甜姨姨私房甜品 (Moved) New Location

舖頭細細,但係真係好味,生果新鮮,店主又好nice,呢區有好几間老子號,佢都打得入市場,真難得.唯一係環境麻麻,係馬路邊,rush hour,仲要急急腳走人.

(11/1/08)店子細得兩張小枱,除甜品外,也有燒賣,魚蛋,厚多士供應。聞名的黑芝麻豆腐西米露,芝麻味較重,豆腐味輕輕,加埋西米露的口感,mixture非常fresh!榴槤豆腐花,除榴槤肉外,還有榴槤+cream?打暈,令豆腐花變得不單調,可說是榴槤甘露唔漏版!甜姨姨甜品,真係功夫之作~!

同朋友食完一餐美味既意大利菜後, 想有個完美既boxing day dinner, 所以就行過黎天后搵糖水食, 見到甜姨姨,記得之前雜誌有介紹過wor~就試下啦~門口貼左好多藝人既相~應該都唔差得去邊卦….望住個menu有好多選擇, 款式都特別~自己要左個推介: 黑芝麻豆腐西米露$17. 佢係將舊豆腐整爛晒,加左黑芝麻撈埋後再加落西米露入面, 面頭仲有一球雪糕添~味道幾好,唔太甜, 有豆腐味, 亦有黑芝麻的香….濃杰岩岩好~友人分別要左芒果三重奏$20及熱芝麻糊$20.芒果三重奏入面有一磚芒果布甸加芒果肉同芒果乾,賣相唔差~不過我冇試到.熱芝麻糊唔差,都幾濃,唔係太甜,但係一碗芝麻糊收咁既價錢算係貴.舖頭好細,得兩張細枱, 坐得唔算舒服, 仲要係街邊開枱食. 但係都多人幫襯.如下次經過都可以再食既~

吃飽海鮮，未滿足，因為未吃甜品嘛！一行人等，行了幾個街口來這裡。這裡舖面很小，但卻相當之旺場，難怪檯是擺到出街外，而我們就坐在隔離仔仔小廚的門口，熱熱地的天時，還有這麼多客人願意露天吃甜品，還要在短距離內，其實也有好幾間甜品舖，所以都不要說不誇張。拿了個餐牌來研究，看來看去，原本想叫含三款不同的芒果成份的「芒果三重奏」，但見另一食友要了的「芒果大合奏」，多三蚊又可以多一個雪糕球，幾吸引，所以唯有加入大合奏的行列。除了芒果雪糕，大合奏還有芒果乾、鮮芒果肉及芒果布甸。也知道今年芒果不當造，是又貴又不好吃，這裡的也不例外，甜有餘而香味不足。雖然有雪糕在內，但夾起來如果是凍一點，會可口一點。所以還是喜歡吃我家附近甜品店的那個「芒果半島」。也試了食友們要的甜品，紅豆沙豆腐花的豆腐花如果再軟滑一點就更好，始終甜品店的豆腐花好極有譜，似乎在豆腐花店吃此味會更佳；芝麻豆腐布甸卻是不錯，雖然用上了樽裝的芝麻醬，但又香又濃的芝麻口感，跟嫩滑的豆腐布甸又幾匹配。同埋加映，專兄推介的麻辣牛丸及魚蛋。果然是不錯，不太辣，但相當之麻，坊間少見。芒果大合奏盛惠28蚊，中等價錢，也可以一試的。

第三次嚟食，感覺差咗好多，可能係因為冇咗份新鮮感又或者之前食凍食未見真章。第一次嚟時有份新鮮感，我鐘意佢的豆腐係列，尤其芝麻豆腐西米露，好好食好，有芝麻咪同豆腐味，加上一粒粒西米有得咬吓唔"淋"，幾好。第二次嚟食檸檬雪沙，酸酸地幾開胃，幾好。但第三次嚟，食到唔知食乜，叫了杏仁茶，又未去到杏霜咁差但飲得出唔係即磨，麻麻地。

2007年9月26日，甜姨姨。芝麻豆腐西米露：豆腐雪糕豆腐味淡，芝麻味OK，西米露的西米有點模糊，不是一顆一顆的討人喜愛。芒果大合奏：我個人不喜歡這個甜品，芒果布甸稍嫌硬了點，還有芒果雪糕、新鮮芒果和芒果乾切絲，雪糕不好吃，更不喜歡乾幹芒果絲。Sorry,

吃過晚飯, 有人提議去吃甜品, 目的地為清風街, 齊齊和議, 順便散散步消化一下, 最好不過. 來到甜姨姨, 似乎坐街邊是指定動作, 不過夜晚氣溫不高, 也可以接受. 不用花太多時間大家已選了自己喜歡的甜品, 我的紅荳豆腐花, 豆花口感比較軟弱, 豆味不濃, 吃下去感覺有點虛無, 相信是百福出品; 反而紅荳沙就做得不錯, 有豆香而不太甜, 配合豆花一起吃, 清甜又清涼, 夏天吃, 也算不錯.不過我最欣賞這裡的出品並非甜食, 而是麻辣魚蛋及牛丸, 其實兩種丸質素只算一般, 但是煮丸的麻辣汁的確夠麻, 是比較少見的真正花椒麻味, 價錢又不貴. 喜歡麻辣的話, 不可不試.

