baby café (Closed)

有日好夜要入屯門市廣場做嘢，入去首先醫咗肚先，見周圍好多鋪都關咗門，咁見到呢度仲未關門就去試下啦呢度係自己去點餐，點完餐有個牌比我，之後揾位坐，稍等一陣就有職員送上餐首先叫咗個全日早餐，早餐好豐富，重要嘅係價錢唔貴而食到貴價餐廳嘅質素，真係用平、靚、正嚟形容全日早餐跟嘅意粉跟住另外點了一個扒餐，扒嘅質素同汁料係嘅再加多個小食，塊魚柳平平無奇，但食落有驚喜每日嘅特飲，唔係好記得杯嘢叫咩名只係記得好好飲

本新睇食評都估到唔會係好食，但未試過，所以就試下。因為無咩期望，所以唔會叫牛排個Ｄ。 叫左2個最平既全日早餐 ($69/1)食梗既時候，只可以講比想像中仲難食 首先，好似大家咁講　薯條軟同涷既，做下樣叮熱佢都唔叮其次，個湯＋長通粉，預左係罐頭湯，但都食到好似有痰咁。基本上所有野涷既，係攤涷個隻涷，食左幾舊都已經唔開胃。 ６９蚊好似好平，好多野食咁，但其實係DUMP錢落海，食左等於無食，仲有種飽飽地但想嘔既感覺 

假期，又無乜特別野做，就係屋企附近就行下，hea下！到左夜晚就揾左間Cafe坐下，吹下水！叫左個二人餐！都係二百幾左右！有兩杯飲品，加兩個主菜同一個小食，仲送左個什菜！主食點左個卡邦尼意大利粉，每一啖都好Creamy,忌廉，香草令到意粉好香好滑，仲有煙肉，雜菌，夾得好好，然後有我最愛既黑松露什菌意大利粉，味道濃郁！仲有叫左個炸魚薯條，新鮮炸起，非常脆，好好味！特飲，我叫左杯Mocha,勁香濃朱古力！好好飲，另外朋友叫左紫薯奶昔，好香滑！都ok

同男友初試baby cafe all day breakfast,, 原來得返屯門鋪..抵食!!又多野食,最正黑松露炒蛋！甘岩是日意粉系黑松露 好正😁😁😁蒜蓉包好細塊 旦好好味

👫Baby cafe淨係剩返屯門呢間店😱，男朋友👱🏽‍♂️話未試過食，所以今次👱🏻‍♀️就帶👱🏽‍♂️嚟左呢到食啦🙈#全日早餐 <$59>All day breakfast 漢堡扒、煙三文魚沙律、薯條、煙肉、蒜蓉法包漢堡扒嘅味道就好似係超市雪藏買嘅一樣，無咩特別🤮 煙三文魚勁薄，沙律份量又少又唔新鮮🙄 薯條同蒜蓉法包都好硬！勁難咬😡 煙肉已經凍曬😞 雖然成個餐係好抵，但真心好低質😂▫️粟米蘑菇忌廉湯配長通粉個湯唔熱，飲落只係暖暖地～味道一般，比較淡味，而長通粉食多兩舊就好濟🙄▫️熱荔枝茶比想像中甜好多，幾好飲嘅🤓▫️鹽酥炸雞脾 <+$9>其實完全無鹽酥嘅感覺，普普通通用炸粉炸嘅雞脾咁，炸粉比較薄，肉都保持到水份，唔會乾🧐🗣：全日都唔駛加一喔🤯

收錢職員態度差，居然沒有立即詢問客人，反而在跟其他職員談話，更在飲凍飲，然後才問你要什麼，未見過有如此冇禮貌的對待。其他職員都一樣，對顧客揮手，視而不見，整體都懶散無禮。至於食品方面，首先份量少得出奇，這都不打緊，最重要是味道絕不合格，真是比大家樂的水平都沒有，質素在一般之下，但收如此價錢....真有被搵笨的感覺。再評論下環境方面，雖然桌面尚算乾淨，但在我左邊及右邊的地上，都發現很多垃圾(已上傳照片)，怎可以垃圾隨處，太令人嘔心，以後都不會再光顧。

order左all day breakfast #2 & #3，點知嚟左個#1。搵個waitress同佢講，佢指住張單話“咪哩個囉”。噢，自己疏忽，冇check單。我話我係叫 #2 & #3，佢講咗好耐，質疑緊係佢地入錯，定係你叫錯，講到尾都係覺得唔係佢地take錯order，話換番啱要三、四個字，冇問題，因為我唔食嚟錯既嘢。到走嗰陣，頭先既waitress去左收銀位，同佢買左個外賣盒，佢話入面（即係用餐區）會有同事幫你。我同其中一個帶眼鏡既waitress講要個盒，show埋收據比佢睇，佢行開左，以為佢去攞個盒，結果等左陣，見到佢去左送餐，冇左件事食物不過不失，但係服務態度不敢恭維。佢冇收加一，都唔駛咁真係咁既服務。而家得番一間店，唔知係咪因為啲客覺得回頭太難呢

