秋意 (成業工業大廈)

Open Now

Now Closed

🍁 #觀塘 #秋意觀塘人又嚟覓食，今次試吓工廈入面嘅呢間秋意，佢哋便當、小菜、湯麵等選擇，飲品都好多選擇👍🏻🐥 瑤柱去骨貴妃雞 （$62）個便當好靚好精緻😍 白飯上有白芝麻同紫菜，點䮕咗佢嘅賣相同味道🥰 沙律仲有雲耳同木耳，健康養生又好味😋 仲有隻好味嘅溏心蛋！ 貴妃雞都好滑好香，瑤柱份量又多，推薦👍🏻🍵 紅棗蜜 （+$5）今日因為月事要飲熱飲，好彩呢度連健康飲品都有幾個選擇🥰 紅棗蜜又香又養生，好滋潤，啱晒各位女仔！

星期六又係試新野時間觀塘真係keep 住都有新餐廳開秋意門口真係好有日系秋天feel,但賣既就係中式飯/面有少少crossover 甘menu 簡單易睇兩個人叫左一飯一面野飲係冷泡系列陳皮普洱真係食得出有陳皮味，配搭濃味d 既普洱就岩岩好白桃烏龍，白桃味淡淡gd, 所以襯番既茶底都係淡d瑤柱去骨貴紀雞便當瑤柱份量都唔少，雞夠味而且好嫩滑配埋沙律同流心蛋，原來係中西日合壁飯上面有埋飯素，有少少日式風味花膠絲肉躁擔擔麵花膠絲係哂面頭～有d 木耳同豆卜做配料初頭就甘係面夾d 麵食覺得湯底有d 淡之後發現個花生醬係底食之前記得撈勻個底先，甘擔擔麵湯底就夠出啦兩個質素都唔錯，份量再多少少就更好啦

早排同事帶我嚟食個午餐覺得幾好食 加上店名同裝修都幾應天氣，又岩我風格，所以即使 工廈餐廳林立都仍對佢有印象。今日決定嗌個外賣拎走返屋企。店員介紹最近有米線推出我就叫咗個酸菜魚一個人都食到酸菜魚都幾方便 魚片份量好多 啲魚片都好彈牙而且個酸菜味道都好濃郁 夠惹味開胃 兩者配搭一齊好好味 湯底都好正宗下 不過個人就好鍾意食辣略嫌佢辣到唔夠 但對其他人嚟講應該都好足夠 仲要埋枝冷泡茶 淡淡清新茶味 一路飲一路慢慢滲味道出黎，唔錯。老闆一人忙幾角但都好有禮貌好有誠意推介，支持！

位於觀塘成業工業大廈6樓，個名叫秋意，有d 似日式餐廳既名字，但其實佢主要係食川菜。入到去，鋪面唔大，大約容納到廿幾人。因為食既時間唔係高峰期，所以唔洗等位就可以直接入。佢既menu 幾簡潔，選擇唔算多。其實集中做好更加好。主要食便當 感覺唔錯秋意酸菜魚湯麵：個湯幾重料，幾濃味，酸辣程度適中。佢用既魚都有好多件，食落唔會太散，仲有好多雲耳有 別於平時食開既酸菜魚。招牌去骨口水雞配飯：個presentation 似日式便當，未食都覺得吸引。有沙律同蛋 好似豐富D同埋佢既口水醬唔會死辣，同雞肉好夾。唔錯。

