峇峇娘惹 (彌敦道) (Closed)

叫了兩個下午茶餐, 份量可不少。咖央鮮油多士 $28咖央鮮油多士用兩片大麥包夾著溶化中的牛油, 牛油軟滑, 唯咖央醬味道並不突出, 感覺在食鮮油麥包。馬來拉茶 (凍) 跟餐免費馬來拉茶味淡, 有點失望。咖喱豬扒飯 $38咖哩辛辣香口惹味, 豬扒鬆軟juicy, 配上青瓜、花生和雜豆, 增添層次。因為是下午茶餐, 份量已減, 但仍足以飽腹。油酥餅 跟餐優惠價 $8油酥餅薄, 表面微脆, 沾上飯的咖哩汁同吃, 增添惹味。馬來喳喳 (凍) 轉飲加 $6喳喳材料甚少, 椰奶味淡, 只屬一般。

興起好想食星馬菜，嚟到呢度，叫咗怡保雞絲河粉同埋魚腐滲滲叻沙，另加自家製薏米水同埋南洋白咖啡。魚腐滲滲叻沙湯底香料味十足，香、甜、微辣、酸，是正宗的叻沙口味， 魚腐吸收曬叻沙湯底好好味， 而且配菜好多。之前去馬來西亞怡保食過當地雞絲河粉，呢度做法正宗，芽菜都用咗馬來西亞嘅短芽菜。南洋咖啡亦和之前去星馬喝到的一樣。另外呢度點餐好環保，用臘筆寫在過了膠的餐牌度。 看來稍後我去完星加坡旅行回來後，要回味星馬口味都要再返嚟呢度。

假日睡醒2點多才岀到旺角，search 到油麻地這家星馬菜就試下。由兆萬過來不算遠，就在中南隔離。😋試了肉骨茶，西多士叻沙。全都有驚喜！cp 值高。可以回來再試其他食品呢！裝潢感覺都乾淨簡潔。原來星期六日無下午茶，要散叫。梅頭瘦肉星洲胡椒 肉骨茶（細）胡椒味超級香濃，我們兩個也大讚！真的大推，值得一試。冬菇豆卜也吸晒肉骨茶的香濃味，非常入味🤤以前飲的肉骨茶也有藥材味，但今次這個沒加，更清新，另有一番風味。咖央西多士很香脆美味，麵包似是使用麥包。如淋面的咖央汁再多一點應會更可口。豬扒滲滲叻沙豬扒很林身，入味。麵條和粉絲撈在一起很正宗，而且美味。湯底不辣，不算太濃。滿$28便可加$8跟餐價點飲品。沒有很特別，一試無妨。

在新加坡待過一陣子 有時候會懷念當地食物剛好找到新開的馬來西亞店 所以找朋友一起試試看店裏的位置寬躺 提供籃子給我們放置手袋和外套 當然要點滲滲叻沙 提供不同口味例如：魚腐、魚旦、海南雞等由於比較少見到魚腐叻沙 所以選了叻沙由兩種麵組成 分別油麵和米粉米粉較易吸收湯底的精華但湯底不太濃 比想像中淡整碗最出色是魚腐 好好吃肉骨茶可選小或大碗 大碗份量足夠3人分 味道也是偏淡 肉都算軟 不過不失咖央鮮油多士 朋友說沒有牛油味 而且牛油超薄 普普通通鹹油酥餅配咖喱汁薯仔 也是不過不失 鹹酥餅尚可 但是咖喱汁有點鹹而不辣魷魚春卷不建議大家選 只是用拎卷皮包住一條魷魚鬚 而春卷皮比較油 醬汁不錯惠顧滿$28可以以優惠價$8-10配飲料朋友和我分別點了熱和冰拉茶 兩者味道好似西式餐廳用茶包沖的奶茶 沒有拉茶的風味 超失望整體上食物的溫度是和暖 不太熱 所以待一陣子道冷了 值得一讚店員服務超好 超細心由於米粉吸收整碗叻沙的湯 店員主動幫我們加湯

