城中小閣 (Closed)

與朋友到此晚飯，因openrice review 話食物水準吳錯，就試下。我地共8人叫左個10人餐 (有人臨時不能來)，總括而言，所有食物偏鹹 (但仍可接受), 餐廳環境優美舒適，唯獨service 差。整晚最高峰只2大檯2細檯，2位男服務員全程無跟檯，我地成晚好似小學生咁不停舉手要野，例如沖茶水，換碗碟，收碟，但你叫佢換碟佢真係只換碟，個碗有半碗魚汁照比番我，再叫換埋個碗，之後連碗都無埋。2位服務員得嫻只會看手機，有空碟係吳會理你，又要舉手。每人埋單4百幾，值吳值見仁見智，但已決定吳會再幫襯。

係weekend要即日搵個地方食個飯，經openrice book，快得黎估唔到職員幾乎係即時打俾我，問我要唔要order定湯。自從喜歡食淮山後，食得好多都唔厭。呢味係椒鹽鮮淮山，52元，好香口，幾開胃。叉燒拼三層肉，198元，大家好肚餓，食得好快。肉唔錯，燒肉片香肉厚，肥亦剛好，唔會太過。石鍋黃金涼瓜（咸蛋黃），96元，一上枱，涼瓜嘅香味已經好勁，大家都流哂口水。當然唔好睇少咸蛋黃啦，更香。欖角脆口金沙腩，158元，唔會太硬，欖角提昇左肉味。無骨文昌雞，348元（一隻），唔駛食骨，大家食得最開心，有驚喜係旁邊伴碟嘅青瓜，爽口又夠味。紅燒北菇豆腐，96元，豆腐入左啲茨汁，菇飛水都夠。蜂蜜黑椒一口牛，188元，黑椒小小辣，牛味都出，又甜甜地。黑醋小排骨，62元，唔錯幾好味，酸酸地，又開番胃。荷葉飯，132元，係即叫即整，我地一早叫左，食到加單先至上。好香！個飯入哂汁，每啖都好滿足。金瑤炒桂花，98元。整體份量偏少，不過每道都有質素。切餅費算有良心，50元。

為大家介紹高質中菜餐廳❗️用餐環境舒適 地方闊落💯小菜款式特別⭐️H先生同朋友食過一次🐷🐶今次帶P小姐去食💁🏻‍♀️.叫左個「欖角脆口金沙腩」豬肉微微炸過 少少脆口👀半肥瘦 咬落又軟又滑👅外層輕輕塗上些少蜜糖😻天然既甜味配上肉汁 令P小姐一試難忘🤩全部淨肉無骨 方便易食 送飯一流😋黑色嗰啲並唔係鑊燶😂係一般中餐廳比較少食到既欖角👀雖然味道唔突出 但正正無蓋過豬肉既甜🤤輕輕香味反而仲提升味覺💫.不過價錢係貴左啲😆.第二味係「金瑤炒桂花」💁🏻‍♂️💁🏻‍♀️睇餸名未必知實際係乜東東❓睇相就一目了然啦👀.用乾貝絲去炒粉絲 蛋 芽菜 以及韭黃🤗又香又惹味🤩炒得夠火喉 食落又唔覺太乾 適中😛HP認為絕對係送飯之選🍚細緻到連粉絲都好爽口🥰𡁻落有feel✌🏻仲要口感一啲都唔油膩 真係接近完美🤣.第三味係「茶樹菇炆雞煲」🐥就咁睇可能無乜特別🤔但無論係菇同雞都好yummy😚菇外表乾身 應該走左油🤣原來入面有好豐富既汁 😎所以一咬落散發住濃厚菇味😋雞肉無雪藏味之餘 仲要夠滑🤪H先生最欣賞係成個煲唔多芡👍🏻可以食到食材既原汁原味👏🏻三樣餸綜合黎睇餐廳既廚房真係幾掂🤘🏻

