Babbo Trattoria (Closed)

今天朋友約了吃午飯，由她安排訂了銅鑼灣Babbo Trattoria 意大利餐廳。午市套餐包含主菜及咖啡或茶，客人可隨喜好加沙律、湯或特式飲料，每款都只須另加$10-$15。今次要了兩款主菜套餐，另加兩份餐湯和一份沙律開心share。粟米餐湯：放了肉絲入內烹調，令口感綿綿的，更加添美味。新鮮什菜沙拉口感清新爽口。辣味忌廉青口意大利扁平麵，青口鮮甜，意大利麵烹調得軟硬度剛好，加上微辣味道，更豐富了口感。酥炸比目魚佐奶油野菇醬，比目魚炸至外脆內鬆軟，沾上洋蔥蘑菇醬汁更添嫩滑，伴上新鮮雜菜和黃紅甜椒，十分清新。整體而言，地點、環境、服務和食物質素都很好，很適合三兩知己或朋友聚會的好地方。

約左朋友係度食飯，呢度裝修係走西式復古風，四圍放左好多酒，廚房係開放式，成個感覺都幾高檔😁叫左蒜炒蘑菇，入面有蝦有多士，呢個炒得幾香口，而且個蘑菇口感幾滑身，幾好食🤗意粉見到呢個個名叫煙花女斜管意大利麵咁特別，就試下佢佢都真係幾辣下，我唔算食得好辣，所以都要係咁飲水😂入面有d蕃茄橄欖，比較多調味料所以啱d重口味又食得辣既人😁最後叫左個pizza，上面有d火腿，芝士同菇，啱啱焗好就上，熱辣辣，佢會即場幫你切開，佢一份都幾大，係厚批黎，所以都幾飽肚😍去廁所個陣發現佢入面有放漱口水，紙杯，女士用品，好貼心但佢係開住女廁度門，而經過男廁既人就可能見到你漱口，感覺有少少尷尬，如果可以關翻個女廁門可能比較好

朋友約會在銅鑼灣時代廣場集合，當我想問我們去哪裡食要行幾遠，朋友見我累樣笑說對面便是了！他邊行邊介紹餐廳細節，我還以為是他開的。😂Babbo Trrroria 爸爸的餐廳，糅合意大利傳統再引進到日本，再傳承到台灣終於到香港了，今晚叫我要好好細意品嘗。甫進內給我感覺是餐廳怖置很有格調，燈光柔和情調很好，而且沙發位較多，食客們都可保留私人空間。🍴皮埃蒙特義式薄片生牛肉 $138來自美國的生牛肉，鮮嫩軟滑富牛味，混入了青檸汁的火箭菜及芝士，酸甜味道更將牛肉推上另一個層次，這種獨特口感令我一試難忘。🍴惡魔風酥炸雞翅 $88另一個同樣是一試難忘的邪惡惡魔雞翼，每隻都酥香肉嫩帶點微香辣，這種滋味就讓我完全給你俘虜吧！🍴經典漁夫 $138用美國窯爐高溫烤焗的自家即焗薄餅，外脆內軟餡料豐富，麵粉香味獨出，滋味無窮。Ginger Lime Fizz $77朋友的檸檬薑啤，今晚只有乖乖地看著他飲了！見到隔離檯個靚女叫了杯 Cocktail好靚好吸引，另外這裡的芝士是自家的招牌菜，芝士配葡萄酒兩者是絕配，可惜今日腸胃有點不舒服，下次一定會專程再嚟試。