夜晚去佐敦上workshop，但時間尚早，上一場喺旺角完左就慢慢行過去，順便睇下有咩好食，經過呢間舖頭就被吸引左入去。之前去過馬來西亞公幹都幾鍾意佢地啲野食，所以望住個餐牌都覺得好吸引，例如怡保最出名既芽菜雞，仲有肉骨茶(有好多餸可以揀添！)，但因為最初係比喇沙吸引，我都係叫左雞翼喇沙，另外配左杯薏米水。可能係門口對住條街同彌敦道，突然有隻昆蟲飛左入我杯野度，職員都幫我換左佢，我仲望到廚房係倒左杯野再沖過俾我！感覺都好安全，而且唔驚佢地轉個頭比另一個人飲。馬來西亞既喇沙同新加坡既喇沙有啲唔同，我覺得馬來西亞既喇沙啱我口味啲，唔知點解！不過我反而特別欣賞佢啲芽菜，好爽口！真係諗起怡保既芽菜！！(馬來西亞怡保既芽菜好出名架)希望下次有機會再去，食其他野！

太太一向很少出post大讚一所食店的。今日就稀有地收到她的訊息，大讚這一間新開了不久的星馬菜店。小弟一路都知道她的存在但就是一直提不起勁去上門幫襯。這樣經她推波助瀾說一下之後，自己當然便就要放低一切雜務，親身到來體驗一下了....太太向我推介肉骨茶。這裡的肉骨茶是走潮式胡椒味濃重的路線。平常我吃的都是福建式黑掹掹的藥材肉骨茶，偶而來嚐一口潮式的，當然亦可以....在星馬一帶吃這一類肉骨茶，米飯是必需要有的。但在此，伴食的就只一兩小截油條，那就未免有點不太正統了....而且甜豉油亦是要我叫侍應才拿來....論味道，這兒肉骨茶的胡椒味及香算是溫和，入口未太辛辣，挺順喉的；一字骨輕輕一咬肉就離骨，肉蠻軟熟；冬菇大大塊盡嗦湯的精華，食起來並不比骨肉遜色....就連油條都是帶微脆的，不錯....料想不到，額外加點的咖椰牛油多士，倒是我近年食過最好的....多士熱烘烘外脆內軟；牛油大大片不是硬崩崩的，在半溶底下滲進多士中吃時是最佳的狀態；配合上甜甜的咖椰醬來食，真是一碟也不易令人夠喉....食完此多士後馬上傳相給太太，反推介她下趟有機會來時，一定要點這個....

係附近做完野搵野食，朋友話想食湯麵於是就上網睇睇附近有咩麵食，見到呢間好似開左唔係好耐既新加坡餐廳就貪得意入去試下 。見好多人po佢個拉茶就跟餐叫左杯黎試，本身中意飲甜都覺得味道唔錯。最得意係佢隻杯好似以前共產年代用既款。主食揀左海南雞喇沙，以男仔食量黎講其實細碗左少少，不過雞就幾滑，麵都有兩種麵線撈埋一齊食。之後再整多件西多，炸得都好脆身，如果煉奶再多少少就好。整體來說都算中上好食，不過以油麻地區黎講就可能唔算特別抵食。

星期六的下午，見到間餐廳門口的下午茶單張價錢ok又包嘢飲，所以入左去。個侍應俾左張餐牌，全部都貴甘多既，問佢攞個下午茶餐牌先知星期一至五先有下午茶，感覺被騙左入去食。。。坐低不耐，已有3張台問下午茶餐牌，當而被告知星期六日無下午茶，先知被騙。因價錢偏貴，只叫左一碗麵食，加$8要杯拉茶。麵味道普通，但份量好少。個經理話原價份量多過下午茶，甘我真係唔可以想像下午茶係幾甘細碗。反而拉茶好ok，有奶同茶味重，夠滑！食完碗麵同拉奶都系半飽，我諗下次食至下午茶都要叫2個餐先夠。

