秋意 (成業工業大廈)

Open Now

Now Closed

觀塘放工見到呢間名叫秋意嘅餐廳，原來係食川菜，見到價錢幾ok就決定入去試下。同同事一人叫咗一個便當，加果茶。口水雞辣得出色，個醬汁分開上自己隨意沾幾多。佢嘅辣味好香，少少麻，少少辣，少少酸，所有少少加埋就岩岩好啦。另外叫咗個豉油雞飯，都幾唔錯！佢嘅豉油雞唔似平時得個鹹味嘅豉油，反而少少似瑞士汁咁甜甜地，好入味便當嘅份量好足料，個配菜仲好好食添，同事特別欣賞佢個麻辣薯仔絲，爽口好食！我哋大家都不約而同地叫咗每人一樽鮮果茶，入面真係有粒粒生果，味道好fresh！呢間絕對係工業大廈入面嘅高質便當！

已經有一段時間沒去觀塘工廠區搵食，今次無乜想法要食啲咩菜色，隨意隨緣地就找到這間秋意，我大概下午六時多到達，所以無乜人，店內職員又是樓面又是廚司可能又是老闆，感覺是很有心思誠意的小店。 瑤柱去骨貴妃雞 $62。海南雞食得多，套餐嘅貴妃雞好似係第一次食，雞肉好嫩口，骨亦去得好清，啖啖肉食得好開心。 秋意酸菜魚湯麵 $62。一樣，大大盤的酸菜魚吃得多，酸菜魚一人前湯麵肯定是第一次，酸菜魚平是人人都喜歡，這樣一人前不用遷就其他人就非常之好，至於味道，不比大大盤的遜色，酸菜及魚都來得很平衡，魚塊也很滑，這樣配麵非常OK。 值得提的是這裡走日式x港式路線，港式的味道，日式的presentation，店子細細，還挺特別，自家飲品也不錯！

又比我發現新野有酸菜魚的都走不過我法眼去觀塘搵食當然從工厦入手，不用下下去商場再者都係靠搜尋🔍酸菜魚就發現秋意有得食其實舖頭出名豉油雞，咁當然我都會點了這個便當去試吓啦便當內有沙律🥗半個溏心蛋、雞味醃得很濃郁，好夠味，最重要是有飯素，呢個係我最愛既地方😆另外係酸菜魚，魚係很彈牙的，酸菜跟辣度都很適中，佢配上的應是上海麵很幼身，不錯另外有個燉湯有花膠雞腳煲足六小時，很夠火喉雖然是工廈、亦都較早收的，不過覺得師傅都有料到，沒想到會比想像中好食讚👍🏻

到觀塘搵FD，唔喺好肚餓，FD話有間餐廳晚市好抵食，咁行啦。今次揀咗招牌去骨口水雞便當，秋意酸菜魚湯麵，熱生薑蜜同秋意水果茶。晚市黎講，價錢真喺唔貴，平均60有個餐，包埋熱飲。秋意水果茶都幾特別，原來喺餐廳自製，飲落好重水果味，唔算太甜，好飲。熱生薑蜜薑味好重，宜家好凍，飲熱啲全身暖哂。招牌去骨口水雞便當好豐富，有口水雞，沙律，木耳同流心蛋，最特別喺搭配咗口水雞醬，食落都幾辣吓。雞肉食落都幾幼滑，醬汁有少少醬香味，點落一齊食好惹味。飯有落咗日本飯素，食落真喺好香，勁like！秋意酸菜魚湯麵都好大一份，魚喺脆皖魚，食落冇骨，都好脆口。湯喺酸辣口味，同麵一齊食好惹味，仲搭配咗萵筍同酸菜，成碗都食哂，好滿足。求其食一餐黎講，哩間價錢同味道真喺OK喎。

