八方雲集鍋貼水餃專門店

Open Now

Now Closed

之前看過報紙的飲食版介紹, 昨日又經過, 於是入去試下.中午一點也不滿座, 很容易找到個位子. 點了個水餃套餐, 招牌水餃和韮菜水餃各5隻, 另加酸辣湯. 先上酸辣湯, 跟平常喝的大不相同: 湯很稀, 幾酸, 而且料子也不多.招牌水餃和韮菜水餃吃起來差不多, 皮較厚, 一般水準.一個人吃完整個餐也很飽, 但整個下午也很口渴........大概是下了不少味精吧!!!!要吃餃子還是去中環的餃子園較好!!

夜晚七點幾等左接近半個鐘，都幾多人。叫左招牌水餃同鍋貼，套餐送個湯，貢丸湯OK，酸辣湯好淡，最唔鐘意放左紅蘿蔔絲，唔合格！招牌鍋貼好食過水餃，可能香口關係，有足夠料；水餃一樣料，但個皮無乜特別，一般。30零蚊套餐唔太飽，見鍋貼幾得，叫多五隻咖厘、五隻辣泡菜，3蚊隻，即係$30。咖厘餃味道似咖厘角，不過層皮轉左，辣泡菜唔錯，煎得香，不過都係招牌D 料好D。食完埋單$93，價錢可以接受，不過坐車番歸時覺得好口渴，咁好味會唔會因為味精呢？

酸辣湯 -- yuck!! 好台灣lor, 如果真係要我講就..... 好dry... 完全唔係香港人一般飲到既酸辣湯... 要有心理準備. 哈哈.waiters好slow.... 門口既cashier係唔sick用cashier, plus唔識計simple math既... 12+12 都要用calculator... (而佢又唔識用cashier... 咁你可以想像, 求其一個星期日, 八方雲集既門口會係點................ 我係victim, 所以特別多grievances... sorry.講返鍋貼, 好好食, 因為我本身就已經好鍾意食鍋貼!!! 佢既原味同泡菜味真係好好食!! very crunchy!!! 同我一次o係台灣食, 一樣咁好味!!! 不過印象中, taipei 既services更差更慢...唔貴, d dumplings ($2.5-$3 each), 一個味至少要叫5隻ga. 而d drinks就相對較貴啦...overall speaking, worth trying ar~~~

從雜誌上看見介紹在台灣驚人地有380間分店 ( 雖然上次去台灣真係唔覺有...)既然在香港開分店 實要去試試o既 ~~您睇 門口等位等外賣都已經幾多人喇 (好彩 o個時我地已經食飽飽 走人lu ...)http://f20.yahoofs.com/hkblog/_0gwPIyaFRvCs7XnJeuKqxIr_15/blog/ap_20080823111700607.jpg.jpg?ib_____D3RtNC3X2台灣一向的作風 一間店通常只賣精通的幾樣野 ...所以喜歡多選擇o既朋友就未必啱喇 ~ http://f20.yahoofs.com/hkblog/_0gwPIyaFRvCs7XnJeuKqxIr_15/blog/ap_20080823111534108.jpg.jpg?ib_____D_quU1Mrj今日店內人唔算多 可能打風後d人冇咁快出黎掛 ~所以野食好快就到 http://f20.yahoofs.com/hkblog/_0gwPIyaFRvCs7XnJeuKqxIr_15/blog/ap_20080823111601866.jpg.jpg?ib_____DdmYRDy

