baby café (Closed)

食完午餐，又是甜品時間，之前聽過，baby cafe 的心太軟味道不錯，下午茶心太軟+飲品都只是$38，心太軟是即焗的，等了十多分鐘便有得食了， 心太軟一切開便見大量朱古力漿流出，雖然較稀，但朱古力味夠濃，每一口都食到又熱又脆的蛋糕，香滑的朱古力漿，及冰凍的vanilla雪糕，這個配搭真的不會差，而且旁邊還有些許草莓及藍莓，酸酸的，令心太軟不會太膩 雖然心太軟的份量不大，但足以滿足我想食甜品的心

今次的下午茶,竟然來到了曾經被我評為"No More Next Time"的 Baby Cafe,這次是有朋友入了屯門找我,我著她先找一間餐廳坐下,千多間餐廳偏偏選了Baby Cafe坐下了!!!咁.....唯有硬食,只希望不要再這麼難食吧 >_<舊文分享: ✲ﾟ*:₀｡ 沒下次的 Baby Cafe @ tmtplaza ｡₀:*ﾟ✲這次是Tea Time,人流不多,比晚市那次易搵位,可能太多人試過"奶野"..........叫了一個Baby三食茶餐,已經忘記了它實在的名字,因為.....看圖見到三個食物,包括左起的XX雞翼,黑松露炒蛋,同埋吞拿魚多士 先講左面的雞翼,炸得香口,少少辣,起左骨都叫易食是三食當中最好吃的,可以食得下中間的是什麼?我只見到一堆液體,所以專登去睇清楚menu 在吃什麼鬼!!原來是黑松露炒蛋,真係第一次見液體狀的炒蛋,仲要用匙才可以食的那一種!右邊的吞拿魚多士,個醬sticky到爆,痴痴lup lup......唉!餐飲要了是日精選的洋甘菊茶,是整個餐比較正常的!作為一間餐廳,最好的竟然係用茶葉開的飲品,真的無眼睇了!下次就算朋友不知情坐下了

平時在屯門市廣場，飲咖啡只係會諗起starbucks, 偶然係友人介紹下話baby 啲咖啡也不俗(由於友人極力推薦關係) ，所以我就陪佢黎試試 熱泡沫咖啡 味道不俗玉桂粉的香味和咖啡的甘苦味融合得非常好，奶泡也打得好綿密，good友人的熱朱古力咖啡，味道就不太知道，但眼見此店真係有誠意，拉花的技術應該不俗，係香港有拉花睇下真係買小見小還會再來試試的

屯門分店的坐位不多，晚飯時間來到，坐位都已坐滿9成。排隊買野食後，安坐約10分鐘，店員便會送到枱上。這晚叫了• 十勝芝士海鮮意大利飯(推介):忌廉芝士汁滿佈整碟飯～中間的煎雪魚(only我覺得係雪魚...)煎得好香好夠味～最緊要襯熱食! •黑松露磨菇意粉: 唔夠太香，味道很淡。•蜜糖雞翼:大人細路致至愛!好食!•熱洋甘菊茶:很夠熱(最怕熱飲不夠熱...)，有少許蜜糖的甜。是一杯能嗅到很香洋甘菊味的花茶。用餐感覺很好，沒有摧促結帳還枱等。雖然跟旁邊的枱很近，但還可以的，會再來光顧喔～

