麻布茶房 (Closed)

將軍澳嘅商場，真係有好多食肆，肚仔餓，揾地方食嘢，經過麻布茶房，唸起佢地個燒蕃薯霜淇淋，對腳就自然行左入去啦蒜香黑椒牛柳粒定食🥩🥩原來佢地有個豪華定食嘅午餐set, 會送「沖繩燒蕃薯霜淇淋」, 超抵呀, 於是就揀左呢個牛柳粒定食啦, , 有湯, 前菜, 個牛柳粒用蒜香黑椒烹調, 非常惹味鹽燒鯖花魚定食🐟🐟鯖花魚要整得好唔容易, 有啲會整到乾哂, 好嚡口, 但係呢度整得好好, 魚嘅肉汁依然保持到, 唔會用太多鹽去燒, 調味啱啱好沖繩燒蕃薯霜淇淋🍨🍨到我最想食嘅甜品啦, 有4款口味揀, 我地分別要左黑芝麻同紅豆, 下層係暖暖嘅燒蕃薯, 蕃薯好甜, 配埋牛奶軟雪糕, 食完呢個甜品, 真係好滿足喔👍🏼👍🏼

仲記得以前細個讀書時候去麻布茶房，要儲三日錢先至可以去食一次，今時今日周圍食飯價錢都唔係平，再次嚟到麻布茶房反而覺得佢好似幾抵食。Lunch去食每樣都係幾十蚊，仲已經有埋我最鍾意食嘅番薯雪糕。豬軟骨拉麵湯底濃郁唔會好咸，豬軟骨夠入味，咬落好林，拉麵軟硬度適中，啱晒小朋友食老公鐘意食日式咖哩，唔會太辣甜甜好開胃，雞扒都算大塊，連老公食完成個飯都話好飽我就食返我讀書時最常食的滑蛋豬扒飯，保持到水準，豬扒唔會鞋，外皮仲係脆添，洋蔥汁入曬落啲飯度，每口連滑蛋一齊食，好味小朋友最期待的雪糕時間小朋友食牛奶軟雪糕，底部有紅豆蓉同麻糬，甜度剛好，雪糕夠滑，小朋友超鐘意。午餐有coffee or tea附送，老公話咖啡係即磨，好香濃而我就食返我細個成日食嘅燒番薯軟雪糕，上面動冬下面熱，冰火感覺真係好刺激，配買芝麻醬一齊食好好味，童年回憶返晒黎。

麻布茶房以晚餐包雪糕甜品作招徠，的確吸引很多人來緬懷昔日首嘗日式甜品的情懷。晚餐以百多元的價錢已經包括味噌湯、前菜、主菜、甜品、及或咖啡茶。冷蕎麥麵配和味牛肉飯和味牛肉飯有不少的薄牛肉片、洋蔥絲及紅蘿蔔絲，加上甜甜的燒牛肉汁伴珍珠米食，牛肉飯很快吃光。冷蕎麥麵稍硬，冷麵汁味道亦略淡。熊本霜降西冷西冷屬牛扒較瘦的部分，牛味濃郁有嚼勁。牛扒可點綠菜鹽或燒汁，但西冷本身牛味濃郁，不點亦可。配碟的薯仔及茄子塊經油炸，感覺有點油膩，反而配上爽脆清新的日式沙律感覺較好。宇治金時上甜品時主菜尚未食完，所以軟雪糕開始有點溶化。凍軟雪糕配暖燒番薯，味道配搭本來不錯，不過軟雪糕就是比雪糕球快溶，很快變成水汪汪的，此甜品一定要快食。迷你宇治金時 金時蕨軟滋 牛乳粟米金湯另一跟餐甜品為迷你宇治金時、金時蕨軟滋及牛乳粟米金湯。此迷你宇治金時的軟雪糕較凍，感覺比較滋味。蕨餅口感煙韌，似食糯米滋，配上紅豆蓉增添甜味。牛乳粟米金湯原來是咸湯，配甜品食感覺很新奇。咖啡跟餐咖啡有碳燒咖啡的影子，咖啡味道香濃。