雖然今日打9號, 但仍然冇損我地出街o既興致, 訂左飛去新世記度睇戲, 睇完想搵野食, 但商場內好食果d都閂晒...於是落去通菜街碰下運氣睇下有咩好食...平時熱鬧o既通菜街今日好冷清, "唔食得"o既都閂晒門, 食得o既都係得幾間...兜左個圈, 見到呢間野, 本來都唔想入, 因為門口真係好細, 以為入面好迫, 望下個餐牌, d野都幾岩食, 入到去都唔太迫, 可能打風o既原因啦. 坐低首先叫左個3號餐, 招牌水餃+貢丸湯($26) 水餃好好味, 入面d菜好爽口, d皮又唔厚, 正! 貢丸湯好普通, 因為佢係滾水+"鹽"西+貢丸烚出黎, 冇咩味, 不過呢d先係正宗台灣貢丸湯之後再叫多個餐, 韓式泡菜餃子+粟米湯($28) 韓式泡菜餃子係煎餃黎o既, 辣辣地, 好惹味, 而且d菜好爽脆, d餃皮吃都最後一件都係脆o既, 冇淋 粟米湯就同普通粟米湯冇咩分別, 不過相比貢丸湯好得多.最後我地仲買左廿隻水餃拎走番屋企加餸添~~有招牌水餃+咖哩餃+"九"菜餃 咖哩餃冇泡菜餃咁好食, 而且我又唔中意食辣.. "九"菜餃d菜冇咁爽囉, 好普通. 至於招牌水餃帶到番屋企都咁好食!如果今日唔係打風, 我

之前去台灣食過, 而家香港開左, 緊係去食下啦香港店比台灣店裝修靚好多好多, 好明顯係有心攪好佢.我已經食過 2 次lu第一次應該係新開張冇幾耐, 8點幾去到, 唔駛等位, 但好多野都賣晒.最想食既咖哩味水餃 同 酸辣湯都冇晒不過d 員工都幾好人, 叫我地慢慢choose叫左泡菜水餃跟粟米濃湯餐 hkd 28, 另加 $5 加飲汽水再散叫左 招牌水餃同韮菜鎬貼個湯幾好味, d 水餃都好好味 招牌韮菜就普通d 不過水餃皮就一d 都唔粉wor! 最特別係泡菜水餃, 最好味.第2次同d 朋友再去, 可能我地 5個人, 都等左成25分鐘. 2個人應該會易等位d.終於都食到咖哩味啦 >_<咖哩水餃一咬開好香咖哩味, 鎬貼係煎既, 所以仲香!!下次一定再叫咖哩味食不過我都認為, 埋單計數個位, 應該用返部計數機好d.雖然計得都幾快, 但計錯數俾人話就唔好啦

今晚去左試新野，所以就出晒事囉。 重點如下:1. 沒有餃子賣，一直都無跟客人講。 係坐低左，叫晒野食隔左好耐之後先通知我地話餃子「剛剛賣晒」。 後來見佢都係用同一手法、同一對白對其他客人，所謂的剛剛即係幾耐之前呢?? 何解唔響落單之前就同客人講清楚呢? 何解等位果陣唔同客人講呢?? 個餐的飲品呀、湯呀黎晒後先話無得賣，咁即係想d客人點呢? **要注意，這店得鍋貼及餃子兩樣樣食。**2. 全程勁漏單。重覆又重覆跟店員漏左d咩食物。3. 員工對食物無認識。 因為一張枱坐兩枱客，所以要問清楚黎的鍋貼係邊種料、邊種味，但係個員工無禮貌地回應 - 唔知!! 響度打工架??4. 週地垃圾。櫃裡無晒餐具都唔補。5. 幾個員工都姓""陳""掛，個個都聽唔到客人嗌o既。有無咁投入工作呀??6. 韓色辣鍋貼味道很難吃，點解賣台灣菜可以有""韓國味""出現呢? 7. 埋單計數果位員工，仲要教埋佢點計、點計。 唔識可以試下運用計數機姐，無人笑架喎。8. 走果陣出面仲有唔少人等緊位，但係裡面有幾張都係"吉"枱。 營造好旺的效果呢樣野又做得幾成功喎。

