薈亞廚房

Open Now

Now Closed

母親節一家四口，一同共聚午餐， 雖然是假日，但係人不算多， 午餐時段不用等位，很快便入座， 當日order了四份午餐1. 海南雞飯跟油飯2. 泰式炒金邊粉3. 肉碎炒飯4. 香茅豬扒春捲撈檬先講海南雞飯, 油飯真香入味唔錯。 但海南雞比較肥，對長者不太健康， 最喜歡肉多的我，就扣了分，而且味道偏向淡, 如配合醬料幾好。泰式金邊粉，西炒飯味道， 同比較濕，個人喜歡乾身D，有蝦同豆幹，這個可加分肉碎炒飯，就是四個餐之中最好食，相對而言， 用了九層塔炒真的很香，好惹味。香茅豬扒撈檬，就真係很乾有點鞋口，還有點凍， 比較上次來食， 退步了今次， 春捲不過不失不算太油。

今日來到荃灣千色匯「薈亞廚房」這間東南亞式食店，位處於商場內，交通方便，環境很舒適和寬敞，有大玻璃窗樓底很高，是交談小聚都不錯的地方。這裏提供東南亞食品，好多套餐選擇，包括沙律，咖哩飯麵，飲品，甚至海南雞飯都有。食物都夠大份和好味，價格合理。今次叫了冬陰功豬頸肉米粉、星洲炒米和素菜，因為有太多美食，可以再試多一次。冬陰功很足料，湯底酸酸辣辣，酸甜開胃，豬頸肉咬落去鮮嫩又鎖着肉汁，搭配辣味的泰式冬陰功湯，帶來了一種辛辣和酸爽的口感，真的有驚喜。星洲炒米更是一道令人驚豔的菜式，香氣四溢，口感煙韌，每一口都帶來滿滿的滿足感。米粉炒得很好，很彈牙，咖喱味道很香，辣度剛剛好。素菜好有鑊氣。

荃灣千色匯的薈亞廚房開業已有好多年，午餐時段仍是顧客甚多，可能價錢也算優惠。亞來街頭飯（$74）這個飯有炒蛋、蔥油雞扒、春卷及一串沙嗲，豬肉沙嗲入味、沙嗲油香濃，雞扒煎得外脆，𥚃面也juicy，又有脆脆的春卷和一碗蔬菜，餐飲配了龍眼水，清甜。檳城家鄉撈麵（$72）可選擇雞扒/香茅豬扒/雞中翼/豬軟骨，我們選了豬軟入味而且夠稔，軟骨部份一咬即碎，反而個撈麵我不太欣賞。這兒還是人手下單，服務也不錯。

🩶 牛油鹽焗倉魚睇落無餐牌咁靚但味道很好好香口 隔離個醬汁辣辣地唔係好咸點啲魚食岩岩好 送飯一流🩶 豆醬牛肉炒通菜牛肉好滑 成個菜都炒得十分惹味牛肉食極都仲有 真心好足料又係送飯必備 仲食到蔬菜 又健康又美味🩶 豉椒炒蟶子好足料 CP值極高！無諗過$88食到蟶子仲有咁多隻！🏷️ $88 | ⭐️⭐️⭐️⭐️如果行開荃灣 諗唔到食咩真係推介大家試呢間雖然唔係啲咩新餐廳 但cp值好高啲座位都好舒服🧘🏻‍♀️佢仲有啲套餐同其他菜式 都好抵食🙆🏻

今日上完講座,和朋友往荃灣薈亞廚房晚餐,我們點了秘製去骨海南雞飯,泰式炸蝦餅,秘製越式牛油雞翼,沙拉黄金大蝦球,雞油飯,凍奶茶和雪糕紅荳冰,秘製去骨海南雞飯雞肉肉質鮮嫩,雞油飯食落香滑軟綿,泰式炸蝦餅炸得金黄彈牙,秘製越式牛油雞翼牛油香滑,雞翼食落惹味,佐酒一流,沙拉黃金大蝦球賣相吸引,沙拉食落開胃,黄金大蝦食落彈牙美味,蝦片爽脆可口,最後凍奶茶味道香滑,餐廳座位闊落,食物份量十足,味道美味,適合朋友聚會好地方

我試咗呢間泰國餐廳，晚餐食得好開心！飛天通菜真係好開胃，少少辣，好啖。每一啖都有獨特嘅香料味道，令人回味無窮。特別要提嘅係佢嘅豬頸肉，燒得剛剛好，外脆內嫩，咬落去真係好享受。豬頸肉配埋啲醃製嘅蔬菜同醬汁，味道更加豐富。另外，我仲試咗佢嘅蒸魚，真係令人驚艷。魚肉鮮嫩多汁，每一口都好juicy。佢嘅蒸魚醬汁亦都好正，酸酸甜甜，平衡得好好。食完一碟蒸魚，真係飽足又滿足。總括而言，我對呢間泰國餐廳嘅評價非常正面。飛天通菜惹味，豬頸肉脆脆地，蒸魚juicy得恰到好處。如果你鍾意泰國菜，我絕對推薦你嚟呢間餐廳試下！

