麻布茶房 (Closed)

每次食麻布茶房。都會比佢花多眼亂嘅甜品吸引。明明食完正餐已經好飽。都仲係要食埋依到個美味軟雪糕甜品先覺得完滿。依家安格斯西冷牛肉鍋做緊半價優惠。好抵呀。可惜同行嘅朋友話琴晚先打完邊爐。無興趣。於是揀左兩個日式定食餐。一樣豐富。鐵板牛舌定食先上枱。擺放得靚靚。食慾都太啲。牛舌係薄切嘅。一啲都唔靭。而且份量都多。其實重點係配依個甜甜地嘅牛肉汁。好好味。另一個係豚肉生薑燒定食。配上嘅生茶絲好fresh。腩肉味道唔錯。可惜無咩薑味。仲有叫左雞肉漢堡配溫泉蛋。好味禍。特別係個醬汁甜甜地。同漢堡好夾。重頭戲黎啦。燒蕃薯軟雪糕配黑芝麻。暖暖嘅燒蕃薯同軟雪糕真係好夾。好好味。依家再睇相都流口水呀。另外當然唔少得抹茶聖代。一次可以食兩款雪糕。我個人認為軟雪糕配綠茶醬係最好味。中和個甜味。而綠茶雪糕都唔失色。非常滿意。

是日岀糧日與同事決定獎勵自己一個月既辛勞工作，一起去食間較為比平時高檔少少的餐廳來一個好好既開端慶祝。正值下午食放飯時間，外面當然都是人山人海，正在找尋哪一間較好的時候，我的可愛同事已經比【麻布茶房】既甜品menu吸引住，然後極力遊說我，最終被她的花言巧話成功了...便讓職員帶位入去...每一間【麻布茶房】裝演貫必一慣的作風，想走偏華麗路線但因為又不可以太偏離日式風格所以用木質地板加上一些吊燈來配搭，兩者風格明顯，但都是有種格格不入的感覺...雖然設計上欠一點點但坐起來十分舒服！望望Menu午餐時段既選擇都非常之多，我地兩人就點左兩個set（7號及8號餐）。事不宜遲，再點個前菜沙拉吞拿魚生沙拉$72足足有六大片既呑拿魚魚生，顏色鮮粉紅，唔會暗淡，厚切既口感豐富，加埋脆卜卜既三文魚子同最喜歡既牛油果，牛油果個種獨有既奶油香真心吸引整個沙拉既性價比好高，值得比個like佢。跟餐的檸茶也到了，約續閒聊，再等等下一樣的到來...海鲜泡菜稻庭烏冬鍋配前菜 $98暖笠笠既稻庭烏冬鍋，火鍋湯底主要以韓式泡菜製成，味道濃郁，泡菜個種酸酸辣辣既味道特別刺激味蕾，湯都被泡菜帶了點微橙色..當你一啖彈牙烏冬

小胖女收到料,話麻布茶房而家做緊半價火鍋,小弟一直想試好耐,今日終於有機會試啦,一人鍋加個甜品最平都係$88起,真係抵食過連鎖快餐店多,小弟同小胖女都一齊叫左個熊本霜降牛肉火鍋 ,非常足料,有齊龍蝦丸,大量蔬菜,同勁多和牛,最正居然係有羽衣甘藍味道同份量係成正比,講真句你呢煲野,自己出去買都唔只呢個價,當然唔會淨食火鍋咁細食啦,我地仲叫左幾個小食有天婦羅,炸雞球同沙侓味道算唔錯,最後小胖女就配左抹茶聖代,而小弟配埋個Haagen-Dazs雪糕,非常抵食之選

