baby café (Closed)

今日又話暖咗，點知由下午開始就又凍又落雨，本來諗住買返件厚衫著，但最後咩都無買就去咗baby cafe 食嘢。今日同老公叫咗個二人套餐，$158有兩個主菜一個小食，我哋再散叫兩杯嘢飲，但加加埋埋所有嘢係抵過我哋全部散叫架今晚叫咗西班牙黑豚扒配菠蘿燒汁、黑椒美國肉眼扒、黑松露炒蛋吐司、熱抹茶朱古力奶同一杯北海道3.6牛乳抹茶奶昔。先講個小食黑松露炒蛋吐司，唔知係咪天氣凍，嚟到唔算太熱，又熟咗小小，所以無平時咁滑，但就依然咁香。肉眼味道依舊，煎得啱啱好又保留到啲肉汁而唔會韌。相比黑豚肉就「鞋」咗啲，但都好入味。到飲品，我叫咗杯熱抹茶朱古力奶，其實抹茶味同朱古力奶味都唔濃，但兩樣加埋，淡淡哋就好夾，冬天來一杯熱辣辣嘅飲品，飲完真係成身暖粒粒。老公叫咗抹茶奶昔，佢話好飲，但又形容唔到點好飲法。但佢話嗰粒綿花糖好似多餘咗，唔加仲好。總括今晚係nice dinner

行街行到攰攰地又到食飯時間，想食西餐於是就去Baby Cafe試下，見到有二人精選組合我地又係2個人就決定揀呢個，叫左黑椒美國肉眼扒（7成熟）味道Ok，伴碟亦不錯，可惜熟左啲，有成9成熟。焗白汁芝士海皇飯，都幾好亦好足料。蜜汁醬燒豬仔骨，我十分喜歡果啲薯條，外脆內軟，豬仔骨都有啲肉汁，不會好乾。餐湯，凍檸茶，石板街蛋糕亦都合格。總括黎講地方乾淨，服務友善，食物質素ok，2個人晚餐$203，唔使加一，已經食到好飽，都算幾抵。

同男友School food 又食左, 又唔想食貴既德國野, 又唔想食拉麵, 又唔想食 blacklisted what the pho...所以就食返baby cafe...話時話, 上次食都好耐啦...位置係TMT3樓, what the pho 同school food中間...我地叫左二人精選組合 - 黑松露炒蛋吐司,  西班牙黑豚扒配菠蘿汁,  日式咖哩牛肉蛋包飯... 黑松露炒蛋吐司: 黑松露味重, 蛋又夠滑, 一d都唔老...包片烘到金黃色, 脆脆地...幾夾, 幾好食wor...不過炒蛋咁滑多數就會好多水份, 放左上包之後要快d食, 如果唔係就會淋哂... 西班牙黑豚扒配菠蘿汁: 黑豚扒夠結實, 份量夠肚餓既女仔一個人食...菠蘿汁無菠蘿味, 而且同塊扒一樣都係唔夠味, 而且汁其實可以多少少 ...菠蘿幾好食, 食完無咁濟...仲有就係薯茸超好食, 食到有薯粒但就不失軟滑, 有牛油味, very good! 日式咖哩牛肉蛋包飯: 蛋同樣都係好好食, 而且有味道...咖哩唔會太甜, 又唔會太thin...飯方面就得好少, 如果撈哂d汁會有d似糊仔, 所以真係多

今日媽咪放假同佢去行下街，去到屯門市廣場就去左食baby cafe，之前食過一次覺得幾好食，所以再食。  今次叫左南瓜汁鯖魚意大利飯同拿破崙意粉。南瓜汁鯖魚意大利飯好好食呀，個飯唔係好水又唔係好杰，撈埋d 南瓜汁好香好好味呀！  個鯖魚燒得好香口，咬落去有口感，唔係得好少肉，個皮仲係脆既。  啱啱係日本返黎，食完搞到我好掛住日本d 魚魚呀！拿破崙意粉就普普通通無咩驚喜，酸酸地幾開胃既。  有雞肉、青椒、火腿等等。意粉食落去唔係好淋淋，仲硬硬地，最中意硬硬地既意粉。  成個意粉整得幾入味既。如果要加野飲、湯或者沙律要每樣力d 錢咁，所以我地無叫到，不過佢有個自助既area，可以自己係果度斟，幾好。 媽咪一開始見到d 野食黎覺得份量得好少，但食食下其實又幾多，哈哈！  下次會試下呢度d 晚餐。

其實已經試過朗豪坊嘅baby cafe .知道屯門開左…一早就想來試下…但無奈收工收得夜…每次返到屯門已經關門了…今日難得放假…所以同熊貓就決定來一試究竟！！ 呢度同朗豪坊唔同…係先付款購票然後坐低等食嘅…我哋叫左個set(2主菜+1小食)主菜：芝士香草肉醬意粉 蕃茄味濃…但無乜香草味…意粉太冧了… 小食：焗帆立貝呢個味道good good …有啲酸酸甜甜…帆立貝屬細size…一啖一個同場加追：

