AW Patisserie

Open Now

Now Closed

生活壓力大，吃點甜點能放鬆身心，讓心情好一些。甜點選擇多，泡芙你又喜歡麼？人氣甜品店《AW Patisserie》嘅手工泡芙一直都大受歡迎手工泡芙✨芝麻湯圓泡芙香濃嘅黑芝麻醬加上煙韌嘅麻糬，味道和口感就像食緊一粒湯圓，感覺幸福🫶✨特濃意大利開心果麻糬泡芙滿滿嘅開心果碎鋪面，配以開心果醬、開心果吉士和麻糬做餡，口感豐富，開心果控不要錯過🫶✨台式芋泥鹹蛋肉鬆麻糬面頭鋪滿鹹蛋醬和肉鬆，內餡就用上芋泥和麻糬，食落鹹鹹甜甜又煙煙韌韌，感覺很特別🫶✨法式焦糖燉蛋泡芙燒得香脆嘅焦糖脆面，加上幼滑手工吉士形式口感對比，而味道係完完全全食緊一個焦糖燉蛋，教人怎能不喜歡🫶✨腐竹薏米泡芙陣陣腐竹香味和豆味散發出來，加上用了薏米做餡料，就像飲緊一碗腐竹薏米糖水，夠清淡又養生🫶✨威士忌比利時黑朱古力脆脆工泡芙啖啖威士忌香味，附上小管子，可隨自己喜好再添加威士忌，這款成人限定我非常推介🫶蛋糕樽✨比利時朱古力脆脆蛋糕樽朱古力慕絲配上香濃朱古力醬，面頭再鋪滿朱古力脆脆，味道和口感都相當豐富🫶泡芙爆谷✨田園蕃茄香脆可口，酸酸甜甜幾特別，一口一粒當零食吃，另外製作方法係烤焗而非油炸，所以一點油膩感都沒有

我哋一直都好鐘情巴黎，對甜品喜愛滿分💕AW Patisserie 🧁來自巴黎藍帶廚藝學院🇫🇷更加要試喇😋一次過試晒6款泡芙👍🏻小店以法式嘅手法將港式味道融入甜品🍮絕對有驚喜‼️‼️‼️🧁法式焦糖燉蛋成塊焦糖燉蛋係面頭，超誇張‼️咬開係微甜吉士忌廉，焦糖又脆又香，泡芙鬆脆😋🧁腐竹薏米比較清淡嘅一款，切開見到滿滿嘅薏米，成件事好似食緊腐竹薏米糖水咁🥰好鐘意☺️🧁特濃意大利開心果麻糬開心果迷要試下🫶🏻開心果粒好多，咬開食到開心果仁咸香同開心果忌廉，加埋麻糬好豐富👍🏻🧁台式芋泥鹹蛋肉鬆麻糬神還原台式芋泥酥☺️面頭有肉鬆紫菜碎，餡料有細滑手工芋泥，鹹蛋，肉鬆，麻糬，台式風味十足🇹🇼🧁黑芝麻湯圓超香芝麻香，成個泡芙都係黑芝麻湯圓嘅忌廉，又香又滑，好濃郁，真材實料🥰🧁威士忌比利時黑朱古力脆脆手工泡芙呢款吉士忌廉係軟滑朱古力，仲有朱古力醬同榛子脆脆，面頭仲有威士忌🥃隨意加入泡芙，味道更顯出🙌🏻🍫70%比利時朱古力脆脆蛋糕樽好特別樽裝蛋糕，一打開就見到爆多朱古力脆脆粒，下面係朱古力蛋糕，朱古力醬，真係超幸福🥹好濃郁，食到停唔到口😉🥠惹味燒烤泡芙爆谷第一次試，好香口，燒烤味好香，粒粒脆卜卜

K11—值得攝入既脂肪AW patisserie位於K11 既人氣手工爆餡泡芙。依間小店都系由網店開始經營，直至係K11開到pop up store。佢地既手工泡芙，已經買過幾次，每次都選擇困難症諗好耐食邊款好，但系糾結好耐最終都會簡返—特濃意大利開心果麻糬依間既開心果泡芙係我至愛泡芙之一，以意大利西西里開心果吉士、西西里特濃既100%開心果醬、特濃煙韌既麻糬和經烘焙既焗香左既伊朗開心果碎製作而成，咬落泡芙既記得要小心，因為滿滿既開心果餡料會傾瀉而出，爆餡！外表香脆，內裏餡料超香滑creamy，極濃開心果味，好滿足，加上有開心果碎同麻糬增添口感，勁滿足！亦都超邪惡！😍不過係值得攝入既脂肪😍價錢就少少貴啦，好細粒🥹唔夠食

