東鮨居酒屋 (Closed)

剛在港島做完野，朋友建議食日本菜，用手機搜尋了一下然後揀左呢間小店一試，貪的就是地方細而且位於寧靜一角，可以安靜放鬆咁食飯，其實對香港人黎講唔易。餐廳有一個對街的大窗可以打開，現在秋涼非常通風，爽。午餐提供的set都是丼，朋友分別點了燒鰻魚丼及雜錦刺身定食，我就唔想食飯，所以點左主menu的菜色，分別點到花魚一夜干及幾樣串燒，由於餐廳做緊推廣，所以我們一行三人點左半打生蠔（一隻$10）生蠔肉甜，肉質飽滿，有淡淡海水味，非常抵食。燒鰻魚丼，鰻魚肉厚，醬汁濃度合適，咬起來仍有肉汁，火喉控制得宜。雜錦魚生定食，有成七款魚生，款款新鮮，魚生厚切，超仁之選只係$158。花魚一夜干，經典日式菜，穩定高質，唔想食飯，配杯酒就一流，不過餐廳暫時未有酒牌，要飲的暫時要自己帶黎。總括黎講，抵食有質素小店，西營盤又一小確幸，九龍區都有多d就好。

今次試食的地方是叫東鮨居酒屋，位於西營盤第二街，一直向上行到盡頭轉彎便是。這間居酒屋已試業了一個多月.....是日晚上去到都頗寧靜，適合三五知己去，不過酒牌仍在申請中，如果喜歡飲酒🍻的朋友就要再等候下。是日點了幾個招牌菜，有軟殼蟹沙律、三文魚卷、蝦天婦羅卷、煎花魚、唐揚雞...軟殼蟹沙律都處於室溫狀況。蟹炸完之後都不覺得油膩，粉漿都薄薄的， 加上底層酸酸的醋提升食慾，的確是餐前不錯的選擇。而那兩個卷對比的話，三文魚卷會比較性價比高，上面都有魚油脂，加上飯卷沒有一夾即散的情況，食起來挺有鮮味。但天婦羅蝦卷就比較簡單，吃起來比較普通.......反而唐揚雞吃起來都有點驚喜，咬起來不太油膩，但是肉質又鮮嫩及內有肉汁鎖住，加上有檸檬汁提升鮮味。最後的亮點就是那個花魚，是屬於比較多肉大條的日本進口魚，根據店員告知，是類似香港的黃花魚的種類，同樣都是有醬油伴味，味道不是太濃烈，有種淡淡的鮮香不過如果大家想試濃味一點可以試一夜干是經醃漬過一晚的。其實這間居酒屋的賣點是菜單、伴碟、每碟的半碟都有很多新奇有趣的食材，例如入饌菊花，西瓜蘿蔔，沙拉醬裝飾等等...要視乎當時居酒屋進口的食材而定。因為居酒屋附

星期天和朋友到上環購物，之後一齊吃午餐，逛下逛下見到一間新張小店，門口寫住試業期間大優惠，生蠔只買十蚊隻，而且仲全單免加一，見咁抵，就入內食午飯。店面雖然小小，只有20多個座位，但入內感覺很有日本食店家庭feel，很有親切感。兩個人不太肚餓，就叫咗三色丼，Azuma卷，燒原條鰻魚，再加幾隻特價生蠔分享就應該夠食了。午市套餐 ~ 自選三色刺身丼 ~ $98午市套餐配麵豉湯和菜沙律， 沙律菜加上醋汁和蟹籽，很開胃。三色丼刺身可在三文魚、帶子、油甘魚、甜蝦、金槍魚蓉和北寄貝中選擇三款，我揀咗帶子、油甘魚和甜蝦。賣相方面，刺身丼睇起上來非常之有美感，油甘魚腩非常肥美，帶子新鮮爽彈， 而且廚師亦很細心，在帶子中間夾上一片薄薄的蘿蔔，令帶子吃起來更有口感。 Azume卷 ~ $88 外型好靚好吸引，裏面有青瓜、牛油果、軟殼蟹……等，軟殼蟹份量一啲都唔少，而且炸得很香脆， 加少少wasabi 同吃，味道一流。原條燒鰻魚 ~ $168 鰻魚外皮燒得香脆，內裏仍保存肉汁，加上片片花瓣和芝麻，外觀和味道都真係冇得輸。生蠔 / $10隻雖然唔係好大隻，但都算creamy，帶少少海水味，最抵讚嘅係冇蠔殼碎黐住