如題, 真係唔明點解愈來愈多人幫襯, 天`后好多糖水舖, 何必要幫襯呢間呢?呢間舖貼晒d無記小生花旦簽名poster....但味道就十分唔掂....之前叫左個芒果汁底既飲品, 好失望! 一睇d色水就知出事la, 竟然用d熟到爛既芒果黎做...! 點做生意ga?! 好差! 唔會再幫襯!

看過電視節目介紹, 急不及待試下這間甜品店, 店舖很細唯有座街邊食。柯打"豆腐木槺布甸"及"芒果豆腐西米露", 布甸有好香的豆腐味, 如果稍為再冰凍及質感比較實效果會更好。而西米露夠凍, 芒果好甜, 當然有好香好香豆腐味及一粒粒的西米, 味道又不是太甜, 所以本人比較喜歡西米露, 好味!

因為我間學校係附近,所以成日黎.芒果海澡滑嘟嘟我最鐘意.甜姨姨好好人牆上有幅畫係我個friend畫

一定要同大家分享【豆腐杯系列】，若喜歡豆腐你，一定會一試難忘愛上佢呀，而且價錢只不過十元八塊，認真超低！座位不多，但服務滿意，環境可接受，而且附近可泊車，兩個人或大班人都適合．．．：）

有一日食完dinner行過, 好似都幾多款式, 就入左去試下<br />叫左個menu推介o既紅豆X豆腐花同豆腐mousse.<br />我見到紅豆X豆腐花係百福豆腐花+紅豆沙(我估佢有加水, 因為好稀)<br />豆腐mousse, 無咩特別, 無豆腐味<br /><br />煮都懶煮, 求其溝埋d o野俾人食, 我見佢都有d明星相, 又有寫意人生poster, 我諗佢係識TVB人rather than好食而多明星食客囉!<br /><br />無下次!<br />

同朋友仔o係銅鑼灣吃過晚飯後，有人提議去天后食糖水，話o個度o的榴槤甜品好好食，所以就殺左去天后食飯後甜品。一向我去開天后食甜品都是幫襯華姐隔黎o個間燕樂居的今次經朋友仔推介下黎左o的間甜姨姨環境就真係麻麻，因為要坐出街食不過o的甜品就味道認真不俗啊~~我地叫左個阿旺湯圓同店長推介的榴槤沙冰~兩個都好食~雖然個榴槤沙冰要成$38貴左少少，不過榴槤味真係好夠~~對於我o的個好榴槤的人來說真係好正~~至於個阿旺湯圓就幾特別，據說好像是將糯米皮蒸熟後再包的，都ok的說~

禁arm行過, 又想起有讚佢的食評, 於是在減肥中都要坐底試下. 坐鋪外, 天橋底看到玻璃貼了推介的什麼阿旺芒果湯圓, 好! 試下先另外, 我想食熱的, 便問姐姐有咩推介, 佢話合桃露都好多人食架! 我問佢是不是自己磨定係開水, 佢話自己磨, ok! 試下囉!兩樣都好細碗, 但賣二十幾三十蚊!湯圓- 芒果好甜, 都幾香, 湯圓裡是朱古力, 不過食得出係cheap雞朱古力, 不過都算ok! 都算有創意.合桃- 都唔知咩黎?!?! 明顯係開水, 重要係開到污呢馬义, 勁難食! 又稀, 又無味. 自己去超市買包即食黎開都好過佢, 痴線! 重敢賣二十幾蚊一碗喎!都唔明呢d鋪頭點做生意, 你今次騙客人, 下次人地咪唔黎囉! 重會周圍唱你, 到頭來損失咪又係自己!

之前同d舊同學去左天后個頭見到清風街有間甜ee個時以為新開(因為好耐冇去個頭)跟住貪得意入去試下點知位都冇個要坐門口凍到死佢地人手又唔夠想叫個伙計寫d野都好似要請佢過黎咁我地叫左個湯丸仲有個唔知咩鬼野豆腐花個湯丸都唔講個豆腐花真係難食到送都冇人要完全冇味完全都唔係正宗豆腐花個老闆娘企係個門口係到扮晒熟可能e家香港生意難做呢層我都明不過都唔洗難食成咁下話價錢都算平但係約得人出黎都唔係下下睇價錢最緊要好食唔係真係好掃興但係叫左d垃圾真係幾十蚊都覺得浪費呢間野再係咁真係等汁笠啦天后區甜ee都算最差!!可能我啊媽煮個d糖水都好食過佢!