朋友知道我鍾意食開心果，特別推介我一定要試呢間個開心果撻！係佢食過最好食嘅🙈🙈今日經開尖沙咀K11 Artmall，就去睇吓有無現貨！因為聽聞個日賣晒就無，真正手快有手慢無架好好彩算早去到所以仲有幾個，朋友仲講明要食朱古力撻皮夾啲，所以就買咗呢款嘅開心果撻三重開心麻糬芝士撻（朱古力撻皮）三重開心係面頭嘅開心果仁、之後係日本開心果醬、最後係開心果芝士蛋糕，而中間仲要夾咗煙韌麻糬第一啖咬落去真係滿滿開心果味衝入口、個芝士味同開心果真係好夾，配埋麻糬軟軟綿綿嘅口感，加埋開心果仁嘅脆口果然係最好食嘅開心果撻！無推薦錯😍😍😍佢仲有好多唔同開心果甜品，鍾意開心果係必定要去朝聖！

嗰日原本諗住帶朋友嚟買蛋糕，但蛋糕店不見，被我哋見到呢間個玻璃櫃放咗多款開心果糕點😍 輪到我買嘅時候，剩下一件原味撻皮的三重開心麻糬芝士撻，就買咗佢啦。*💚 三重開心麻糬芝士撻(原味撻皮)(HK$68)． 上面灑上店主自家製嘅手炒焦糖開心果粒，好香好脆． 下面是用咗 3個產地嘅開心果 — 意大利西西里島、日本同美國，製成流質軟心口感嘅開心果餡． 之後會食到煙韌原味麻糬． 最後是薄脆的原味芝士曲奇撻皮． 食一啖就有多重口感味道，好豐富呀～

上個禮拜先系大阪返香港，就覺得今次真係食得太少甜品，真係有啲內疚。唔緊要知道SOGO 即日至到七月尾都有好多新上場嘅甜品店進註。AW Patisserie 已經bookmark 左好耐，心水產品在k11 店經常售罄，所以一直都冇機會試到。去到sogo basement 目標明確👉🏻開心果罐 $68 價位都幾進取下，就拎返屋企慢慢嘆一打開見到頂層是超多開心果粒粒，一層層的開心果醬，開心果忌廉、蛋糕，總之每一口都係濃郁到一個點嘅開心果仁香，味道好實在，甜度高左少少。以前吃過的開心果甜品頓時忘記得一乾二凈。食完依個甜品，真係返吾到轉頭。

去過幾次都買唔到開心果芝士撻今次去到個店員就話唔耐煩咁話賣晒本身見佢態度咁樣想放棄 但係個friend好想試就買咗泡芙💲58要擺雪櫃所以買完都即刻走有驚喜 重開心果味個醬好好食 仲有麻糬成件事好夾 雖然唔係好大個 但係都夠下次會試吓其他味 有芋泥鹹蛋肉鬆

身為一個忠實嘅開心果粉，我已經嚟過呢間店幾次。試過佢大部份嘅開心果產品。啱啱試咗佢嘅開心果撻，簡直正到即刻要寫食評。開心果他層次好豐富有一個合格嘅餅底，可以揀朱古力或者原味，我驚朱古力搶咗開心果味，所以揀咗原味，不過不失。開心果醬味道都算幾濃，入邊嘅麻糬好煙靭，最正嘅當然係佢上面嘅自家製焦糖炒開心果碎！呢一堆開心果碎，簡直係佢呢間店舖嘅靈魂。之前食過佢嘅開心果盒，都俾佢上面嗰一堆開心果碎吸引住，其實下面嘅蛋糕，唔算有乜特別，不過都係好食嘅。佢嘅泡芙都唔錯，應該都係差唔多嘅開心果醬，味道都算濃郁。如果可以嘅話，我好想買一大杯自家製焦糖炒開心果碎返屋企🤣

近期好多人介紹，就算好貴都被熱捧、好多人食嘅泡芙🥹講堅真係唔太捨得用$60買一粒泡芙食，但從來冇見過有人話唔好食，我去買嗰陣前面好多人排隊買，仲要個個都係買開心口味🤣· 特濃意大利開心果麻糬手工泡芙 $58(意大利開心果吉士、100%特濃意大利開心果醬、煙靭原味麻糬、香緹忌廉、開心果菠蘿皮)外表幾靚但係三啖食曬嘅size🥲泡芙外皮係好淋(同其他網上評價一樣)，第一口會覺得好濃郁開心果味，但再認真啲食其實濃濃嘅開心果味只是來自於開心果醬，入面嘅開心果cream有味但唔重，中間麻糬軟糯。其實整體食落係幾好味，但敗筆於好淋嘅外皮（脆少少都好呀…）size算細，ummm開心果迷都可以一試嘅