銅鑼灣食肆林立，意大利菜更是香港人嘅喜好之一，餐廳位於二千年廣場，環境優雅舒適。帕爾瑪火腿哈蜜瓜火腿咸香味道突出，哈蜜瓜清甜多汁，兩者十分合拍，提升食慾。杜蘭小麥酥炸鲜鱿鮮鱿炸得颇為香脆，辣度適中兼惹味，鮮甜蔬菜正好中和辛辣嘅感覺。迷迭香窯烤馬鈴薯新鲜馬鈴薯烤得焦香，迷迭香連海鹽滲進薯仔，入口軟滑，恰到好處。瑪格莉特pizzapizza即叫即製，mozzarella芝士烤得融化香口，配合鮮味蕃茄醬料和香軟餅底，口感豐富，令人回味無窮。

好少會寫劣評，但sorry真係好劣！一個人午餐諗住快快手搵間唔好咁貴既，銅鑼灣食意粉午餐閒閒地都成舊水，誤打誤撞去到呢間見價錢相宜，普通焗意粉/意大利飯應該唔會出事就試下，點知⋯⋯⋯⋯先講環境一般般，都幾舊下，啲櫈有啲爛，暗暗地咁，去到時只有6-7檯客；跟住啲侍應有兩位，一啲都唔忙，但坐底係水都冇杯既，跟住揮手係冇人理你，佢望到都唔會應，揮到我直情企起身先過黎，埋到黎企係度唔出聲🤷🏻‍♀️是但啦，啦啦臨嗌左個意大利飯+凍檸茶。上餐都算快，望埋去都幾好樣，不過一食落口⋯⋯⋯嘩⋯上面啲Ham係一陣酸宿味🤦🏻‍♀️🤦🏻‍♀️🤦🏻‍♀️🤦🏻‍♀️啲飯又林又硬又多油，杯檸檬茶已經叫左少冰，但除左飲到冰味之外係冇味既🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️加埋一盛惠$64，俾錢時個侍應都係冇表情冇講野咁隊張單埋黎。係平呀，不過落樓下茶餐廳食仲好食&好禮貌過佢囉！我食完好想扣喉，啲ham陣除真係好難頂🤦🏻‍♀️🤦🏻‍♀️🤦🏻‍♀️一定唔會再黎

每次經過銅鑼灣，閨蜜們都會話呢間意大利餐廳水準極高，有機會帶我黎試試，但每次都唔會記得。所以就決定自己同男友去啦!!食客對於餐廳風評不錯，而且有相當人氣，另外大部份人都會推介PIZZA 及芝士製食物。由於假日LUCNCH 時段過後先黎到，所以陸續看到有不少食客正在離坐。雖然失去一點熱鬧氣氛，但都可以更盡情享受店內美食。好多餐廳在MENU上會單刀直入，短短一二段文字介紹，而 Babbo Trattoria就寫上兩頁滿滿序言。閱讀過後可以簡單清楚地理解STAN團隊理念及對食物認真，然後你就會毫無疑問鎖定上PIZZA及芝士等美食了。Prosciutto di Parma $108作為簡單前菜點了呢款Parma ham配 蜜瓜，面上再加一片芝士。三層之間亦會有3種不同味覺享受，蜜瓜超甜夠juicy，再配上咸香的parma ham及面上芝士片，令2種咸味與甜味互相交替，讚!!!Polpetta di Abruzzo阿布魯佐傳統小肉丸$109用上牛肉搓至肉質彈牙，加入洋蔥和黑椒，丸中再包含芝士，一食即有芝士拉絲效果，丸中肉汁滋味再點上旁邊的番茄汁減低油膩感。Risotto alla Asiago

今日想同朋友靜靜地傾計就揀咗一間樓上意大利餐廳餐廳嘅環境唔錯枱同枱之間唔會太接近好適合同朋友傾下計餐廳有好多正宗意大利菜花多眼亂最後我哋叫咗一個Pizza 一個小食 同埋一份意粉蒜炒蘑菇佐蘿勒鮮蝦份量都幾多蘑菇好入味 鮮蝦已經剝咗蝦殼 而且用左少少青醬炒 更加野味威尼斯墨魚汁鮮魷寬扁意大利粉好少見墨魚汁意大利粉會加辣但估唔到有幾夾八種綜合芝士pizzaPizza用咗八種芝士去整10分適合鍾意食芝士嘅人一塊Pizza就可以滿足你想食芝士嘅慾望餐廳仲配左一碟蜜糖芝士鹹鹹地再配上蜜糖嘅甜味道好夾仲可以解膩