朋友開完會，約我去觀塘成業街等，然後一齊去午飯，見到呢座大廈有間食店叫秋意，正好現在秋意正涼，咁啱呢個天氣，就去試吓啦！入到餐廳，有啲中西合璧嘅感覺，我哋兩個人分別叫咗一個便當，一個紅酒雜菜豬軟骨配湯麵，跟陳皮普洱茶；另一個要酸菜魚湯麵，跟熱柚子蜜，再加個小食話梅醉雞翼。小食醉雞翼先上，一上碟已經聞到濃濃酒味，零舍開胃，喜歡醉雞嘅朋友一定要試一試；酸菜魚湯麵，因朋友怕辣，所以我哋叫一個清新啲，魚肉爽脆，配上傳統酸菜和豆卜，好暖胃，秋冬食呢個就最啱嗱；紅酒雜菜豬軟骨，有啲fusion feel，西式得來又有中菜感，湯麵跟豬軟骨，分開兩碟上枱，可見老闆的心思，豬軟骨淋甜配上紅蘿蔔和醬汁，別有一番風味，配埋普洱茶，好滿足。食飽飽，繼續去觀塘shopping。

觀塘成業工業大廈入面有間餐廳叫「秋意」。見個名幾得意就去試下。酸辣薯仔絲酸多過辣，唔會辣到食唔到，開胃又涼快～啱曬我呢個唔食得太辣嘅人。入面有蒜片食落更香口。例牌豉油雞雞肉嫩滑。預先起曬骨，啖啖肉食得好爽快！😋落左甜豉油，食落甜甜地，好味到連平時唔食雞皮嘅我都食埋塊雞皮！見呢度有燉湯飲就嗌個試下。燉湯重係每日限量同埋用左六小時製作，剩係呢番心機同誠意已經值滿分啦！👏🏻花膠竹絲雞燉蟲草花湯入面有花膠、雞腳、蟲草花、竹絲雞、龍眼同杞子，十分足料！花膠重要大大塊！😍女士一定要嗌番個補充骨膠原。燉湯用個盅裝住夠曬熱，冬天飲滋補又暖胃～🥰秋意特色酸菜魚有豆卜、芽菜、芋絲、雲耳、萵荀重有薯粉，多料到我同朋友都食唔曬，好飽！😹🙈入面加左花椒，食落好香。萵荀爽脆。魚用上鯇魚，脆口無骨嫩滑唔鯹。

今日lunch試吓呢間新開嘅餐廳，喺工廈樓上，都幾近觀塘地鐵站。一睇到門口都已經感覺與眾不同，好有中日合壁嘅風格。門口會有當季嘅菜單，老闆話某啲菜式會按照季節而轉變。今期秋天精選嘅係2款特色湯面：秋意酸菜魚湯麵、花膠絲肉燥擔擔麵。店員話係因為適逢秋天，酸菜魚暖胃、花膠滋潤。仲有唔少特色小食。下午茶好抵食，幾十蚊就有；收左工嘅朋友仔可以選擇食晚餐。我叫咗杯白桃烏龍冷泡茶，好香白桃味。飲落甘香，濃度剛好。花膠蟲草花燉雞湯：原隻大大隻花膠，好足料酸菜魚片湯麵：眼望就知餐廳對美感好講究。最特別係酸菜魚片係選用雕魚，好爽口，而且魚皮有啲脆。湯底都好清甜（我飲晒😂）值得推介！好滿足嘅一餐飯，份量剛剛好。食飽飽就繼續努力開工。

平時返工時間好少出開觀塘 因為人多車多😵‍💫 不過今晚同frd搵食 就搵到呢間係觀塘既隱世餐廳 「秋意🍂」工廈入面有咁特色既裝修 好驚喜😍 好有意境 老闆介紹餐廳最近新出左酸菜魚😍 不過今日想試下佢d 便當🍱 睇menu 已經好吸引！主食方面簡左 紅酒雜菜燴豬軟骨便當（$65）想健康d同貪新鮮就轉左拌蒟蒻麵！唔洗加錢便當好豐富 有沙律🥗、溏心蛋 豬軟骨好冧好入味，而個蒟蒻麵好驚喜 完全唔似係食緊蒟蒻麵 味道食落似炒麵 不過當然低卡路里好多🤤 忍唔住食晒成個便當🍱！飲品加左$8叫左個白桃鳥龍特飲 味道幾好呢😆兩個人食完唔夠喉 加上就秋天🍂 再加左份桂花雪梨🍐滋補下 ～～～～～ 勁足料 有成個雪梨去燉 加埋桂花、杞子 成件事好養生🥰估唔到係觀塘既工廈都搵到好嘢食 真係十分隱世 要介紹比更多人見到！！

