麻布茶房 (Closed)

我承認無論幾飽都好🤣🤣，每人個胃都會有位置去消化甜品😏😏。 我同綠小鳳就係一個好例子😆😆，食完燒肉內心總覺得差d野。我哋就立即走去 “ 麻布茶房 ”食個日式甜品，食飯後走場食甜品是常識吧😜😜～ 我叫了白玉霜冰淇淋豆沙 🍨，有白桃、丸子、 紅豆蓉 、蜜餞同軟雪糕，加上糖漿，單睇已經相當豐富，食後大感滿意滿足。😋😋 小鳳姐係抹茶控 🍵，梗係雙眼👀專注綠茶item，佢要#抹茶蕨軟糍芭菲 ，內裡嘅配料跟我杯大多一樣，轉了蕨軟糍及綠茶雪糕。味道根本上不會太大偏差， 中規中矩，味道合格✔。飲埋杯抹茶熱鮮奶 及 薑汁抹茶熱鮮奶 ，飲完後可帶你進入甜睡夢香😪😴😪😴。所以尋晚瞓得很好，今朝可以起得早✌🏻✌🏻😆😆。

通常黎麻布都係食甜品，但今次見到佢做優惠，霜降牛肉火鍋半價，真係好吸引當然叫左霜降牛肉火鍋set,仲追加多一碟牛肉，但烏冬原來係已經煮好，未食火鍋就食完了，另外再要鐵板燒牛舌定食，係等火鍋煲煮的時間，食住牛舌鐵板牛舌用的牛舌係薄款，剛剛上枱熱到吱吱聲，牛味濃彈牙好咬口，送飯一流，食完剛剛好可以食火鍋，火鍋蔬菜配料當然足，豚骨湯底都味濃，主角的霜降牛肉，都無失望，牛肉口感嫩軟，牛肉好食，因為食完牛舌仲有燒汁，配埋黎食更好食係麻布當然要食甜品，跟火鍋的係水蜜桃聖代，雲呢拿雪糕當然一流，但水蜜桃同樣香甜，跟牛舌的就要了抹茶聖代，抹茶味再配雲呢拿，當然好食

一早買了星期日晚的戲票、看戲前特意早到PopCorn 吃晚餐先。麻布茶房推出了熊本和牛火鍋套餐$88、包時令日本水蜜桃霜淇淋、好抵食！和牛新鮮軟嫩、有大量蔬菜、羽衣甘藍、菇、豆腐等配菜。三文魚牛油果沙拉 $69大大片牛油果夾著三文魚一起吃好fresh、適合我這個牛油果控。茶房風拉麵义燒軟嫩、麵條彈牙、不過湯底略嫌太油。芒果聖代雪糕好滑好creamy 、配合新鮮芒果蓉和不同水果、仲有杏脯肉、好好味！水蜜桃霜淇淋，水蜜桃凊甜，而雪糕底部配晶螢寒天，加上少許糖霜和沙冰，配搭恰好，夏天最佳消暑甜品。

到將軍澳逛街後，路經麻布茶房，看到餐廳四十週年慶的海報，熊本牛肉火鍋正在做半價優惠，套餐更附有甜品。這麼吸引的價位，沒理由不試一下。牛油果、三文魚和蕃茄是個穩陣配搭，以生菜絲墊底，再加上三文魚籽，味道清新。熊本霜降手切牛肉火鍋以這價錢有五件牛肉，算抵食。放了蛋汁後令牛肉更滑，而且有羽衣甘籃、南瓜、冬菇等。個人很喜歡這個鐵板燒熊本霜降西冷定食，牛肉味比火鍋的霜降牛更濃郁，蘸了燒汁更惹味；洋蔥又甜又腍；那碗飯大的驚人，是1.5人的份量吧。杏子金時由於燒蕃薯的熱力原故，霜淇淋融得特別快。紅豆好甜，霜淇淋比一般雪糕更滑。

小確幸@麻布茶房 心情唔好總是會想食點甜的，麻布茶房的燒蕃薯宇治金時霜淇淋一直在我心目中放在非常高的位置，雪糕和燒蕃薯明明是很簡單的東西，我不明白放在麻布茶房的燒蕃薯宇治金時霜淇淋就會變成不平凡 印象中麻布茶房不便宜，在學生時期，第一次是跟拖友來，兩個人SHARE一份，那熱呼呼的蕃配凍冰冰的雪糕是我的少女甜蜜的回憶 多年無來，但價錢似乎也沒有很大的變化，一百蚊左右已經有一份餐加上一份甜品， 老實講， 現在實在是抵食多了 店員推介我們點這個火鍋SET，有火鍋加上甜品和白飯 日式西餐廳裝潢，氣氛挺好的 不一會就上桌了，我點的是熊本霜降和牛火鍋$98 肉片份量不少，每一片都很大片而且很厚，肉質嫩滑加上油脂分佈很平均 一滾就可以食了~上好的肉不宜太熟。很推介這裡的壽喜燒，味道很夠，帶甜的湯底令牛肉加上一份鮮甜 炸蝦天婦羅是另加的，即叫即炸，那個炸漿很薄，外脆內軟 另一份餐我們點了燒熊本霜降西冷牛肉定食$118 牛肉份量很多呀，未食已經聞到陣陣香氣 西冷入口即溶，那生熟度剛剛好，不用再加任何醬汁已經很好食 配料也很多，色彩豐富，大大塊的薯角外脆內軟，始終肉食得多還是想