這間餐廳主打東南亞菜式， 我一直都想試 吓但沒有時間，所以今天有空便去試吓，未去之前見有食評這間的泰式炒金邊粉，心想應該ok，但吃過中伏。首先，不知為甚麼炒金邊粉會有椰菜絲，正常情況椰菜絲是不會出現在這碟炒粉上面， 虧這間餐廳還是主打東南亞菜。 味道很酸， 雖然炒金邊粉要放羅望子醬， 但這間餐廳廚師放得超多，導致味道很酸。 配料執碼個位亦很求其 ，豆腐乾切得超粗，整碟炒粉唯一慶幸係金邊粉不是煮得很淋。 整碟粉我只吃了蝦和少許金邊粉便放棄， 因為實在吃不下口呀。 果然食評不能盡信。

諗唔到食咩，見到呢間泰國餐廳唔使等位又有得坐卡位，就決定入去食。職員都好有禮貌嘅，見我地坐低就即刻去斟兩杯熱水比我地。我地比個2人餐$172價錢吸引左，以為好抵食。但初時冇留意包咩，落單先知原來只係包一個小食，一碟蔬菜，一個主菜，同埋2碗白飯，2杯跟餐龍眼冰。我地小食就叫左沙嗲串燒配泰式酸辣鳳爪，蔬菜方面就嗌咗馬拉盞炒通菜，主菜就叫咗例牌去骨海南雞。海南雞份量，應該只係夠一個人食，肉質冇話特別柔嫩，仲有啲過為結實。泰式酸辣鳳爪份量都唔多，只有4隻，但係酸辣味十分之入味。馬拉盞炒通菜一大碟，成餐係得呢碟最足份量，夠晒鹹香。食完之後覺得味道方面還好，只係冇必要叫2人餐。

侍應服務態度差，勁冇禮貌，不會再幫襯，我入嚟係幫襯，我做乜要受啲怎麼氣，唔想生意咪吾好開門囉，啲侍應一啲服務態度都冇，服務性行業係咁樣服務嘅咩？香港又唔係得一間餐廳

今日又係忙到中午都未食飯，嗱嗱臨兩餐當一餐⋯⋯店員安排入座，每次都可以坐到卡位，因為基本上都全店半數都是卡位。坐低看枱面餐牌，原來是紅碼蟻集團，下午茶方面，湯粉麵、炒粉麵、海南雞飯、包類及甜品餐芝士餅、芒果糯米飯都有，茶餐種類多元化，任君選擇，一讚。餐飲除一般的咖啡、奶茶、凍熱檸檬水檸檬茶外，還有跟餐的龍眼冰，不用加錢，一讚。追加小食:芋絲春卷三件$22~芋頭味，即炸，端上來仍熱。迷你雞絲沙律$26~雞絲外，甘荀、生紫洋蔥絲及青瓜絲。自選前菜及沙律，自我感覺良好。亞來咖哩飯$56~其實有三種選擇，如選蔬菜、魚柳、雞扒加$4，但選牛腩另加$14, 愛人選咖哩牛腩飯，即是$70,飯、餸分開上，一讚。咖哩唔算辣，合適一些怕辣的食客。檳城家鄉撈麵$60~筆者選擇了香茅豬扒碎上，出來的效果，感覺像义燒，筆者又幾喜歡，還有兩粒小巧云呑，有點像酒樓的錦鹵雲吞。撈麵原來是白麵條，自行落黑豉油，”杰杰的”的自行撈混，餐牌上寫著有一隻辣椒🌶️辣度，但整碗麵吃完，沒有丁點兒辣味。原先想像撈麵是茶啡色那種，原來是白色麵條。整體來說下午茶至六點，有齊飽、沙律、湯粉、炒粉麵飯，甚至甜品餐都有，還可以追加小食，有沙嗲

今日去荃灣食個午餐，去到千色匯見到呢一間餐廳好多人排隊，所以就走咗去試吓啦。首先叫咗一個泰式小食拼盤，入面有串燒、酸辣鳳爪、泰式炸春卷同埋泰式蝦餅😍😍😍串燒炭火味好香，再配埋佢個自家製沙嗲汁，非常之惹味，雞肉非常之嫩滑😋😋😋酸辣鳳爪唔會太辣，下面仲放咗好多醃蘿蔔，份量都好多🙈🙈泰式炸春卷脆口唔油膩，春卷餡料味道調配得岩岩好🥳🥳🥳泰式蝦餅都係自家製，蝦味好濃郁，食落爽彈唔會係霖身個款🦐🦐🦐之後再叫咗一個生牛肉湯河，食泰式嘢最鍾意食生牛肉湯河，可以食得出鮮味，同埋牛肉唔會過熟🐮🐮🐮入面仲有白蘿蔔，白蘿蔔冇渣，煮得好通透好入味，仲有啲洋蔥同埋蔥花，令到成碗湯升華咗，如果大家行過可以值得一試🔥🔥🔥🔥