朋友退休返泰國，今日同佢食飯 farewell，佢揀食中菜同喺尖沙咀區，就揀咗呢間。以前都食過呢間餐廳，有點失望佢哋拆走晒啲卡位 😑 成晚餐廳都好似得 3 成客人，唔明點解要將啲客位擠埋一齊，其實可以間開小小等啲客有返啲空間!朋友嚟齊仲傾緊計 (太耐無見，又 3 個女人一個虛 🤣🤣) 個侍應小姐就不停問我哋落得單未，又叫我哋試吓啲湯。 。 。我哋梗係等主角發辦，佢唔想食湯但亞姐姐又不停 sell，我哋唯有叫一盅應酬佢，之後主角話要食豆腐同炒飯，再叫小小肉就傾咗一晚。個湯其實好味，3 個人 share 一盅都 ok。雞絲粉皮就唔得，完全唔夠醬撈勻啲粉皮，當然唔好食啦。紅燒花膠豆腐，豆腐可以，但花膠有一陣雪櫃味，可能佢哋煮定好多雪住，再加落其他餸到，但唔值呢個價 🤔石鍋黑椒無骨豬手，味道可以，亦比較濃味，但豬手唔算多。最出色係個脆米炒飯，材料好簡單亦唔值錢，但味道竟然好味，個脆米加咗唔少分。如果餐廳改善吓啲服務，呢度唔限時間，想簡單傾計食飯都係好選擇。

做冬book咗一家人食飯，去到現場正日反而唔多人。坐位算幾舒適，不過冷氣都幾凍，雖然已經叫咗waiter幫手較細啲。食物性價比有啲低，酒樓價錢但碟頭得一半。味道唔算突出，大部份菜式都只係不過不失。餐廳環境乾淨，洗手間都算幾乾淨。不過未必會再幫襯。

路過柯士甸道， 抬頭 見到一個好典雅嘅招牌，感覺就像鬧市中的綠州！舖頭地方唔算大， 不過空曠， 而且樓底高， 成個感覺好relaxing！！ 價錢算係中間， 唔會特別貴， 都係以粵菜為主。蒜蓉粉絲蒸蟶子皇，蟶子大大隻而且好新鮮，清蒸就最能帶出本身既鮮味！魚湯浸絲瓜，無諗過呢兩種食材加埋可以咁夾嫁，個魚湯超級濃，但又唔會腥 其實我平時唔太鐘意食絲瓜既，但呢個餸好味到我地連湯都飲哂！ 咕嚕肉都唔錯， 平時食最怕一咬落去全部都係肥肉， 成口都係油， 而呢個就做得恰到好處，扺讚

媽媽生日飯，佢自己要求的餐廳，有朋友試過話好好味所以一試。第一個感覺入去好像私房菜，環境優美。乾淨舒服，有15張枱左右，因為比較早上去所以未有太多客人。頭盤陳醋雲耳，醋味唔夠，雲耳爽口彈牙，但份量太少每人只得三四片一個孖寶係蒸桂花蚌同埋蘋果醋排骨。排骨味道唔錯好濃郁，好想叫一碗白飯配食。但排骨略嫌骨多肉少，份量亦都唔多。蒸桂花蚌恰到好處，粉絲放底。味道同普通酒樓冇分別沒有太大驚喜。荷葉飯略嫌太乾身飯質略硬，飯粒分明有淡淡的荷葉香。味道不錯。份量約五碗美中不足係個侍應大力推介的燉響螺湯每位＄78。燉湯味道濃郁，十分足料。一碗半左右成為78元價錢偏貴，唔算太多油份，唔計較錢的值得一試！但略嫌侍應推介手法有點長氣，剛坐低未開始點餐就推介我哋，這個湯，話有客人點多唔要我地先有如果唔係就要預留。我哋話一陣再諗，到落單途中都係咁推薦。話個湯冇㗎啦，好快會俾人要左，感覺上好大壓力。最後媽媽都選擇飲，無所謂媽媽開心就是了。總結無想像中咁好食，所有嘅食物份量都好少。食物有小小特色。試過一次就算，因為價錢唔算太平，如果要叫到飽肚每人都差不多要350到400元一位！我地其實未飽因為之後要食蛋糕所以無叫太多。

