亞參雞飯 (Moved) New Location

星期五嘅晚上，唔煮飯去咗附近嘅阿參開餐叫左一個新加坡肉骨茶，一個亞參無骨海南雞飯，另外仲有三個小食新加坡肉骨茶，配一個白飯，肉骨茶黑椒味好重，飲完暖笠笠，肉骨好嫩滑，另外加咗一杯熱嘅薏米水。無骨海南雞飯，海南雞好滑，配埋三個醬，醬好好食，仲有一碗清雞湯配埋，絕對無得輸三個小食，有春卷、豬肉串、同埋咖央多士豬肉串之前停過一排，而家先至有返，豬肉好Juicy有肉汁好好食. 春卷裏面有蝦肉, 炸得好脆，但係偏油膩。咖央多士裏面有咖央醬，咖央醬甜度適中，配埋牛油，超級好食總結係主菜好食，但係小食更加好味，水準有保證

今次去亞參位於旺角雅蘭中心地庫既分店，平日晚飯時間去都吾洗等位👍🏻餐廳食物選擇都算多，我地叫左佢既招牌《亞參去骨海南雞飯》同《咖哩牛腩飯》🤤 海南雞飯可選雞油飯或普通白飯，有一碗清雞湯，加$10就可以享用一杯飲品。海南雞溫度岩岩好，肉質好嫩滑入味🐥，醬汁都調得不錯👍🏻分量都十足既～咖哩牛腩飯分量一樣十足，牛腩係多過薯仔🥔😂但味道就較普通，無太大驚喜。整體價錢算不錯，平均每人晚餐90左右，呢間餐廳係全日免收加一👍🏻👍🏻

一個人的午餐話說我都有好多年冇喺旺角行街因為人又多， 雅蘭裝修咗之後我都係第一次來， 今次搵呢間阿蔘都搵咗十分鐘 佢嘅入口唔係喺雅蘭中心商場裏面的下面要由彌敦道 轉返出去喺外圍道行樓梯落， 肚餓之際 但係又唔覺得特別好食好普通嘅海南雞飯， 雖然話去咗骨嘅雞 但係一啲鮮味都冇 係冰鮮雞 個醬汁 完全冇馬來亞風味， 或者可以下次試下 其他啲杯熱檸茶就貴加十蚊細細杯 一個餐要一百蚊 我個人覺得就絕對唔抵呢度係手機點餐 咁啱今日就有兩個老人家唔識用手機點餐 餐廳嘅侍應有啲不耐煩叫佢哋自己試下 其實落單都可以好方便嘅

亞參去骨海南雞飯- 以「尋覓99分海南雞飯」作招徠，既驕傲又謙虛，但88元一個雞飯，索價屬於進取。- 雞肉爽嫩，肥瘦適中。可適肉味平淡（正常雪藏雞水準），調味卻未能瀰補。- 雞湯及油飯帶來驚喜，濃郁非常。雞絲湯河- 下午茶餐，38元，配特飲，非常經濟。- 湯底與雞飯餐湯一樣，配搭河粉效果亦不錯。- 河粉及配料都洽如其份，不過不失斑蘭咖央多- 好脆， 不過一定要盡快食，如果唔係就會淋鳳尾蝦春卷- 不過不失，夠脆不油馬拉盞怡保芽菜- 地道馬來西亞菜式，據說上了年紀的馬來西亞華人都很喜歡香茅薄荷- 香香的，不會太甜，好味😋柑桔特飲- 好甜

今天一起吃午飯的同事突然說想食海南雞飯，於是決定試吓這間頗有名氣海南雞飯店。店鋪位於旺角雅蘭商場地庫，門面及店舖面積也不大，但座位都算寬躺。我們叫了海南雞飯、巴東牛肉、和兩個優惠小食。雞件比一般店份量多很多，肉汁嫩滑，飯和湯味道偏濃郁，愛濃味的會十分喜歡和餐牌的賣相有分別，有很多醬汁，有些似咖喱牛腩，偏辣味。加$38可選兩款優惠小食，這個性價比10分高，鳳尾蝦春卷略嫌油膩，馬來斑斕咖央多士，麵包香脆配合咖央果醬加牛油，味道出色。整體食物還可以，愛吃正宗海南雞飯可以一試。

兩位坐低左，睇緊食咩。侍應要求調位，因為隣座有兩個空位，想俾四人客。好啦無乜所謂，換左位用QR code落單，乜都未落見到上手張彈未清變左入埋我數服務同管理好混亂