今日同同事做嘢經過荃灣 見呢間餐廳有位就即刻入去食個late lunch 見隔籬枱食海南雞好似好好味咁 所以我哋都嗌咗海南雞河粉 諗住都係普通食個lunch點知原來都有驚喜喎🤩 海南雞同一般餐廳嘅海南雞差不多 但係個河粉真係出乎意料地特別啊 個湯並唔係平時出面餐廳食開嗰啲史雲生清雞湯 食落冇咩味精嘅味道 反而雞味同埋火腿味都幾重 估唔到個湯竟然都唔求其喎70幾蚊嘅一個lunch包埋嘢飲 其實都好抵食 侍應上菜都好快 整體來講真係都幾有驚喜👍🏻

2022.09.28.Asian Cooking📍荃灣眾安街68號荃灣千色匯I期3樓3011號舖.兩人dinner time, 因為肚仔餓見鋪就入左去jap 喇！.我地兩個人就order 左：1. 晚市2人套餐 💲308 *黑椒鐵板皇子雞 *素翅羹 *蒜蓉炒西蘭花 *泰式小食拼盤 - 泰式蝦餅, 豬+雞肉串燒, 炸春卷 *跟餐龍眼冰 *白飯2碗.成件事係開心同豐富既，套餐個鐵板雞仲有一埋洋蔥係底，幾juicy! 雞嫩皮脫！正(｡･ω･｡)ﾉ.佢嘅素翅羹有啲似普通嘅碗仔翅，但感覺在麻麻哋d.炒西蘭花同埋小食拼盤就正常發揮，炸嘢都好難唔好食(⁎⁍̴̛ᴗ⁍̴̛⁎).加埋飯真係抱住個肚離開，性價比可以，大家參考下ʕ •ᴥ•ʔ

去開荃灣，見有時間就去揾食。經過見到佢tea set都幾吸引，同埋見佢不斷有人入去又full full地，咁一定有咁上下，所以入左去。要求座卡位，因為佢另一邊開放式，無玻璃放上去，好有渡假感覺。本來唸住食個甜品，一set三件，法式燉蛋芝士餅，個面燒脆左嘅焦糖，cheese淡淡地，可硬身D，班蘭香蕉班㦸好好味，個班蘭味淡香，但一食就有班蘭味係牙到滲出黎，cream量啱啱好，配香蕉一向係無敵。另外冧酒提示乾杏仁脆芭菲，就普通左，介乎布甸同mousse之間，但係$88三件cake嘅tea set我就覺得唔太值嘅。點知，見人食個魚柳包，真係好吸引，所以叫埋呢個下午茶餐。個魚柳長到呢...又夠脆身，魚身夠滑，個包亦都煎香左，脆上加脆，唯一不足，包無醬汁嘅。個沙律亦有懷舊沙律嘅味道，我鍾意，呢個不錯。唔駛加錢，可轉洛神花茶。杯茶應該係買返黎嘅茶包，有玫瑰花同冰糖，幾好飲，甜度同味道酸度都好合適。如大家唔拍夏天飲熱嘢，一定要轉呢個，值回票價。

呢間係一間性價比高嘅東南亞菜😺 我地嗌咗一份四人餐 有半隻秘製去骨海南雞 風味大拼盤 湯或者沙律 蔬菜 亞洲特色粉麵飯 主菜各一 再加四杯龍眼冰🥤秘製去骨海南雞味道都幾清 而且海南雞雞肉好滑 好啱我呢啲本身好怕食雞肉好硬嘅人🐥風味大拼盤入面有 泰式炸蝦餅 泰式酸辣鳳爪 泰式春卷 越式牛油雞翼 賣相已經好豐富 個人最鍾意食泰式酸辣鳳爪🐤泰式肉碎生菜包呢碟係我哋喺個套餐以外加錢再追加嘅 肉碎有啲酸酸嘅調味 令到成碟菜更加開胃🐷燒原條魷魚沙律下面嘅沙律係主要係泰式木瓜沙律嘅底 面頭再配原條魷魚🦑 都烤得好香㗎泰式炒通菜有啲似馬拉盞炒通菜 味道就正正常常啦唔會過鹹🥬冬蔭功肉碎炒飯冬蔭功味幾重酸酸辣辣咁 不過可能太多餸啦 去到後期食有啲濟😛泰式青檸蜜糖燒豬仔骨呢個都係跟四人餐既 豬仔骨每條都充滿油香 以青檸蜜糖做調味 酸酸甜甜咁好開胃🤤 覺得呢碟都好值得推介龍眼冰龍眼冰係跟四人餐送嘅 如果唔鍾意飲龍眼冰亦都可以轉凍奶茶嗰啲🧋總括嚟講餐廳環境開揚 食物質素性價比好高 尤其係豬仔骨👍🏻 真係必試推介