前幾個月約了這位友人吃飯，但因她家中突然有事而未能應約。事隔幾個月，待她處理好一切便馬上相約，互相關心一下。大家也是將軍澳人，所以約在食肆雲集的Popcorn。餐廳門口的食品模型很精美吸引，大家都被吸引了，一於它啦！餐廳裝潢夾雜和風和歐陸色彩，無錯！它是間日式西餐廳。近門有兩排四人卡座，轉個小彎就設有一排長沙發座配二至四人枱，另一邊有數張四人枱。看看枱上幾份餐牌，有本散點餐簿、自選晚巿套餐和豪華定食。我倆都被豐富的豪華套餐吸引了，定價一律$118，就睇下有幾豪華。**************************每款定食包有湯、前菜、甜品和咖啡或茶，相當豐富。在八款定食中，我揀了鹽燒三文魚定食（$118）。前菜有清淡的雜豆，挺有咬口；湯暖笠笠，湯身清晰，內有些蛋花，無油光亦少鹽，不錯！還有一大碗白飯 送三文魚，真係夠晒飽肚。三文魚 大小中等，但挺厚身，燒得略為乾身，外層帶少少香口，味道合宜，唔會太鹹。配菜有清新的西蘭花 和車厘茄，仲有燒茄子 和蕃薯，雖燒得有點焦色，但味道不錯。**************************友人就要了冷蕎麥麵配和味牛肉飯($118)。冷蕎麥麵 和

今早公司唔忙，可以早點出來和同事慢慢嘆個午餐。 同事指定要去麻布茶房吃，因為它有多款午餐選擇，而且豪華定食更有冲繩燒紫番薯霜淇淋甜品送。凍檸茶也夠茶味，糖水用有蓋小銀壼另上。海蝦天婦羅冷稻庭烏冬定食有一小碟酸瓜及蛋花湯天婦羅炸得香脆，連蝦尾殻也炸至炸卜卜可以吃。稻庭烏冬麵質有韌度，冷食清新好味。洋風番茄海鮮意大利麵番茄味道較淡，海鲜爽口新鮮。黃豆有點硬沖繩燒紫番薯霜淇淋底層放了原塊燒紫番薯，上層擠上軟雪糕。 雪糕慢慢濕潤了紫番薯，再配上黑芝麻醬，唔甜又美味。安倍川年糕抹茶冰淇淋暖暖軟年糕，外層沾滿黃豆粉，配上大粒紅豆及抹茶冰淇淋，hot and cold 雙重滋味。跟餐更有Dreyers 扭紋脆筒送

今日午餐黎到麻布茶房！見餐牌都有幾多選擇，lunch set 就比較扺啲。蒲燒鰻魚飯:個鰻魚好肥美，勁多鰻魚汁，所以都好夠味，但啲飯就普通。佢係lunch set ，所以配有湯，漬物。 海鮮泡菜烏冬鍋:個湯底有少少似韓式麵鼓湯嘅味，海鮮正常，分量都算多，最欣賞係佢個烏冬，夠彈牙同滑。 我地叫左豪華餐，有甜品送，個甜品包粟米湯，蕃薯牛乳雪糕同埋紅豆蕨餅，啲甜品都好好味，最有驚喜係粟米湯！鐵板牛肋骨及牛舌：分量好多，牛肋骨同牛舌都幾大舊，好夠味，但係我個人覺得太甜，同啲牛太肥。什錦天婦羅：正正常常，鍾意食南瓜同埋蝦天婦羅，炸皮幾薄。巧克力草莓芭菲：喱個都好味，特別係個牛乳芭菲！ 人均消費大概$140，都算扺食！

今日帶媽媽去popfood食飯，二樓四間餐廳內面，都係麻布茶房亞最啱食，事關佢嘅日本料理款式好多，拉麵、咖哩飯、烏冬、扒餐，應有盡有。晚市嚟嘅時候，有個超值套餐，有主食+甜品+前菜+湯，自由配搭。A+E套餐（$98): A - 茶房風拉麵。拉麵嘅配料其實好簡單，有叉燒、波菜、荀、紫菜。但拉麵係我喜愛嘅粗麵。食落唔好太鹹，味道適中，好啱大朋友小朋友食。叫呢個套餐最期待就係佢嘅E - 燒蕃薯冰淇淋。本來睇相以為下面係蕃薯味嘅燒餅，但原來真係成舊蕃薯，我媽媽好開心啊，係貨真價實嘅日本蕃薯。而牛奶味雪糕配上紅豆，亦係perfect match喔。另一個我地就單點了份燒烏冬（$108)，餐牌話要等15分鐘。不過食好西又唔怕等多陣嘅。不過！上菜個時我地真係嚇親。超！級！大！份！細食嘅女孩子絕對可以兩份分！原來燒烏冬就好似大版燒咁，佢有超級多嘅蛋一齊燒，反而麵就無咁多，而且入面有海鮮配料，蝦、魷魚、帶子等等。上面就灑咗木魚同紫菜～

