秋意 (成業工業大廈)

Open Now

Now Closed

秋天嚟咗，天氣涼咗啲，食嘢都要換季啦。今次去嘗試咗一間叫「秋意」嘅餐廳，真係好啱呢個季節嘅味道。頭先要講嘅係佢哋嘅招牌菜——酸菜魚。呢道菜嘅魚肉好新鮮，加埋特製嘅酸菜醬汁，有啲微微嘅酸味，入口爽口，回味耐久。而且份量好足夠，啱哂同啲朋友一齊分享。仲有一道值得一試嘅菜式係去骨豉油雞。呢道菜嘅雞肉好嫩滑，同埋特製嘅豉油醬汁搭配，入口有啲淡淡嘅鹹香味，真係好好味嘅。如果鍾意飲果汁，一定要試下佢哋嘅百香果柑桔。呢杯果汁混合咗百香果同柑桔嘅香味，飲落去好清新，真係好啱啲秋天。最後，要講返佢哋嘅白桃烏龍茶。呢杯茶嘅味道好柔和，有淡淡嘅桃香味，好開胃，係一道完美嘅結尾。總括而言，「秋意」嘅菜式好啱呢個秋天嘅氣氛，每道菜都有自己嘅特色味道，令人回味無窮。如果你想搵一間啱啱哂嘅秋天餐廳，咁就要嚟「秋意」一試啦。@autumn_feeling_kt #食雞唔食皮不如唔好食#食雞唔食皮不如唔好食

前幾天午市等位失敗過一次經驗：下午12:30到，門外是至少廿組人在等，連「埋門」搣飛的機會也沒份，隨着其他八成同升降機同目的地的人往下離開⋯⋯轉戰晚市。下午5:50，在大堂5部客/貨升降機快選一部直上6樓，竟然無人和我朝同一方向，繼而見狹小的十數枱還賸一張四人枱，暗自慶幸。搞到如斯田地，朋友說是要多得某youtuber 推介後，人潮即每天無日無之。於是聽過有人說平日午市也得在上午十一時許便來等位⋯⋯實說本人難有此能耐。晚市也是使用午市餐單點餐。便當餐似乎給繁忙勞碌的打工仔一點均衡營養——份量不少的車厘茄加切碎油麥菜火箭菜。後尾發現便當已有少撮同類沙律，之前點的一大碟未免重覆。除了廣東人，此處煮雞也有一手，就連牆上的揮春也打油詩也標榜拿手此家禽。人見人讚的秋意豉油雞便當，連雞胸都滑溜，簡單甜豉油老抽玫瑰露等風，配些牛角風味的芝麻紫菜伴飯，中西日風齊全。所謂菇扮麵大概是那種菇拌麵麵條，不能看輕只售$62的「酸菜魚湯麵」也做到過百元的水準，魚片肉稍實，但不腥且滑；而同價的「花膠絲湯麵」肉燥略嫌少但芝麻是密麻麻，湯底味道濃厚。明顯碟子不足，有部分便當餐改用紙盒替代。只見客多手腳亂，諸如餸菜上錯

有好多人推介呢間小店嘢，係觀塘返工嘅！我午餐就去試吓佢哋嘅$62秋意去骨豉油雞飯，一出𨋢超多人等緊位，心諗咁多人食應該都唔會唔好食卦，入去叫外賣攞返公司食，比完錢門口等！等呀等！等呀等！第左30幾分鐘先有拎，三分鐘返到公司，打開飯盒食咗件配菜蓮藕，好味喎😋，糖心蛋係正常味道！！試吓飯先，嘩！！凍嘅！硬嘅！一舊舊實嘅！好似隔夜飯咁🥲（我本人都鐘意硬飯）但係佢啲飯真係好似隔夜飯咁難食，啲豉油雞色水係夠嘅，但就無乜味🥲 ！份量係正常嘅，應該唔會再試喇

晚上同老友去左觀塘秋意食飯。店舖不大，估唔到不到7點已經坐滿人，好熱鬧。我地叫左必食酸菜魚，店長推介的豉油雞，同埋百香果茶。本身都唔係嗜辣的人，但實在太喜歡食酸菜魚，所以都會引唔住叫。戈個秘製湯底酸同辣的層次恰到好處，唔會因為太辣蓋過酸菜味。魚片新鮮彈牙無骨，加埋芽菜豆卜,浸住湯食埋個爽滑薯粉，實在滋味十足。唔怪之得咁受歡迎，聽到唔少客人都叫酸菜魚，但好快已賣晒，心諗好在來得早有機會試吓。秋意去骨豉油雞亦係必食推介，平時食雞真係唔食皮，但店舖提示食雞唔食皮不如唔好食，今次就破例食埋皮啦。難得雞皮唔肥利，豉油味又好香口，雞肉嫩滑無骨啖啖肉真係好正。百香果柑桔係自家手沖的，食完辣野飲左口腔清新晒。整體食物質素高質，所以堂食外賣都好旺，值得推介。

如題, 我6:30pm 到餐廳攞飛等到7:30pm 唔追都冇得入餐廳坐。期間不停接外賣單。 見到有幾pair 人食完出咗餐廳但一路都唔再嗌人入去餐廳內。入面明明有好多位都唔放我地入去。入到去坐低乜都冇講, 聽到隔離臺望電視話好多嘢冇晒。一問之下先話得返豉油雞飯?!?!?! 一早賣晒唔講? 堂食等位就乜都冇, 咁早知嗌外賣啦!! 餐廳出面又焗, 做唔切都可放人入去餐廳可以嗌個飲品飲住等都好。 但係一路接外賣單同如果得返雞飯我唔明做唔切個位係邊唔通真係小店大晒?!!!!!!!!

