b.o.t.h By Texas Burger

Open Now

Now Closed

🍴磨菇湯 (8/10)將磨菇打碎，質感好濃稠，好香濃菇味，好好飲！🍴 德州燒烤牛肉漢堡Add On (Golden Fries) + (Soup/Drink) $138 另收加一 (8/10)薯條好幼身，炸得好香脆，有薯仔味，真係放耐咗都好脆！麵包好鬆軟，有用牛油煎香，有牛油香 個包都好好食，入邊有炸洋蔥圈生菜芝士煙肉牛肉餅，用咗燒烤醬汁，甜甜哋，牛肉餅幾香口都幾Juice，比較重黑椒味，，有少少牛肉嘅香味，煙肉油煙油嘅香味，洋蔥圈好香脆，增加咗口感。☕️Cold Hazelnut Latte +$25 另收加一(9/10)咖啡好香濃，入口好滑，好nutty，好正，奶泡都好綿密，Hazelnut好出好香，一啲都唔甜好好飲！🍮蛋酒吉士布丁 $58 另收加一 (10/10)布甸好creamy好滑，好重奶香忌廉味，甜甜哋，同時又有焦糖嘅焦香，上面嗰個係彈走，有蛋嘅香，酒味都好濃烈！勁好食！

今晚打算唔煮飯，就決定去呢間餐廳食Burger! 雖然排左陣隊，但係完全值得嘅！🔥是日精選濃湯今日係南瓜湯配丹麥包，南瓜湯好濃郁又夠滑！🔥香蒜帕馬臣炸魷魚呢個炸魷魚份量都幾多，配上他他醬，作為小食一流好好味！🔥精選意大利麵或燴飯每日都會有唔同嘅精選，今日我哋就揀咗芝士白汁煙鮭魚意大利麵！個意粉都不錯，鮭魚份量幾多！🔥德州燒烤牛肉漢堡呢個burger好經典，有炸洋蔥圈煙肉及芝士牛肉，配上BBQ汁，成件事好夾！另外配上一堆薯條，熱辣辣！🔥極級美國黑安格斯肉眼牛扒我哋叫咗五成熟，塊扒煎得啱啱好，食落好Juicy!🔥Tiramisu latte呢個飲品好似甜品咁，將個Tiramisu變咗做飲品，個奶泡好Rich，配埋latte好正！

知道九龍灣新開了「b.o.t.h By Texas Burger」但較早前總是未能入坐，今日終於提早收工，來到這裡嚐嚐他們的各款美式漢堡，還有扒類、甜品等…這裡裝潢帶點懷舊，設有特色磚牆及以瓷磚鋪桌面等…Tiramisu Latte爆多芝士忌廉在面層，再配上香濃咖啡，做到層次分明，柔滑香甜，啡味濃郁，令人陶醉。特色玉米夾餅玉米夾餅夾著多款材料，今次更選了雞肉作主打，當中還有牛油果醬、蕃茄及酸忌廉作調味，清新爽甜，層次豐富。德州燒烤牛肉漢堡漢堡又點可以唔叫，他們用上Brioche漢堡，入口鬆軟富油香，再有牛肉、炸洋蔥圈、生菜等…及有BBQ燒烤醬汁，入口牛味濃郁，香脆可口，越食越惹味。咖啡帶骨豬鞍扒來到已聞到陣陣咖啡香，入口肉味濃郁，口感嫩滑彈牙，甚有驚喜。熔岩提拉米蘇梳乎厘班戟那濃郁的芝士及朱古力碎粉超流心，而且梳乎厘口感軟彈，空氣感十足，令整體味道更綿密香濃，真的是一款必叫嘅甜品。

今日未到12點就已經去到呢間新開嘅餐廳度等位，以為好多人啦，咁原來仲要係90分鐘食飯時間咁都算啦，咁好啦入到去咁睇完個餐牌咁去諗住叫嘢食就叫個侍應生啦，點知佢就指住嗰張QR code字篤篤兩下，示意即係要用QR code去點餐嘅，咁其實你作為一個侍應其實你講一句嘢又好難，除咗嗰個係麻麻哋其他服務生都服務態度都可以。此外，講到個burger係幾特別嘅都幾好食嘅，但係嗰手工限量Pizza就好一般。杯嘢飲都幾好飲嘅。