（麻布茶房）屬於甜品屋，再配搭輕食定食，用意旨在客人不用在吃過晚飯之後再到其他甜品店享用甜品，也不用貨比三家，直接在麻布茶房便可完美地完成用餐體驗。這類one stop service 在日本街頭不難看見，也適合生活節奏明快的港人。大多中古式日菜系餐廳都會提供多種食物的立體模型， 滿足顧客的需要。蒲燒鰻魚飯，作為午市套餐，也毫不吝嗇地用上半條蒲燒鰻魚，秘製鰻魚汁香甜可口，伴飯一流。 鹽燒青花魚，微微燒香，鹹香度正常，魚香大滿足。 大蝦天婦羅，炸漿滿麵粉香，脆口，兼香氣迫人。 午市套餐附送美國名牌dreyer's雪糕。及自家製十勝紅豆冰淇淋。

星期五既夜晚當然要出去同朋友食餐好既😍揀左呢間麻布茶房，貪佢食完晚餐仲有埋甜品食😆👉🏿✨自選晚餐A-親子丼+甜品F Hkd 105💸📌真心對於有滑蛋既食物都冇乜抵抗力😂好似食啲咩加左蛋都會變到好好食咁😈佢呢款啲雞肉又多，唔怕好寡👍🏿最鐘意佢入面啲菇煮到入晒味，超級甜呀😊👉🏿✨個甜品就係朱古力香蕉雪糕牛奶刨冰📌呢個有小小失左水準😭錯係錯在佢既朱古力醬！本身香蕉加雪糕刨冰食係非常完美既，點知一加左啲朱古力醬味道就拉底左，佢啲朱古力醬好甜但味道又唔算出，還好啦👉🏿✨自選晚餐B-薑汁豚肉定食+甜品E Hkd 105 💸📌豚肉份量都係好足既！薑汁煮到入晒味，但又唔會一入口就好搶，味道完全可接受👍🏿而且啲豚肉唔會老，加埋啲汁連飯食好正☺️👉🏿✨宇治金時燒蕃薯雪糕 📌完全係因為佢既蕃薯先會揀佢😆佢個雪糕勁重奶味，加左啲抹茶醬，一啖食係滿足既！下面既蕃薯都好甜，好食呢😍

今日行街經過，比距門面個名吸引走過去睇睇餐牌，好似好吸引，於是入左去嘗試我地第一次。環境算可以乾淨，服務員態度非常有禮貌。我地叫左2個午市定食鰻魚飯（有湯同餐飲，雪糕配，鰻魚飯鰻魚軟滑，無骨，而且好入味，伴上珍珠米絕配，跟餐雪糕就係於治金時好香牛奶味，配細細杯香濃玉米湯）鐵板牛舌牛排骨定食（牛舌和牛排大大塊，配上甜甜燒汁送返不錯）海鮮泡菜洞庭烏冬（入面有豆腐，青口，魷魚，蟹柳，都幾豐富，不是好濃泡菜味，偏少少辣）最後最吸引甜品到：朱古力草莓芭菲，一個草莓雪糕球+牛奶雪糕，上面陪上脆餅新鮮草莓草莓好甜，下面陪上朱古力醬，睇個樣都流口水

雖然話將軍澳得大商場，冇咩特色小店，但是識得搵好嘢食，其實四周都係寶，今日嚟到Popcorn 嘅pop food，就食咗個高質日式午餐。近排開始有啲秋涼，但係正午時間係街行到成身汗，點都想食返啲清爽嘅嘢食，就叫咗個溫泉蛋彩色冷蕎麥面。好大碟，起碼有兩個飯碗份量嘅蕎麥面，上面鋪滿吞拿魚粒、青瓜粒、玉子、香菇粒、魚子、壽司姜，最重要係中間有得流心溫泉蛋。魚籽咬落幾鮮甜，食得真係幾新鮮，配合蕎麥面嘅味增湯底，成件事好夾，將魚籽嘅鮮味襯托出嚟。溫泉蛋整得好滑，用嘅蛋都幾高質，幾有蛋香。香菇絲估唔到咁有香菇味道，食得出特別醃制過，有輕微蠔油味。蕎麥面可能因為過咗冷河，特別煙韌有口感，食落感覺清爽。配菜係小豌豆同紅蘿蔔粒，食得出加左少少梅子醬，酸酸甜甜幾開胃。抹茶雪糕溶得幾快，抹茶🍵醬都冇咩抹茶味，有啲失望，不過整體來講90幾蚊食咗個咁高質嘅午餐都算係幾滿意。

