清甜，中和返無咁heavy。飽到捧住個肚走啊

除了日本及台灣，舊日最常出遊的可算是東南亞地區，可惜的是，無論是泰國、越南、菲律賓等地暫時都不能出遊，就連新加坡與香港的「旅遊氣泡」，也因香港爆發第四波新冠疫情，而暫時剎停。出遊計劃似乎了了無期！  每當吃膩了家中循環不息的家常小菜，BeautySearch 也嚮往在外走走，品嘗一下異國美食，今次便來到位於油麻地的《阿來東南亞風味》。店內食物選擇相當多，有星馬蛋黃雞翼、馬來肉骨茶、泰式肉碎生菜包...... 匯聚東南亞各式美食，令人眼花撩亂，有選擇困難症的我，最後點選了二人餐A。先來一碟泰式海南雞，雖說是例牌，但份量也不少呢！實在是意料之外！而且海南雞的雞皮色澤金黃，賣相已相當吸睛；口感嫩滑，最正的是除了雞翼全份已去骨，食落啖啖肉，又沒有肥油層，相當滋味！第二款菜餚雖然都是雞，但無論外型、口感、味道也是大不同。星馬蛋黃雞翼甫上桌蛋黃香氣即時撲鼻而來，雞翼表面不但炸得香脆，還醮上蛋黃，令味道提升，雞翼肉汁豐富，而且剪成單骨，食起來更為方便，注重儀態的你也可盡情享用喔！原先跟餐是飛天通菜，但因 BeautySearch 怕辣，下單時問店員可否走辣，他很細心地替我轉為馬拉盞通菜。對好多人來說

冇得去旅行就瘋狂想食啲異國菜😂係廣華街，位置都幾入下～不過大大個招牌好易搵！🔥肉骨茶 hkd 54‼️真係勁中意飲呢啲重藥材味嘅湯😍入面有兩大舊肉！仲有啲豆卜索晒啲湯汁🥺真係好正！撈飯食又係一流👍🏾啲湯一定要趁熱飲呀🔥咖喱炒軟殼蟹 hkd 108 ‼️望到咁大份完全呆左 😂😂另外叫多咗個薄餅嚟點佢啲汁😍個薄餅完全大讚！勁脆，又唔會好油🥺同咖喱汁勁夾🤣真係食晒了！佢啲軟殼蟹又大隻，入面仲有啲洋蔥嘅配菜，食下食下幾開胃☺️🔥金磚豆腐 hkd 68☺️呢個又係痴線！外脆內軟，入面啲豆腐係勁滑勁嫩😩不過一定要點泰式辣醬食，唔係會太乾同冇乜味🤣

之前來到這吃飯覺得十分好味而且份量十足，來到附近不知吃什麼就決定再來吃泰菜，入到去坐卡位好乾淨，餐牌有幾款二人餐，而這款二人餐都是$228價錢好吸引，而且都岩口味所以就叫了一個和一個肉骨茶，結帳每人約一百五十元仲可拿走，味道又保持到水準不錯。泰式海南雞不講是例牌以為都有半隻，因真的十分多件而且肉質好嫩滑，醬汁帶辣好味推介，份量最後吃不完仲要拿走。小食是星馬蛋黃雞翼，看到已經將雞翼切一開一半十分易食，炸得香口又不油，面有不少蛋黃令到雞翼更香。飛天通菜有少少辣，份量好大碟，通菜新鮮而且入醬汁味帶點香辣好惹味。油飯二個，不會覺得太油，份量剛好。這個餐仲有飲品，要了凍檸檬茶，大大杯又夠凍。朋友看到牆上有個限量的馬來肉骨茶就叫了一個，原來份量十分多，每人都有三碗，而且材料十足好濃又香，排骨的肉十分入味好抵食推介。

