巴依餐廳

Open Now

Now Closed

一坐低👉🏻茶位每位$5😂好彩唔洗加一😭味道評分:☄️(highest_surprise)/☀️/🌤(pass)/⛅️/💨(lowest)☀️手抓肉$238 聞落有少少羊so味，食落都有少少😝有4舊羊髀(啲肉瘦d會冇咁滑)，同4舊羊肋骨(有啲油脂，滑d好食d!)點粉食更惹味🌞☀️新疆手抓飯 $60(小)好油既飯😂夠2個人食~配搭羊肉同好Q彈既紅蘿蔔(口感似啫喱咁）估唔到又幾好味喎~Btw個飯有羊so味，最後會以回甘既方式出現✨🌤杏仁羊奶凍$30嗯…落完order直接係雪櫃拎出黎😂有杏仁味 但羊奶味我係冇feel到~滑的❤️‍🔥有風味 見好多人都慕名而來 係門口等位2人枱星期日1230黎到要第15分鐘位(越多人既枱應該要等越耐)💨個外賣盒雖然都幾大，但收左3蚊🫠

新疆菜喺香港嘅選擇唔多，其中最威威之一就一定係 巴依餐廳，之前連續九年攞到米芝蓮推介，主打羊肉料理，身為「羊魔」梗係要去試試佢。餐廳唔算好大，好彩有訂枱，我地坐低無幾耐已經全場爆滿喇，留意返，佢地嘅「烤羊腿」係需要預訂先有，訂枱嘅時候記得訂埋呀～ 先嚟上左兩個菜先，熗苞菜，一道好常見嘅家常菜，爽口辣辣地非常開胃。 新疆老虎菜，本身以為咩係 老虎菜 個名咁勁，原來 老虎菜 即係 東北菜沙律 嘅意思，將唔同嘅蔬菜切絲撈埋嘅涼菜，亦係另一個東北常見嘅家常菜。洋蔥嘅微辣，醋嘅酸度，青瓜嘅爽甜，加埋晒食落又係非常開胃。再嚟 手抓羊，大大串羊肉，首先留意返， 佢一份係兩串，我地叫左兩份所以先係四串。 一上枱已經聞到勁香羊味，細細粒咁一口一口羊肉 非常之爽。 蘸埋佢啲香料，東北菜嘅味道就更加強烈。主角 烤羊腿 出場喇～ 一大盤嘅羊肉，下面係有連埋條骨，如果鍾意食羊的話一個人劈晒成盤應該無乜問題，肉非常香，個皮都好香口，但係調味上，其實同啱啱食完嘅手抓羊 都幾似。見到隔離枱叫，又叫埋個「羊肉薄皮包子」，佢一份，係15 隻！！ 如果人唔多想食就真係要三思，佢真係幾薄皮，所以好易一夾就穿，味道方面，其實佢

睇過好多食評講呢間米芝蓮都推介既羊肉串同烤羊腿, 今次1行6人book枱留埋烤羊腿試試佢烤羊串 - 要九十幾蚊2串唔平, 上枱好大串而且真材實料, 不過孜然粉另上, 就咁食都夠惹味, 有少少羊油脂所以已經係全晚最膻既菜式, 但怕膻既朋友都食到烤羊腿 - 羊皮硬脆, 羊肉嫩滑, 少少膻味, 調味較單薄要靠旁邊孜然粉, 如果人唔多就唔建議呢到菜 羊肉薄皮包子 - 即係餃子, 不過羊肉份量較少, 餡料主要係洋蔥同紅蘿蔔大盤鷄 - 新疆十大經典名菜之一, 用雞件和薯仔炒燉, 而且會跟皮帶面好正宗, 辣度唔高尚算香辣, 但餐廳對雪藏雞既處理工夫麻麻, 好大雪味新疆老虎菜 - 新疆式沙律, 西北/清真既涼拌菜, 酸辣清爽脆, 開胃解膩, 聽講因為呢道菜刮油猛如虎所以有咁架勢既名, 入面主要係青瓜、洋蔥、蕃茄熗苞菜 - 椰菜 / 捲心菜加乾紅辣椒同花椒炒新疆奶茶 - 熱飲, 牛奶加香料煲既奶茶, 攤涼會易飲到香料味, 幾特別杏仁羊奶凍 - 杏仁霜加羊奶, 2樣都係我喜歡口味, 有羊奶餘韻, 會推薦總結, 可能米芝蓮偏好冇咁膻既羊, 喜歡羊膻味既朋友可能會失望