同朋友兩個人去銅鑼灣唔知食乜,聽人講呢度有間意大利餐廳個risotto好精彩,所以入嚟試一試。有人又唔係好肚餓,所以我哋冇嗌左好多嘢食,淨係叫咗一個Pizza一個risotto。個Pizza都幾正宗，同我喺意大利食嘅都幾接近，因為正宗嘅Pizza其實唔會話好多好多肉，主要係個醬。呢度既pizza就做到呢樣野，佢冇其他多餘嘅嘢係餅面，只係加左幾片bacon，幾香口。嗰醬又唔會同個餅分開哂，而且個餅皮幾鬆軟，唔會好乾身，香港黎講水準好高。而主角risotto,餐廳會搵一個侍應係一大舊芝士上邊炒熱，同時大芝士表面又會熱溶溝埋啲飯，然之後再放上係一個好熱嘅鐵鑊，非常精彩而且味道亦都相當唔錯。濃烈既芝士拉絲，仲要熱辣辣。無得彈呀。就連我朋友唔肚餓都覺得非常之好食下次真係要來試多啲其他嘅嘢。

「Babbo Trattoria」是一間樓上餐廳，可能是租金較平吧，地方環境寬敞，至啱跟朋友chilling。餐廳主打意大利菜，我們二人點了一個main course和兩個starter。先推介皮埃蒙特意式薄片生牛肉（$138）。今次是我第一次吃生牛肉，牛柳薄滑，不覺腥，但如果你仍然怕腥的話，可以加滴青檸汁辟味。另外，面層的芝麻菜味道怪怪，又甘又苦，我怕浪費才把它吃掉。跟著是迷迭香窯烤馬鈴薯（$78）。侍應送上枱時，完全想不到78元只得一個黃金球，頗貴！切開後，裡面原來釀了芝士，吃半個都覺得滯。瑪格莉特（$148）Pizza Margherita是意大利傳統薄餅，只得水牛芝士和番茄醬，以簡單見稱，絕不像連鎖薄餅店搞那麼多花臣！吃過多間所謂的意式餐廳，我不知道「Babbo Trattoria」菜式是否正宗，但至少算是與別不同！

Babbo第一晚我跟老朋友慶祝生日，去了一家氣氛不錯的餐廳，後來發現這家餐廳比較出名芝士，但我們都沒有太大興趣。全晚的食物也很滿意，而我最喜出望外的竟然是一瓶啤酒。😅味道很好👍🏼不會苦略帶甜味，麥味也令人回味。前菜是蜜瓜火腿，火腿濃香，應該是不錯的年份，很好。點了帶子意粉，茄汁很鮮甜新鮮，戒指又大顆又鮮味，整個意粉都很滿意。薄餅我沒有吃，因為很少吃薄餅，朋友就覺得味道很正宗，不會因為遷就香港人口味加很多配料，但卻是正宗的薄餅口味，很喜歡。

約會正在銅鑼灣上班的好友出來午餐，匆匆衹有一小時放飯時間，正好babbo 就在附近，這間餐廳去年來過，印象頗好難忘Pizza味道！ 我特意早點到達餐廳，這裡環境依然的舒服，招呼殷勤。翻開menu 8款Set Lunch 由 $58~ 88 不等有意粉，飯，沙律，Pizza等。加$10 沙律 加$ 10 湯 加 $15 升級其他飲品加 $ 20 可享甜品小圓枱卡位頗舒服~我們選了Set Lunch裡其中兩款忌廉海鮮意大利飯 $ 78醬汁香濃，飯較一般的大粒，口感特別！惡魔風義式香腸Pizza $ 68批底香軟鬆脆，蕃茄醬汁絲狀的Mozzarella 芝士好香滑，香腸也甘香，非常滋味的pozza！享受完香滑咖啡和奶茶，結束了一小時的意式午餐聚會，非常回味！