食物可以，但服務員態度奇怪(個別人士極其敷衍了事，又有啲掛住同認識嘅食客不停大聲吹水）見到客人檯上冇食物到唔主動幫手check - 當日我隔離檯table for 2, 工人姐姐嘅dish一早到咗, 伯伯嘅dish直到我食完 （我比佢哋遲入座最少15分鐘），冇員工幫手check單睇吓咩事(唔好要求員工主動，係唔會），連我唔識隔離枱都幫手叫啲staff check of coz, 答案只係話整緊，時間要耐啲bla bla bla) … service係離譜的差。另外冇人知道應變…我哋當日食晒嘢，準備pay the bill時佢先上湯⋯冇原因，不解釋而有個服務員同識嘅食客吹水係話因為lunch 太多人冇晒湯要重新煮⋯點解啲員工送食物俾客時唔講聲，又或者用其他（like salad?)代替？上菜次序都唔理，食物質素又一般，冇services,叫人點推介？BYW, 我寫咗complain letter去佢哋嘅gmail 但冇feedback嘅，我對呢間嘢已經再冇任何期待

Lunch time等候時間極耐 如果lunch time既話可以唔使黎食 一定會遲到的 落單QR code都搞錯 2位變4位 落單後問返我地係咪叫左4個餐 要重新等候食物 上菜速度好慢 隔離枱個burger就食晒d飲品都未到 個burger送到黎個包面係燶既 落左request 話走生菜走洋蔥 送到黎全部係晒到 完全ignore左客人既request 入面既牛肉一切就碎晒 蕃薯條好淋芝士好漏 唔知食緊乜 OpenRice一面倒好評 完全唔認為值得排隊入去食

b.o.t.h By Texas Burger （九龍灣）主打美式漢堡的b.o.t.h最近在九龍灣開了新分店，環境闊落，食物選擇非常多，除了漢堡包，仲有供應意大利飯、意粉、薄餅等主食，輕食方面亦有三文治、吐司、沙律等。自家製紐約特色薄餅薄餅底塗上蕃茄醬，上面舖上意大利辣肉腸、香葉和大量芝士，有超強拉絲效果，薄餅邊都好脆口。特級鴨肝牛肉芝士漢堡用上布里歐包 (Brioche)，牛油和蛋味道較重，漢堡包塗了牛油再烘烤，夠香脆。牛肉漢堡肉汁豐富，肉味夠濃；鴨肝味道香濃，脂香味豐富了整個漢堡的口感，再加上半溶芝士和沙律菜，並加入自家醬料草莓香醋，相當美味！日式帶子牛油南瓜燴意大利飯米飯的顏色好治癒，高湯和米飯比例控制得剛好，米粒偏軟身，飽滿地吸收了湯汁，好香濃忌廉和南瓜味道，清甜的南瓜蓉令意大利飯口感更綿密，仲有粒粒南瓜，配上煎得香口的牛油帶子。晚市套餐跟配餐湯、餐包和飲品。可以優惠價升級至特色飲品。飲品選擇好多，有懷舊香港特色飲品、咖啡、雞尾酒、軟雪糕奶昔等。賣相充滿少女心的軟雪糕奶昔吸引了我地：Pink Panther由雜莓、雪糕和乳酪打成的奶昔，酸酸甜甜，口感幼滑。Garfield由伯爵

今次去咗食喺九龍灣德福廣場嘅人氣burger店，去到門口已經見到好多人排隊👍🏻佢哋嘅裝潢有懷舊嘅感覺，餐廳座位好闊落，多啲人去聚餐都好適合❣️食物方面，前菜個湯同麵包已經好吸引，麵包係千層牛油麵包🤤🤤我哋叫咗’Carr Valley Beef Burger’ 牛肉充滿肉汁，夾埋紫洋蔥落去食好夾👍🏻另外叫咗 ’香濃蕃茄布塞托風乾豬面頰意大利麵’ ，意粉分量都幾多，有好多配料而最特別都係豬面頰，味道小小辣好惹味🤤如果多幾個人去食，好推介叫佢哋特色pizza，鋪滿芝士同辣肉腸，芝士味好出😍趁熱食仲拉到絲🧀🧀飲品方面，Tiramisu Latte 好值得試，好creamy咖啡唔苦好好飲😍而布甸就外型特別，下次會想試佢哋出名嘅pancake❣️