阿媽申請四日休假，我便堅負起照顧老爸起居飲食既責任。為了滿足有要求既老爸，於是帶佢到尖沙咀食飯。常路過呢間城中小閣，不知何故印象頗好，所以決定同老爸食呢間。環境真係不錯還可以坐卡位，非常舒服。睇中左砂鍋雲吞雞餐 $148/2位用包一鍋雲吞雞同一碟炒飯或炒河砂窩雲吞雞，雞湯底清甜，喝了兩大碗。雲吞皮很滑，但餡料很少。大大塊皮包著粒波子般大的肉粒，很珍貴。雞胸肉有3件，全給了老爸吃。老爸吃，相信這3件雞胸應該也很滑嫩，否則佢吃一件也嫌多。底下有大量生菜，很新鮮。瑤柱蛋白炒飯也炒得很乾身，有炸肉鬆，脆肉瓜，蛋白，䓤，感覺清新。不過d瑤柱呢？成餐飯其實都很滿意，還想下次和同事一齊來。怎知。。。埋單$165,我俾左$205，找錢時只有$30。我立刻叫回拿找贖給我的侍應，我：唔該侍應：係，得，明白我：（心諗：明乜野？）我剛比左$205。。侍應立即截停我：得，明白呀啦，轉頭過埋。我心諗：吓，你明白，咁係咪代表你知道自己做緊乜？有意找少錢俾我？其實找贖出錯係常有，亦係無心之失，但你咁既反應，好像是有預謀一樣。之後，該侍應真的很快拿回$10給我，並在我離開時，向我道歉。但以上行為，不知是該侍應的不老實，

食饭食到一肚火，餐厅既管理真系好差：1、有位当值既男仔头甘短头发既女经理态度极差，黑口黑面，好似当客人自己下属甘话，态度差到没朋友2、食饭到两点左右，两位餐厅经理lei埋吧檯度吹水食生果，厨师也都行出来一起吹水3、餐厅甘多服务生，得四五台客，只有两个服务生做野，其他都企系度倾解吹水，完全人手太多没事做既表现4、同一件事呢个服务生话得，另一个话唔得，好似没有统一教导过到底应该点样安排同埋啲嘢煮得麻麻，再也唔会去

提早跟Honey吃冬至飯，Honey怕大酒樓人多嘈雜，所以我上Openrice瀏覽，看到了大城小閣，食評不錯。食物是不錯的，但是侍應落單後半小時，仍未上菜……我們以為人客太多(滿座的)，所以上菜遲；直至一位經理問我們要點菜了嗎？……才發現，另一位經理根本無落單……食物怎麽好，也徒然！未吃已一肚火！本來想立刻走(已8:45pm)，但Honey説，是做冬飯，別勞氣！才再等，一直等到9:00pm才上菜我們選了蒜蓉蒸貴妃蚌，配星洲醬汁蝦。$238，不貴。海鮮新鮮，烹煮也不錯，唯星洲汁(似茄汁蝦碌的味道)，太濃，吃後口渴。另叫臘味炒芥蘭，同樣，太鹹太濃味！總的來説，食物還不錯，可惜每樣都太鹹太濃！加上無落單，晚飯變宵夜……一肚火

是日家庭聚餐，家人選擇了這家飯店。大部份食客也是吃套餐的。我們五個人選了四人餐，另加了荷葉飯。🥒小閣青瓜青瓜爽脆，少許酸，少許辣味道好不好，見仁見智吧😅🐣雞絲粉皮芝麻多👍🏻麻醬香👍🏻但略嫌粉皮較碎🥄杏汁豬肺湯杏汁味濃一盅湯有4～5塊豬肺，還蠻多的🐽但湯有點鹹， 破壞了整體😫🍎 蘋果黑醋骨 蘋果爽甜，加上黑醋酸酸甜甜很惹味但感覺像把蘋果和肉放在一起，沒有融合🐓 瓦罉鼓油清遠雞這個太咸了😖完全不能吃🍀荷葉飯味道👌不會油膩但欠缺荷葉香氣🐟古法炆花尾躉魚...有點腥🌿濃湯鮮腐竹泡田園蔬清淡的菜蔬，湯沒有濃我們的套餐味道很一般原本選擇的其實是另一個套餐，但是套餐中的燒三層肉沒有了😑另加的荷葉飯，其實原本選了啫啫鮑魚煲的，但沒有鮑魚😕精明的食客應該有留意到，菜單上的二人餐是有鮑魚煲的，卻不能提供。其他食客大多選了二人餐，鮑魚換了蝦🦐如果沒有食材，何不把菜單修改？食物味道一般，有很大的改善空間不致於要給劣評但這個價錢應可有更好的選擇