觀塘區有好多餐廳小店都在工業大廈裏， 絕對是臥虎藏龍的地方， 今次中午到秋意吃午餐， 店內環境細細， 但座位都算幾舒適，唔會有壓迫感。 🥢午餐 ～ 秋意去骨豉油雞$60、秋意酸辣魚湯麵$62、鴛鴦檸檬茶$8、 白桃烏龍茶$8。 🔸秋意去骨豉油雞🍱 ～ 便當裏面有豉油雞、沙律菜、蓮藕片、半隻糖心蛋、薑蓉和飯。 豉油雞色澤鮮亮， 口感香滑😋， 味道濃厚而不膩。 加上配菜和薑蓉作調味，很豐富。 🔸秋意酸辣魚湯麵🍜 ～ 第一啖試下個湯底， 酸酸辣辣好開胃🤤！ 魚塊口感爽嫩， 麵條幼身， 加上酸菜， 是我喜歡的味道。 🔸鴛鴦檸檬茶 ～ 鴛鴦檸檬茶味道香濃， 我喜歡凍飲走冰， 原汁原味✌🏻。 🔸白桃烏龍茶 ～ 自家製冷泡茶， 有清香的白桃味🍑。 整體而言價錢親民， 店主親切友善，食物質素又好， 回頭率高😄。

今日係觀塘搵食…碌下OR發現呢間新川菜餐廳個名幾有詩意…加上川菜幾吸引就黎試下…上到餐廳時已經7:45pm…入到去老闆話差唔多閂門…準備失望離開時老闆好好人話做埋我地生意。不過阻人收工又唔係幾好…所以我就話不如做外賣俾我地…老闆就介紹左豉油雞飯同口水雞飯…就咁話返到屋企打開個飯盒又幾靚仔…全部都跟左少少配菜同溏心蛋。呢度d雞都係去左骨…最鍾意就係咁豉油雞…個皮顏色幾靚…跟左薑蓉…豉油雞仲帶有少少燻香味道唔錯…薑蓉撈飯正口水雞…好貼心個口水雞汁分開上可以自己決定放幾多。呢個口水汁麻麻辣辣幾惹味…最正係無花生😛😛。呢度唔知用乜雞…不過無論脾位同胸位d雞肉都做到好嫩滑…唔錯唔錯試左外賣唔錯…下次有機會會早d去試下堂食…見到有其他川辣野食…想試下個酸菜…手撕鴨…元蹄同豬軟骨仲有蒟篛麵

今晚經朋友介紹，嚟咗觀塘工廈試開業不久既秋意餐廳，呢度主要食中式菜，我地二人因為唔食辣，所以一人叫咗個便當，追加咗個湯同兩杯飲品秋意去骨豉油雞：便當有沙律菜、木耳同半隻溏心蛋。自家製既豉油雞好入味，雞肉鮮嫩，唔鞋口，煮得啱啱好唔會過老瑤柱去骨貴妃雞：貴妃雞比豉油雞清啲，但味道並不遜色，肉質非常嫩滑，熟度啱啱好，雞肉面撒滿芝麻同花生碎，增加香口度淮杞圓肉燉螺頭花膠湯：身為燉湯控，一飲就知道呢個湯絕無添加味精，材料十足，有花膠兩大舊，用上螺頭清燉，非常濃味秋意水果茶及陳皮普洱茶：前者甜甜清新，有啖啖果肉；後者茶味香濃，有解膩之用

約咗朋友在觀塘成業街成業工業大廈六樓新開的 秋意 食lunch 😊 秋意是吃四川菜的小店，有口水雞，酸菜魚等還有燉湯😋而且還有健康的蒟蒻麵選擇🤗招牌去骨口水雞精緻便當（轉左乾撈低糖蒟蒻麵）口水雞嘅醬汁和雞是分開上，醬汁香濃惹味而且好夠辣，幸好夠貼心分開上🤪蒟蒻麵好爽口；去骨雞件肉質鮮嫩多汁！便當🍱還有沙律菜和半隻温泉蛋🤗份量好足！秘製手撕鴨湯麵，湯底濃郁，好好飲🙈 手撕鴨鴨味好濃帶少少蘇味👍🏻

