薈亞廚房 (Closed)

炎炎夏日，沒咩胃口，就食個炭燒豬頸肉青木瓜沙律（$72）。 豬頸肉有好多塊🤤，真係有炭燒的味道，唔係出面普通煎的味道，會有燒烤，香脆的味道。青木瓜沙律有少量番茄同豆角係隔離，混合醬汁一齊食，青木瓜絲的爽口清脆，加上少少辣味，真係好開胃。#薈亞廚房 

新都城算係將軍澳多野食，多選擇既商場同埋泊車優惠算抵👍👍消費$100一小時，$200二小時，$400三小時 所以我都成日黎開餐架😄今次食未食過既薈亞廚房 主打東南亞菜二人餐幾扺食因為想食海南雞，所以我地選擇左一$288既 set 拼盤三食 不過不失 比較好既係蝦餅係即炸冬陰功偏辣 雖然有四隻蝦但晤係新鮮貨 有啲畮炒介蘭份量幾大 無炒得好老 夠火喉👍海南雞飯份量大概係例牌 肉質嫩滑 食得過見做推廣 牛油烤魚$78 呢個有驚喜 魚超級滑 亦好香牛油味另外有包兩杯龍眼冰 晤好飲 超甜加有陣怪味希望餐廳可以有更多選擇 例如檸茶檸水我都好滿足埋單$400 晤算好平 但係都可以一試

這間泰國菜是我食過之中，性價比較高的一間。雖然餐廳之中亦有印度菜、馬來西亞菜、新加坡菜。但是也是做的很好味的。以星馬咖哩來說，雖然味道偏甜，不太正宗。但正正適合我食。個軟殼蟹係即時炸的，口感非常好，有肉汁。冬陰公味道非常正，海鮮量適中。整體來說，性價比一般，但質素確係高。

元朗牛屎妹好少可去東邊覓食 今次去係為左搵男朋友 真心唔知將軍澳有咩好食 就諗住揀食泰國野食 睇openrice呢間薈東亞廚房評價一般 但見在佢環境都幾好 又唔洗點排隊就揀左食佢其實都有好多東南亞野食選擇 我地揀左海南雞飯同小食蝦餅 店員都好好 問我地海南雞飯要唔要配餐多8蚊就有野飲 之後我地就跟餐叫左杯龍眼冰上菜啦上菜啦～ 我地係估唔到個蝦餅份量有咁多 心諗:死啦！準備又爆瘡啦 但係好好食夠脆 海南雞飯好食 餐湯係椰子雞湯 龍眼冰就有啲甜 等溶左一陣冰再飲都ok 總括黎講 整體都唔差坐得幾舒服 服務都ok 起碼左水都會幫你加下

今日去咗將軍澳搵食，竟然比我食到個幾有水準嘅海南雞飯，啲雞好滑好嫰口，個雞油飯好香又唔膩口仲兼配送碗椰子雞湯添👍🐔講真，係香港地想食到好食嘅海南雞飯真係唔太易搵架🙄一隻手已經數得曬！呢個無骨海南雞都算幾唔錯，連碟醬都非常👍🏻好惹味👍🏻

屋企附近原來開了間泰國菜，便和朋友來試一下。🙂-海南雞飯好吃，雞肉夠滑份量也不少，雞油飯夠味-馬拉盞炒雜菜有點不夠熱，沒有很香的味道😕-冬陰公海鮮金邊粉冬陰公湯底不像一般冬陰公湯，較味精的感覺。海鮮也不新鮮，很明顯是冷藏的。-串燒(牛雞豬各2串)這個很新鮮熱辣，是即燒的感覺，肉也很夠味，推薦！😋-龍眼冰很清甜，龍眼沒有核很好吃-發現是紅螞蟻集團旗下的，所以沒有很大期望😂泰菜還是小店的好吃呢

下午時份在家吃了個自製下午茶, 因此晚上跟朋友來到這兒晚餐時就點了個份量小小的香芒素菜米紙卷.有驚喜! 中間夾著的芒果差不多佔了一半的米紙卷材料, 大大舊很鮮甜, 不會碎濕濕的.包入了些米粉, 紅蘿白, 青瓜, 花生等, 口感頗rich.最後點了杯龍眼冰, 不過不失啦

去完泰國食左好多好野 返到香港都仲好想食今次揀左去新都城 食呢間薈亞廚房冬蔭功肉碎炒飯。好正另外就嗌左條魚 密梨伴原條炸魚酥 d 伴菜味道好味 係d魚肉乾得滯 整體黎講都係正既匯豐個用卡仲有85折添

上個星期日去左呢間喺將軍澳嘅泰國菜🇹🇭薈亞廚房，夜晚好多人等位呀，門口企滿哂人呀👨‍👩‍👧‍👧👨‍👩‍👦‍👦今次我就叫左冬蔭功肉碎炒飯🍛同埋鹹魚炒椰菜苗🥬冬蔭功肉碎炒飯有少少辣🌶，佢仲落左九層塔同檸檬葉去炒，係好豐富嘅味道😋，都夠哂鑊氣👍🏻鹹魚炒椰菜苗🥬用嘅係鹹魚醬🐟，所以成碟菜thoroughly都有鹹魚味，平時食得鹹嘅朋友應該會啱食🤤