今次係我地第二次吃，上一次覺得好好味又低吃所以專程黎多次。星期六晚我地八點半去到爆嗮位，所以在附近兜到九點先翻去坐低。望下menu發現無左之前好低吃既單點配搭，宜家限制吃主菜先有得加錢配，變相加價。我地叫左 夏威夷薄餅、煙三文魚柚子沙律、燒豬肋排（主菜 加配 細沙律同飲品）、熱帶水果冰紅茶 同 凍杏仁豆腐咖啡。✅煙三文魚柚子沙律 $54：三文魚半生熟好正，柚子沙律好清新特別，魚同菜既份量合理。但呢款菜已經無得跟餐。✅夏威夷薄餅 $58：好鍾意佢薄低既口感！菠蘿唔係罐頭果種冧冧地既質感，好似係鳳梨，好滿意！👌🏻燒豬肋排 $8x：轉餐牌之後先出現，無影相所以唔記得幾多錢。味道雖然唔差但以果個價錢唔算低。✅熱帶水果冰紅茶 $38：平常見到既水果茶，幾好飲，呢個價錢差唔多。❌凍杏仁豆腐咖啡 $36：淨係飲到甜味同輕微咖啡味，完全無特別。🏠在外圍坐得舒服，因為過左晚飯時間所以少人。但我地仲有餸未吃啲職員就趕收工收埋啲餐具，結果要自己出去拿。

Baby Cafe in Tuen Mun used to be a good option for a simple meal or tea set. This time we noticed a huge decline in not only the quality of the food but also the service. First of all our table had no silverware or napkins. Even after they brought us the soup I had to take a basket of utensils from another table, and get the napkins at the counter. The afternoon tea set we payed $8 to up grade to soup and it was awful, it tasted like watered down salty congee. We took one bite and asked to c

午餐走了一圈决定吃这家，第一環境比較开揚唔會侷促，第二價格合符预算，第三餐牌所見賣相唔錯，誰不知坐低即刻淤咗，原来係快餐店模式点餐後拿感應器等侍應上菜嘅。食物很快來到看樣子不錯，配菜份量亦足够，味道中规中矩舆售價相符啦。食食下見到旁邊有份餐牌咪八卦拿來睇多眼，哈原來有all day breakfast 供應㗎，即刻覺得自已傻猪猪啦，50幾蚊有咁多选择又份量大，真係要揾次再來试试，顺带一提服務及出品是可以的。

週末到了屯門巿逛街, 人頭湧湧, 行左陣決定坐低抖下, 所以便到了Baby Cafe食下午茶。記得上次黎食係大約一年前, 食物水準唔錯。今次再光臨, 仍然見到有好多人排隊同等位, 無諗到佢的水準會差左。雖然唔係難食, 但變左普普通通的水平, 好難吸引到我再來。是次我點了一份下午茶餐, 有蜜糖雞中翼配炸薯條, 另外加左一杯Tirimisu Coffee及Perrier礦泉水。雞中翼正常, 但味道普通; 炸薯條無味, 唔夠熱, 亦唔脆口; 杯咖啡, 無乜Tirimisu味... =.= 所以唔駛再黎!

Baby Cafe 【All day breakfast 💕】$59 唔洗加一仲包飲品加一個意粉/通粉咁抵又咁豐富去邊度搵😋煙三文魚配蒜蓉包真係一流😋仲有咁大條司華力腸👍超級抵食😍😍😎雖然蕃茄通粉蕃茄味都好濃 但通粉數量較少 失分了另外， 中午時分店舖竟然出現數隻烏蠅，不禁令我懷疑食物是否清潔，希望可以注意一點！

今日又嚟到屯門，呢排去得太多屯門真係唔係好諗到食咩好。嚟到門口望一望佢個餐牌，原來轉左新餐牌多左all day breakfast。反正食其他野都食到悶悶地，所以不如試下呢個新menu啦。雖然想試新野，咁都無理由叫兩個all day breakfast,所以最終叫左一個all day 一個主菜。All day breakfast 都有幾個組合，今次試食漢堡扒+煙三文魚沙律+薯條+煙肉+蒜蓉法包另加粟米磨菇忌廉湯長通粉，仲要包飲品，真係好大堆頭！先嚟個長通粉先，我覺得係粟米磨菇忌廉湯湯底+意粉，當佢係一個湯就差不多，長通粉嘅份量就唔算太多。至於主菜嘅肉食類望落份量都算幾多，而且又薯條又蒜蓉包咁，幾樣野加埋都只係$59，性價比都幾高。呢個價錢，當然唔可以同百幾蚊一個all day breakfast 比啦！點計佢有咁多野食，點都係抵食嘅！另一個汁燒豬仔骨拼薯條要$88，豬仔骨size都算正常，不過豬仔骨嘅肉就比較少。好彩all day breakfast 嗰邊有d肉食補番下。豬仔骨嘅味道唔錯嘅，薯條亦都炸得幾脆。另加$15要多個是日沙律，$15嘅沙律份量就好似細左少少，如果多番少少就好d。

從來未試過，打算試一次，但感覺不好客人到店要求3位，叫客人自己搵位，得返3張2人枱又沒有幫忙併枱，完全任客人自己轉再離開都冇人理。。。所以凡事都有原因🤔🤔🤔

一直是屯門市廣場baby cafe 的長期捧場客，因為這裡食物價錢相宜味道可以, 但是，最難接受是抹枱的消毒水味真的很濃烈和很臭，那種味道煙雲不散，非常影響食客的食慾，真的希望Babycafe可以改善一下。因為要滿二百個字才可以給評分，那麼為有是繼續寫下去。最喜愛食這裡的全日早餐跟炸雞脾，香脆可口，亦很喜歡這裡的自助餐俱櫃枱，不需要每次都要勞煩這裡的員工，此外，亦很喜歡這裡的特濃朱古力飲品，很有朱古力味。****再重複一次，希望不要再用這麽濃烈的消毒水抹枱*****