巴希雅海灣重慶燒烤

Open Now

Now Closed

Perfect weather for a BBQ experience with family during our Easter break while biking over to this area. Pleasantly surprise with the lady boss whose pleasant and welcoming smile and features greeted at the entrance. This - already worth a second visit! We were quickly whisked to our seatings area and the bbq stove was amazingly quick to heat up! Great variety of skewers we whipped up, environment was lively and atmosphere was definitely perfect for the outdoor skewing experience we all missed!

雖然紅日要返工但係有得收早✌🏻✌🏻於是約埋幾個同事一齊喺沙田踩單車去大埔單車路程大概一個鐘頭鬆少少咁我哋1800已經到咗大埔巴希雅度等位啦去到門口目測人流都有50幾個🥲🥲🥲冇計啦一場嚟到都要等咁我哋大概等到1900就有位四個人一台 我哋坐嗰個位咁啱有篷但係一開始燒嗰陣真係好熱🥲🥲🥲呢度攞嘢食分布嘅位置都唔錯食物還食物 啤酒還啤酒 汽水還汽水所以都唔會話好多人迫埋一齊加上呢度啲員工會係咁睇啲適合拎嘢食嗰陣時要戴口罩 同埋佢呢度啲食物都幾新鮮嘅不停會有人喺度加食物 仲有熟嘅燒賣同埋魚蛋俾你拎👍🏻👍🏻我大概燒咗一個鐘頭九個字左右就走咗啦因為實在太熱 如果你話燒烤來講 佢都坐得算係舒服同埋乾淨㗎喇 不過不失咁啦

有日入咗去大尾督行吓 咁夜晚就梗係燒埋嘢食啦～ 不過好似我咁懶嘅人 梗係唔會自己帶嘢食入去燒😛$178/ 1 人（+$50 開爐費）呢間做緊任燒三個鐘 會附送一枝飲品 菠蘿 蜆肉 蝦 金菇 其他嘢食就係任食啲爐都幾好 啲炭唔會飛到周圍都係 好似串燒咁好方便 不過唔知點解啲丸會好快黑晒😖 嘢食方面 選擇其實唔算多 都係例牌嗰啲 不過佢送嘅蜆就好新鮮 超鮮甜 又冇沙😍😍😍 然後會送個金菇配埋芝士同埋蒜蓉😋 每枱都會有啲醬汁同埋調味粉 不過啲醬汁好似冇味咁 而辣粉就真係超級辣🥵 蜜糖就要另外加錢買 所以醬汁方面有待改善啦😗

係咁多間大美督燒烤既選擇底下同朋友決定去食巴希雅,因為有幾個唔同既因素1)-方便食物種類多,因為有大部份既食物都係會用竹籤拮住簡單方便易燒 2)-炭爐燒烤,暫時只係食過呢間係用炭爐,火侯非常易控制唔會時大時細,熱力相對比較平均,只係放D食物上去得閒轉下佢就食得,唔識燒野食既朋友都變廚神 3)-地方闊落,呢到個地方幾大幾舒服,岩哂同D朋友坐係到有講有笑,枱與枱之間都有一小段距離.中意飲酒既朋友重可以係食物領取處隔離既外賣部買到唔同款式既啤酒都只係$2X咋.爽

話說前排有日放假 同朋友走咗去大美督燒烤 🍢對上一次去 應該已經係三、四年前既事疫情關係都唔會太多人 眼見大約10枱我地2個友3點令去到燒下嘢食吹下水 搞搞下都日落🌄羊架好香油脂味 又唔會好油膩牛肉串 燒完好juicy 啖啖肉 正😋其他仲有好多選擇 💁🏻‍♀️ 雞扒 豬扒 丸類 蒜蓉包 蔬菜好耐無三五成群出去玩啦⋯⋯希望疫情快啲好番 約成大班人一齊去玩啦

巴希雅呢間餐廳都開左十幾年。十年前食過一次之後覺得好咸。然後就無再諗過幫襯喇。咁啱今日入嚟踩單車，經過見到佢擴充咗。而且望落都好多人幫襯喎。咁就入去試吓啦。整體嚟講。我覺得食物係無以前咁咸嘅。亦都多咗選擇。但我略嫌包一支飲品係少咗啲。如果包多支咁就會好啲喇

燒咗兩塊肋骨, 之後就產生咗呢個問題, "呢件嘢係牛定係羊". 研究咗五分鐘都未能斷定, 最後要問店員. 店員話係牛. 我哋相信可能因為醃料嘅問題, 牛肉都醃到有少少羊肉嘅騷味.重點:- 每位$178, 開爐費$50- 用備長炭, 特別- 食品大部分用竹籤串埋, 乾淨- 贈送的蜆仔煲有特色, 蜆仔很新鮮. 菠蘿好甜- 墨魚丸超正. 青魚, 蒜蓉包, 紫薯粒唔錯. 金沙骨冇乜肉. 其他不過不失, 唔覺得特別好味.- 牛肉似乎用咗香草醃料, 食唔到牛肉味之餘, 仲有啲羊騷味.- 蜜糖要另外畀$15買, O曬嘴- 跟埋用來調味嘅辣粉, 孜然粉, 辣味水, 似乎冇乜用- 每人畀咗一隻碟用, 另有一隻大碟係一枱共用去取食物, 最好畀多一隻碟用來放已經燒好的食物, 可以大家share- 每人跟一罐免費飲品或蒸餾水, 另外再買就 $9- 初頭以為三個鐘好耐, 燒吓燒吓講吓嘢到食飽原來都要兩個半鐘.- 食完有些少口渴, 但不算嚴重.