之前都有係呢度打過邊爐，88蚊有牛骨湯/冬陰功/菠蘿湯邊爐+六片牛肉+菜盤都好抵食，加牛肉都只係30蚊！今晚同屋企人來食飯，三個人叫咗個二人餐，有冬陰功蝦湯(4隻蝦！)、泰式炒通菜、小食拼盤、沙爹牛肉粉絲煲、兩碗飯同兩杯龍眼冰，食到三個人都好飽。個冬陰功有明火熱住，雖然食到最尾都已經凍咗，但其實都ok。酸味辣味都剛好。通菜、小食都好味。小食裡面個龍蝦丸超彈牙！牛肉粉絲煲本來我地expect每人兩三片牛肉都應該食曬，點知牛肉多到差d食唔曬！粉絲入味又唔會太黏，熱辣辣好味道。埋單匯豐信用卡85折，折後302。

呢間餐廳位置比較不顯眼, 因此一直唔係好多人，但係佢坐得幾舒服, 食物性價比都唔錯, 因此想推介一下。就算係假日, 佢都有午市套餐, 選擇仲幾外下，我自己特別鐘意食泰菜, 因此點的都是泰菜。(1) 菠蘿海鮮肉鬆炒飯: 好好味, 配料豐富, 有蝦有尤魚有大量菠蘿肉鬆~~~ 不過其實呢個炒飯真係好難會難食(2) 泰式金邊粉之前食過覺得好好味, 今日又想點, 點知佢無包在lunch set, 聽侍應講因為lunch set menu成日會轉。我發覺佢主餐牌既價錢都唔係好貴, 所以我最終在主餐牌點。有趣既係原來佢lunch set 及主餐牌點既賣相係唔一樣既, 主餐牌點既話, 上菜會有漂亮的蛋絲及裝飾葉片~ 呢個金邊粉真係超開胃, 就算好飽都能食哂~~午市套餐都包一杯飲品, 我點了龍眼冰, 很甜很好飲~ 雖然我覺得佢稱唔上超級好食, 但呢個價錢加上個環境, 我覺得都算唔錯~

帶住小朋友搵食真係比一般人艱難，食咩又要就佢、坐既地方都要就佢～～薈亞就好在有一大堆BB櫈，坐得舒服～而且種類多，就算同朋友一齊去都總會揀到野食～～中午仲有午餐，都叫抵食～～今次叫左海南雞飯午餐，再另加酸辣鳳爪～～酸辣鳳爪：午餐加$20配既小食～酸味重，好適合做開胃小食呀～～一個人食就可以，如果share就會覺得份量太小了～～～午餐海南雞飯～～雞既份量都算多，底下有醃蘿蔔～～油飯好香，阿仔都好鍾意食～～只係個椰子雞湯偏咸，飲左2啖就唔想飲了餐飲：凍檸茶～～冇咩特別，不過不失啦

平時好少去寶林食野 今次行完山經過新都城就試下啦-▫️秘製去骨海南雞飯🐔 $78有驚喜👍🏻 油飯幾香 海南雞肉嫩滑仲包左碗椰子雞湯 比平時食海南雞飯既例湯好飲好多☺️下次再黎都會encore依款-▫️泰式酸辣鳳爪🌶 $58鳳爪入味夠酸辣 達到正常酸辣鳳爪既水準-▫️芒果糯米飯🍚 $42芒果都幾甜 可惜糯米飯就好麻麻地有進步既空間呀————————薈亞廚房將軍澳貿業路8號新都城中心2期1樓1086-90A號舖

家住觀塘，有時都會去將軍澳覓食。找到了以泰式越式食物為主打的Asian Cooking。沙嗲串燒（$72, 半打）點了雞肉及豬肉。外層燒得焦香，雞肉嫩滑，醃得入味。有濃濃香茅，咖哩等香料的味道。想不到連豬肉亦爽口軟腍，肉質不會韌。薈亞黃金豆腐粒（半價$32)逢星期一至五都有半價菜式供應。是日特價的是黃金炸豆腐。雖然是半價，但質素並沒有將貨就價，而且份量亦夠多。炸漿做得不俗，炸漿緊緊包裹著豆腐，沒有散開，粒粒金黃香脆。脆漿內更拌有芝麻，增加香氣及口感。內裡的豆腐滑捋捋。泰式炒金邊粉（$68)金黃色的蛋網包裹著金邊粉，賣相美美的。金邊粉炒得乾身彈牙，有濃郁的茄汁味。配料方面，有很多蝦仁，爽口美味。越式扎肉米紙卷（$58)米紙好煙韌。米紙卷內包裹著很多蔬菜，清新爽脆，扎肉則彈牙。

今天下午去了將軍澳工作，做完嘢已經接近3點了。。。工作地方附近就係新都城，本人第一次去新都城，所以就响呢個商場周圍揾嘢食，俾我見到一間餐廳都幾”企理”, 加上又係紅螞蟻集團，又多咗幾分信心，所以就吸引咗我入去！門口有個牌，係介紹有下午茶嘅套餐🍴都幾多選擇😊價錢也合理😌芹菜墨魚餅湯河 $46味道偏咸😕其實都幾咸。。。加上河粉好碎。。。好難去食龍眼冰 （跟餐）飲品方面，龍眼冰是不用加錢👍🏻龍眼冰不太甜，有龍眼嘅香味，加上冰內有龍眼肉