已經幫襯咗三次，都食過幾款食物。喇沙係唔錯嘅，個湯底幾濃；海南雞飯ok，雞都好食；魚蛋河非常普通；咖哩都普通，巴東牛肉吾錯。食物份量：一般嚟講唔係多，只係剛剛好，如果男士可能會有d食唔飽。熱飲就幾好，夠熱又吾孤寒，咖啡拉茶都試過，唔錯。佢嘅桂圓蜜，桂圓糖醬都落一大羹，成杯都甜！講講點解千祈唔好外賣，因為佢哋外賣個碗好細，仲要裝唔滿！外賣一碗喇沙返到屋企只得堂食嘅三分之二，食唔飽！外賣渣咋($16)係用平時茶餐廳外賣熱飲嘅杯裝，好少，唔抵食，不過都幾好飲。我試過外賣粉麵/飯，但係份量都係得堂食三分之二，唔抵食之餘，最慘係食吾飽，所以千祈唔好外賣！講講衛生，我今日特登坐喺佢哋廚房外面嘅枱。佢哋係半開放式廚房，都幾清楚睇到佢哋整嘢食嘅過程。其實做得開放式廚房，客人睇得咁清楚，就應該規矩衛生少少！我見到佢哋嘅樓面，見碗麵少咗啲嘢，就隨手放落去。其實我都知廚房做嘢係咁，不過你做開放式廚房，就唔應該比客見到你咁做。(題外話：我今日叫咗巴東牛肉，我見佢哋嘅巴東牛肉唔係一齊煮，係牛肉還牛肉，巴東汁還巴東汁，到我order時，佢先將巴東汁同牛肉夾埋，煮番熱佢！ ）今日我order咗個豬扒喇沙，食完之後，

話說前幾日同朋友專程過黎試下呢間星馬菜，試完真心唔會再黎第二次。講差其實佢唔差，不過有啲失望⋯叫左出名嘅馬拉茶、咖央多同個特大喇沙，個喇沙份量真係好大，但味道真係一般到唔一般⋯個馬拉茶⋯同係茶記普通嘅奶茶完全無分別⋯非常之唔吸引，再黎出名嘅咖央多，炸左出黎個樣其實似個炸豆腐，食落好硬而且好似炸過頭咁，唔好食同無乜特色⋯所以試過一次之後真係唔會黎第二次⋯

咖央多士 $22為左減低罪惡感 放棄嗌鮮油咖央多士 好彩呢個都做得好出色 多士烘得鬆脆 中間既咖央份量岩岩好 唔會太乾 甜度適中 咖央陣香味真係好正🤤評分：8.5/10.海南雞滲滲叻沙 $68雞肉尚算嫩滑 雞皮唔會好厚所以唔會好多肥膏 湯底味道無睇落咁濃郁 淨係覺得好重椰奶味 但又唔算話好香😥 想要少少酸味可自行加青檸汁🍋 麵方面 「滲滲」係指兩溝 所以湯粉除左有米粉仲有油麵 但兩種麵一粗一幼 口感似乎唔太夾🙈評分：6/10.豬肋排星洲胡椒肉骨茶(細) $32肉骨茶胡椒既辣勁都幾重 唔食得辣既人士未必接受到 豬肋排煮得腍身易咬 冬菇幾入味🤓評分：7/10.參巴醬通菜 $28參巴醬係來自星馬既辣椒醬 醬汁都幾多 以鹹香味為主 香香辣辣咁好惹味 唔錯🤪評分：8/10