最近太多人去啦。連openrice外賣自取都停咗。你如果去到當場買外賣，都起碼等個幾鐘。佢話外賣嘅話係要提早一日落單。同埋佢哋話電冇人去接電話添，甘點提前一日落單？堂食嘅情況更加恐怖，多人到你等兩個鐘都未必有得食。

星期六等畫畫班湊放學前，想來這間之前在YouTube 有講過的主打油雞飯一試😃，上到來11:45，坐了九成人，恰巧有一位枱，我不用等位🙂，order了油雞飯，5分鐘就到，$62有點貴🥹，賣相都不錯，味道同普通油雞飯分別不大😅，平時食油雞飯都必點蔥油呢，見鄰座有蔥油，我就問店員這個飯有沒汁點？她說可以比蔥油我😂座坐位很迫，店鋪狹窄，我結賬時走到收銀處等比錢，因正有人買外賣，我站著等了3分鐘才比到錢🤨上餐是快的，十個有九個都是食這款，但不要抱著好有什麼surprise 的心情來試，未試過又不用排隊就可以一試，我12:20結賬走時，外面都有10多人排隊😅

再次嚟到觀塘區支持一下隱世小店 喺平日嘅晚上六點九嚟到 先發現原來呢間餐廳非常高人氣😳 門口有幾組等位嘅客人 都等咗一陣先入座🙊秋意去骨豉油雞 半隻呢個係呢間餐廳嘅必食之選呀 豉油雞非常嫩滑 豉油味好入味🐥 食落唔會好鹹 最後有少少甘甜 雞肉仲要係無骨 真係好高級嘅享受 雞皮亦係呢碟雞嘅精華所在 連平日唔係好食雞皮嘅我都忍唔住食晒啲雞皮呀😎秋意特色酸菜魚呢碟酸菜魚都好值得推介 酸菜魚嘅正常辣度唔會太辣 魚肉好嫩滑得嚟唔會一夾就散🐟 所以食落都好有口感 酸菜魚底仲有好多其他配菜 例如薯粉 豆卜 金菇 雲耳 芽菜 全部都吸晒個湯嘅味道 非常惹味🥰百香果柑桔飲飲品酸酸甜甜幾fresh 包裝好方便大家飲唔晒攞走🤪食完就明白點解咁多人願意排隊食呢間餐廳 豉油雞真係一試難忘呀 下次有機會一定再同朋友嚟呢度食飯😺 嚟呢度食豉油雞 真係會想食晒佢全部皮㗎🫶🏽

上網成日見到好多人推介秋意，自己都bookmarked 咗一段時間，前排終於遠征觀塘去食佢地嘅招牌豉油雞啦~😜✅豉油雞滑嫩多汁，而且佢地嘅雞皮吸收曬豉油嘅精華，令到成碟豉油雞都好好味~🥳 “食雞唔食皮不如唔好食” 呢句說話真係好啱用係佢地嘅豉油雞到，唔怪得呢道菜會成為佢地嘅招牌菜~😍另一樣好受觀迎嘅菜式就係酸菜魚啦，佢地嘅配料有芽菜、薯粉、豆卜、酸菜、仲有好多滑嫩爽口嘅魚片~ 🥰酸辣湯底好開胃，而且入面嘅配料全部都吸收曬湯底嘅精華~ 😆但冇諗過佢嘅份量都算多，兩個人都食唔曬~😶

🐔秋意豉油雞 半隻 （HKD 98）今日唔想食碳水化合物，所以過嚟食雞補充蛋白質🐓🐓🐓已經過嚟食過好多次🐔豉油雞依然一樣咁高質，佢同出面啲豉油雞做法唔同，唔洗靠個汁帶個豉油味出黎，佢雞肉係乳白色，但係好入味！雞皮好有光澤，色澤好靚好有彈性，有陣甜甜的焦糖香味🥹🐔雖然今日嘅雞比較多油脂，但雞肉仍然好嫩滑，好有雞味🐔呢度嘅雞係去骨的，啖啖肉，好Juicy🤤🤤🐔🐔好味指數：4.9/5🐔🐔回頭指數：5/5