今年情人節好好彩連Lunch time都可以同男友見面~我地就近近地去左屯市搵食~其實同男友個零月前都去過Baby Cafe食晚餐，但記得個次d野食淡戊戊，份量又唔多，所以對Baby Cafe印象麻麻……不過今次都決定比多次機會Baby，因為價錢合理又唔駛等位~男友叫左燒豬仔骨配薯菜（$58），我就叫左帆立貝意粉（$45），轉套餐加多$8，有沙律/牛角包+餐湯/飲品。因為想樣樣都試下，所以我地兩個都轉左套餐，可以食齊沙律、牛角包、餐湯同是日特飲。牛角包雖然size細左少少，不過暖暖地又軟熟，入面仲加左牛油，口感豐富，真係想encore！餐湯都好味，夠晒creamy，好似話加左d咩法國定意大利既豆入去。沙律我冇試，因男友話麻麻。而是日特飲甘菊茶既味道就淡如水，但都有d花香既……主菜帆立貝意粉，意粉份量適中，但油淋淋咁，而帆立貝就嫌少，只有兩粒，味道略為咸左d，仲有d鹽未溶得晒，但同埋冇乜調過味意粉一齊食都ok既。至於燒豬仔骨則好有驚喜，除左兩邊邊位外，d肉都好juicy，燒得岩岩好，而薯角就係即炸既，好惹味，但為左皮膚唔敢食太多……總括黎講今餐既食物都唔錯，比多一次機會Baby係正確既決

我一向不喜歡ANGELABABY，所以對於BABY CAFE的興趣是零。有一次跟友人在尖沙嘴的I-SQUARE逛街，相信沒有可能喜歡ANGELABABY的她竟然讚賞BABY CAFE的咖啡，所以當BABY CAFE落戶屯門市廣場之後，一直心思思想試下。於是在一個星期六的下午，我和老公就在這兒吃下午茶。餐廳以快餐的形式運作，先點好菜付了錢，拿著牌子找個位置坐下，等會兒就會有專人將食物奉上。因為這餐其實是我們的LATE LUNCH，所以點了黑蒜欖油意大利粉配豬腩肉，不過豬腩肉煮得太乾了，味道很一般。咖啡的味道是不錯的，不過用紙杯上就立即大打節扣，始終容器也很影響咖啡的味道和享用的心情。因為要SELF SERVE，飲品又用外賣杯奉客，運作模式跟大家樂一樣，一個茶餐轉飲熱咖啡卻售$45，實在有點貴，但如果改為由侍應SERVE的餐廳，使用較為精緻的餐具，相信就算要額外再加10%服務費，我會比現在更加樂意再來。

咁耐都未試過，見平日無人咪試下。叫咗個海鮮墨汁意大利飯跟周打蜆湯，同西班牙黑毛豬扒跟沙律，個湯上到枱已經凍凍地，味道一般。海鮮飯d海鮮好腥，啲飯得陣咸味，又唔係用意大利飯。睇得岀係好hea咁整。黑毛豬肉質尚可，但係都無預期中好。靠明星效應，都係咁上下吧了。

處身九龍區的我, 真係好少山長水遠的入到屯門今次入屯門係因為工作關係, 結果搭左成個鐘巴士, 都總算快要入到咁遠做野, 梗係要對自己好d啦lunch同同事去左屯門市廣場搵野食誤打誤撞之後走到廣場的3樓, 見到有baby cafe心動了.... 不是因為baby而心動而是被食物的圖片打動了結果好快就同同事叫野食兼坐低左買完野食就送你一張coupon不過張coupon要9:30pm後先可以用um... 唔通baby會陪你食宵夜????呢杯茉莉花茶係跟餐的, 比想像中好味, 好有花香味, 唔會一味死甜淡淡花香+淡淡的薄荷味, good !!!餐前包牛角包好味, 暖暖地的, 不過如果可以再鬆軟少少就好喇 ~主菜到達是我的先叫左墨汁海鮮飯材料都幾豐富有蝦、蛤、同埋藍貝d墨汁都幾落重本, 因為無一粒飯係白色的同事話試過食過d餐廳落唔夠墨汁, 搞到d飯半黑半白, 好奇怪d蛤好甜, 蝦都好味, 藍貝就有d雪味但成碟野總括而言都唔差的 !!!!同事叫的香草帆立貝白汁天使麵哈...d汁太少...不過果2隻帆立貝幾大隻我無食呀, 不過同事話都ok ~