第2次幫襯了, 依然保持水準, 好好味👍無骨豬手, 好入味!!古法蒸魚, 大大條, 蒸得剛剛好, 肉夠滑~牛肝菌炒牛肉, 炒得好香好惹味唯一失手之作, 滷水乳鴿。滷得太鹹了, 不過因為d 肉太juicy 太滑, 所以鹹都食晒😂後來向侍應反應了,應該係師父今次失手了。海味雜菜煲, 好足料~最後食左甜品, 芒果布甸 + 法式提子凍。芒果布甸大大杯, 好好味。 提子凍用白酒整, 仲有提子肉係裡面, 食落感覺好清新好特別。另外仲有燉湯 (冇影相) 都好飲, 黎得食晚飯, 點都要叫返盅飲下😋仲有其他菜式未試, 加上環境舒服, 所以會再幫襯的。

約了好友雞叔叔做交收，順道出去食個便飯。隨便挑了一間吃，出來發覺竟頗具水準，有驚喜....店雖不大但環境頗清靜的，幾適合三五知己坐埋聚舊吹吹水食餐飯....沒有特別甚麼想吃，又係隨意地點了幾味家常嘢....打頭陣的小食話梅苦瓜，甜甜的梅肉和甘苦而爽脆的苦瓜片，配合得很好，令味蕾登時為之一醒....抵食之選組合中，可以選一味小菜和一味蒸海鮮配搭。點了一道蘋果黑醋骨，肉蠻彈牙有爽勁；醋汁刺鼻感不高甜酸度有致；蘋果肉仍帶嗦嗦聲的，沾了醋汁底下吃，出來的效果竟然不差，和肉相比可謂平分秋色，兩者皆是主角....濃湯銀絲浸刀貝又是另有一功 ---- 刀貝肉甜夠爽沒見沙；更引人的自不然是吸盡貝肉及上湯鮮味的粉絲....蒜蓉炒通菜相對上就見平凡了，起碼我個人覺得，蒜是可以下重手些的....這個小閣招牌炒飯，看似貌非驚人，但入口卻覺味道好，而且份量非常夠。飯粒乾爽不油但又不會太"旱"；材料雖只是簡單的如雞肉、蝦肉及冬菇粒蛋絲等，但炒出來夠鑊氣香噴噴，非常美味....就因為這一個飯，小弟就將這店推介給即將有飯局的太太，可給她享受一頓像樣些的聚餐....

柯士甸道旺中帶靜，城中小閣也是旺中帶靜。午餐茶客安靜斯文，環境舒適整潔。整個setting都好新派，但食物卻保留了舊派的優點。涼瓜炒牛肉微苦清爽，但最精彩的仍是北菇蝦子柚皮。當然冇澀味，高湯燴得柚皮剛剛好，柚皮不會炆得太軟，同個蝦子獻汁好夾。這麼短的上菜時間(適當的上菜時間，時間不長也不短)。能夠做得這麼出色，廚師實非等閒。蝦子濕又燥，整個清補涼湯白合蓮子糖子，劃上完美句號每次光顧，店員都非常有禮細心，背後應是訓練有素，而每次都是愜意舒適的用餐經歷。

一班好姐妹約聚餐，唔想又去食西餐或者放題，城中小閣可以是一個很不錯的選擇，裝修簡約舒服，座位舒適，唯獨是位置不多，唔想排好耐隊就一定要先預約啦每碟菜式份量不算多，但炒菜的好有鑊氣，而且選用的食材新鮮什菌炒牛肉-牛肉嫩滑有牛肉味，而且什菌爽口，好味一口炸豆腐-細細粒，一口搞掂，外皮酥脆，豆腐滑溜，加埋黑芝麻一齊食，更加香口荷葉飯-荷葉香味滲哂入飯中，每啖飯都有荷葉香，飯入面的餡好多，啖啖送一齊食，足料燉湯是我至愛，無落味精，飲落清甜