今天去了一間去過的特色小店食飯，位於觀塘工業區。去到之後有驚喜，發現餐廳更新餐牌，有套餐、甜品、涼菜、小食、冷泡茶都有四款，十分多選擇，會再去食，推薦朋友。小食，涼菜燉湯飲品，甜品下午茶晚市口水醬二人餐午餐

夜晚係觀塘放工，想去啲工廈餐廳食飯，就入左黎呢間試吓。嗌左個招牌豉油雞便當+鴛鴦檸檬茶+白桃桂花糖水。便當入面仲有啲前菜，胡麻汁沙律，正正常常，蔬菜幾新鮮，另外配隻溏心蛋～都流心的👍🏻至於隻雞，豉油汁非常入味，而雞肉亦都好嫩滑！仲要全部都係雞髀🍗肉黎架而飯上面仲落左啲飯素，再配埋啲薑蔥食～鹹鹹地送飯一流呀！由於太好味嘅關係，我都忍唔住叫侍應添多碗白飯！而個糖水，食落去舊白桃好清甜，係天然甜個隻，唔會覺得落左好多糖水掩蓋晒白桃嘅鮮味，而桂花味亦好重，飲落去啖啖嘅桂花香由口腔散發出黎！糖水亦唔會好甜！飲品方面，檸檬茶由檸檬+橙組成，飲落去好清新，甜度係微甜，完全可以中和到岩先吧飽膩感，成餐飯真係好滿意呀！有興趣黎工廈食飯嘅朋友一定要揀呢間！

食店內大約有十來個小量座位，似乎主力做外賣不過店面都不馬虎，木色文青風係會行過吸引到我望兩眼既裝潢秋意豉油雞便當豉油雞入味，雞肉滑又好味，餐牌仲強調係去骨體貼一班叫外賣食飯時間唔多既人～港式既鼓油雞，加上日式飯素，餐廳應該想營造少少fusion 既感覺但我覺得單係個鼓油雞已經非常吸引依個便當值得推薦啊！依加店新開無耐，味道有保證希望大家行過觀塘既時候都可以試佢地既便當一次啦餐廳仲有其他選擇，下次會想試下佢既花膠燉湯！

朋友喺觀塘返工，並推介我工廈嗰邊有間唔錯嘅外賣店。外賣店名叫「秋意」，估唔到裝修同樣有意境🍂。呢日過開嚟觀塘做嘢就一於試吓。小店經營無耐，但已經不乏捧場客👍。老闆同店員均非常友善，並主動推介招牌菜。餐廳主打便當🍱，不過菜式就偏向中式同川辣，幾特別。流晒口水雞便當($59)，唔好睇佢係一個普通飯盒，但其實都幾豐富㗎。🐔雞同口水醬分開上，所以可以自行調節辣度，而口水醬本身就微辣微酸，唔會過火🌶。雞肉好嫩滑，並富有彈性，去骨亦去得好乾淨。白飯面頭灑上飯素，令佢變得無咁單調。同時，便當附上幾款配菜，例如有糖心蛋、沙律菜同雪耳雲耳等。花膠燉湯(跟餐$48)，燉湯超有水準😋，絕對係意料之外。燉湯經過六小時熬製，煮至奶白色，夠晒火候之餘，仲好足料添。湯品有花膠、雞腳同瘦肉等可供食用，飲完非常滿足，感覺滋潤養顏。總括嚟講，呢間工廈外賣店幾高質😍，從便當嘅味道、食材、賣相同菜式設計，你就會感受到廚師有幾專業，出品絕對係誠意之作。如果喺觀塘返工嘅朋友，不妨嚟幫襯吓，相信唔會令你失望。