今日係baby驗明正身嘅大日子，又令我諗返起曾經都去過baby cafe食嘢，不過呢間嘢嘅食物好難食，表面整得好難，不過都係假的之前從來都無打算會食呢間嘢，但友人見到啲餸好似幾好話想試，咁試下都無防嘅不過一去到已經好意外，一間中價cafe竟然0 service,位要自己搵，更加唔好諗想要杯水，唔該自己拎。。。。。。食物方面，好難食。。。難食到成餐飯除左難食都唔知講咩好，其實無諗過西餐都可以用難食嚟形容係得個湯叫正常啲，但茶餐廳都做到呢個水平~~~所以一啲都唔值個豬扒仲正！油浸一樣又好咸，好難食，塊豬扒好易切開，但唔係因為用上高級食材，而係用左好多梳打粉 。唯一可取嘅係個薯蓉，但我期望佢會加啲奶同忌廉令成件事更香滑好味！ 個牛就食緊牛根咁，都食唔到亦切唔開嘅~~~平時啲菜要嚟平衡肉嘅油膩感，本來有露荀都加左啲分，點知又係油浸一樣，可能已經吸收晒肉啲油，但實在太多先有咁嘅效果！總括就係。。。。已blacklist 唔會再有下次，未去過嘅都唔會推薦大家去食 ⼁

今天我和男友專程去baby cafe吃下午茶，我叫了朱古力心太軟配雪糕，男友叫了煙鴨胸牛角包配薯條，飲品叫了凍荔枝茶。朱古力心太軟方面，心太軟雖然size比較少，但十分美味！心太軟外脆內軟，而且心太軟的皮十分薄，又不會太乾，時間控制得非常好！心太軟內的朱古力醬又不會太甜，和心太軟的皮一起吃十分美味！！雪糕是雲呢拿雪糕，不過不失。可惜的是，我男友的煙鴨胸牛角包配薯條卻十分難吃！薯條不是即炸，只是暖和而已。牛角包和煙鴨胸是凍的，沙律醬又很少，整個牛角包十分難入口，又十分難吃！！凍荔枝茶方面，味道不錯，很有荔枝味，幾好喝。價錢方面，朱古力心太軟配雪糕$42，煙鴨胸牛角包配薯條$42，凍荔枝茶跟餐免費，總共$84。總結來說，baby cafe的心太軟真的很美味，喜歡吃心太軟的朋友一定要試一試！不過煙鴨胸牛角包大家一定不要試！

話說女朋友話想食下好味既意粉wor,係屯門市廣場邊度有呢?行下行下就去左最高個層la,見到Badycafe,入面都幾多人下,由於採取自助形式,甘就馬上入去坐底先,再出去拿個餐牌比女朋友睇下,食咩好,之後我地就揀左「二人精選組合」:自選左十勝芝士海鮮意大利飯,白酒蜆肉意大利粉(辣)同小食蜜汁醬燒豬仔骨,總共$158,冇加一既,之後收銀員會比個號碼牌比我,話有待應會送上食物,請等一等等左大約10mins,十勝芝士海鮮意大利飯首先來了,外觀都幾靚仔,可以聞到有好重芝士味,食落係可以拉到有芝士絲,塊鱈魚係煎得唔錯,有少少脆脆地,整體個飯有8/10架過多一陣左右,白酒蜆肉意大利粉就到喇,望一望先,D蜆都幾大粒幾多下,不過相對地意粉就少左D,食落口好大蒜容味,有少少白酒香既,唔係太辣,之後落左D黑胡椒味道加強左D,意粉係有咬口既,依個有7/10最尾小食到,有D好奇係點解小食最尾先到既,蜜汁醬燒豬仔骨總共有三塊既,下面有好多薯條,豬仔骨肉比較擦口,唔太入味,面頭上有一層果醬既野,味道比較sweet,至薯條炸得係幾好既,好咸,整體6.5分

睇餐牌樣樣都靚想食，落單先知加飲品超唔抵，果茶太甜好似飲糖水生果罐頭貨，焗意粉小餸又小汁搞到個麵乾爭爭，咖哩牛肉超難食好似切牛肉淨返D碎咁，個蛋包飯茄汁炒飯都整到咁難食好叻囉蛋又簿又乾咖哩冇咖哩味，最掂係個炸魚粉漿做得脆唔油膩