熊本霜降西冷牛扒有少少overcook，但考慮到麻布茶房並非扒房，所以尚算合格。牛扒質素唔錯，有肉味有油香，加上成個套餐有飯有甜品，所有野加埋都係$148，可謂相當抵食。調味料方面，有雙色海鹽同肉汁，個人比較推薦配肉汁食。宇治金時雪糕軟滑，抹茶味稍淡，配上紅豆，味道配合得唔錯。冰凍嘅雪糕配上暖暖嘅燒蕃薯，口感獨特。安格斯西冷牛肉火鍋火鍋牛肉質素唔錯，而且份量都唔少，相當抵食。配料方面，有龍蝦丸、日本魚蛋、冬茹、白菜。價錢同吉邊差唔多，但食物質素高一個等級。杏子金時一樣係軟雪糕配上燒蕃薯，但配上桃汁同柑橘乾，配搭幾有趣。

今日黎左將軍澳食晚飯, 呢度D商場真係越開越多, 真係認唔到路, 係OPENRICE見到有麻布茶房就想黎試下啦, 點知望住個水牌都唔試路, 最後都要問RECEPTION姐姐先知點行, 唔係開係D當眼位!!!但我會再黎, 因為真係幾好味, 又抵食!!!半價!!半價!!半價!! 美國安格斯西冷牛肉火鍋半價!! 唔知做到幾時, 但我已經決定左會叫呢個, 甜品有3款, 每款都仲有幾隻味可以揀!!真係選擇困難!!!我最後叫左A款(火鍋)+D款(聖代-抹茶)! $176 >> $88, 火鍋叫左個屏屏麵(+$10), 唔知係咩麵所以試下!!火鍋到啦, 牛肉都有4-5片, 幾靚幾靚!!配料OK多, 有冬菇, 菜, 金菇, 粉絲…一定夠飽有餘!!!我揀左壽喜湯底, 甜甜的, 配牛肉一流, 好好味, 至於個屏屏麵係闊闊地既麵, 有小小似河粉, 但又硬身D, 幾好味, 上既時候已經食得, 但我覺得再放係壽喜湯底入面再好味D!正!!!朋友就揀左個 自選晚餐 C+F $119, C入面左揀左C1 鐵板燒牛舌定食, F就揀左F2 白玉霜淇淋甜點, 其實真係好多選擇!!!非常好!!! 佢個牛舌好

今晚在家附近吃晚飯，麻布茶房之前吃過一次，今晚再吃。餐廳裝潢華麗，木質地板，旖麗的吊燈，不過與這家餐廳的風格不太一致。餐廳主要供應日式便當，也有不少甜品。不少套餐配搭甜品只要$100多，價錢很親民。⭐️美國安格斯西冷牛肉火鍋$88現進行優惠，以半價就可以享用牛肉火鍋，可免費追加一次牛肉。我點了豚骨湯底。加$10轉屏屏麵，麵條闊扁平，口感不錯。火鍋有不少配菜，例如羽衣甘藍、香菇、娃娃菜、豆腐等，還有生雞蛋。嚐嚐牛肉，夠肉味，很嫩滑。配料足，實在吃得飽足呢！⭐️薑汁燒豚肉定食$105豚肉很軟，入口軟滑，甜甜的有薑汁的辛辣，配上白飯吃很滿足。⭐️抹茶聖代（跟餐）有一球抹茶雪糕和軟雪糕，味道中規中矩，奶味不夠濃郁。⭐️黑芝麻（燒蕃薯霜淇淋）跟餐底下的燒蕃薯熱熱的，甜甜的，如果選用現烤的蕃薯，相信更出色！⭐️安倍川年糕$49味道比蕨餅紮實，的確是年糕的質地，如果再Q彈一點，相信更出色！▫️餐廳以價錢取勝，食物不算驚艷，火鍋很抵食！