同媽媽行完街差唔多9點，見baby cafe未收工又冇乜人，新開之後又未食過，就入去試下啦。初初都擔心名人效應，會唔會同食物味道有出入呢....2個人，叫左5樣食物試下！牛尾湯：麻麻地，有少少苦味，而且唔熱。燒雞凱撒沙律：沙律菜好爽脆清甜，燒雞肉燒烤度略嫌不足，有點乾。蜜糖雞翼：皮脆，蜜糖味濃，好味！焗蠔：我冇食，媽媽話d汁好特別，蠔都新鮮好味。忌廉蟹肉蘑菇意大利飯：飯硬左少少，但幾入味，上面個大蘑菇煎過好香有咬口，蟹肉好creamy，賣相亦幾靚。服務員都好客氣有禮，環境幾乾淨整潔，會再次幫襯試埋其他食品。

今日同老公行街街，又未諗到食咩，見到有間 baby cafe而且之前係 尖沙嘴食過都OK，於是就成為了我們的 Lunch 。但呢度係屬於 Food court ，環境就真是麻麻，潔淨度都麻麻地，而且價錢都幾貴，呢度就好似快餐店，要先買飛，之後會有人攞比你，算係咁啦。 Order 了兩個 Lunch ，一個 黑豚肉，一個牛肉意大利飯，配了一個小食 “ 沙律 ”。 黑豚肉比之前食 份量少左，但味道還好，肉質都算爽口，有質感。 至於意大利飯，我覺得OK 唔軟唔硬 ，配合醬汁剛剛好，不過個牛有些un 。 以呢個價錢嚟講，都可以有好多選擇，今次的 Lunch 未如理想，有代改進。 

老公同三個囡都番晒工，又係留低個師奶去買餸及偷偷去銀行炒股既時候。臨近中午行過屯門市中心，抬頭見到Angela Baby 吮晒手指著晒女僕服既海報，突然醒起呢間就係個日本客猛話要試既baby cafe. 心諗一個女人仔要嫁大明星唔容易，就幫襯下當做人情支持下佢啦。諗左好耐叫左個南瓜意大利軟殻蟹飯配黑朱古力同沙律（如圖），盛惠86元。一上菜，第一下印象覺得幾唔環保，全部都係即棄餐具。對於一個連餸渣都分類既環保師奶的我真的不太喜歡。先來一口雜菜湯，咦，有驚喜。佢既湯足料清甜，唔似一般茶餐廳咁開罐裝溝到杰撻撻俾你。濃度適中，而且微酸和甜味能明顯分出來。即刻加左幾分。南瓜飯賣相不太好，初上時見到飯好似泡飯咁有些唔太喜歡，隻軟殻蟹得半隻，覺得好鬼死孤寒。食第一口飯，立即醒神過來，南瓜湯既味道十分濃十分滿分。意大利飯煮到個心軟晒（個人喜歡食硬既），但我知道因為大部份香港人都想食軟飯，所以唔扣分。個飯最特別係我食到一半走去食個沙律，再回來食個飯時發覺個飯把原來的南瓜湯汁全吸收了，變得更美味。唯獨是略嫌得半隻蟹總覺得佢太孤寒。隻蟹用油泡熟，味道略咸，但因無加任何粉槳吸油，所以啖啖肉也不錯也不太油。沙律

Baby Café在屯門已經開了一段時間，難得星期六見到有空位，於是便試試屯門分店的質素，結果又是一間沒有下次的食店。北海道3.6牛乳著蓉 $19著蓉賣相不錯，但不太建議單點，因為如果你吃扒類食物，伴菜都是薯蓉，這款薯蓉較一般滑身，但用料不足，而且著仔煮得不夠爛。香脆蜜糖雞翼 $29雞翼只屬中型size，而且蜜糖只留於表面，沒有溶入雞翼裡，也沒有香脆的效果。濃汁牛肉意大利飯 $58不得不說，她們的餐具都很大，但份量呈反比，意大利飯煮得不夠爛，所以比較硬身，感覺像吃珍珠米多於意大利飯。軟殼蟹南瓜意大利飯 $58意大利飯的問題跟前一道一樣，但這個問題更嚴重，因為軟殼蟹少得可憐，而且炸得過火，南瓜汁也不夠入味。西班牙黑毛豬扒 $58這個是我想像之外的好味，因為之前幾道菜的質素，使我不敢挽太大期望，我本來很怕豬會煮得太老，但這個豬扒肉質保持得剛好，而且蕃茄汁也不錯，可以醒胃。薄荷香羊扒 $58羊扒煎得有點過老，羊騷味不夠。Ice Mocha $30這是我唯一滿意的食物，而且冰不多，但這個質素的Ice Mocha在屯門其實不難找到。真的是很失望的一餐，大部份食物都不在標準內，雖然價錢較平誼，但食