已經食過2次晩餐，因為見佢有set，好似幾化算咁。有大約10款比你揀，$158任選2款，免費送一款小食。我地各人叫咗肉眼扒同豬，本人認為豬好食過牛，牛偏肥同有少少蘇味。最抵食，小食係以下燒雞，肉質都幾滑！

oh !   二人世界  星期六 , 很久沒來了 , Tuen Mun Town Plaza Phase 1,  3/F  Baby Cafe開放式餐廳差不多 1:00 了,  看看,  人多 滿座 , 幸好仍有一兩張小檯(二人座位)睇睇餐牌 ,  有意大利粉和飯，也有牛扒 等等 , 比較上次來 , 已多左 D 新款式二人精選組合 ($158) , 可選擇兩款主菜及一款小食黑松露炒蛋多士   四件 脆脆香口多士 , 炒蛋 滑滑嫩 , 配上黑松露的香味, 張蛋放在多士上 吃吃吃, 好味道焗白汁芝士海皇意大利粉 , 材料豐富 ... 蘑菇 , 鮮蝦, 蜆肉 , 魚塊 , 配上紅 青 椒 ...  色澤漂亮我的至愛 , 濃濃芝士味 , 開心滿足烤大菇蟹肉意大利飯  ,  嘩 ! 揭開 ....  大大隻 大菇  , 蟹肉多多, 飯吸收了材料味, 香噴噴 , 似是清淡 但誘人呢 !個人感覺, 這餐廳食物質量算是不錯 , 價錢可以接受, 大家不妨一試。

It was lunch time and my colleague wanted to go to baby cafe so we went there and there were lots of people, we need to wait for half an hour. I ordered a creamy seafood risotto with Japanese Tokachi cheese because everyone recommend me to try it. The risotto was yummy, it was very creamy and you can taste cheese in almost every bite. There were lots of mushrooms and shrimp. The fish was quite good as well, I think they cooked it with butter and the seasoning was alright, not too salty.

原來我依家先知呢間野係要自己搵位架。可能之前唔洗等，所以冇為意。星期五出街食真係邊度都咁多人.等左一陣終於有位~~今晚我地四個人, 叫左一個2款主菜SET, 另加多一個主菜~前菜有一個湯, 一個小沙律~~燒豬仔骨算係小食吧~味道尚可. 籃內亦有炸薯條~蒜蓉蜆意粉味道適中, 而且蜆亦很多.呢塊扒唔錯, 不生不熟, 食落軟滑可口~奄列蛋飯芒果沙冰

已經接近半年沒有來到屯門，在這半年來到不同的的地區覓食，唯獨屯門卻沒有到訪過。是日趁辦公的便利，在這區坐下來吃番餐飯，亦因為要方便轉輕鐵的關係，只好在某一大型商場尋找食店，吃過午餐後，可快速跳上輕鐵吧。在下對於由名人開設的餐館，沒有太大的興趣，只是「有咁啱得咁蹺」才會到訪的，就如由 Angela Baby 開設的 Baby Cafe，開業至今卻沒有刻意走去用餐，直到今天才正正式式的在屯門分店吃番餐午餐在看著收銀櫃檯旁的餐牌，有意大利粉麵和飯，也有扒餐供應，也有下午茶時段，但在下於不吃太多的大煎題下，只是點了一個意粉吧。當在收銀處點點和付款後，就拿著號碼牌前往座位坐下等候送餐。在加了銀兩的情況下，升級到有個羅宋湯，藍色的碗子加上碗蓋，打開後一片紅色的湯頭呈現眼前，把湯渣舀起，可見各式蔬菜在湯頭裡面。每喝一口都是酸酸甜甜的，材料也豐富吧。芝士磨菇雞肉長通粉。或者對於長通粉，是情有獨鐘的，也是對通粉有份情意結吧。芝士與意粉是最夾的，加上磨菇，使雞肉也得以提升美味。香濃的芝士也讓長通粉變得濃郁起來。餐飲是荔枝茶。雖然現時荔枝還未吃到，但一杯香濃的荔枝茶，也讓剛才濃郁的味道稍為降降那種香濃味道。

Baby Cafe開業至今已有數載，剛開業時曾到訪過旺角的總店，食物質素不俗，價格十分合理，由那時起，對這品牌留下良好印象。到Baby Cafe落戶屯市之初，在下午茶時段一試它的出品，雖然環境與食物都未及旺角總店的水準。但舒適的環境、相宜的價格均令人滿意。這天又再於下午茶時段光顧，屯市的分店採開放式設計，雖然用上優雅的歐風桌椅，但路人熙來攘往，加上半自助點餐，感覺是美食廣場加快餐店的混合體。不過這兒的下午茶十分值得推介，價格只由$32-$55不等，而且不收加一。時值五時半，下午茶仍在供應中，這時段仍供應下午茶的食店是極少數的了。選了最便宜的吞拿魚牛角包配薯條($32)，配是日特飲荔枝茶。據以往經驗，它的是日餐飲都是特式果茶，且總不會令人失望的。找位子也真不容易，兩邊的用餐區域都幾近坐滿，最後選了近落地玻璃窗的位子，和暖的日光灑進來，比另一區更開揚敞亮。餐飲很快送上，荔枝茶冰冰的，份量也不少，在炎夏實在是透心涼。荔枝糖漿加上紅茶，甜度適中，還添了數片薄荷葉。把薄荷葉搗碎，讓涼意滲進茶香中，感覺更清新怡人。這杯特飲不用加購，冷熱同價的果茶特飲有此水準，實在令人滿意得很。隨後吞拿魚牛角包配薯