鬼成咁多人等位，入到去，有D失望，環境好迫，跟住成鬼日又有d唔知烏蠅定蚊滋飛黎飛去，至於D餃嘅味道，只可以講ok，未至於令你想翻兜，我反而覺得美孚『餃子妹』仲正！不過佢牆上個「屎撈緊」真係好得：「只要肯努力，水餃也能變元寶。」真係要好好學習。

16/8/2008 星期六下午4時許到來, 不知道佢有"落場"時間....冇得食 ..門口手寫5時再開!17/8/2008 星期日下午3時許到來, 門口堆滿人... 派籌女人不懂廣東話, 很多人問佢問題佢都一係"聽唔到", 一係""聽唔明"... .... 雖然佢一人負責派籌, 收錢, 睇位....但 我個手寫籌仲同人地個"Duplicate", 佢有時用黑筆寫籌, 有時用紅筆寫籌.... 無奈!!收錢很慢, 計數問題.... 無奈!!睇位.... 很多人走喇, 佢得閒, 有位但唔叫人入, 要客人提出應該有位, 佢先叫人自己入去自己搵位........入去自己搵位....叫食物啦, 同一位"派籌女人" 竟問我是否找數..但我剛坐下來....食物派發混亂, 隔離位食完先知派錯佢set 去另一張枱, 唯有香港阿姐好好人去改單,,,,追漏單情況不停....食物很多味精....煎:窩貼似日本餃子, 水餃是上海式,,, 旗魚丸很"粉"....食完要出去飲好味椰子汁才可解渴...食完出去見"落場"時間.....門口手寫5時30再開, 日日不同價錢雖然不貴, 但不會再來....

新開的一間專賣台式餃子/鍋貼的小店。當晚做完球證﹐原本想去太興飲個凍奶茶﹐但見新開張﹐自己又喜歡餃子等食品﹐便入內光顧。一進入﹐是全新裝修﹐但地上可以找到不少宣傳單張﹐紙巾等﹐令人感到取了凌亂外﹐店員對維生門面也不太著緊。坐下後﹐等了一會﹐三催後才能下單。要了十只招牌餃子配貢丸湯﹐再另加五只招牌鍋貼。新張頭三天送飲料﹐要了凍檸檬紅茶。一分鐘不夠﹐招牌鍋貼和貢丸湯便到。可見是先弄好的﹐但仍是溫熱的。外表是長形﹐頭尾留下空位的包法。咬下去﹐餡是大白菜加少許香菜和豬肉﹐不錯。幹掉了湯和鍋貼﹐等了五分鐘後餃子便到。呈元寶形﹐皮有咬勁﹐但餡﹐跟鍋貼是一樣的。有點失望。因為我自己仍為鍋貼和餃子不是煎和水煮﹐及外形有分別。餡亦應該不同。但話說兩頭﹐兩樣味道也是不錯。見鄰台不斷催單﹐雖然服務有禮﹐但混亂二字﹐的確可以形容。賣單$38.5。但單叫十只餃子配湯只要$26。比起$14一包灣仔碼頭﹐這兒出色得多。比起$21一碗牛丸麵﹐這兒的飽肚力量也不會較差。但心裡仍是最愛京式餃子。會再來的。

見呢間係新開既鍋貼專門店就同男朋友走入去試下，叫左個招牌鍋貼餐一碟10隻招牌鍋貼同一碗自選湯，有酸辣湯、粟米湯、旗魚丸湯同一款忘記名字既湯我揀左粟米湯，好正，好足料，仲好香，一定唔係罐頭湯，絕無加水...好正，一定要試D鍋貼好脆...皮薄涵靚，男朋友叫左黃金咖哩水餃餐，D咖哩水餃好入味，有好濃既咖哩味，女仔食既話，一碗湯加5隻鍋貼/水餃都已經好飽。我臨走個陣仲叫左5隻九菜鍋貼，D九菜超新鮮~~~佢仲有其他款式既鍋貼同水餃，下次想試下佢個韓國辣味鍋貼~~