不知道是不是換了老闆，服務的人和餐廳都不一樣。跟之前吃的差太多，今天飯沒熟，羊肉沒味道，不會再回去了。可能真的換老闆了。要回去需要想清楚。環境跟之前也不一樣雖然裝修後比以前好點

位於水街尾嘅巴依餐廳喺西環有一段日子，事關我喺佢啱啱開業嘅時候已經對佢饒有興趣，但礙於各種終於，等咗好多年終於有得拜訪。🙈記得舊時餐廳門口未係咁人聲鼎沸，喺攞咗好多年米芝蓮推薦同埋得到蔡生讚賞之後，依家要食，最好就提早一個禮拜左右book喇！Book位嘅時候職員會問你使唔使留羊腿——冇食過呢度嘅烤羊腿就唔好話自己嚟過食巴依啦，所以梗係老虎蟹都留啦🙏🏻🙏🏻當晚我只有兩位，所以有好多嘢都未有機會試。但係盡我（肚量）所能，試咗烤羊腿、苞菜、清燉羊肉湯、家常拌麵、酸奶、杏仁羊奶凍，都係有讚無彈。烤羊腿羊皮硬脆，頗有食曲奇餅嘅口感；羊肉十分嫩滑，羊羶味剛剛好，唔會太重但仍有風味，點埋啲孜然粉真係好味到會升仙，不過兩個人食真係食唔晒，如果大家多啲人食會好啲。乾煸苞菜有川菜風味，少有香港餐廳做到呢種感覺。有辣椒香氣、微嗆但不辣喉。清燉羊肉湯，湯頭清，羊羶味偏重，我個人喜歡呢個口味。家常拌麵稍顯普通。酸奶口感較稠唔太抗拒杏仁露味道嘅朋友都可以試試杏仁羊奶凍，杏仁味較出，唔係太多「羊奶」嘅味道，口感順滑。

上次嚟巴依食飯已經係2018年，5年後終於再有機會親臨光顧。今日同朋友大約晏晝一點半到餐廳，等咗大約5-10分鐘就有枱，不過要搭枱。成間餐廳坐滿人，枱與枱之間都幾迫，但環境都算整潔。好明顯係太旺場，伙記唔夠，都真係要舉一陣手先有人理。見評論話服務唔好，但今日侍應阿姨態度都算客氣，起碼我唔覺得有問題。我哋兩個女仔叫咗一個細嘅新疆手抓飯 ($60)，一份烤羊肉串，同兩杯原味酸奶。上菜等得唔算耐，第一道先上手抓飯。個飯有淺淺嘅羊油味，雖然油，但有紅蘿蔔伴住食，唔會覺得膩。羊肉本身煮得夠淋亦唔太膻，面頭有啲孜然粉剛好，所以無蓋過本身嘅羊肉味。如果係重口味可能會嫌太淡，但我覺得唔錯。 果然期望越大，失望越大。本身羊肉味唔夠 (膻味都太少)，expect佢孜然粉係已經灑上羊肉度，可惜係要自己點嘅，咁樣個羊肉亦無乜孜然味。多年前曾到烏魯木齊街邊食過當地正宗嘅烤羊肉，相比之下今日嘅真係好失色。食完飲番杯酸奶解油膩，剛好。酸奶質地夠濃夠杰身，唔錯。最驚喜嘅係臨走時，隔離搭枱嘅夫婦叫咗羊肉湯，嚟到發現太大鍋，主動請我哋每人飲咗半碗。飲咗一啖馬上後悔點解要嗌羊肉串😂 個湯好清甜，有香濃嘅羊膻味，但亦唔係會令

從未在OpenRice寫食評，此次動筆因為真心想為店家應援，明明是一家美味無比亦富人情的好餐廳。幾年前去新疆玩了一個多星期，對那裡的美景固然回味，但更念念不忘的是各種西北風情美食，回台灣後一直找不到正宗的新疆餐廳，想不到在香港遇上這一家。#羊雜湯麵 用料新鮮湯頭醇厚，愛吃內臟真的會瘋掉。#手抓羊肉 鮮嫩至極，看似清淡其實極夠味。點上孜然粉就這麼抓著吃，實在太美。#烤羊肉串 外酥內軟，照片看不出來，本人其實超大一串。很驚喜的是 #老虎菜 也很地道，雖然感覺有降低調味輕重、迎合南方人口味的清淡，但已很滿足。新疆式的涼拌菜和川式的不同，不放紅油不下花椒，吃來鮮香爽脆帶微辣，剛好平衡羊肉的豐富油脂。（看到其他食評說對老虎菜很失望、怎麼不是麻辣的，我想你不會去到義大利吃pizza卻抱怨怎麼沒加菠蘿吧？）結尾再點個 #手工酸奶，是店家每日新鮮自製，不含多餘添加物，口味滑順酸度自然。我和先生都只喝到兩口，因為一大杯都被兩歲兒子嗑光。這家店在OpenRice上負評甚多，幾乎一面倒都是批評服務不佳，但實際上造訪完全沒這回事，個人的感覺是，客氣親切得不得了。看見我們帶著小朋友不但主動張羅安排易入座的桌位、