今晚同女友行街，之後食返餐好，所以揀左黎麻布茶房～我地一人叫左一個餐，我叫左個熊本霜降手切牛肉火鍋，而女友叫左個鐵板燒牛肉餐。每個餐都可以跟個甜品，會視乎你配搭邊款甜品，就會收取不同的價錢，而我地２個就揀左聖代！先講個火鍋，D 牛肉真係好得，新鮮而且食落好嫩，入面仲會同好多蔬菜、粉絲都幾飽肚。而個鐵板燒牛肉奉過黎係熱辣辣，食落香口，加埋D 醬汁冇得輸.另外我地SHARE 左杯紅菜頭西柚汁，好FRESH 好健康~2杯聖代分別係草莓、香蕉朱古力，成日都好怕軟雪糕會好快溶，出奇地又唔係WOR!!入面勁多生果，真係幾抵。OVERALL 都唔錯，價錢同環境都算幾好，下次會再黎！

可一不可再！無諗過一個海鮮丼收你$116，黎既時候d刺身係好靚，滿心歡喜以為好好食，點知一食d飯心情就即刻直插谷底。喂！刺身凍既，配熱既白飯？呢個係咩配搭黎？失望到極點！仲有個草莓聖代，雪糕黎到係溶既，我叫雪糕唔係叫奶昔喎！呢間野請我都唔會再食！

星期六晚去食咗個牛肉火鍋，再加一個牛柳粒定食。先來火鍋，牛肉比一般日式火鍋厚切一些，全鍋得5塊，配菜很少，另加烏冬要比多$10，好彩加咗烏冬，因為個火鍋食完完全覺得唔飽，呢個火鍋個原價$196 ，現在特價$98，如果唔係特價食嘅話，我就覺得相當之唔抵食。而另一個牛柳粒定食，就比較好啲，雖然有幾粒牛柳粒燶咗，但其他冇煮燶的都幾入味好食，再加埋其他餐湯、迷你雪糕、紅豆小丸子等等，成個套餐要$118 ，抵唔抵食就見仁見智，我就覺得一般啦！另外佢哋經常漏單，食完主餐，等咗好耐啲雪糕都未到，我哋total叫咗兩杯雪糕，要問一次先至嚟一杯，要再問，先至來另一杯，原因係兩次都漏單⋯⋯ 到最後仲欠左一支可樂，結果都係要主動追問先至有得飲，如果唔係跟餐嘅話，真係唔會追支可樂同雪糕！佢哋普遍服務態度一般好的，但其中一位侍應，態度最差，非常之冇禮貌，令我印象非常深刻到決定唔會再返轉頭幫襯！

■ 藍苺士多啤梨霜淇淋牛奶刨冰 $72非一般好食Exactly個名唔係好記得，係MENU刨冰個頁可見我第一次食刨冰係食曬～佢係棉花冰質地！特別好鐘意佢將士多啤梨醬分開係個杯仔上 因為可以想幾時落啲醬就幾時落⋯哈哈😄一開始落少少係面、食到一半又落啲，一嚟面層唔會食到好甜，二嚟下面啲冰又唔會冇曬味。重點係啲冰好似係牛奶冰定唔知落咗牛奶浸住！keep住好味■ 芒果聖代 $52係球芒果雪糕味道怪怪地 其他都冇咩特別OVERALL 唔算抵食。同埋我去食當日係星期日，仲以為冇tea set添，原來係店員冇主動拎個甜品tea menu俾我⋯！係見到隔嚟枱有份menu同我唔一樣先發現，有啲無奈。By the way tea menu上嘅甜品每款$42。入商場行完街得閒食個甜品都係唔錯選擇

