薈亞廚房 (Closed)

得閒去Po Lam食下飯，有間裝修不錯的東南亞菜餐廳。午市set 包羅萬有，緊有一款啱你。突然好想食咖哩，見到Menu有咖喱就試一下亞來咖喱豬扒配白飯($62)。濃郁印度香料咖哩味道，咖哩輕辣得夠刺激，咖喱除雞扒外, 仲有入味薯仔，秋葵粒及茄子，口感十足！一大碗咖哩加白飯，一滴不漏。再加$3杯足料冰凍龍眼冰，係差不多有半杯龍眼~幸福啊！套餐加$20牛豬串燒配以惹味沙嗲汁，好滿足！鴨腿冬瓜湯銀針粉伴小食拼盤 ($58)，在外面很少吃到銀針粉，冬瓜湯也清甜。小食拼盤有話梅番茄、雞腳、肉桂炸蕃薯。熱柚子茶(半價$12.5)讓人念念不忘的芒果糯米飯 ($46)，芒果夠甜，糯米飯夠黏性煙韌，不錯！

💰$288先叫左個🦑燒原條魷魚沙律 另加💰$20~咬落又幾鮮甜爽口泰式蝦醬炒通菜~超邪惡蝦醬🥬味道濃郁 滲透哂入通菜入面~精選3小拼有沙嗲雞串、🍤泰式蝦餅同網皮炸春卷，全部即叫即整🔥脆炸新鮮最後有個秘製去骨海南雞配雞油飯🐔(2碗) 去骨海南雞啖啖肉…肉再多小小就再開心D，🍚海南雞配雞油黃飯真係冇得輸。再包兩杯龍眼冰🍹龍眼勁多成個2人餐超多野食，差小小食唔哂…款式都好多* 平時行過會見到好多人排隊等位👍🏻果然性價比高.#寶琳 # 泰國菜 #海南雞飯...……………………👱🏻‍♀肥妹小編..……………………

原來紅螞蟻集團旗下有一間抵食到爆登嘅東南亞菜，昨日做嘢做耐左，三點幾先同朋友去食飯，但仍然見到薈亞廚房好多人食，一睇個Menu發現價錢真係好抵食，於是就同朋友入去品嚐一下。佢哋無論午餐或是下午茶餐都好平好抵食，幾十蚊就食到，包埋嘢飲。我哋叫咗個二人下午茶餐， 加一個廚師推介餐，三個人食都好夠飽啊！二人下午茶餐好豐富，首先小食係揀咗泰式春卷併沙嗲雞肉串，泰式春卷味道唔錯，上枱仲熱辣辣好香脆，沙嗲雞肉串燒得好香，沙嗲醬又夠多，啖啖肉。主菜叫咗番茄肉碎蟹肉湯金邊粉，一上枱大大碗，絕對夠兩個人share，蕃茄湯香濃, 肉碎都多，清清地幾好味。個餐包兩杯龍眼冰，味道甜甜地，裏面有好多龍眼肉架！最後個甜品先正，我完全冇諗過涼粉雪糕杯可以咁大杯，涼粉份量多，椰子雪糕又大大球，中間仲有雜果添！廚師推介餐就叫咗雞絲素翅羹撈飯，加河內烤雞肉，雞絲素翅羹就好似碗仔翅，大大碗裏面再加成碗，撈埋一齊食都幾好食。河內烤雞好滑，有3塊雞扒咁大嘅肉，而且炭燒味十足，我覺得好好食呀！叫咗杯凍奶茶，味道都唔錯，跟餐叫仲有半價添！

晚上約了朋友在將軍澳新都城食飯， 貪這間店舖人少少坐得舒暢~ 怎知道就遇著不愉快事件！我們一行三人叫咗一個二人套餐， 椰子雞湯(好咸)、 迷你小食拼盤、 高麗菜炒鹹肉、 黑椒蝦粉絲煲。 兩杯龍眼冰、 一杯話梅檸檬特飲。食物食咗一半先上兩杯龍眼冰， 同一個姐姐講咗另一杯飲品未到。差唔多食完嘅時候， 再追一位男侍應， 話仲有一杯飲品味道！ 可惜佢嘅態度令我哋大嚇一驚！ 輕佻、 漫不經心， 在餐廳內來回踱步， 都唔去追單！！該位男侍應真係累死餐廳！ 原本食物都幾好味， 而家大打折扣！！！