係餐廳出面見到有火鍋半價，又包埋甜品，咁抵食，毫無疑問咁就入咗嚟一入到嚟，店員就奉上熱茶飲一杯熱辣辣嘅綠茶真係好舒暢叫咗一個安格斯西冷牛肉火鍋(泡菜湯底)(屏屏麵)，都係店員親自為我換壓縮氣瓶同開爐嘅個鍋入面有大蔥，娃娃菜同羽衣甘藍，仲有金菇，冬菇，南瓜，豆腐，等等......蔬菜份量都唔少丸類方面有獅子狗卷，龍蝦丸同鳴門卷肉片都好靚，切得幾厚，雪花得幾均勻最後仲有兩個花形嘅小碟，裝住醬油同生雞蛋屏屏麵係好扁嘅烏冬，用清湯煮好再撒上青蔥粒，就咁食已經唔錯個鍋好快滾起，入面仲有啲透明狀嘅粉絲，索哂啲湯汁好入味朋友叫咗個鍋燒烏冬有帶子，魷魚，鮮蝦，青口等海鮮，十分足料抵食同我嘅火鍋一樣，佢呢個鍋物都係泡菜鍋底，所以都有點微辣(事實證明我哋食日本嘢，但心入面都係記掛住韓國菜)霜淇淋可樂直頭就係麥記嘅新地樂，不過當然呢度嘅可樂夠氣，雪糕亦更加幼滑好味仲叫咗個特飲：巨峰提子味calpis，上面仲有粒糖水浸櫻桃做裝飾巨峰味道好甜，提子好香，配上乳酸嘅味道好夾朋友嘅甜品登場，有三食，淨係個陣已經好威當然我嘅聖代都唔輸蝕，壓軸出場，有兩球雲呢拿雪糕球做底，上面擠上霜淇淋，淋上草莓果醬配料更係豐富，有白

今曰自己一個人浪漫，想食曰本野，就去左屋企附近嘅麻布茶房喇。最重要係佢餐牌超多選擇，又好多甜品揀😍正呀。一次過滿足我幾個願望呀🤤我叫左個豪華定食，因為每個餐都會送 「 沖繩燒紫薯霜淇淋」黎到麻布茶房係必食推介啊。我就叫左一個海鮮泡菜稻庭烏冬鍋內有青口、蝦、 魷魚、菜同豆腐，最重要係有我最中意食嘅稻庭烏冬呀😍滑滑烏冬 簡直食唔停口，同埋個湯底係泡菜底，帶點微辣好醒胃呀。我成碗都食晒了。👍😁食埋附送嘅甜品就已經超滿足喇

豚骨湯叉燒拉麵賣相好正宗，三、四片豚肉叉燒浸係濃郁奶色嘅湯底入面，面頭有點蔥粒，再加上一塊紫菜，和味濃呷一口香濃嘅豚骨湯，再食一撮面，湯底融入拉麵嘅每一條麵條當中拉麵軟硬剛好，叉燒亦好軟熟，油脂分佈剛好，食完唔會感覺太油膩，連湯都飲埋呀隨麵附送嘅一碟小菜係漬醃泡菜，有蘿蔔同青瓜，醃得好酸，十分開胃另外叫嘅一杯熱朱古力牛奶，杯中有滿滿嘅奶泡，朱古力醬，上面更堆咗一座由烘烤過嘅杏仁做出嚟嘅小山令平平凡凡嘅一杯熱朱奶增添咗唔少香味我哋仲叫咗個豚肉泡菜蛋丼，豚肉片薄薄地，用泡菜煮過，食落好香口惹味再加上少許蔥段同蛋香，整體好適合用嚟餸飯呢個飯旁邊仲有好多一碟碟嘅小菜，有豆腐，紅蘿蔔黃豆，紅蘿蔔蓮藕漬煮，好豐富，食落有好多唔同嘅口感雜錦天婦羅有海老，秋葵，冬菇，蓮藕等等，炸漿好薄，再醮上有白蘿蔔蓉嘅天婦羅汁，食落清新香脆快樂不知時日過，同朋友傾偈傾到佢舖頭就嚟打烊，冇晒人不過仔細一空，舖頭整體裝修用實木，設計好有日式茶房嘅感覺，坐係度真係幾舒服

