秋意 (成業工業大廈)

Open Now

Now Closed

觀塘工廈出名多美食，今次去探朋友，順便去望下附近有乜外賣醫肚先，一於試吓秋意，一出𨋢轉左就見到，當眼嘅位置。相信店主花過心思擺設門口，印象特別深刻係呢幅字畫，食 - 的確係可以令人忘憂！平日過咗繁忙嘅lunch hour，唔使點等，好快就可以拎走，方便。瑤柱去骨貴妃雞 $62便當賣相幾好，有芝麻醬沙律菜丶麻辣蓮藕，爽脆惹味丶溏心蛋丶珍珠米灑有紫菜飯素，特別食多幾啖丶主菜係去骨貴妃雞，肉質嫩滑，啖啖肉，瑤柱碎帶到少少鹹香。

在觀塘想吃雞，來到工業大廈的一間隱藏食店，店內很細，枱得幾張。員工在忙於包面。我們點了一份秋意豉油雞跟面，一份口水雞便當。加一個水果茶同白桃烏龍茶。豉油雞：好食，夠入味，但汁比較少，如果多點就會很滿足，面條湯底好夠誠意，推薦配湯麵口水雞：靠個汁出辣，好正，飯又十分日本和風，好好味水果茶：唔錯，新鮮水果打造而成抵加錢飲。白桃茶：可惜，冇乜味，不值加錢飲。個人感覺評分：食物味道 - 食物賣相 - 餐廳環境 - 店員服務 - 性價比 -

工廈多隱世美食就出曬名架啦～今日嚟到觀塘嘅工廈搵到一間裝修別出心裁，有一股秋天氣息嘅餐廳，吸引咗我入去試一試。秋天有一種離別嘅感覺，份外有格調，店中都有好多掛畫同中國風嘅設計，令店舖喺云云工廈食肆中突圍而出。除咗裝修有心思之外，食物一樣高質！小編叫咗一份口水雞便當，個口水汁做得非常香口，絕對唔係單靠辣味取勝，而係好有層次地有一種麻嘅感覺，用嚟食雞送飯真係一流！雞肉本身都相當嫩滑，火候恰到好處，唔會煮得太耐導致韌或者老，而且能夠鎖住雞嘅鮮味同埋肉汁，食到欲罷不能！便當仲有一份菜蔬同茄子，照顧到食客嘅營養需要同埋健康，十分細心。便當份量都唔錯，小編作為一名大食男性都覺得夠飽。如果大家想試吓支持小店嘅便當，不妨到訪觀塘嘅秋意一試～

揚英浦結業後, 我很懷念它媲美高級食肆質素, 但又相對便宜得多的豉油雞. 老友推薦同樣位於觀塘的秋意, 說它的豉油雞同樣是觀塘數一數二的, 一試之下, 果然令我滿意, 雖然說和揚英浦有點不同, 但肉質和味道同樣高質. 六十元的豉油雞便當, 不能算便宜, 但會吃得飽, 味道又好, 算是物有所值.這裏的豉油雞偏向乾身一點, 無論皮和肉也沒有一倒而瀉的豉汁, 雞肉雪白口感嫩滑, 沒有刻意為了雞肉入味而Overcook, 就是剛剛熟的火候控制. 雒皮呈焦糖色, 口感爽彈, 皮肉之間脂層平均, 豉汁味道先甘甜後鹹香, 層次感相當不俗, 整體水準相當優秀, 難怪下午三時多已完售, 在工廈位置偏僻的地方, 可以媲美勇記賣雞的火熱情況, 更為難得.Autumn Feeling is famous for her soy sauce chicken. The quality is as good as those in high class Cantonese restaurants. The meat texture is soft and smooth. The cooking time is pe

本身自己都識得煮嘢食，所以對於餐廳用唔用心，用咩材料煮法，都略懂一二。今日叫左個豉油雞便當，預早半小時前已經落咗order, 上到去見到樓面得兩個人，又雞手鴨腳，都乖乖地示意知道未有，就另外再等多十五分鐘！點樣都係冇，有啲燥咯所以就唯有再三催促。呢個時候，出面已經有廿個人等入去堂食，而我份外賣終於都出現了。Ok返到office開餐，d雞又真係好好味！雞肉嫩滑而且雞肉多針。雞皮係好深色，會以為好咸啦，但係絕對唔會好咸，亦都唔會甜野野！真係好好味！等嗰陣係有啲燥，不過食到好食嘅嘢，開心返哂！