去開旺角油麻地附近，我同朋友都想食泰國嘢，就試下「阿來東南亞餐廳」門面同價錢似地道茶餐廳，但嘢食係正宗泰風味，有驚喜！我地叫左人人都推介嘅「阿來金磚豆腐」真係無介紹錯！豆腐外脆內軟，外層加上芝麻同香粉，好香口每次食泰國嘢都會叫燒豬頸肉，阿來既「燒豬頸肉」都算juicy，加埋個特製醬汁，十分惹味！最後試埋「咖喱軟殼蟹火山包」，香濃嘅咖喱配上鬆軟嘅火山包，好match！阿來嘅火山包值得一讚，試過其他餐廳嘅火山包都比較乾身同放耐左容易變硬，但阿來嘅都keep都鬆軟！同埋個份量好大，兩個人食好飽呀！最後要讚嘅係杯「泰式奶茶」，叫左少甜，甜度岩岩好，個泰式紅茶茶底好香濃，飲完覺得自已去左泰國咁呀！

看見食評非常好，因疫情關係未能夠去泰國，好掛住泰國當地的美食，所以去試一試，但一試難忘，食物創新又好夠鑊氣，職員服務亦很好，非常友善，高效率，價錢亦比其他大牌子泰國店還合理，還好味，所以試完一次之後，因為招牌菜亦很多，一次試不完，亦很近屋企，所以現在平均每個星期六或日都會去食，希望給予他們一點點的支持。此外，同時用餐期間見他們外賣亦做個不停，很有系統，相信這是一個很好的證明，連外賣都做得咁出色，咁受歡迎，堂食一定非常好，一如估計，食物比其他泰國店還好，我諗我都已經去咗大約三四次，都很好，所以希望跟現在不能夠去泰國的朋友推介一下，亦對這間泰國店一點點的支持，希望他們繼續加油，努力吧！👍👍👍😋😋😋

老闆好好人，熱情，本身想散叫海南雞加兩個油飯，主動話幫我地叫多飯，都夠兩個人食，幫我地慳錢，咁黎到都真係夠兩個人份量，不錯!可樂又可以叫冰底，唔驚唔夠凍，同埋一坐低就俾用熱水裝住嘅餐具，好貼心後來再加咗椰汁冰，我講咗兩次少冰，黎到真係得好少冰，再次覺得呢間餐廳嘅人好細心，又貼心，非常好鮮蝦冬蔭功湯(細)好惹味，蝦細細，但係蝦肉實淨，有鮮味，冬蔭功湯就唔算太辣，仲飲到大半，芫荽，香茅都好多，飲到最後就西檸味好出飛天通菜唔太辣，通菜又唔老，正！不過好搶手，我地食到一半就已經賣哂海南雞飯加咗10蚊要脾，老細話佢地啲海南雞會去骨，又真係喎， 幾好，雞肉嫩，少少咸，唔腥無雪味個橙紅sauce就酸酸甜甜，蔥油就一般，無咩蔥味油飯 都一般，太乾身，雞油唔夠，所以唔夠香味道: 7/10味精: 6/10價錢: 8/10環境: 6/10服務: 8/10

上次介紹咗阿來嘅晚餐 今次介紹下佢嘅午餐 都係超級抵食🤤全部$60有找 大碟夾好味🤤🦪 < 泰式蠔仔蛋飯 > $50HKD呢個係小編們嘅長期首選 size大過兩隻手掌✋🏻🥳 點上佢嘅醬汁食真係好好味蠔仔數量激多 超級抵食🔥午餐可以跟餐加$12追加小食我地分別加咗「鹹蛋雞翼」同「 香葉椰汁西米糕 」😚🐓 < 鹹蛋雞翼 > +$12 HKD係兩隻分量黎 再打直斬開一半鹹蛋味香濃 又唔會炸到食炸粉咁😆🥥 <香葉椰汁西米糕 > +$12 HKD上層係椰汁糕 下層係西米糕 清清甜甜飯後食一流😝 想食多啲可以叫正價$48/6件 一樣抵食👍🏻