下午茶時間到，想找間店子坐下吃點東西，見Baby Café人不多，雖然我不是baby fans，但見下午茶餐價錢合理，而且餐廳環境也不錯，有疏化位，即管一試.這間Baby Café 是以快餐形式經營的，自己到收銀處選購食物，拿着牌子找坐位，便會有人送上食物的了.我選了法蘭克褔腸仔鮮茄意大利飯配凍洋甘菊茶(是日特飲) $29. 以價錢來說也真便宜!先送上洋甘菊茶，味道帶甜的洋甘菊茶類似菜蜜的味道，喝下感到很清潤，個人幾喜歡.法蘭克褔腸仔鮮茄意大利飯等了約1xmins才到，以快餐來說也算慢，意大利飯熱得燙口，應該是即刻煮的，而且飯也不會過淋，亦有咬口，配上酸甜的茄蓉配少量菇菌，也幾美味，至於那法蘭克褔腸則變成陪襯呢! 個人來說，以這價錢得到這樣質數已好好了，可以翻兜的，也改變了我對明星效應店子的壞印象.  

寫完Outback，也連續記錄屯門baby Cafe的食記吧，其實那是8/10當日獨個吃完Outback午餐後，shopping後的一餐下午茶... 這個孕媽媽真肥真為食! 這間baby Cafe無論是環境或風格路線，均與尖沙咀i-square分店很似，不過就改為自助購買食物，以及先付款後取食物，當然就不收加一，形式與隔壁Euro go go一樣。這裡下午茶週一至日均有供應，抵食關係非常多人幫襯，我也等了差不多10分鐘才有位。與Euro go go一樣，這裡付款也會有人送餐，食客放著baby的靚牌，等一會兒就有食物上檯了；那等待的過程，我覺得有點似與baby在約會，挺有趣的!  首先送上是當日特飲的洋甘菊茶，我選了熱的，味道是想不到的清甜討喜，如果換上靚瓷杯絕對可以賣到$30以上架，可在baby Cafe就是下午茶餐附送，超級抵飲呢!然後主角也上場了----實不相瞞，除了Chocolate Thunder，我的另一產前未了心願就是心太軟，當日正正是衝著比利時78%黑朱古力心太軟配雲尼拿雪糕而來! 心太軟的散點價$39，但下午茶餐只售$36，而且附上的雪糕與i-square店一樣，都是帶

自去去收銀位點餐後就有等候牌,職員會上菜baby cafe用膠餐具同紙杯,唔太環保呢叫左杯baby in love諗住係最TOP既招牌飲品,應該OK啦,點知好難飲,好假既糖水溝出黎,味道差溝好後,味道差,浪費咁靚既外表杯內有唔同既水果粒,但水果還水果,野飲還野飲,水果未能令杯野好飲D好彩野食OK,炸薯角,滿滿一小盤,即叫即炸,但唔油,very good呢道燴飯都好食,估唔到幾有海鮮味喎,加上白汁,非常match!燴飯真係有用汁燴熟飯既出感覺,十分入味,算OK正宗啦意粉太淡,可能為左突出黑松露啦,但黑松露又少,所以淡而無味雞翼好難整得難食既(除左七X神),即叫即整更係惹味啦,香糖既蜜糖+肉汁多多既雞翼,唔讚唔得