今次又去觀塘工廈搵食，係成業工廈找到一間餐廳雖主打主中式菜，但用日式嘅便當做包裝，予人一種中日融合嘅感覺！揀左招牌的去骨豉油雞，皮脆肉滑，肉質鮮嫩多汁，豉油不會鹹，有濃郁油香味。元蹄好入味好肥美雖然肥膏多， 但處理得好！食落無噁心既感覺，瘦肉位都唔老！但酸梅味唔是好食得出，所以食個陣無乜野！食完feel吾到好滯！花雕溏心強入味好味！秋意水果茶有驚喜，因有果肉，又有得飲又有得食！白桃烏龍茶茶喺用茶包冷泡而成，雖然白桃味不突出，但勝在烏龍茶清香！個樽仲好得意

起初覺得店舖名字很特別，決定同朋友嚟試吓，想不到有額外驚喜。因為係中午，我們每人叫了一個午餐便當，亦都加了飲品。我叫的是秋意去骨豉油雞，真心豉油雞做得好出色，雞皮好惹味，雞肉就好滑，分量又足。便當仲跟埋有益小食，同埋醬料。賣相精緻吸引，觀塘區嘅朋友一定要去試吓！朋友叫的紅酒雜菜豬軟骨，香味濃郁，肉質鬆軟多汁，我見佢食晒啲飯，應該用嚟送飯係一流！分別叫咗兩杯嘢飲：熱紅棗蜜，熱柚子蜜，難得係可以叫少甜，呢餐飯唔單止好味仲好健康！下次喺觀塘食lunch都會再去！

收工之後又嚟成業呢度搵野食，入面得廚師一個人，見佢都好忙，咩都一腳踢，又要整外賣又要招呼客人，嚟食飯嘅話要體諒下佢得一個人。見佢有燉湯就一人叫咗一個准杞圓肉燉螺頭花膠湯$72 嚟補下， 個湯真係幾足料，螺頭都食丁兩粒，又有塊花膠，仲有隻雞腳，個味幾濃。另外再叫咗招牌去骨口水雞便當 $60 同秋意酸菜魚湯麵 $62 嚟share ，個口水雞便當d汁係分開，怕辣可以唔點咁多，飯上面有d飯素，不過我對d飯素就一般般，個雞去咗骨就幾好，方便入口。個酸菜魚麵就爭dd，個麵好淋，d魚係幾爽口，但個湯底感覺唔太夠味。佢有特製冷泡茶，我地叫咗陳皮普洱茶 $24 同鴛鴦檸檬茶 $24 ，兩支都幾好飲，食完野解下油膩都不錯。

今日去完觀塘工業大廈買露營嘢，發現附近有間平靚正自家溫馨小店 叫做秋意！《這世界除了筷子🥢什麼都可以放下》靚靚便當🍱食落唔錯！紅酒雜菜豬軟骨$65🐷有沙律同埋糖心蛋做小食！豬軟骨個份量好多！卜卜脆！紅酒汁調校得恰到好處！秘製手撕鴨肉飯$57🦆鴨肉味道好濃郁！又帶點蘇味！好好味，好想知係點樣烹調！正！鮮果茶🍎有粒粒鮮果肉好清甜☺️陳皮普洱茶☕️香濃嘅普洱茶有消滯嘅感覺！食身水味道唔錯嘅小店，性價比高！❤️