唔知大家又怕唔怕食羊呢？好多人都話食羊會有陣騷味，但食完呢間我包大家唔會再討厭食羊🐏食之前係openrice見到話好評都係買番黎，所以有擔心過下，但食完之後發現佢地先係假嘅，大家可以去一嘗羊肉探索之旅！🫡手抓肉 $238⭐️⭐️⭐️⭐️⭐️🫡原身想烤羊排但已經賣曬了，所以佢推薦我地食手抓肉，但絕對有驚喜！羊肉冇加任何調味但一 啲都唔騷，啲肉嫩到痴晒線，一下鞋口嘅感覺都冇👍🏻配埋佢啲孜然辣粉一絕！份量仲要多到嚇死人（加上都有啲脂肪位會令你少少「流」，但你依然會想繼續食🥹烤羊串 $99⭐️⭐️⭐️⭐️雖然得兩串聽落好少，但黎到枝鐵籤你見到好長下🫡個人覺得手抓肉比烤更好食，因為佢烤完食落都唔會話好焦香惹味（店員會推薦風味羊排，佢係炸羊排其實），炸完反而唔係好食到原汁原味。羊肉包子（係menu睇唔番😂🙏🏻）⭐️⭐️⭐️人多先好叫呢個，千祈唔好衝動🤫因為真係大份到癲左，佢其實就係羊肉小籠包咁但好薄皮。餡料係超紮實嘅羊肉同紅蘿蔔，非常建議配醋食，因為會冇咁濟同清新啲個感覺。味道不過不失，再去食唔會叫呢盤巨野😂🙏🏻見人地都係叫飯多，大家又可以參考下～原味酸奶 $30⭐️⭐️（由於本人唔食杏仁，但佢比較出名，大家可以代我試🙏🏻）

羊肉一向係我飛彿，而「巴依」一早已經喺我Bucket List𥚃面， 只係仲未有機會到訪，今日咁啱呀仔請食飯話帶我試吓新餐廳，估唔到咁啱就係佢🤣一進門就見到牆上面掛滿多年「米芝連」推介牌匾，佢好似話你知你冇揀錯地方😍我哋4個人只有3個食羊，但又樣樣想試，最後有共識，食唔晒就打包算吧🤣🤣🔻手撕椒麻雞原先以為好有麻辣味，點知食落只係淡淡清香麻味，可能新疆風味是這樣吧🤔份量有一隻雞，配備京蔥、羊蔥、紅椒及醬油撈埋，好似粵式嘅手撕雞咁樣，味道幾清香，雞肉亦嫩滑😋🔻清燉羊肉湯上枱見到呢個湯，真係唔敢相信只賣$50，裡面有成5件大羊肉，湯清羊嫩👍🔻烤羊串一份兩條大大串，每串最少6大粒羊肉，非常香口野味👍🔻新疆手爪飯呢個飯用羊油煮成，配上新疆香料，好有羊味，不過一定要多人吃，因為會幾肥膩😂🔻手抓羊肉份量好大，應該用清湯燉出嚟，肉質鮮嫩，啖啖肉都唔鞋口，配埋孜然粉，味道一流😋🔻烤羊排烤羊排味道其實同烤羊串接近，喜歡食烤羊提議二選一，咁就可以試多啲其他嘢👌🔻原味酸奶聽侍應講每日新鮮做，我哋一杯飲完又一杯，除咗好飲外，食咁多羊又可以幫手解膩，非常夾👍🔻杏仁羊奶凍最後忍唔住叫埋呢個甜品，又係一絕，杏仁味好香

之前睇蔡生網上介紹想試下，之後係openrice睇食評好壞參半，令我都猶疑咗一排試唔試呢間。之後機緣巧合下同同事經過，就試下呢間食晏。服務嚟講啲姐姐都算客氣，你話要5星級服務緊係冇啦，茶餐廳服務都有嘅。地方裝修都算舒適，一入到門口已經嗅到孜然味。叫咗烤羊腿（之前睇評語話晏晝冇羊腿，唔知點解咁次有，仲做緊特價🤔）、羊肉串、新疆拌麵、炒豆同酸奶。羊腿同羊肉串好食，重點係啲橙紅色調味粉度，加咗佢成件事清新好多，同啲羊肉脂肪香做到個balance同提鮮。炒豆都有鑊氣，拌麵就普通，最後酸奶真係yogurt 嚟，杰身的酸酸都ok嘅。可能晏晝去人唔係太多啲姐姐心情好啲？