同朋友兩個嚟食飯，係商場嘅一個小角落搵到架lift，上到嚟呢間寧靜嘅日本餐廳放係櫥櫃嘅食物模型整得好靚，同去日本街頭見到嘅十分相似，吸引咗我哋入去叫咗兩個餐，跟餐嘅檸水同奶茶先上，兩杯飲品都用典雅嘅茶具裝住，好有貴婦high tea嘅感覺日本餐廳講究出食物嘅次序，先上飲品可以讓客人先飲茶水閒聊，再等候食物正餐嚟啦，雞堡溫泉蛋咖哩飯睇落賣相好吸引用雞肉做成嘅漢堡扒有3塊，每件都十分厚身，咬落肉汁好嫩滑本身叫咖哩飯已經有滑蛋包住個飯，但係因為呢個係溫泉蛋咖哩飯，所以咖哩上面有多一隻溫泉蛋蛋白半熟咁同咖哩融為一體，蛋黃汁流出嚟，被漢堡扒醮上一齊食，好creamy濕潤，一啲都唔乾跟咖哩飯嘅仲有個沙律一碗靚靚嘅日式蟹籽沙律入面有生菜，青瓜，車厘茄，蟹柳同蛋黃醬，顏色已經好悅目，令人胃口大增蟹籽同蟹柳絲都好鮮甜，配上沙律好清新不過下面嘅生菜可能太凍，有點出水嘅現象叫咗個豪華套餐，套餐有海鮮泡菜烏冬同甜品，所以先叫豪華泡菜係韓式泡菜，個湯都被染得帶微微橙紅海鮮有蟹棒，蝦仁，魷魚同青口，仲有泡菜同豆腐整個鍋嘅配料好豐富，海鮮味道鮮甜，為個湯提高一個層次烏冬係方形個種，即使係泡係湯入面，食落都十分彈牙呢

大字標題「美國安格斯西冷牛肉火鍋」50% off ,所以吸引去試試！但原來在廣告牌底部有一句非常細小的字眼「限時60分鐘」，入座起計算😮最奇怪的是明明是火鍋，只是放材料在煲內，但竟然比意大麵更上得遲🤔又要限時又上得慢，是什麼玩法？但提結賬又很凖時，要我先結賬，因為火鍋用膳時間只限60分鐘！另外無論是「聖代」或者是「燒蕃薯霜淇淋」都比較以前造得差，不知道是因為廚房和侍應溝通出現問題，還是廚師👨‍🍳水準下降，剛剛送上已經溶了1/4,外型已經十分不吸引！

約了朋友在pop corn 商場食飯，經過門口，見火鍋套餐半價又不用等位，就選了這餐廳。就點了兩個美國安格斯西冷牛肉火鍋，說是火鍋，其實是鍋物定食。除了牛肉，還有多種不同蔬菜類配料。牛肉雖然得五片，但肉色看來不錯，也算厚身。追加一碟安格斯牛也不差，還配上一份羽衣甘藍，娃娃菜及金菇。湯底不肥膩，牛肉肉味濃，還有屬於貴價菜的羽衣甘藍，新鮮爽甜。其他食物吸收了湯的精華，各有鮮味。小食有大蝦天婦羅，粉槳與平時食開的天婦羅略有不同但也炸得乾身。選了芒果味霜淇淋作甜品，配了脆脆餅，熱氣全消。朋友點了的另一甜品是燒蕃薯红豆霜淇淋，甜到入心的蕃薯在雪糕底層，又香甜又滑溜。