東南亞菜式香辣得來又酸甜，好岩居於炎熱潮濕環境下的香港人胃口。今日去左位於新都城二期的薈亞廚房食東南亞菜，環境夠大又寛敞，價錢親民，食物質素又不錯，是同區約人食飯gathering之選！.咖喱牛腩（$92)份量足，咖喱味偏港風，味道香濃，加入少許辣椒，不會太辣但又很開胃，撈飯一流。牛腩炆得入味軟腍，最中意煲裡有埋牛筋同秋葵一齊食， 為咖哩增加多一咬勁同種爽脆口感！.泰式臘腸炒芥蘭（$82)平時食開香港臘腸，第一次食泰式臘腸，甜甜地 ，又幾好味，有啲似食緊硬身版的台灣腸仔。 與芥蘭同炒，芥蘭自然沾上臘腸的油份及香甜味，而芥蘭清新爽脆，亦能去除吃臘腸時的油膩感，相得益彰。

都好耐無黎過新都城，咁岩呢一日系將軍澳行到咁上下，就黎到薈亞廚房食左個tea set，又幾抵食幾飽肚，經濟實惠既一種選擇。🔷下午茶2人套餐 💰118🔹燒魷魚青木瓜沙津意想不到地原來個魷魚系咁大條咁原個上，口感系爽口而且已經一早切好哂，賣相都仲保持到咁高質。青木瓜方面，都系果種酸酸辣辣的醬汁配爽口青木瓜仲有D蕃茄、羅白絲咁，作為前菜真系一流地開左個胃。🔹傳統喇沙湯米粉湯底香香辣辣，果種香辣卡比捻反都真系留哂口水。米粉無粹哂反而仲有少許既質感。配料都幾豐富，有豆卜、蝦及其他小海鮮等。🔹炸麻蓉湯圓伴朱古力牆特意要求左少醬，食落會岩岩好吾洗太甜。系幾特別既一款甜品，湯圓入邊既麻蓉頗為流心且夠「麻」，炸過後又保留到湯圓皮原有既煙韌口感。🔹龍眼冰x2龍眼冰清涼爽甜，都幾潤喉，底下亦有為數不少既龍眼果肉，食落系甜甜爽爽。🔷秘製越式牛油雞翼 💰75見到呢款雞翼系店長推介既菜式之一，咁卡比就相信下「店長」去try try kui，又真系幾出色。雞翼外皮炸得有好香濃既牛油味，而且系脆皮香酥，食得出吾系好厚粉咁炸，同時地又保留到裡邊雞肉的鮮嫩多汁。

平時經過呢間餐廳立眼睇以為係西餐廳，今日行行吓睇定定睇餐牌先知係星馬餐廳，即係有海南雞啦。餐廳設計簡單，座位唔逼幾舒適，粉麵飯都有，選擇算多。我哋每人叫咗份午餐再追加三個小食，味道幾好，小食就個人份量，午餐份量價錢都合理，另外仲有學生優惠添。$20追加午巿滋味小食：香茅雞中翼(2隻)，平均要$10一隻，價錢就唔係抵， 只係想試下係味，香茅味幾香。串燒(雞肉，牛肉)，個沙嗲汁好香，肉質唔會醃到無晒肉味，有咬口。越式蒸粉包(2件)蒸粉包唔錯，清清哋，口感豐富。秘製泰式去骨海南雞飯，海南雞係我哋必食嘅，雞嘅份量幾多，又嫩又滑，油飯粒粒分明，又香又夠味，湯嘅味精有啲重但都好香椰子味。越式豬軟骨湯河，越式我唔太覺，豬軟骨有5件，炆得幾淋幾入味又唔會過鹹，河粉係幼身河粉。粉絲肉碎魚肚湯銀針粉伴小食拼盤(話梅番茄，鮑汁鳳爪，肉桂炸甜薯)，餐牌寫廚師推介其中一款都要試吓，湯裏面有粉絲又有銀針粉，一次可以食到兩款，湯無咩味精味，話梅粉灑喺清甜去皮蕃茄上好好味，鳳爪睇落乾，食落入味夠淋但唔會一咬即散，新鮮炸起嘅蕃薯就食唔到肉桂味，呢個餐好味。泰越春卷酸菜撈檬粉配泰式豬頸肉(泰式春卷+網皮春卷)，豬頸肉稍乾

