薈亞廚房

Open Now

Now Closed

逛完城市廣場, 就順道在商場找間食店晚膳, 發現這家環境不錯的星馬泰菜餐廳, 就決定一試。原個波蘿海鮮炒飯, 波蘿很鮮甜,海鮮雖然不是什麼貴價海鮮,但份量都算多,和炒飯配搭相得益彰,挺好吃。 馬拉盞炒通菜是很傳統的菜色,上菜的時候香味四溢,醬汁都濃淡得宜,可惜熱度不夠, 令菜色失色了一點點。 下圖芒果素菜米紙卷作為前菜是很不錯的開始, 清爽的素菜,咬下去很爽,很清新的感覺,配以醬汁一起吃,口感更好。 這個海鮮冬蔭公湯粉也是不錯的,海鮮入味,湯底不會被粉沖淡,依然濃郁。 整體來說質素是可以的,不過未算十分出色。

農曆新年，大年年初二，今日做完野之後，去左上次食過覺得唔錯既呢一間餐廳食野，我去到剛好是下午茶，叫了一個泰式炒金邊粉來食，因為上一次食過，幾好食所以再叫一次。食物來到時候，我望一望食物，以為是來錯食物，但呢一個泰式炒金邊粉，同我上次食既時候很大差別呀…完完全全係離晒譜。那一碟炒金邊入面既材料竟然只有豆卜， 韭菜,幾隻蝦，什麼肉都無，以前食既時候係有肉呀…材料多很多，而家完全【不行】呀！我食了一口，那碟都唔係炒既，只係求求其其用茄醬撈既一樣，我之後只飲了檸檬茶就算了，那碟完完全全比返佢地，結帳時我還講比那個收銀員聽。呢間食店既侍應生只掛著同同事傾計，那個收銀員仲在收費時還在玩氣球。價錢50幾元，還要加一，錢不成問題，但給客人既服務完全比唔到，食物太差了。我保證呢間食店，永遠都唔會再去，已比我列入黑名單

本身見裝修幾好入去試一坐低就伏左雜錦炒飯除左用豆炒之外就有2隻未削晒殼既蝦咁其實削一半係餐廳既特色？仲有炒飯內唯一一舊肉一舊唔熟既雞肉咬都咬唔開 仲見到粉紅色未熟既表面龍眼冰 不值一提成杯野濁到 同杯檸茶一樣色入面有幾粒又霉又黑既龍眼成杯野飲都飲唔落

今次嚟到薈亞搵食！天氣熱辣辣總會想食壽司之類嘅日本菜～但食咗幾個禮拜～今個禮拜就食重口味嘅東南亞菜啦～薈亞有二人餐同四人餐同散叫menu～我哋三個人就叫咗二人餐+串燒。椰子煲雞湯椰子味不會太濃～但清清哋幾好飲～勉強分到3碗～薈亞三小拼（芋絲網皮春卷、泰式酸辣鳳爪、越式牛油雞翼）春卷偏油～但芋絲香脆～只得2條唔夠喉呢！雞翼看似有4隻～但其實開咗邊所以只有2隻～好香口～不會太油亦不會太乾！鳳爪有點辣～不過真係好醒胃～冇骨嘅關係方便進食！串燒 （$78/半打）可以喺豬、牛、雞、羊度揀～我哋㨂咗豬、牛、雞各2串～雞肉嫩滑～但欠缺雞味～牛肉有少許過火～已經變韌～豬最好味～火喉剛剛好～醃料都入味！重點係個沙爹醬勁好味！濃得來唔會太鹹～而且好香同個串燒好啱味！馬拉盞炒高麗菜相信大家睇圖都睇唔出佢係馬拉盞…而實際上我都唔覺得佢係馬拉盞！加上佢超級油～我平時成日掃成碟菜都唔想伸手去夾！亞來咖哩三文魚頭好醜嘅一碟餸～一開始我哋仲懷疑係咪真係三文魚…不過佢都算有內在美～三文魚冇炸過火～而且咖哩汁濃郁～淋在白飯上食真係頂呱呱！龍眼冰好難飲！真係好難飲！平時去泰國餐廳都會叫龍眼冰但呢個程度嘅真係未飲過！龍眼好似

星期五既晚上四周都好多人, 好彩等左一陣就有位了🙋 東南亞菜必點既當然係冬陰功湯, 偏辣而且配料唔足夠, 一般冬陰功湯都會有草菇、芫茜, 但呢度卻只有蝦同蕃茄, 蝦亦唔太新鮮! 小食則點左生菜包, 有豆角、豬肉碎、香茅. 豆角非常爽口, 味道小辣唔咸, 生菜數量適中, 啱啱好包哂所有配料😉最後有越式生牛河, 牛肉好薄份量足夠, 湯底好重牛味偏咸😁😁餐廳外面一直都有人龍在排隊, 但都冇限時90分鐘用餐時間 非常好!!!