📍阿來東南亞風味呢間主食東南亞菜既舖頭 可以話係淡味版既泰國菜😂😂🤣我地叫咗一個菠蘿炒飯🍍 一個海南雞飯🐥 仲有一碟鹹蛋雞翼 同阿來金磚豆腐😂🤣🙈 另加一枝啤酒加椰青宜家打食評先發現原來我地兩條友都食得幾多野下🤣🤣🤣🤣首先講咗菠蘿炒飯先🍍 佢嘅肉鬆都俾得幾多 而且入邊啲海鮮都幾有鮮味🤩 對於鍾意食肉鬆嘅我真係😍😍 不過可惜既係佢無腰果(｡ ́︿ ̀｡)海南雞飯就無話好特別 不過不失啦(⁎⁍̴̛ᴗ⁍̴̛⁎)但鹹蛋雞翼又幾正🥳 佢唔算好濃味 唔會好油膩既感覺 而佢已經分咗做單骨 食起上黎都幾放便🌝金磚豆腐就外脆內軟 外面炸皮都幾薄入面個豆腐真心好嫩滑😚😚 呢個正呀🙌🏻🙌🏻 如果唔太鍾意好重口味既東南亞菜既 真心可以試呢間 性價比幾高

今日經過旺角廣華街附近, 有很多食店, 最後選擇一間食泰菜/馬拉菜『阿來』茶餐廳裝修＆茶餐廳價錢, 看看午飯餐牌有廚房&湯粉之選🌶️金不換香辣肉片炒河粉一上枱見大大碟, 好有鑊氣, 香味濃郁, 色澤較深, 有辣味, 非常惹味😋, 適合愛吃濃味食物的人.河粉形狀係大大塊, 內有🐷豬肉片, 🌽粟米芯, 豆角, 秀珍菇, 紅蘿蔔🥕, 洋蔥🧅, 青椒, 紅辣椒🌶️ ＆西生菜墊底. 🌶️泰式冬陰功湯海南雞金邊粉🐔🍜冬陰功湯ok, 有辣味唔太酸, 易入口海南雞比較 , 因為係雞胸😅每個午餐奉送一杯飲品🥤另外亦可加錢轉特飲🍹＆小食

阿來有好多間 廣華嘅呢間係小編嘅至愛📢🤪（唔好去錯呀🤣）⁣佢嘅泰菜真係平靚正 全部都大碟兼抵食⁣疫情關係今次就買咗外賣返去食 一樣咁正🤩⁣可能因為生意一樣咁好 佢呢段時間就算外賣都一直冇做過優惠🤣⁣⁣🥘 《黃金牛腩煲配薄餅🌮》• $118 HKD⁣呢個牛腩煲超級足料 有車厘茄、青椒、薯仔同洋葱 牛腩全部都大大舊 佢嘅咖喱有少少辣 夠惹味😋 薄餅有8小塊 充滿牛油香 一打開就已經聞到🤤 再沾上咖喱汁食 真係一流😍👍🏻⁣⁣🧆 《燒豬頸肉黑鼓油乾撈粗麵》• $56 HKD⁣呢碟係小編男友至愛😂 豬頸肉烤到好香 表面微焦 點埋佢嘅醬汁 拌匀彈牙爽口嘅粗麵食😍😍😍 唔會太鹹⁣⁣🍝 《泰式鮮蝦炒金邊粉》• $56 HKD⁣呢個炒金邊粉賣相冇堂食整得咁有誠意🙈 不過水準一樣高👌🏻 鑊氣十足 份量慷慨 幾隻大蝦 再伴上花生碎、豆腐乾、芽菜 酸酸地好好味😋⁣

旺角區食肆林立，有點選擇困難的，恐怕會有點不知所措。這次我將車泊在廣華街，就在許榮記粉麵的對面，上次來還是明苑牛腩河的地鋪，竟轉了一間名叫「阿來東南亞美食」的食肆。以茶餐廳來說，也算得上是乾淨企理，食物的圖片亦甚吸引，決定即管入內一試。我叫了個海南雞清湯金邊粉，朋友則叫了個雞絲扎肉冬蔭功金邊粉。海南雞出乎意料的做得非常好，吃不出雪藏雞的味道，柔滑味濃，毫不馬虎。朋友的雞絲扎肉冬蔭功金邊粉其實也做得不錯，不過因為轉這湯底而加了幾塊錢卻讓朋友稍有微言。今次的驚喜，竟然是伙計特別介紹的秘制醬汁雞腳！特點是捧上來的時候仍然是熱呼呼的，咬落軟綿中帶點煙韌，筋肉間感覺到豐富的骨膠原，十分和味！