這家手工泡芙店令人驚喜,為我們呈現了三道令人垂涎的創意泡芙佳餚。首先,腐竹糖水泡芙成功融合了中式風情和甜點美味。外層酥脆的泡芙殼包裹著綿密濕潤的內芯,每一口都飽含著腐竹的清香和糖水的清甜。這道泡芙糅合了中國傳統點心的精髓,讓人回味無窮。其次,焦糖燉蛋泡芙糅合了西式甜點的精髓。外皮金黃酥脆,表層散發著誘人的焦糖香氣,咬下去柔軟綿密的內餡瞬間在口中綻放,濃郁的蛋香和焦糖味融合在一起,層次豐富,令人回味無窮。這道泡芙不僅顏值高,口感也堪稱完美。最後,黑芝麻麻糬泡芙為我們帶來了全新的體驗。外層酥皮包裹著軟糯可口的內餡,黑芝麻的香郁味道在口中化開,搭配上麻糬的綿密質地,形成了一種獨特的口感。這道泡芙讓人感受到東方文化的精髓,引領我們品嘗了一段文化的饗宴。總的來說,這家手工泡芙店充分展現了創意與匠心,將傳統與創新巧妙融合,讓我們品嘗到了三道令人難忘的泡芙佳餚。這樣的用心之作,難怪在本地美食圈享有盛名。下次來到這裡,我一定會再次品嚐這家令人讚嘆的手工泡芙。

特濃意大利開心果麻糬手工泡芙😍 $58 超正‼️泡芙皮微脆，麻糬煙煙韌韌，開心果餡完全爆多爆濃🤤每一口都吃到濃郁的開心果味😍 雖然吃到最後會有一點點膩，但小妹覺得非常值得買😋 開心果迷必食‼️ 特濃開心果蛋糕樽🤤 $68 相比泡芙，蛋糕樽層次口感更豐富😋因為上面有香脆的開心果粒，中間有口感軟糯綿密蛋糕👍開心果味一樣那麼濃，但蛋糕減少了開中果的膩，大推😍 總結：開心果味極濃的兩款甜品，價錢少貴但本開心果迷覺得超值，之後會再吃😍

AW Patisserie ⭐️特濃意大利開心果麻糬手工泡芙 $58首先不得不提嘅係佢價錢真係幾進取，一個泡芙仔冇堂食都要接近$60🫣不過佢係近排食過嘅開心果食物入面最濃郁嘅！相信佢真係真材實料🫡面頭就係一層wipe cream+開心果醬+開心果碎✨裏面有大概兩至三嚿麻糬，配上特濃嘅開心果cream，我覺得好好食，但唔係開心果fans嘅朋友就覺得太滯😂#fookdie開心果 #fookdie尖沙咀 #開心果 #開心果關注組 #又比開心果搶錢#hongkong #hkig #foodie #hkfoodie #foodinstagram #香港美食 #美食#九龍美食 #尖沙咀美食 #慶祝 #打卡 #食評

早有耳闻这家店偶然经过k11逛逛发现新开了这家快闪看到有开心果的东西真的会忍不住多看两眼开心果泡芙：泡芙仅存在一层皮，里面塞满了开心果奶油和酱，中间还有麻薯，上面有还有一些开心果颗粒。开心果蛋糕罐子：味道就跟泡芙一样的，但里面有蛋糕，口感不同，都值得去品尝。除了蛋糕罐子和泡芙，店里还有常温蛋糕还有塔。塔也是最近才看到有的，当时去的时候k11都还没有上架。是另一家分店有在售卖，有机会下次再去买来吃吃看。

去K11剪頭髮，路過此地見到剛有開心果麻薯手工泡芙，必定要即買否則對不起自己，泡芙外脆內軟很鬆化，開心果cream味濃，人氣網紅店，包裝很精緻，服務親切友善，絕對比起那些本地小店，不用貼錢買難受，值得消費，食得也開心，下次再試其他口味及產品

喺IG留意咗呢間小店由法國藍帶廚藝學院返嚟嘅店主好耐，今次特登嚟到K11 Art Mall嚟買現貨，意外發現，而家K11 B2呢層都有大量甜品可以一次過買🤩🤩🤩對螞蟻人嚟講真係行得好開心特濃（！）三重意大利開心果麻糬泡芙 三重嘅意思即係內餡係意大利開心果吉士個頂就係勁濃嘅開心果醬+店主自己炒嘅焦糖開心果脆脆做topping最鍾意就係裏面仲有一舊好煙靭嘅麻糬！！同埋外面焗到菠蘿皮食咗一啖裏便啲開心果吉士已經爆出嚟，成個口感都好好😍Creme brulee 法式焦糖燉蛋呢一個係留返第二日同朋友share食，所以放咗冰格一晚保鮮估唔到拎返出嚟趁焦糖仲喺度仲好脆！泡芙個菠蘿皮都仲keep到幾脆😍