喜歡麻布茶房的裝修，華麗的日式洋裝，有很地道的感覺。環境舒適，有open area增加空間感，可以好relax咁食飯。午市套餐幾划算，除了主食，還有飲品和甜品。而晚市火鍋仲有大割引50%優惠，真係幾抵食。凍咖啡、凍檸茶冷蕎麥麵（迷你）配和味牛肉飯（迷你）配湯、前菜 ($88)，麻布茶房的setting都仲係咁靚。牛肉飯的牛肉肥瘦適中，有嚼勁，而且牛肉汁剛剛好滲透成碗飯，唔錯。冷蕎麥麵幾彈牙，麵汁唔會好鹹，加d wasabi食，仲正。海蝦天婦羅冷稻庭烏冬配湯、前菜($98)冷稻庭烏冬有咬口，口感順滑，有質素。兩隻大蝦、茄子、秋葵，先加蘿蔔蓉入天婦羅汁，點一點，天婦羅衣好薄好脆，大蝦很新鮮，份量可以再多d，加冬菇或蕃薯。辛味炸雞翅($48)，雞味好香，全翼加分，唔辣，炸漿鬆化，不會好油，醃得幾入味，又幾惹味。沖繩紫蕃薯霜淇林黑芝麻(豪華定食送)，牛奶雪糕香濃，沖繩紫蕃薯好好味，暖暖地，很扎實又順滑，yummy。沖繩紫蕃薯霜淇林宇冶金時(豪華定食送)

今日約咗朋友入將軍澳 shopping ，之後想搵啲特別嘅嘢做午餐，行行吓見到呢間日式餐廳午市都有火鍋食，就和朋友入去嘆個靚火鍋。睇下餐牌，原來火鍋做緊半價，好抵食，於是一人叫咗一個火鍋分享。熊本霜降牛肉火鍋火鍋材料都幾豐富，霜降牛肉分量頗多，配菜有獅子狗魚蛋、龍蝦丸、豆腐、南瓜、金菇、娃娃菜、羽衣甘藍……等，重有個雞蛋可以俾我自由發揮。本來個火鍋係跟飯嘅，但我見可以加錢轉屏屏麵， 就轉屏屏麵試吓， 原來屏屏麵係粗扁麵， 個樣似手製，入口滑嘟嘟，唔錯。因為我係牛肉控，所以加錢要多碟霜降牛肉。 豪華雞肉海鮮火鍋呢個係雞肉+海鮮火鍋， 雞肉份量都好多，海鮮好新鮮，有大蝦同青口，其他配料同霜降牛肉火鍋差不多，呢個火鍋我轉咗要烏冬，啲烏冬好滑溜，好食過一般食肆提供嘅烏冬。隨餐附送嘅Haagen-Dazs雪糕，仲有幾種味道可以揀添。草莓聖代雖然話係跟餐嘅甜品，但都好大杯，裏面除咗草莓之外，仲有好多其他生果，但因為實在太飽，我好努力之下都食唔曬，有啲浪費。結帳時，waitress姐姐仲送咗支無色Latte畀我帶返屋企飲，真係意外驚喜

成日想試但又無試既麻布茶房 今次因為遇到火鍋半價割引終於一試小妹既熊本霜降牛肉火鍋 未食睇見d牛都流晒口水滿滿既火鍋配料 除左有雞蛋,龍蝦丸,日式粉絲等一般既火鍋配料同蔬菜外, 仲竟然有Super Vegetable之稱既羽衣甘藍!! 羽衣甘藍吸左日式豉油湯底甜甜地 口感好爽唔食牛既"同胖"(伴)就叫左豚肉 配菜雖然無羽衣甘藍 但就有青口見火鍋有半價 就貪心叫多兩個小食 芝麻炸雞翼好大隻食落唔算太熱氣牛油焗雜菇豚肉 牛油味同菇咪濃郁 不過豚肉就略嫌厚左ｄ終於食到麻布既甜品喇生果加上滑溜既雪糕 yummy火鍋餐可以選配唔同既甜品 而小妹就揀左最吸引既抹茶聖代半價後火鍋+甜品都係$88-98 好抵食 (精明既吃貨小妹偷偷睇過主餐牌 本身要差不多$60 ) "同胖"就揀左Haagen-Dazs雪糕大家都飽到頂上心口呢~~