好驚喜在這隱世小店同時滿足了胃和相機師傅用心的每一道course都有如藝術品。在這邊過了一個特別滿足的生日，還收到一個新奇的sashimi生日蛋糕！驚訝驚喜開心～ 所有食材都非常新鮮。好，接下來是我僅存的記憶，但凡出現圈圈叉字樣的，說明我已經盡力了矶煮鮑魚vs皮蛋君薄脆無花果圈圈叉魚梅汁圈圈叉冷麵海膽cocktails柚子果凍陪圈圈叉蠔櫻魚配圈圈叉（酸溜溜）汁金目鯛sashimi（用了圈圈叉的切法 再冷裡去熱裡來的 所以格外爽脆嫩 ）vs 圈圈叉艾妮魚（酸什麼醃製圈圈叉叉叉）紫薯圈圈叉帶子什麼什麼羹/湯慢煮雞胸配圈圈叉香料及洋蔥前圖中的魚頭魚骨以及某圖中的某魚，三魚一鍋，熬熬熬熬熬的皮散骨融眼珠也找不回來的 清甜鮮滑魚湯紅酒肉桂煮黎

今日就去咗西營盤, 參觀最新嘅壁畫, 打完卡, 影個靚相之後, 就上咗去第二街嘅, 新開居酒屋餐廳, 裏面有最吸引我嘅就係佢嘅生蠔, 係十蚊隻, 等我食五隻先, 好新鮮好fresh! 點一點檸檬汁之後, 有提升嘅感覺!另外再叫咗啲串燒, 有煙肉荔枝串燒, 呢個真係冇得頂! 外面脆卜卜嘅煙肉, 咬落去之後將荔枝嘅汁爆發出嚟! 非常之match! 另外就有日式小青椒咬落去香口, 有幾juicy, 不錯不錯另外再食埋個鰻魚飯, 鰻魚丼既鰻魚非常之大塊, 燒得非常之香 咬口軟熟, 再食埋個飯, 真係大滿足

自從港島線延伸到西環之後，多咗機會去到西營盤食飯，今日難得假日，約咗住喺西營盤站附近嘅朋友一齊共聚午餐。「東鮨居酒屋」位於西營盤第二街，由港鐵站行過去都只係幾分鐘路程，非常方便。店舖舖面唔大，大約可以坐20個人左右。由於餐廳新張優惠，暫時都係免加一。黑咖喱吉列豬扒飯：套餐包麵豉湯同埋沙律。沙律加入左柚子汁，wasabi 同埋飛魚子，食落好開胃。麵豉湯鹹度亦都適中，唔錯。黑咖喱聽就聽過好多次，但係就從來未食過。經店員介紹後，知道黑咖喱其實係唔辣嘅，係咖喱汁加咗墨魚汁同埋龍蝦汁整成，賣相雖然係黑蚊蚊，但係加入咗火喉剛剛好嘅吉列豬扒後，都相當吸引。Azuma 卷 ：既然用得餐廳名黎命名嘅壽司，咁當然係招牌菜啦。賣相有少少似太卷，不過加入左牛油果同埋軟殼蟹，入口脆脆地，好有口感。生蠔：新張期內，生蠔只係每隻$10 ，價錢相當親民，品質非常出色，肉身飽滿，口感清脆，海水味適中，容易入口，配埋檸檬汁食，非常好味。柚子雪糕 ：食日本野又點少得試下佢哋嘅甜品呢？呢度嘅柚子雪糕，似係自家製，入口有少少似雪芭，柚子味相當香濃，非常出色，值得一讚。埋單每人都係200蚊，可以係寧靜嘅環境下同朋友敘舊，慢慢品嚐

相約舊同事晚飯，今次去了西環第二街一間小小的日本居酒屋。舊同事試過這裏的午餐，覺得不錯，所以今晚帶我一同過來試試。餐廳應該還在試業階段，看，門口招牌上仍貼上紅紙，待擇日開張。餐牌選擇未有太多款式。望望四周，見到牆上寫著生蠔大優惠，只需十蚊一隻。好抵呀！我們立即叫了半打。生蠔配清酒應該不錯，可惜餐廳還未拿到酒牌，暫時未有酒類供應。沒關係，今晚就以茶代酒，先盡興再說。生蠔隻隻都好肥美，吃進口海水味濃郁，略鹹，但蠔本身很creamy，滑滑溜溜的，轉眼就吃清光了。跟住再叫個沙律，刺身沙律，只需68蚊一份。但份量不少喎。舖滿粒粒不同種類的刺身，伴以沙律菜，很清新，非常適合夏天吃的一道菜。唔，之後再點什麼好呢？見鄰桌有在吃燒魚，好像味道不錯，我們就叫了一份喜之次一夜干。平常我是受不了魚的腥味，但一夜干例外，魚經過風干一夜之後，把魚的腥氣都帶走了，但又保留了魚的鮮味。喜之次經風干後肉質比較結實，但依然滑溜，魚肉較有質感，鮮味好吃。原本想再叫甜品，可惜當晚只剩下榴槤糯米糍。我和同事都不吃榴槤，所以未有試這個。總括來說，餐廳每款食物都有水準，會等其正式開業後再過來吃。

We usually dine around the area in 123 street and found this space when we drove around.My background of yakitori comes from eating restaurants like yardbird, shiba, 南蠻亭, toritama and etc.. We tried the skewers(chicken wing, corn, pork, beef ribs), soft shell crab roll, fried chicken bone cartilage as basis for review.In short, the restaurant is not good and not ready to serve customers. A few of yakitori skewers were lukewarm(like coming out of microwave) and the crab avacado roll looks like it