有—段時間没有來薈亜，今天重臨，食物水凖與服務，—如以往屬中上级別。喜歡中午前來到，可選擇倚窗的卡座，與好友輕鬆地—邊吃—邊聊天，十分寫意。今天我地選了兩個湯河午餐配熱飲，另加—款小食。雞翼開邊，外皮香脆，雞肉爽滑。河粉幼滑。湯底味道順喉，不油腻。豬扒幼切，—口—片很體貼，肉質微彈，有猪味。賣相吸引，粉皮薄滑，餡料味道新鮮帶微辣。檸檬清香，茶濃，不苦澀。飯後不覺口渴，相信没有味精。價錢也化算，值得繼續支持。

去完樓上整眼鏡, 下午茶時間是但搵間餐廳醫肚, 睇勻商場呢間最平.芝士火腿法包三文治配粗薯條$42, 呢個下午茶等得彼耐, 以為漏單追過一次, 不過店員都好禮貌跟, 追完等左一陣就有.一上枱, 真唔明點解等咁耐, 祗係法包夾住蕃茄, 火腿, 芝士同菜, 餡料其實就無咩特別, 係凍既, 不過都尚算新鮮. 反而個法包外邊夠脆, 食落索索聲, 烘過微暖的, 包入面就幾軟熟, 唔錯. 祗於粗薯條都係凍, 唔脆, 類似M記薯條既口感.再配熱咖啡, 啡味幾香濃, 奶味適中, 唔會太甜.

東南亞特色的美食很多，如果你未有準備去旅遊，又忽然很想試東南亞菜式，可以嘗試這間，因為價錢不太貴，味道濃郁，坐的環境又挻舒服。在裝修過後的商場食肆來說，這間可算是實惠了。牛肉/雞肉串燒龍眼冰（吃那麼多味重的食物，飲一杯來消滯解渴挻不錯，不太甜）另外還有吃過的芒果糯米飯、火車頭湯河和海南雞飯都幾開胃

早前行經荃灣城市廣場，發現這間薈亞廚房，心想或許可以一試，但之後卻沒有這件事，後來直到今天突然想起，便走來食個午餐。打開餐牌，都是以東南亞菜式為主，但從菜式名稱，似乎有點西式的感覺吧。但亦從午餐牌中選擇一下吧。初時不知道亞來街頭飯（六十二個大洋）是怎樣的菜式，問過店員，原來是一個小食，加上米飯，故點來一食。當中的食材包括蝦片，春卷，魚餅，串燒，雞肉等。蝦片都算脆的，可是卻有點腍，而雞肉及串燒入口則較硬也較乾，沒半點肉汁在內，而煎蛋則有蛋汁在內，而春卷也較脆，可取的是那魚餅，食味不錯，亦具軟腍。餐飯為凍奶茶，是一杯正常的港式奶茶，夠茶味和茶香。當中食味沒有預期中的味道，因此較為遜色。

放假去千色店行街, 隔離既一期亦都重新裝修, 仲多左好多食肆, 行到咁上下就搵個地方食下午茶. 呢間地方大, 好多梳化位, 而且唔洗等, 下午茶都唔算貴, 一於試下.要個"越式香茅豬扒湯河"$40, 先黎個湯河, 望落好似好清, 先飲下個湯, 唔淡仲幾夠味, 清得黎咸咸地. 河粉唔厚, 爽口夠滑, 份量中規中舉.另上既香茅豬扒, 香茅味唔算好重, 豬扒鬆鬆地唔會太韌, 配埋D蔥味道唔錯.跟餐熱奶茶, 其實可以配龍眼冰, 不過無試. 奶茶都好正常, 茶味足, 夠滑.

到荃灣開會前的午餐，又要一個人解決。兜兜轉轉來到了薈亞，午市餐牌的選擇尚算豐富，價格在荃灣區來說偏高企，希望食物質素不差。落單不夠三分鐘，泰式酸辣鳳爪就出現了，速度之快實在令人驚歎。入口口感爽脆而且冰凍，酸酸甜甜，辣味的後勁比較強勁，刺激味蕾。作為開胃小食是不錯的選擇。想對於鳳爪，火車頭湯河明顯遜色不少，湯頭比較鹹而渴喉，有牛丸，牛根，牛肉及牛柏葉，最誇張的是牛柏葉，淡而無味，口感像橡膠，無論如何咀嚼都咬不開。唯一的配菜白蘿蔔，老而有根，味道苦澀。雖然食物質素一般，但是見到店鋪員工的態度實在令人忍俊不禁，話說店內在播放一些台語歌曲，我坐了差不多40分鐘，不停聽到侍應在附近唱歌，而且不止一個，慶幸的是唱得還不錯...