將軍澳雖然大都係商場，但係識得搵，都食到連鎖集團以外嘅好嘢食，今日就嚟咗Popcorn商場食咗個高質日式定食。Menu有好多頁，真係花多眼亂。見餐廳特別推出左豪華午市定食，就一於試吓鹽燒三文魚定食，成個餐$118，配湯同前菜，附送咖啡或茶，仲免費送三色甘味甜品🍮。三文魚好大條，成隻手板咁長，厚差不多2cm。外皮煎得好香脆，特別係三文魚表皮連脂肪嘅一層，食落口好甘香，三文魚味突出，而且肉質鮮嫩，證明烹調時間調校得準確。不過有啲令人失望嘅係麵豉湯，成個湯只係得輕微嘅鹹味，裏邊有非常少蛋絲，味道十分單調...另外叫咗一個白玉霜淇淋蜜豆沙，旁邊有一小瓶黑糖可以自己添加。雖然雪糕溶得好快，同埋偏甜，但配料豐富，裏面有杏脯肉、豆沙、蕨餅、白玉、同埋爽脆嘅啫喱，整體口感和味道不錯，不過份量多啲就好了。

收工約咗人去將軍澳睇戲，喺開場之前梗係要醫飽個肚，附近都有唔少好嘢食，就好似呢間精緻得嚟又唔太貴嘅麻布茶房， 而且佢有唔少甜品同雪糕，最啱就係一啲好鍾意食甜品嘅女仔。晚餐都有唔少選擇，我哋首先叫咗兩款嘅小食試下，一個就係雜錦天婦羅，有海蝦同埋唔同嘅蔬菜，就好似茄子、南、青椒等等，非常新鮮熱辣，而且個皮好脆好香口，但係唔會太厚粉，加埋個天婦羅汁，唔會太油膩又夠香口。天婦羅汁可以加少少蘿蔔蓉，會更加清新爽口。另外仲叫咗個串燒拼盤，有四款唔同嘅串燒，肉方面有牛肉同雞肉粒，菜方面就有秋葵同冬菇。 每件串燒上面都加咗燒汁，非常惹味。而我比較欣賞佢嘅秋葵同燒冬菇，燒得非常夠乾身，但又吸收曬啲燒汁味。主食方面我哋各自嗌咗兩個安格斯牛肉火鍋， 唔同嘅只係湯底，我就嗌咗泡菜湯底，朋友就嗌咗壽喜燒湯底，兩款嘅味道都唔錯，不過壽喜燒嘅醬油味比較甜，所以我都係鍾意泡菜湯多啲。而且牛肉嘅肉味都幾香，但係唔會太肥，入口都幾嫩滑。最值得一讚既係每個餐跟咗隻生雞蛋，非常香蛋味，用嚟撈豉油或者打落個湯食都一流。我哋都冇選擇到白飯，而係揀咗烏冬，同埋好特別嘅屏屏麵。兩者面則都有啲相似，唔同嘅只係闊度，屏屏麵比較闊身，入口

因為聽講個甜品出名先黎食，但睇下個menu原來熟食都有唔少選擇～睇相好似都唔錯，所以順便食埋lunch蒲燒鰻魚飯，鰻魚非常入味，但因為較瘦，所以有小小dry，少左種肥厚的滋味，有少量骨但可直接食，因為價錢算平而且份量又多，所以整體都ok滑蛋吉列豬，炸得岩岩好，層粉夠薄夠香脆，入邊舊豬仲好juicy添如果蛋汁既份量再多啲就好了！炸雞翼，炸得有小小dry，但調味ok，算是中規中矩招牌燒紫薯綠茶雪糕，整體唔錯，同埋估唔到跟餐份量都有咁多，抵食，推薦！下邊嗰層係燒得香綿既番薯蓉，加埋上邊軟滑既雪糕食可以體驗冰火二重天既感覺如果要挑剔嘅話就係綠茶味嘅甘香稍微薄弱左啲！

最近多左黎將軍澳做野成日做到夜晚就好想食好野上網見到呢到有火鍋半價就吸引左我過黎我係為左呢個火鍋黎所以一坐底就決定要一個安格斯西冷牛肉火鍋呢個火鍋好抵食原價$16x半價之後仲有甜品食西冷牛肉好腍身而且肉味好重比一般食既火鍋牛肉高級好多配料雖然唔算多但樣樣都好新鮮 甜品我就揀左黑蜜黃豆粉一直知道呢個燒番薯雪糕好出名一直都想試今次終於試到黃豆粉味道好香加埋甜度頗高既黑蜜好好味最特別係雪糕下面既燒番薯同雪糕一熱一凍但溝埋一齊食又食到各自既味道好正 朋友就叫左個熊本霜降西冷餐呢個餐好豐富有沙律有湯有珍珠飯最重要係塊霜降西冷我偷偷地食左少少肉味好濃郁而且切出黎食食到肥瘦相間既口感甘香之餘又好有結實既口感再加埋燒肉汁少少鹹又唔會遮到牛肉味值得一試 呢個芒果霜淇淋牛奶刨冰嘅雪糕奶味好香濃而且好柔滑加埋芒果醬食甜得黎又有奶香而生果份量都非常足料就黎滿瀉