今午約了朋友食晏，朋友喜歡意大利菜，於是來到銅鑼灣二千年廣場一間意大利餐廳。店內裝修充滿意大利風情，地方寬敞寧靜，令人感到悠閒舒暢。記得半年前曾到此店，當時的午市套餐實惠得來又有水準，今次點了些較高質素的菜式。我們點了兩客卡布奇諾蘑菇濃湯，主菜包括曙光汁干貝意大利飯和米蘭式燉羊膝。真材實料的蘑菇濃湯是高檔餐廳才能嚐到，這道濃湯的做法完全不加麵粉，每一口都是滿滿的蘑菇香味，配上烤麵包非常棒！曙光汁就是蕃茄加奶油而成的，加入意大利飯內，伴以原隻新鮮干貝，非常美味。燉羊膝是我的至愛，亦是此店的招牌菜式之一，羊膝無羶味，火候十足，羊肉早已燉得軟爛、湯汁的精華，甜美得很，完全沒有加高湯和味精，配以香滑薯蓉，令人垂涎欲滴，食指大動。人均消費$364，價錢當然貴過套餐，但師傅的精湛廚藝，另我們享受美味的一餐，實在物有所值。

$58起食到risotto、意粉、pizza餐，跟埋嘢飲，包括Lavazza咖啡 - 酸苦度較均衡，飲過之後有酒一樣濃烈嘅醇香☕️ 如果唔係琴日先食完pizza, 我都會想食pizza~比較想食辣味、青口，朋友們冇估錯，都會係我揀，惹味啲嘅餐～ 果然辣味意粉係開胃啲，可惜啲青口一般，唔肥美，有少少霉咗咁，不過唔多件。每餐要食菜！+$10有caesar salad好一般，無論係菜定個dressing，不過呢個價錢就唔好expect太多～外賣自取仲可以減$10，邊度有咁抵嘅西餐🤭，仲要暗暗地、幾寬敞，格調高檔......大發現👍🏻

銅鑼灣食肆，一般都較為清雅啲嘅，咁嚟到都唔多唔少都要嘆下啲環境呀，來到坐低我哋都感覺好舒服，餐食業有好環境，已經比客人一個讚先。食物路喎，我哋就叫咗個意式鮮蝦意大利飯，濃蕃茄湯入面加隻大蝦，另外辣味忌廉青口意大利扁意粉，咁我哋又加咗個caesar沙律，同菜湯忌廉鮮菇湯，再加甜品，係濃朱古力蛋糕，入面係勁多生果嘅 !食物味道，都非常講究，同埋擺設呀，都係達到水準 ，加埋各樣同埋係環境等等，都令到呢一餐係有好的回憶嘅!

我們二人第一次光顧這家餐廳，餐廳供應傳統意大利的家常菜。餐廳環境高貴，情調浪漫，圓型皮座卡位，很適合二人談心。Babbo凱撒沙律128元，不一樣的沙律，巨型砧板型芝士一早已放在餐廳中央位置，餐廳侍應雙手執起大刀，即場在芝士表面刮起很多芝士薄片，鋪滿整碟沙律，芝士味香濃但不會過鹹，非常滋味！塔雷吉歐鑲蛋佐Babbo特製麵包118元，醬汁是融化了的芝士加上雞蛋，香濃美味，麵包煙韌好吃。雙拼Pizza 208元，自選兩款味道，在Pizza表面鴛鴦分佈，一次過滿足兩個願望，十分滿意，Pizza外脆內軟，餡料豐富，滋味無窮。總結：環境高貴，食物很有特色，值得推介。