今日約左個舊朋友去荃灣食飯， 我地揀左係荃灣城市中心一期的薈亞廚房。我地叫左一個炸蝦餅，三串雞肉三串牛肉串燒，仲叫左一個金邊粉。 其實我地都係聚下舊傾下計了解下大家近況。第一道菜式就係炸蝦餅， 炸蝦餅炸得好脆，入面既蝦肉好彈牙， 絕對吾係淨係得麵粉 。 我鍾意配佢個個甜酸醬一齊食。然後到三串雞肉串燒同牛肉串燒啦， 六串串燒都燒到金黃色。雞肉面頭有少少的香草味而且入面既雞肉係好嫩滑。 牛肉唔會太韌， 仲有d肉汁好juicy！ 唔好唔記得配個沙嗲醬唔辣又好味。最後就係個金邊粉， 我鍾意國金邊粉唔會太濕，仲好香番茄味。 材料有豆卜，蝦，雞蛋，花生碎仲有d芽菜。 如果想fresh d就可以加埋旁邊個青檸汁。 酸酸的金邊粉真係令人好開胃。 

今天下午要跟男友去做做運動，我們約了在千色匯等，時間緊逼，見這間薈亞廚房的lunch menu 選擇頗多，便入內試試看！Menu 上雖然有多款食物選擇，但娜娜比較保守而且十分肚餓，便快快趣揀了這個之前曾向大家介紹的牛柳粒炒紅飯！來到時牛柳粒美味依然，要挑剔一下的話就是紅飯的味道略為普通，跟白飯似乎分別不大耶。男友見別人吃泰式炒金邊粉賣相很好，便點了一個試試。來到時香噴噴甚有鑊氣，主要配料有蝦、豆卜、芽菜，味道比我預料中好吃，不會太甜！讚喔！

隨便在附近選了間餐廳，吃個短短的午餐。裝修頗新，開放式的設計，跟偏暗的燈光不太匹配。即使午飯時間，入座率偏低，想必是荃灣的選摜實在太多。午餐的選擇都幾多，有湯麵、咖喱等等。午餐加錢可配小食。愛飯多於麵的我，點了亞來咖喱飯。有肉類選擇，我卻偏愛秋葵。怎料，吃光整碗咖喱，都沒找到秋葵的踪影。有芥蘭、椰菜、西蘭花、菇，蘿蔔，就是沒有秋葵⋯⋯ 感覺被騙。蔬菜爽口，最喜歡吸滿咖喱的西蘭花。咖喱一般，椰汁味偏重，而且沒有惹味的辣，相信是大眾化的味道。飯還可以，不夠飯香，勝在不太腍。鳳爪竟有意想不到的辣度，再濕一點，效果更佳。青瓜和蘿蔔絲沒有醃過，又沒有醬汁，淡而無味。食物還可以，但以這價錢，絕對可以在荃灣找到更好吃的，難怪入座率低。唯獨是環境寛敞且幽靜，而且算整潔。

自從城市中心裝修後，便多了很多食肆可以選擇。每到吃飯時間，三樓總是大排長龍。這次終於有機會和媽媽一試這間餐廳的午餐。我們選了午市二人套餐，相對來說，比較便宜。小食拼盤沙爹雞肉串燒 – 雞肉肉質鬆散，沙爹汁太多，味道太重。扎肉粒 – 味道比較清淡，口感結實，不錯網絲春卷 – 可能早就炸好，送來的時候已經不脆了。海南雞飯來到東南亞的餐廳，當然不得不試招牌菜海南雞。已拆骨的雞肉，肉質細嫩，又香又滑。加了雞油的米飯，雖然熱量高，但是如果吃海南雞配白飯的話，總是覺得缺少了一種特殊的香味。泰式炒通菜爽脆，味道適中，分量超多，甚是喜歡。蒸粉包這個不是包括在套餐中的，可以以優惠價點的小食。光看賣相，晶瑩剔透，誰知道味道真的差極了。來到的時候已經是不熱的了，外皮超厚的，又硬。內裡餡料超少，味道偏淡，被賣相騙了。套餐還有兩杯飲品，我們加錢換了兩杯雪糕紅豆冰。三個字：甜膩了。就連愛吃甜食的我都受不了。總的來說，食物質素一般。要讚的是裝修不錯，乾淨，位置闊落。