一段時間冇嚟過 近排再訪🤭 雖然味道唔錯 但感覺冇以前咁惹味 訂位多數就一定冇預留隻烤羊腿($368) 上枱嘅時候已經拆骨起肉 肉質嫩滑有羊肉香😋 如果個皮可以做到酥脆就會更加分👍🏻 另外烤羊肉串($99/2)同手抓羊 ($238)都係必叫菜式前者烤得焦香 後者肥瘦均勻點孜然粉食夠惹味🫣🤤  hahahaaa!!!📸 1️⃣ 烤羊腿 2️⃣ 烤羊肉串 3️⃣ 手抓羊 4️⃣ 羊肉餃子

成間舖七成客都係講普通話😂 你唔信米芝芝外國口味都要信吓啲港飄，嚟巴依食羊無死錯人今次新試咗手抓羊肉，咪睇佢白雪雪好似無乜味咁。係類似清湯腩咁概念。羊肉食落又肥又香，有皮有骨位口感豐富。大推薦另外，羊肉串同手抓飯都係必食之選，全部係羊但唔同位又有唔同嘅食味。老虎菜沙律又辣又澀但基於唔可以無菜落肚，需要強烈譴責咁少青綠色嘅選項。大盤雞份量大，雞肉嫩。唔食羊嘅朋友都有得食反而期待已久嘅羊肉蒸餃就好麻麻。啲皮係薄但全部痴埋曬一齊隻隻夾親都爛都漏汁，而且啲肉質都幾鞋吓。雖然調味幾好都無得救啦服務態度依舊係零，今次遮遮仲同一個客鬧咗勁耐交🙈🙉 之後已經無人手到一個點，自已拎杯拎嘢飲基本嘢啦。啲客開始 self serve 到問隔離枱借開瓶器🤣🤣🤣 都好新嘅體驗嚟嘅溫提，都係記得一定要訂咗位先好去。

其實唔想做咪汁咗佢，以前真係好好食。你而家間簡直係得罪人D羊又唔係用返，新疆羊，又冇咗羊餃，仲同我講不嬲都冇，我20年前已經幫襯你地，以前午餐有个羊排粉好出色。而家入到黎咩都冇。連以前好有heart 个个肥經理都唔見咗。

Come here if you are hungry ... for abusive customer service.We had a booking for 3 people. I was the first to arrive. I went in and gave them my friend's name. The lady said, what's his phone number? I said I don't know. Then, she screamed, you go back outside and wait. Everyone arrived. She said our booking is for 7:30, not 6:00. We said no. She screamed, again: you guys go back outside and wait if you want.Honestly, the staff were more like beasts than human beings. Please, don't patronize th

尋晚8:00去到，訂咗枱三位，去到嘅時候全場坐滿得一張二人枱，佢居然叫我迫少少坐埋去，我即刻同佢講‘’我哋三位喎”，佢就好晦氣咁同我講咁等一陣啦，我心諗，咁我訂位嚟做咩？主菜當然係食羊腿啦，羊腿嚟到嘅時候，並唔係我喺OpenRice見到嘅樣，OpenRice上面嘅圖片係佈滿孜然粉，見到都流口水，我嘅羊腿送到我嘅面前嘅時候，都唔係嗰個樣嘅，白雪雪好似冇味咁，只有少量嘅孜然粉喺碟入邊嘅角落頭，咁我就叫店員幫我加啦，佢居然只係加咗少少去返個角落頭度，我話‘’想多少少‘’，佢話“你用匙羹自己整上去啦”，我叫佢擺低樽孜然粉，佢唔應我就走咗🫠OK！咁我就食啦，食到一半多啲啲孜然粉已經食晒，我再問另一個員工想要多啲孜然粉，佢終於放低比我自己加。係呢個時候，頭先好串又唔肯俾多啲孜然粉我嗰個員工見到我自己加既時候，佢居然同佢另一個同事講叫佢過嚟收返，然後另一個同事就行過黎同我哋講“用完啦係咪啊？用完我拎返走”🙃以上情形係我親眼望住。講番啲嘢食先，個酸奶名副其實非常酸，升嘅程度就好似飲緊檸檬汁，不推薦。羊肉餃子$180 15粒除咗佢大粒之外，完全冇優勝之處，入邊啲羊肉勁老，另外叫咗個炒土豆絲，普通水準，唔