今日行過九龍灣，黎試下呢間美國風嘅burger cafe😄睇黎應該係新開，但竟然平日黎都full😨餐廳裝修幾 chill，好岩一班朋友黎食下野傾下計咁食物飲品選擇都多🫕餐湯今晚係南瓜湯😃味道好濃郁，入口都creamy🥢香蒜帕馬臣炸魷魚一碟都幾大碟，大部分係魷魚鬚😆炸得都好酥脆，個炸皮唔厚，魷魚味都有加左啲檸蜜汁同沙律醬去食好解膩👍🏻🍔德州燒烤牛肉漢堡黎到一定要試下招牌Texas Burger 啦！漢堡扒係幾juicy😍燒烤汁嘅味岩岩好，唔會太搶左牛肉味個包都輕輕烤過👍🏻而且加埋炸洋蔥圈，口感好多層次幾欣賞佢個薯條，幼薯條每條都炸到好脆，一流🍝三文魚白汁意粉意粉a彈，白汁香濃，加埋芝士碎食好香口🥩美國安格斯肉眼牛扒嘩都幾大塊! 5成熟岩岩好油香味唔算好勁但肉味都重👍🏻肉汁都豐富所以食入口完全唔乾，一定要連埋炸蒜食😆啲side都好食👍🏻🍸Earl grey chocolate 都算係餐廳嘅signature😃Earl grey同chocolate味唔會互搶，反而好夾每啖都帶有茶同chocolate嘅香味☺️

訂位時仲口口聲聲講話要一個鐘還返張枱俾佢，坐低咗落完單九個字都未見到個主菜，催成五六次一路係咁講話得啦得啦就有，結果後邊張枱遲過我都仲有得食，我哋嗰枱啲嘢食先嚟。有關啲食物(太嬲，所以冇影相)餐湯: 呢個嚟得最快，一坐低幾分鐘就有，中規中矩的南瓜湯，係跟湯嗰塊麵包大小不一豬肉三文治: 等咗半個鐘催咗幾次先有，中肯啲講，豬肉絲Juicy，麵包都夠脆，但係欠咗啲配菜朋友的牛面risotto: 就係呢個主菜出事，等咗九個字都無得食，結果成餐晏晝要轉外賣盒返公司食，risotto 外賣凍左嗰種膩同漏，留返俾大家想像劣評係比服務，百幾蚊一餐lunch食到咁受氣，真係無下次PS: 要講埋佢張凳，點解兩邊個扶手要做到咁高？用嚟等我冇嘢食嘅時候托住個頭？

繁忙時間排隊頭會有得入座反而比中間同埋後面啲人入，員工服務態度超級差，完全唔會理客人，同埋食物質素同垃圾冇分别，仲要等好耐都未上菜，食完一次就谷氣一次，下次唔會再光顧

係九龍灣德福二期新開鋪頭一定要試下😍地理位置十分方便，位於商場之內。無論炎夏寒冬都唔需要擔心天氣問題，可以舒舒服搵間鋪頭食嘢。一入門口見到一個水吧檯，內裡屬於工業簡約風嘅裝修style,以深綠色與灰色色系為主。設有卡座，座位闊落，坐得舒適。以QR code落單方便又快捷。香菇墨西哥雙重芝士薄餅$98Total 一共四塊，全素，適合素食主義者。粒粒厚切香菇伴有番茄🍅粒並且帶哋微辣，令芝士顯得唔會太膩亦帶嚟多種口感與味道。芝麻菜.露筍.牛肝菌.黑蒜燴義大利飯 $138 材料係菜單名已完全突顯，真材實料😋醬汁完全包裹住義大利飯太膩亦唔會滯，而且帶有淡淡嘅黑蒜香，健康又好味😋。特級鴨肝牛肉艺土漢堡$171第一次食鴨肝buger. 頗為驚喜。漢堡又微微烘焙過。鴨肝入口即溶，厚厚嘅一層。配搭牛肉，令buger口感提升到更高層次。另外亦有醃製嘅洋蔥🧅幫手解滯😍。兩個dinner set都附有餐湯濃香嘅南瓜蓉並少許個蕎麥及忌廉🍮蛋酒吉士布丁$58賣相精緻，有🍓及🫐、爆谷座位及一支細細嘅酒作為點綴，布丁口感好滑且帶有濃香嘅奶味及少許嘅酒味，即使食完一整個都唔會覺得漏😍。