今日係附近上完堂想買個外賣返屋企食～ 記得之前Bookmark左呢間就上左黎買了☺️雖然佢喺工廈上面但大堂都光猛～ 人流唔少 一個女仔上黎都唔怕~一出𨋢轉左就係！唔洗擔心揾唔到☺️見佢地ig成日好早就賣哂雞😩好彩今日比我買到雞 但就試唔到蒟蒻麵了🥺Order左個瑤柱去骨貴妃雞便當🍱老闆好熱情叫我入嚟坐下🥹仲送左支鮮果茶俾我🥰🤍秋意鮮果茶係自家制嘅樽裝茶 唔會太甜 仲有幾款新鮮水果係入面😋🤍醉鮑魚可能見嗰日咁大雨🥺我獲得左一隻好好食嘅醉鮑魚🥹真係好好食！！平時真係好少食到醉鮑魚雖然係冷盤 但係鮑魚好新鮮所以一啲都唔韌鮑魚勁大隻 但都超入味😋😋😋🤍瑤柱去骨貴妃雞便當因為冇蒟蒻麵最後叫咗白飯係珍珠米！仲有飯素～ 係出奇地好好食嘅飯不誇張😹去骨雞好滑～ 加埋瑤柱口感豐富！配菜都好出色～尤其係芽菜！係有調味的 感覺似韓式麻油拌芽菜～整體份量都好多 男仔都會夠食！整體評分: 🤍🤍🤍🤍最驚喜真係醉鮑魚😋 好入味好新鮮真心覺得大家一定要試！❤️‍🔥見到佢地ig成日好早賣哂啲雞🤣記住問下先去唔好摸門釘🤣大家要多多支持呢啲樓上小店呀🥹

最近天氣一時濕一時熱， 今日要去觀塘工廈影一輯相，同層就有呢間 秋意，影完就買回家試試。食先先上來openrice下，原來都真係幾多好評，喜歡佢很有誠意。店員指最近天氣濕又熱，特別整了檸檬薏米水，感覺好健康，不過又有其他惹味的，我就揀左酸菜魚湯麵， 即叫即整嘅熱辣辣 ，番到屋企仲有熱嘅， 而且分咗湯好細心， 魚嘅份量都好多，而且煮肉好脆，應該係脆肉鯇嚟， 另外湯底又惹味又酸又辣， 對面吸曬啲湯 ，好好食，諗起都流口水呀。如果有事在附近我應該都會再上去幫襯。

收工在觀塘區工廈繼續搵食 上到六樓見到呢間秋意好特別 店鋪唔算好大 但D裝飾令人好WARM 入到黎睇返個MENU 主打豉油雞 口水雞 今日想食D刺激少少的 所以選了口水雞便當有個雪櫃可以選飲品菜單上都唔少選擇 款款都想試下返到屋企一拎個飯盒出黎已經覺得有FEEL 中菜配日式飯盒便當入面顏色豐富 有成6樣食品有至少6件口水雞 上面有D花生 溏心蛋 沙拉 青瓜 蕃茄仔 白飯+ 飯素 先講雞 非常滑 係雞脾位 點上口水雞汁食 辣辣地 好正飯的口感似係珍珠米 十分彈牙 加上有汁 雞油同飯素 好好味特別一讚溏心蛋 好入味 熟的程度剛剛好 半隻有D唔夠喉服務快手 又好食 下次會再黎幫襯另一款便堂

今日去左觀塘搵食，呢間係成業工業大廈3樓一出lift就見到，店員都好nice，希望大家可以支持下佢，因為價錢味道都好！我中午時份嗌左份便當， 呢個秋意去骨豉油雞，真係好好味，啖啖肉，去骨去得好乾淨， 雞好嫩滑又唔會鞋 ，而且份量好多， 雞都好入味，豉油雞味好重， 配埋啲蔥油好正，送飯一流，成個食晒。另跟飲品，我點左檸檬薏米水，佢話係新嘅，好飲好舒服，天氣咁熱，飲返呢d又清涼又吾太甜嘅岩晒，吾錯！下次可以嗌外賣平台仲方便！