西營盤啲餐廳愈開愈多，今次喺第二期既轉角位就搵到間新既日本菜！試左店員推介嘅黑咖哩，佢話店內嘅黑咖哩唔辣，用咗墨魚汁同龍蝦汁製成，食落真係有海鮮味，同出邊嘅搭咖哩飯好唔同，而且炸雞份量都幾多，唔錯！七色刺身丼就咩都有，而且都幾大碗，如果唔想食熱食都可以考慮。我哋另外叫左炸軟殻蟹沙律同炸雞軟骨，軟殼蟹嘅份量比想像中多，而且唔會炸得過火，肉質唔錯，如果唔係太餓既女士一個都夠！總括嚟講，西營盤普遍都係比較多西餐廳，而且佢日本菜來講都算選擇幾多，所以一班人食都唔錯！

Sai Ying Pun is a lovely place, you will find many historical buildings.Walking from High Street, there is a famous haunted house and going down one of the lanes, there is one of the oldest paper mache shops in town and this joint is right next to it.It might bother some people but I appreciate it as a form of art as well.The menu during and day and night are different and I chose to visit during the day as they have donburis and I love the flexibility as they have Chirashi donburi where you can

今天和Juno 放假，我們很喜歡在西營盤覓食，走呀走，突然在第二街看到一間新開的東鮨居酒屋，我們不由自主地走進去!地方不大，但有一種大阪居酒屋的感覺，而且Menu 有2夲!我們叫了美國的生蠔，太抵了，祇不過10元一隻，我們叫了半打，不但肥美而且很鮮味，我們一下子叫光光了!我們叫了一個刺身沙律，想不到的很足料而且份量很大，而且有很多吞拿三文魚粒粒，拌在爽口的沙律菜上，我們覺得太好味了，終於多叫一個，真的很有水準!人手盛很特別是厨師用上當天新鮮運來的食材，不同的刺身及時令魚，另外分別有壽司飯及紫菜，自己包成壽司，更具特色，我們最欣賞的是自己包的海膽壽司，真的很鮮味!芝麻雞翼很香口，而且熱辣辣!我們兩個女孩子又過了快樂的一個晚上!

一條港島西延線，唔止帶動好多商機，連帶都令我多咗走入嚟食飯，加上其中一位表姨甥女就讀港大，兼且大部份時間住晌宿舍，更易搵到飯腳。呢一夜，又嚟到第二街搵食，喺一家新開嘅居酒屋「東鮨」。雖然餐廳嘅地址寫明喺第二街，其實，正式嘅入口卻開喺轉角落斜嘅東邊街旁。走入鋪內，地方唔大，屬小店格局，兩邊水泥牆，裝修簡約，和風嘅裝飾唔多，而全場都喺高腳枱櫈。不過，枱上嘅餐具倒喺幾精緻。餐牌共有兩本，原以為一本喺食物，一本喺酒水，實際卻喺無咩點分，翻一轉之後覺得似喺無咩次序，而以下文字及相片嘅次序都喺經小弟重新編排過，方便大家參考：沙律、小食、炸物、刺身、壽司、卷物、串燒、爐端燒及甜點。既然叫得居酒屋，就梗喺有酒賣啦，啤酒、清酒、果汁、汽水一應俱全。整體而言，個人就覺得個餐牌過於簡單，只喺普通白紙黑紙，有欠吸引度。 此外，枱上仲有多款日本清酒嘅推介，兼且推出試業優惠價，不過，我哋都唔好酒，所以，未有一嚐。除基本餐牌外，牆上仲有兩個特別餐牌，分別喺「是日精選」及「日本直送鮮魚」，都喺值得留意一下。Azuma新鮮生蠔 $10晌「是日精選」度就發現平靚正日本生蠔推廣，原價賣$28，依家$10隻，限量供應，極吸引

西營盤有好多好野食，同朋友黎左呢間新開嘅日本菜。環境幾清靜～其實佢有好多刺身食，不過我同朋友都唔食生野，所以叫左啲主食同小食。雞泡魚乾真係好好食！個味好濃好香係非常好嘅佐酒小食！雞軟骨都係好好食，都係佐酒一流！燒花魚，好食～～黑咖哩，呢個好特別～好似話加左墨魚汁整～好味～不過黑咖哩其實係唔辣，但有咖哩嘅香味～另外仲叫左支清酒～其實佢仲有好多唔同酒，係一個好好嘅吹水飲酒好地方！埋單三百幾蚊，價錢合理。可以再來！

I stumble upon Azuma when I was walking around looking for food they just open and are offering some decent price for their Lunch set.When I walk-in the environment gave me a cozy home environment.I order the Chirashi Don, I was glad that the rice was not stone cold, and both the fish and the rice are in their optimal temperature.I would recommended anyone at Western district to come and have a look since they are newly open and are offering all types of promotion such as no service charge.