觀塘工廈區一直有唔少美食，價錢親民大大份，嘢食好高質🥰今次嚟到呢間餐廳，一去到已經人山人海，出邊仲排住隊，好多人🤣我哋專誠嚟到呢一度食佢嘅酸菜魚同豉油雞，非常出名！我哋期待咗好耐嫁啦😍值得一讚，餐廳店員服務態度好好，好有禮貌🥰✨秋意特色酸菜魚 $198大家必食呢一個酸菜魚‼️一上台超大盤，巨無霸份量，啱晒大食嘅朋友🤩打卡一流，古色古香嘅藍白色大碗，裏面有超彈牙爽口嘅酸菜魚，肉質好滑，而且無骨😍我哋選擇咗小辣，辣得嚟好開胃，配上紅薯粉、豆卜、雲耳、芽菜🥰好豐富‼️呢度嘅酸菜魚絕對係我食過咁多間最好食嘅一間‼️用埋啲湯汁送飯，更加喺一流😍不自覺想食多啲🤤絕對會encore👍🏻必點✨✨✨✨✨✨秋意去骨豉油雞（半隻）$98一定要食佢哋嘅豉油雞！而且一定要食雞皮😍呢度嘅雞令你無法抗拒🙈豉油雞好入味，顏色好靚，好吸引，佢嘅肉汁超多，肉質超嫩滑，連埋皮一齊食，超香🤤雞嘅油脂味好香濃，豉油味甜甜鹹鹹的，非常惹味😋 而且豉油雞去咗骨，啖啖肉🤩搭配蔥油更加香🥰必點✨✨✨✨✨✨白飯兩個 $24加埋兩個白飯啱啱好🤗白飯水份啱啱好，粒粒飽滿，配上惹味嘅豉油雞同埋酸菜魚簡直一流🙈想食多幾碗飯添🤣✨百香果柑桔 $24呢度

繼續喺觀塘有咩嘢食？今次比我發現到超抵食嘅餐廳，邊有唔同嘅中菜同川菜佢半隻口水雞先至$95，仲要係無骨，勁抵食，加上啲辣椒醬，幾好食。另外叫咗一個$199嘅酸菜魚，佢係超級大份，兩個人食都食唔晒，而酸辣味亦都非常之足夠，配埋白飯，簡直一流而飲品嘅選擇都好多，我分別叫咗百香果柑橘飲 （$24）同羅漢果無花果茶($24)，由於我係叫外賣嘅，所以佢嘅飲品係用一種飲品袋裝住，而唔係普通嘅外賣杯對於我呢種成日倒瀉嘢嘅人嚟講非常之合適另外依到係講到明 #食雞唔食皮不如唔好食 ，勁好笑，搞到我都食多左雞皮

已經好耐冇食酸菜魚，今次去呢間觀塘工廈入面嘅小店，水準相當出色😋🐤招牌去骨口水雞（半隻）雞肉好嫩滑😳麻麻辣辣嘅感覺超正😝大部份嘅骨已經去咗，所以其實份量都幾多！佢地老闆有句好得意嘅slogan #食雞唔食皮不如唔好食 咁佢嘅雞皮又真係幾正嘅😋🐟秋意特色酸菜魚呢個魚肉真係好出色！肉質結實爽彈！魚皮部份仲更加爽彈添😍其他配料有豆卜、木耳、芽菜、薯粉、鹹酸菜等～佢薯粉仲有分兩隻，一隻係扁扁地一隻係圓碌碌，兩隻質感都係滑嘟嘟😚🍚白飯口水雞同酸菜魚都係勁適合餸飯，白飯是必需的😌😌🍑白桃烏龍茶飲品包裝好特別😆😆呢個白桃味道偏淡，不過食重口味食物，清清地都幾好～羅漢果無花果茶呢個甜度好好，唔係死甜😍，飲得出羅漢果嘅清甜，超級推介！推介指數：⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️再訪：Yes

上一次晚餐時間過到黎，酸菜魚賣晒🥹今次特登早啲過嚟終於食到•ᴗ• 酸菜魚湯麵 $62呢道酸菜魚真係好令我驚艷😮佢有一種獨特的口味，好酸又好辣，但唔會感到油膩。魚肉🐠好爽口，類似脆肉鯇口感，唔係好多骨🦴酸菜爽口，味道非常平衡👍🏻個湯好鮮美、濃郁🥹帶有濃濃的魚香味🐠好開胃。佢用左花椒、辣椒🌶️、姜、蒜🧄、香蔥等等香料，提升咗整道菜嘅口感🤤強烈推薦！

觀塘嘅工廠大廈隱藏唔少美食，今次見到依間距離地鐵站唔遠嘅酸菜魚店仲可以外賣自取，適合拎番屋企同屋企人慢慢嘆😋亦可以避免想輕食卻因為最低消費卻步。🐔秋意去骨豉油雞 半隻$95肉質嫩滑且雞肉脂肪少，豉油味比較偏甜，搭配蔥油更可提升雞肉嘅香味。🐟秋意特色酸菜魚 ＄199配兩個白飯，湯底酸度適中，帶啲啲麻辣，配白飯一流，配料亦頗為豐富有煙韌嘅寬粉、豆卜、木耳、芽菜，魚片少骨且爽口，份量足夠三個人。🍊百香果柑桔 & 🍑蜜桃烏龍茶 $24賣相較為特別使用密封袋裝，甜度較低，適合食完後解膩幫助消化。百香果嘅味道比較濃，而蜜桃嘅味道相對較淡。不過食酸菜魚嗌番一代袋真係好match 。