今日早收工，諗住食埋lunch先返歸，比我搵到呢間觀塘既工廈便當，點知幾有驚喜。餐廳裝潢簡約，但環境都幾舒服。呢度主打食雞或者手撕鴨同元蹄。聽完店員介紹，最後選擇左去骨口水雞，另外仲可以自由選擇一款涼菜：蔥油雙耳或者酸辣薯仔絲。便當外觀精美，仲好細心係白飯上面落左小小紫菜飯素，讚。口水雞去左骨，岩我啲懶人，而且食落啖啖肉，雞肉滑嫩，雞皮唔會太肥膩，好滿足。麻辣汁好香而且都ok辣, 用黎撈飯食就一流。另外薯仔絲配埋椒絲，味道酸酸辣辣，好惹味。

開始有秋意，咁啱就同frd去咗工廈食呢間秋意。🍁🍂🍂 我哋就咁叫咗兩個便當🍱🍱嚟食。佢就食酸梅子元蹄，我就揀咗食豉油雞，打算返璞歸真啲，因為越簡單就越難做出水準🤔🤔。秋意豉油雞（去骨）便當🍱+柚子蜜雖然話係豉油雞，但係豉油就唔係好鹹，而且亦都好入味，肉質鮮嫩得嚟又有咬口，我就覺得OK喎～ 好欣賞老闆仲幫啲豉油雞去埋骨，等我哋呢啲怕食有骨🦴嘢嘅人，都可以一無掛慮咁樣放膽食！😋再講，夾埋有飯素嘅白飯食呢⋯⋯所有嘢就變得good fit lah~~~😎食得便當，又點少得啲涼菜同半隻溏心蛋嘅配菜加持一下呢～ 除咗主菜之外，有呢啲配菜夾埋嚟食，我覺得無論食定睇都係緊要嘅！！ 至於柚子茶，我覺得份量都算幾多下，我諗有成300ml左右，老闆仲要好細心咁放咗入去一個應該係保溫嘅杯俾我飲，而且味道都係濃濃嘅，睇落亦都幾足料嘅～～～最後想講講嘅係⋯⋯偷聽到老闆同客人嘅對話。除咗講今日食咩之外，大家亦都互相傾偈關心下，老闆亦會因應客人嘅要求，做一啲小小嘅調整，感覺係幾窩心，仲有少少深夜食堂嘅感覺添～😆😆

原來最近開咗間新嘅餐廳係度！！唔算好遠，距離地鐵站大概10分鐘一定到！！好易搵！！👍🏼👍🏼放工時間，工業區啲人放哂工，所以唔算好多人！！一出lift就見到喇！！入到去唔算好多人！店主一人分哂身，由落單到送菜收銀都係佢，勁👍🏼見佢主打食雞！！就一於試試佢🤣豉油雞便當🍱正！！！唔會好咸！！雞都好嫩，不過重點係個蔥油超好食🤣🤣拎哂黎送飯！佢上嘅時候係一個便當盒，好特別!!個日有滷蛋半隻，同黑白木耳沙律菜添呀！好豐富!!!飯上面仲有飯素添呀👍🏼👍🏼好靚!!影相一流！！！口水雞便當🍱Surprisingly 唔算好辣，所以食得舒服！而且店主話係自製㗎個麻辣醬👍🏼👍🏼唔會淨係得辣，有麻味添呀！！都好食😋最後叫咗水果茶！得咼！好好飲👍🏼👍🏼👍🏼唔係假甜或落糖水，而係自然好舒服嘅甜味😘店主行過問我地得唔得，有無咩意見嘅時候，佢介紹話原來水果係佢自己浸，會浸好耐等佢果糖浸出嚟，所以唔會係死甜！真係好好飲👍🏼👍🏼👍🏼👍🏼會encore