行過見到旺角新開左亞參雞飯 作為海南雞愛好者勁既我 即刻又黎試吓雞肉份量比得好足雞肉滑溜 基本上無骨 非常之有味唔點汁都可以就咁食油飯略嫌有少少鹹 不過粒粒分明個湯好好飲 好夠味價錢中規中矩 間唔中食一次都唔錯

第一次喺屯門分店食過，簡直係地獄級嘅感覺屯門分店員工服務態度差，敷衍又唔專心自稱99分海南雞飯又根本唔達標，辣醬變餿臭，問員工員工有堅持冇問題，本來已經back list。不過朋友話想試多一次，睇吓喺屯門分店識到嘅海南雞飯既臭酸辣醬，到底真係咁嘅味，定係真係屯門分店食到嘅變壞左。今次係旺角分店再次挑戰，員工屬於比較後生仔，比較積極服務態度很好，帶位後，點了海南雞飯套餐及肉骨茶飯套餐。———————————————海南雞飯-終於證實上一次屯門分店食既辣醬，真係變壞左，因為今次食嘅係完全冇問題，即使係偏向酸，但係正常嘅酸辣香，而非屯門分店嘅餿臭。整體湯飯味道正常。———————————————肉骨茶飯肉骨茶屬於冇乜藥材味嗰種，胡椒味都好足，不過排骨得兩條，如果配飯食嘅話其實就唔係好夠喉，性價比唔算高，味道正常。———————————————最後點多咗個斑蘭咖央，反而有驚喜幾好食雖然份量唔多，不過麵包有黑糖香味，烘到脆而不乾，醬同牛油比例剛剛好，的確值得一讚。———————————————整體用餐體驗OK的，不過不失，當然比起屯門分店，旺角分店就一定水準高好多。我明白到一間餐廳試過中伏，第二

去骨雞肉又嫩又滑 嚴選雞味濃郁嘅三黃雞主打海南雞飯之外 集齊各種特色星馬人氣美食飲品新加坡喇沙米線 檳城蝦麵 亞參豬手 馬來拉茶 選擇多水準亦唔錯個油飯非常香又夠味道! 雞湯清甜易入口雞肉肉汁豐腴份量十足雞香飯軟硬適中盡吸雞湯精華齒頰留香而家已經極速開左11間分店就知佢幾受歡迎喇! 旺角彌敦道639號雅蘭中心地庫B102號舖平均消費$100評分7/10

店舖既入口有少少隱蔽，都要少少時間搵。去到可能係平日下午一點，但都唔使點等位，好快就安排咗二人座位。食物種類圍繞着馬來西亞菜式，譬如有檳城蝦麵，肉骨茶，班蘭咖央多士等等但係我反而想試吓舉聲稱可以做到99分嘅海南雞飯加杯薏米水。上菜速度都幾快，大概5分鐘到就已經上台，雞嘅份量都唔少，再配上一碗冬瓜清雞湯，同埋雞香飯。講吓啲雞先，講真真係幾香，同埋雞皮好有油香感，雞肉都好滑，同埋好有肉味。飯好夠熱，同埋油香，食落唔會覺得太油膩。一路食一路飲住個雞湯，滿口都係雞油香味。最後杯薏米水都好足料，味道正正常常。埋單98，合理價錢，味道唔錯，鍾意食海南雞嘅可以一試。

今晚要在旺角上堂，會坐足三小時，不如食少少嘢先。見雅蘭有星馬菜，一於試試。亞參在雅蘭中心地庫，要由山東街入，如果由商場直入，只會去到D字頭的運動用品店。👇🏻入口有大招牌指示，不會走錯。餐牌選擇不多，有飯丶麵丶小食丶多士及飲品。既然店名有雞飯，一於叫個亞參無骨海南雞飯（$88），加個小食（$28）及一杯凍薏米水（套餐價$10）。海南雞很快便上枱，望落唔錯。先試啖湯，有雞湯的鮮甜味，還有鮮菇片，增加咬口，好味。👍🏻👍🏻👍🏻雞很嫩滑，由於已去骨，咬落啖啖肉，正。它跟足星加坡做法，有三種醬油可點，我喜歡薑蔥或黑醬油，更能提升雞味。👍🏻👍🏻👍🏻 不過鷄皮較多脂肪，比較肥。而雞油飯很香口，不過有點兒膩。整體來講，這個餐很滋味！😋😋😋鳳尾蝦春卷（$28）有4條，用米紙包著蝦來炸。炸過的米紙及蝦尾都鬆脆，蝦肉炸得啱啱好，仍然彈牙。由於蝦本身不是很大隻，美中不足處是無乜蝦味。薏米水（$10）清清地，炎炎夏日，飲落舒服。