見新開咗呢間峇峇娘惹，想試吓係咪真係星加坡風味。👉🏼星洲魚丸湯河粉賣相唔錯，魚蛋係彈牙嘅，隻雞蛋幾新鮮，河粉都係一般嘅河粉，有半粒青檸俾你調吓味。整體其實同一般粉麵冇乜分別，只係多咗青檸嘅味道。唔難食但冇驚喜。👉🏼巴東牛肉飯呢個飯喺星加坡娘惹菜係好特色嘅，所以要試吓係咪正宗地道喇。啲汁嘅色同星加坡嘅有分別，淺色好多，睇落似咖哩牛肉。味道同普通咖哩冇分別，稱唔上係巴東牛肉。可能要配合香港人口味，所以調教到冇咗星加坡嘅地道口味。

係香港開設既馬來菜一直唔算多，要尋找一間好食既就更加難~~~自從前排去完曼谷之後，重燃我對星馬泰菜式既熱情~~~上個星期食過幾次泰國野之後，開始稍微轉轉口味~~揾一揾馬來菜試下~~~餐廳位於油麻地站C出口附近，位置易揾~~可能因爲新開張關係，加上當日係周末下午茶時段，所以現場食客唔算多，現場座位都算寬落~~~墻壁上擺滿左馬來西亞既風景畫~~~望望餐牌，菜式種類算豐富，基本上希望係馬拉餐廳食到既野，係餐牌上都可以揾得到~~~等左一陣，食物逐一上場~~咖央鮮油多士 $28 - 多士算脆，但由於多士整得太燶，麵包本身既燶味已經掩蓋左咖央醬同鮮油既甜味.......馬來拉茶（凍）- 泡沫算多，證明拉得算均匀，飲落茶味夠，但如果可以再滑d就仲好~~~自家製薏米水（熱）- 都算多薏米，味道偏甜~~~豬肋排星洲胡椒肉骨茶（細）- 胡椒味道較重~~肉都大塊而入味~~但肉骨茶係整體味道上欠缺層次~~~海南雞滲滲喇沙 - 海南雞幾滑（尼個係要讚下)，喇沙湯頭算正常，椰奶味較重，但反過黎講，就是欠缺驚喜~~米粉同油麵配搭不俗，充分吸收左湯汁，亦有口感~~埋單人均約$70，算係抵食，但如果你係追求食物質素的話

很久沒有嚐過馬來西亞叻沙，今天特意與另一半前來試個下午茶餐，包括燒肉參參叻沙配凍拉茶，及咖哩雞飯配凍南洋咖啡，另加一份 油酥餅，整體味道不錯，下次可以再試其他菜色。叻沙只是微辣，但很有香味，油麵加爽滑米粉的口感很好，如果燒肉的皮可以脆些會更好，由於是下午茶餐，份量不算太多，結果我連湯也全KO了。雖然是凍拉茶，味道也不錯，茶面的泡沫可以維持很久，吃完叻沙才飲也未散，待天氣涼些要試一杯熱的，相信會更香。咖哩雞飯上有一些新鮮香脆的炸花生， 好味。凍咖啡也算不過不失。 油酥餅用煎pan上，保溫較好， 而且做得頗香。

體會到其他人說的奇葩服務。點了海南雞飯，價錢不算便宜。首先來的是個超重味精芽菜湯，上面浮著好像不用花錢的海量芽菜，喝了一小口就放棄了。再來端上海南雞飯，份量偏小，旁邊的咸脆花生居然是最好吃的主菜。雞是冰凍的，是剛從冰箱拿出來的那重冰凍，像媽媽的隔夜菜，吃著好難受。油飯也不像一般油飯，比較像是糙米那種很有嚼頭的。忍不住把味精湯全倒進去做個湯飯，真的是「我現時自己肯做飯」。我勉勉強強的吃了半碗，味精湯越喝越咸。噢，我想是因為滲進了我的淚。這個鋪位的食肆好像每間都撐不了多久，看到奇葩經理在呼喝坐旁邊點菜很慢的公公婆婆，我想這裡大概都是命不久矣。