九龍灣新開間餐廳走型格風，主打burger🍔，我呢個burger愛好者，點會唔入去試一試😂😂艾基阿格牛肉漢堡🍔$98另+$50 會有薯條及湯或飲品個burger果然出色！份量大，而且個色係做到有少少脆👍🏻👍🏻，我好怕個包已經淋晒！牛肉漢堡扒，好厚好juicy👍🏻👍🏻仲有配甜蕃薯條，好match，食落去唔會流晒汁個啲，整得啱啱好！😋😋薯條有驚喜，份量超多，幼薯條但好脆，擺得耐都唔會淋👍🏻👍🏻熔岩堤拉米蘇梳乎厘班戟🥞$118食完burger點可以唔叫個甜品🍮，好大個！個班戟彈下彈下，非常鬆軟🤤🤤唔算太甜，整得啱啱好，好正！😋😋Matcha latte 🍵$42奶量適中，濃濃抹茶味，好味😋😋Hazelnut latte 升級+$25咖啡好香好滑，Hazelnut 唔太甜，味道啱啱好👍🏻👍🏻

前排放假同朋友去咗德福行街，順便食埋晚飯先返去，好耐冇食西餐，所以就入咗去試下😚叫咗個大蝦冬陰功意粉set dinner ,當中包咗是日餐湯蘑菇湯，另外仲包咗杯嘢飲，之後我哋仲叫咗兩個小食，香蒜Parma臣炸魷魚🦑，香酥芥末羊仔柳，熔岩疏乎厘pancake，最後叫兩杯嘢飲-cold matcha Latta & Tiramisu Latta 大蝦冬陰功意粉🍝都好重味，辣得好過癮😋，蘑菇湯好濃郁再配一口多士，香蒜Parma臣炸魷魚🦑好鬆脆， 香酥芥末羊仔柳啖啖肉好juice, 熔岩疏乎厘pancake口感一流，最後cold matcha Latta & Tiramisu Latta 味道都唔錯😝，打卡一流😆

太開心了🥳九龍灣開咗b.o.t.h！之前喺荃灣食過一次，已經留下深刻印象🤩今次九龍灣開分店，一定要去試啦！⭐️墨西哥手撕豬三文治🥪呢個真係超推介，每次都必點！🤩🤩豬肉有少少辣，但可接受！豬肉係多到滿瀉🤤🤤而且非常juicy！一路食啲汁一路流😂😂個包面有少少烘一烘，好脆👍🏻👍🏻⭐️+$50會配薯條+soup薯條分量無諗過咁多😂😂而且好脆卜卜，好好食，食到唔停口！啲配菜都好好食，有紫洋蔥好甜，青黃瓜好爽脆😋😋南瓜湯帶有少少薑辣，好惹味，無諗過南瓜湯會可以加薑，好新穎👍🏻👍🏻⭐️daily pasta 🍝 煙三文魚忌廉汁意粉非常creamy👍🏻👍🏻意粉整到煙煙韌韌！煙三文魚份量唔少，愈食愈有，抵叫😂😂⭐️宇治綠茶紅豆pancake之前無點過pancake，今次試下，果然係非常好食🤤🤤充滿空氣好鬆軟😋😋濃濃嘅抹茶味，加上甜甜嘅紅豆，真係食完又想再食！係必叫！！！