新都城商場有好多舖頭，好好行，今日就約咗朋友行街。到食飯時間就諗下食乜嘢，呢度好多餐廳選擇，最後揀咗薈亞廚房。呢度環境寬敞裝修有特色，午市無加一，二人套餐148元，幾抵食，有小食，蔬菜，主菜同2杯龍眼冰。我哋揀咗喇沙濃湯時蔬，蝦餅拼粉卷，同埋海南雞油飯。龍眼冰清甜，不會過甜，幾潤喉。炸蝦餅脆卜卜，時蔬就好香，有啲椰香味同少少辣。海南雞好好食，皮脆肉滑，配油飯好match。我哋仲加錢點了兩款小吃，每款都係20蚊。我哋叫咗一串雞，一串牛串燒同椰子雞湯。鍾意椰子雞湯有椰子味，清清地，飲得舒服。串燒好香濃沙嗲味，呢餐食得非常飽。

今日黎到將軍澳薈亞廚房食Lunch，餐廳真有品味播住謝霆鋒嘅歌，一邊食一邊聽特別開胃， 午市叫左二人餐， 再加小食，我地將所有嘢食清曬，好飽飽。二人餐有串燒、酸辣鳳爪、四季豆、粉絲肥牛煲、白飯/油飯同龍眼冰，認真豐富。頭盤沙嗲串燒配泰式酸辣鳳爪，串燒揀左雞肉，雞肉嫩，沙爹醬好味。泰式酸辣鳳爪，酸辣度啱啱好，好醒胃。而個香葉辣椒膏炒四季豆，少少辣有d似馬拉盞，惹味得來， 口感層次比一般炒菜更豐富，用嚟送飯一流。馬來沙爹粉絲肥牛煲，有勁多索哂汁既粉，個煲仲有青椒，黃椒，紅椒同菠蘿，加埋肥牛一齊食絕不單調。我地仲加左個小食，芋絲網皮春卷，外脆包住入面既芋泥，芋香十足。

琴晚係寶琳想食泰國嘢，見就腳就嚟左呢度。餐牌選擇都多，基本上大路嘅泰國嘢都會有。見有set就嗌左《秘制去骨海南雞飯》配龍眼冰（$90）雞都算滑，但切得比較大件，食得有啲辛苦，切返細少少會易入口啲。油飯夠油夠香，抵讚嘅係碗湯，係椰子雞湯，好濃好夠味，朋友覺得有少少鹹，但我就覺得泰國嘢係濃味啲先正👍🏻 第二樣嗌左《泰式金邊粉》（$82），首先佢個樣真係好靚而且好足料！！味道方面，香港唔同地方食嘅phadthai 分別都好大，呢間就茄汁味濃啲。用左新鮮蝦取代蝦仁，食落有口感啲，Phadthai酸酸甜甜真係好開胃🤤

寶琳這個地方可算是香港的另一個盡頭？這裏也是商場林立，單單是這個新都城中心就有一期二期和三期，午飯時間，單是想選吃的已經拗爆頭。由於午餐時間有限，路過這家看似裝潢很可以的餐廳，半場滿座仍不用花時間等座位，就跟著夥伴進去了。原來內裡還有很多空間，座位寬敞尚算舒適。我們被安排在離廚房很近的座位，聞到飯菜香，引發了一場選擇困難症。午餐選擇是太多了，所謂“薈亞”，在餐單上表露無遺地把馬拉式、泰式、越式都聚集在一起了，蠻有趣的，差不多想要的都可以有了。小女決定試一下他們家的秘制去骨海南雞，雞肉很滑，皮層的脂肪成膠狀，連平時不愛吃雞皮的小女都為這膠原蛋白瘋狂，油雞飯不會太油而又不失雞味，還有淡淡的香茅更開胃。跟餐的還有個椰子雞湯，材料很足，不過個人覺得略為偏鹹了。最後我們還忍不住叫了個沙爹串燒（半打）開心share～有雞肉、豬肉、牛肉各兩串。燒得很香，每串都很夠份量，沙爹醬不會太鹹喔，搭配很得宜，而且這份燒烤僅僅78大元——超級划算的，按朋友調侃：路邊攤沒有的質素，這裏有，價格卻比路邊攤划算。整體質素很高，會再來享用其他菜色，一家餐廳就可以嚐遍幾種菜式，值得推薦！