麻布茶房本身既形象就係貴得黎食物又一般，但當係吾知食咩好，又甘岩見到個火鍋大割引，就再試下啦。叫左個A+B既套餐，揀左壽喜燒湯底、豚肉火鍋(轉烏冬)+抹茶雪糕窩夫。個火鍋一到左就見到啲料好港式，菜、獅子狗、龍蝦丸、冬菇、金菇，當然仲有豚肉，不過得三塊等鍋滾既期間好肚餓就試下個烏冬，個烏冬上菜時已經係熱既可以食得，好彈牙好好食而個鍋就普普通通，佢無出面壽喜燒湯底甘咸，而啲餸都普通到吾駛講，個豚肉都有少少韌。反而期待個甜品，紅豆好甜，個雪糕好濃抹茶味，但可能雪糕溶左，令到窩夫苦苦地。因為有50%off又有甜品先叫抵食啲，但味道一般。反而要提既係員工服務，覺得真係留意到客人需要同真心幫忙上菜時個鍋咩咩地，自己用紙巾整但都怕熱，有員工主動走過黎幫手，再比返啲紙巾

沙律、咖哩豬扒飯、意粉都好普通，沒有一種特別出色的感覺，所以感覺唔太值呢個價。呢個幾好味！但份量少反而雪糕有驚喜！我試左四款口味，但感覺味道都差唔遠🧐可能因為佢雪糕味道只係加啲醬、加啲粉😄😄😄😄😄😄 但佢特別在雪糕底下有舊蕃薯🍠！！食過先知原來雪糕配蕃薯都幾正🤤🤤🤤所以如果叫呢款甜品，我就建議唔洗特登試唔同未，因為真係差唔遠😂😂😂但係好味既👍🏽👍🏽食物質素唔差，但試過就ok

鰻魚炒飯，其實係撈飯，好少鰻魚，飯底太濕和風牛肉飯，又係飯底太濕，五塊牛肉其中一塊完全咬唔爛重點係甜品，食落覺得有少少煙灰味，後來揾到刨冰碗底果pad紅豆好重味，好似去完好多人食煙嘅地方之後洗頭時果陣味咁，由於一開始已發現紅豆唔係凍，所以我懷疑食材一早放哂出黎，然後有人喺附近食煙而污染，又或者係有人食煙污染廚房用具…總之我同個經理講，佢入去了解完出黎同我講，佢食過，果d唔係煙灰味，可能係d紅豆蓉來貨廠果度煮燶咗所以有陣味…我覺得都講得通，但半信半疑…後來有做廚房朋友話，應該係有人食完煙返黎冇洗手，將手上煙味染上食物，我都認為呢個機會最大…

朋友給了我這家店的coupon，於是我和朋友去這裡吃晚餐。但由於我們想吃的火鍋都不能用coupon，所以最後我們還是沒有用coupon😂😂😂我選了火鍋A+C，雞肉蕃茄湯火鍋。蕃茄味道極弱，即使火鍋內的配料眾多：小棠菜兩棵、娃娃菜兩棵、金菇一束、蟹柳三條、冬菇一粒、豆腐一磚、獅子狗、龍蝦丸、蕃茄和雞肉，但無一配料是入味的！可悲的是，連珍珠米也太濕不好吃，實在令人失望！兩個朋友都選了火鍋A+E，也沒有特別好評。甜品方面，我選的宇治金時外型美觀，但味道不太好。牛奶雪糕是香滑的，但溶得快。表面的綠茶醬是沒有味道的。雪糕放在蕃薯蓉上，味道不但不太配，吃下去還有點煲燶粥的怪味。整體而言，無論是火鍋還是甜品都不好吃的。

聽朋友介紹，話呢度的邊爐set好抵玩，同吉邊有得揮，價錢又差唔多，所以就黎trytry haha。不過食飯時間真係好多人，表示等得有點耐，但好彩仲有邊爐，原來佢個邊爐好快無，因為好多人食。原來真係好正，佢個set係邊爐加甜品。我嗌左個牛肉鍋，配豬骨湯底xd 佢d料同吉邊幾似，有菜有crab棒，有豆腐，不過牛肉就好少，但個湯好濃好好飲，同埋佢有個龍蝦丸，金菇等等。同埋我幾中意佢個飯，夠冧夠軟。甜品就嗌左黃豆粉炸蕃薯雪糕。好中意個炸蕃薯，口感加埋雪糕好special xd especially 打完邊爐食雪糕，味道一流！

香港很罕有地整個星期都平均 9 -14度，晚上第一時間想起食火鍋，但單一火鍋🍲妨似有些悶！所以選擇食豪華火鍋配雪糕甜品（一次過滿足兩個願望）茶房雞肉火鍋及茶房牛肉火鍋：一人份量，包括菜、金菇、蟹柳、龍蝦丸、燒魚卷、鳴門卷⋯喝了一杯綠🍵後才慢慢品嚐美味的抹茶聖代及芒果聖代！