觀塘工廈充滿美食驚喜，今日又俾我搵到一間，秋意主打中菜外賣，包括豉油雞、酸菜魚等等。餐廳有時會舉辦包場嘅活動。- 紅酒雜菜豬軟骨便當便當非常豐富，除咗主角豬軟骨之外仲有糖心蛋同沙律菜。外賣包裝亦好有心思，充滿日式風情。白飯加左飯素好味得得多，豬軟骨有好多件，口感軟稔，加上醬汁送飯一流！- 秋意去骨豉油雞豉油雞係餐廳嘅招牌菜，味道甜甜地，肉質非常嫩滑，而且去左骨，食落非常方便！最近因為疫情關係餐廳仍然暫停營業，希望餐廳快啲重新開店，我就可以日日食餐廳嘅便當！

觀塘工廈裡其實有很多好吃的食店，秋意便是其中一間。店舖不太，座位並不多。麻醬水晶粉皮正常水平，好吃但不太突出。秋意豉油雞雞肉嫩滑 👍🏻招牌口水雞醬料另上，可自由控制份量。雞面鋪滿蔥花和芝麻，賣相討好。秘制手撕鴨滿滿的醬汁，佐飯一流。

雖然呢間餐廳喺OpenRice分類係港式/川菜，但係大多數菜式都係唔辣。佢哋呢度有唔少雞肉菜式，今次試咗佢哋推介嘅兩款。🥢秋意去骨豉油雞 $60呢度選用嘅雞種肉味較淡，反而得我歡心。豉油雞煮得入味，甘甜唔會死鹹，仲有少少八角香味。🥢招牌去骨口水雞 $60醬汁分開上，辣得嚟麻香十足。灑上芝麻、蔥花、花生碎，香氣四溢，味道亦更豐富。🫖陳皮普洱茶 +$8🫖白桃烏龍茶 +$8🍐桂花清燉蜜梨 $24香甜滋潤，充滿桂花香味。好啱秋冬時間食。

呢排成日wfh, 今星期終於要返公司，放工係公司附近買外賣，擇左呢間秋意，之前食過lunch都幾唔錯，2個人食叫左2種口味既雞☺️.佢既「秋意豉油雞$89」同「招牌口水雞$89」真心唔錯，雞件滑得黎好香，秋意豉油雞個蔥油撈飯簡直一絕，另外口水雞上面有啲花生粒粒，少少辣辣地加上辣油同飯素好惹味。.散叫白飯只係$10，除左佢啲雞好食，仲有有個糖水「桂花清燉蜜梨$24」真心正，之前lunch食set包埋既好抵食，冬天好滋潤☺️

晚餐.被餐廳個名吸引到 以為係文青cafe 原來係中式嘢之前想試佢嘅便當 可惜摸門釘今日難得可以早放 可以嚟買個便當回家食.1) 招牌去骨口水雞便當口水雞嘅辣油係分開上嘅都真係幾辣 用嚟撈飯好正呀雞上面仲鋪咗花生粒粒 都幾好味.2) 秋意去骨豉油雞便當豉油雞都好味 唔會好鹹個蔥油又係撈飯一流.兩款嘅去骨雞都好嫩滑 食落啖啖肉 開心仔☺️飯嘅份量都好多仲有醬汁同飯素 撈埋辣油/蔥油 就更加好味另外仲有半隻溏心蛋 同少少菜都幾豐富

觀塘工廈隱藏住太多美食，捐窿捐罅又比我搵到呢間餐廳。雖然疫情令大家盡量減少外出，但係飯一定要食，買外賣返去慢慢品嚐就最啱。🐓平日無雞不歡，今次試咗兩款唔同口味嘅雞飯。便當賣相好精緻「秋意豉油雞便當」🍱雞肉好嫩滑，豉油唔會掩蓋雞肉嘅鮮味，配上雞蛋...好味😋「招牌口水雞便當」🍱愛辣愛惹味嘅，一定鍾意食。將辣油加入雞，加上飯素，令口感同味道更豐富。鍾意呢款外賣包裝，夠哂環保。下次可以再試其他菜式