中午同屋企人在新都城商場行完街，來了這間薈亞廚房食飯，小菜款式種類頗多，另外有個二人套餐，價錢又很經濟。因為媽媽食量比較少，於是我們三人就揀選了二人套餐。在二人套餐裏面可以再揀選喜歡的食物，我們就點了酸辣鳳爪配串燒，鳳爪是去骨的，挺酸辣開胃。串燒是雞肉，沙嗲醬汁很惹味。薑汁炒芥蘭，翠綠爽脆，有薑汁味。去骨海南雞飯，份量都頗多，雞肉嫩滑，皮很薄，配雞油飯一齊食，口感甘香。二人餐包兩杯飲品，龍眼冰清甜潤喉，裏邊還有很多龍眼肉。另外加$20可以配小食，有幾款不同小食，我額外點了一個椰子燉雞湯，雞湯香濃順滑，一股椰香，沒有添加味精，飲完亦不會覺得口渴。

朋友搬入將軍澳住，探訪順道午餐去將軍澳貿業路8號，新都城中心2期1樓1086-90A號舖薈亞廚房是東南亞菜，我們點左二人餐$148，海南雞飯有二碗油飯，很香真不錯👍泰式酸辣鳳爪拼沙嗲串燒雞肉二串，沙嗲味濃很香，超正。喇沙濃湯浸時葉、蔬菜🥬很新鮮味甜，龍眼冰略甜左。午市跟套餐可加$20椰子🥥雞湯，很清甜美味。$20香茅雞翼二隻，香茅味很香濃，很好味。餐飲龍眼冰和咖啡☕️法式燉蛋芝士餅$35，蛋糕🍰表面焦糖很脆，內軟芝士香滑，不太甜。為這餐劃上完美句點。

今日同朋友喺將軍澳行街，晏晝唔知食咩好又見到呢一間餐廳幾多選擇價錢仲要係合理唔算貴所以就決定試一試。睇吓個餐牌其實佢嘅選擇真係好多我同我朋友兩個人呢就決定食一個二人午套餐我哋分別叫咗薑汁芥蘭，沙嗲串燒配鳳爪，同埋海南雞。呢度嘅上菜速度非常之快沙嗲串燒配泰式酸辣鳳爪:沙嗲嘅味道非常之濃郁，而且雞肉非常之嫩滑鳳爪嘅調味都啱啱好，下面仲配有青木瓜沙律係我嘅最愛海南雞嘅份量亦都唔少，雞肉都非常之嫩，係食得過嘅仲可以配上白飯或者油飯呢個薑汁炒芥蘭份量亦都唔少不過不失最後我哋加左一味小食都係$20姐就係越式粉包:餡料非常之豐富有紅蘿蔔木耳等等，調味適中，如果係熱返少少嘅會更加之好食餐廳嘅裝修亦都非常之舒服，而且店員嘅服務態度亦都唔錯

· 泰Food繼續😜🤟 ·今次山長水遠特登去將軍澳新都城商場覓食😆呢間餐廳裝修唔錯幾大幾靚!仲有花牆位打卡!一家大細，情侶拍拖，打卡，落街食飯都非常適合而且食物嘅賣相都唔錯👍價錢味道亦合理又高質好食👍涼涼地嘅天氣食酸辣明爐魚幾啱，開胃又幾暖身🥰·🔸️ 泰 式 酸 辣 明 爐 魚 🔸️ ·上枱明爐魚已煮熟，湯另上再落爐魚上煮滾就飲得同食得~魚質好新鮮魚好嫩滑👍湯底酸甜微辣，湯配料有肉碎，香菜，菇幾足料爐魚上亦有粉絲，香菜，辣椒，非常好吃惹味🧡·· 🔸️亞 萊 咖 哩 牛 腩 🔸️·呢度嘅咖哩整得幾好食，推薦👍牛腩肉質食落幾滑，配白飯或蔥油餅一流呀💕·🔸️芒 果 糯 米 飯 🔸️食泰菜點少得飯後甜品芒果糯米飯🥰呢個甜品我好滿意❤甜品嘅份量唔會好多，細細碟真係岩岩好👍