同朋友今日早咗放工，到觀塘食個早飯。呢度附近成業工業大廈而家開咗好多唔同嘅餐廳，所以諗住上去試一試啲餐廳。天氣凍凍地，想食辣嘢，嚟到呢間秋意。朋友叫咗個花膠肉操擔擔麵，我叫咗個口水雞配湯麵。等咗陣，個口水雞配湯麵就嚟啦。口水雞嗰醬係另上嘅，令到唔係好食得辣嘅我都可以按自己嘅需要，決定辣醬嘅份量，我覺得呢個心思好好👍🏻雞肉好實淨，似係走地雞，份量都唔少，俾足成隻雞髀嘅份量🤩本身以為佢配嘅湯麵，會係普普通通，點知個湯底係濃濃嘅雞湯，搞到我食完碗麵之後，都忍唔住要繼續要飲個雞湯。🤭🤭因為我個雞湯面啲雞湯太好飲啦，所以我都忍唔住試吓朋友個擔擔面湯底，擔擔面湯底都好香，唔似其他擔擔面得個辣字，花生醬味好香好濃😎不過朋友就話佢個面底略嫌𣺉咗啲，但係我覺得我個雞湯面底其實啱啱好啊，係朋友要求高姐。最後，係我期待咗好耐嘅紅糖糍粑，好多地方都冇得食，估唔到佢個Menu有，所以一定要試吓。🎉🎉佢個紅糖糍粑，比我想像中嘅還要好，紅糖好香濃，佢係即炸嘅，就算攤耐少少佢都唔會𣺉咗左，咬落去既時候依然表面香脆，咬落去真係聽到颯颯聲，內裏都算軟熟，但係如果可以在軟糯一啲就完美啦。下次一定要再食😚😚總結：看似普通，但

在觀塘地鐵站附近接到張傳單俾佢個名吸引咗，名字叫「秋意」路程唔係好遠， 3分鐘就行到去上到去發現裝修同樣有日式秋天嘅感覺木調色系簡約風原來舖頭六月先至新開幕主打外賣便當🍱店舖座位都多嘅，睇落好舒服😌同埋有啲植物盆栽，感覺真係有秋天嘅feeling秋天梗係要飲返啲湯水進補准杞圓肉燉螺頭花膠湯$72呢個湯必點！超級足料我同朋友兩個分別選擇咗招牌去骨口水雞$60超鍾意佢無骨口水雞啖啖肉 加上充滿日式飯素嘅珍珠米仲有少少日式沙律同埋流心蛋賣相不錯👌🏽同埋秋意酸菜魚湯麵$62魚肉口感佳、夠彈牙酸辣程度啱啱好，不會太酸不會太辣魚湯都好好飲，幾乎俾我哋飲晒仲有呢間舖頭自製嘅特調飲品係超級推介我點咗兩杯，兩杯都出乎意料之外咁好飲特調飲品推介陳皮普洱茶$24好有驚喜，普洱茶香濃啱啱好可以解酒頭先食酸菜魚嘅油膩感鴛鴦檸檬茶$24襯返舖頭名字，秋意秋天需要滋補潤喉 特製檸檬茶 味道好好👍🏻不得不讚年輕老細一個打十個整嘢好食不特止，仲兼顧埋落單、招呼客人、製作餐點，打包外賣等等支持香港🇭🇰年輕人創業！加油！

呢間餐廳嘅名真係好好聽,門口裝修到好有夏日feel主打係便當同埋湯麵,有唔同種類嘅雞可以選擇入面地方座位只有10幾個我估都係主打外賣，今日我都唔例外我都係外賣返屋企食老細非常友善，等外賣嘅期間仲傾咗一陣計，原來呢度係有包場嘅服務地方細細，但周圍都乾淨整齊門面充滿住日本氣息餐廳主打嘅係中式菜而包裝就係日式嘅便當有種融入咗日本加中菜嘅感覺秋意去骨豉油雞$60去咗骨嘅雞肉做到非常入味皮又夠爽肉又夠嫩味道唔會太鹹入面仲有沙律菜薑蔥醬，飯上面加咗一些飯素，仲有半隻糖心蛋，中間蛋汁係會流出來做到非常精緻雞嘅選擇唔單止有豉油雞仲有口水雞貴妃雞同手撕鴨樣樣都好想試下次我會再返嚟幫襯秋意鮮果茶，🍉🥭非常香甜，香濃既生果香味，飲一淡，有解膩既感覺☺️