餐廳位於地牢位置，亦只得一個細細既樓梯入口，其實唔太起眼。就係因為呢種隱蔽感，令我由樓梯行落去既時候，有一種好奇同神秘感。唔知會唔會食到好東西呢🤤🍴亞參去骨海南雞飯 配雞香飯及清雞湯餐廳聲稱係用三黃雞以獨門秘法烹調，而雞香飯就先拌入炒香既班蘭葉、香茅，再用雞湯煨煮，講到咁勁，就試一試佢。果然，海南雞肉質好嫩滑，亦都好重雞味，唔點汁食都已經好好味，但配搭醬汁食，味道會濃啲酸酸辣辣咁，更加惹味。雞香飯粒粒分明，唔會太軟或太硬，口感唔錯。另外，由於係用雞湯煨煮，所以每啖都有雞香味，不錯。🍴雞絲湯河呢個係下午茶餐，湯河加杯特飲都係$38，而份量係完全足夠一個女仔既食量，所以係超級抵食。黃色既湯底加上綠色既通菜，呢個顏色既衝擊，再加上濃郁既雞湯香味，已經令人食指大動。湯底非常濃郁，好似飲緊淡味小小既雞湯咁，非常唔錯。而河粉亦都好滑，唔會痴埋一舊舊。而雞絲都好大舊，感覺都有誠意，唔係求其hea你，所以整體都非常唔錯，值得推介。

旺角食肆不嬲都唔擔心無選擇，只係睇你會傾向想食咩菜式，小編剛才於旺角中心地區收工，決定與老公於雅蘭中心就近地方搵飯食。亞參既門口稍為隱蔽，需要先離開雅蘭中心，再行去旁邊山東街(即瓊華中心對面)，於渣打分行對面就會見到。亞參雞飯以海南雞飯為拿手菜式，不過我同老公都唔太喜好之下，還是搵搵較為適合我地既喇沙或咖哩類吧。見到佢地可以以$38換購兩款小食，再加$10換飲品，反正小食應該份量有限之下都同老公叫多少少試下。1) 喇沙米線 ($80)：好味! 配料大約有3隻蝦﹑幾件魚片及幾件豆卜，都合乎一般食喇沙既配料份量。喇沙傾向唔係辣而香味比較濃既款式，而米線亦無煮得過而保持麵條彈性，雖然唔係令人特別有深刻印象，但都算係有質素既菜式。2) 馬來咖哩豬扒撈麵 ($75)：還可以。要讚既係佢既麵條撈埋咖哩非常夾。咖哩汁唔係偏辣個種，但因為汁既量非常多可以令每條麵條都沾有足夠既咖哩汁食，同時你可以因應需要再將亞參既辣汁加入咖哩汁內，令辣度加強。小編老公今次加哂後就覺得稍為過辣，建議慢慢加而徹底與咖哩汁撈均。要批評既就係豬扒煮過龍，令肉質無哂而變成老成，一咬豬扒即刻碎開。(希望只係煮過龍而唔係落太多既鬆肉

今日lunch同海南雞飯超級fans同事嚟試試呢間位於雅蘭中心地庫新開嘅海南雞飯~ 海南雞色澤光鮮，金黃而肥美，分量都唔野少，鋪滿有手掌咁大嘅碟！雞肉細嫩滑溜，點黑醬油、辣醬同薑蓉真係唔錯！雞油飯沾滿雞油香，有微微蒜味，飯粒粒分明而且好有口感，唔覺唔覺就食哂成碗！跟飯嘅雞湯清徹，唔會好多雞油，飲落都唔會太鹹。 最後$10加配馬來拉茶，茶底好香但preset嘅糖對我嚟講太甜，如果可以走糖/微糖就perfect！ 埋單每人$98唔算平，但海南雞相對份量多同肉嫩，都係一個唔錯嘅選擇！

黎到呢間餐廳，當然要叫皇牌，亞參去骨海南雞飯，個餐有雞香飯同雞湯，肉質嫩滑，再點埋個三色醬黎食，真係值99分。馬垃盞通菜炒得好香口。另外再叫埋我嘅賣飛佛，巴東牛肉飯，個辣度無印度咖哩咁辣，唔食得辣嘅人都可以接受到。