今次黎到呢間大尾督呢間好多人都識既BBQ場，呢種炭燒既風格真係唔係度度都有，係香港我都算去過唔少燒烤場，但呢種炭火上既爐燒真係最好既燒烤體驗，作為一個燒烤專...專家，強烈推介大家去試一試。燒烤最緊要係乜?最緊要就緊係個爐，用左瓦製既長型爐，只有爐低幾個小孔透氣，令到d炭可以保持係一個合適温度，又可以延長炭燒既時間，個爐設計得好已經成功左一半。平時點解BBQ爐放網d野食永遠唔熟同埋燶曬?就係因為火喉控制問題，而火喉控制重點係個爐度。另外，佢仲用左長條型木炭，大小均一，燃燒火力均勻，而且時間長，最緊要係佢幫你透到d炭全白(合適既温度)，先拎出黎比你用，其他舖就咁一包木炭粒放低，無服務可言。所以你見到，就算唔識燒，都可以好容易就燒到d外脆金黃色，內熟既全翼，加埋d辣粉同茨然粉，再配埋佢士多賣既啤酒(仲賣得好平,一支大青島先$25)，真係無敵。

天氣開始凍又係bbq既好時候，呢日踩單車黎到大尾督，咁就梗係要黎大尾督既bbq場試下佢！呢度既燒烤場用既炭火力好足！由入場燒到走足足三個鐘都仲好夠熱，一次炭都冇換過～呢度既野食選擇都算多，而且醃肉個d都好食！我地燒左幾round雞全翼！真係好正！雞全翼唔駛棟係度燒個鎚都已經熟！好正！同埋入場個陣佢拎左蜜糖水、辣粉、孜然粉、辣椒汁，其實加孜然粉同辣粉d野食已經好好食！ 勁香！另外仲有海蝦同蜆，蜆冇沙份量又多，海蝦好彈牙！香蕉燒完可以去拎海鮮個度搵店員唧朱古力醬！仲有波蘿拎添！勁滿足！仲有盒金菇有哂芝士同蒜蓉.... 放入錫紙盒度燒，燒完出黎好香好正！燒完之後仲可以加d菜入錫紙盒再加d水燒熟佢黎食！仲有大量孜然粉同辣粉，好食！

今日放假同朋友一齊去踩單車，由大埔踩到大美督廿幾公里，諗住燒嘢食食返餐好補下先，點知圓滿嘅人比而依間野破壞咗一入門口收費178如果要任飲要加20蚊，飲品選擇極少，再嚟如果你要牛油同蒜蓉，每一盒$5 ，連最基本嘅蜜糖都要加$20先由，每一個爐有$50嘅開爐費，整體收費喺呢度就完結。佢啲嘢食全部係冇味道，包括醃好左既都系無味，佢枱面上有供應一個燒烤汁，睇落好似好惹味，食落去完全係冇味，淨系有孜然粉同埋辣椒粉，淨係可以食到呢兩個咁單獨嘅口味...（辣椒粉仲要唔係人人都啱）全晚最好食嘅應該就係嗰個燒茄子，但係唔知點解依間野啲蒜蓉係一啲都唔蒜，一啲都唔香勁難食....所以我哋五個人只係攞咗兩次嘢食就冇再食過，明明勁肚餓都搞到冇晒胃口佢個爐仲要勁細同人地比真係爭好遠，但係值得一讚嘅係員工服務態度都幾好

巴希雅海灣重慶燒烤好耐冇去過大美督，難得想同女朋友入去BBQ見人唔算太多, 又係戶外都幾安心去食肉類大部分都預先穿好一串串雞全翼必試, 醃製夠晒味,分分鐘好食過出面買肉類都應有盡有，任燒唔嬲加上 孜然粉，辣椒粉已經好惹味素食冬菇, 香味出晒嚟。海鮮大蜆食到海水味, 正阿幾新鮮大蝦大大隻, 燒出來好好味每位$178+每個爐$50開爐費, 可以燒足3個鐘食物種類多，價錢都算合理啦超讚每張枱都有風扇提供，環境乾淨

秋高氣爽最適宜 #燒嘢食趁着依家天氣開始轉涼對住個火爐都唔使出晒汗約埋三五知己去大美督食重慶燒烤最好不過！一向都鍾意郊區呼吸新鮮空氣仲可以揸車過嚟夠晒方便燒烤之餘仲有得免費泊車就算唔熟路嘅朋友一見到大大個招牌就識得揸入嚟 Yeah~⊰⊹════════════════⊹⊱✎ 食後感 ：✨呢度以 #自助形式 自取食物仲附送一鍋新鮮的蜆 香蕉及菠蘿🍍牛油金菇 新鮮的蝦以下這幾款是我燒烤最鍾意食的食物🤩🔴「 #雞翼 」雞翼嘅口味有多款而且每一隻都好有份量自己放上燒烤爐烹調再加一些孜然粉及辣粉燒一陣就食得雞肉肉質很鮮嫩 正~🟠「 #羊架 」#羊架迷 一定很喜歡因為夠晒大件有我手板咁大隻食落去一啲都唔騷燒到外皮有少少香脆更加好食🟡「 #豬頸肉 」豬頸肉有大有細塊我就鍾意薄薄地容易燒食落去有爽口嘅口感果然係新鮮嘅食材還有不同的丸類、腸仔、漢堡扒芝士腸、鴨胸、就連秋葵都有食物款式夠晒多真的不能盡錄平時食水果就食得多好少會食到燒水果🥳🍌「 #燒香蕉 」🍌估唔到放在爐上燒香蕉一樣好味睇住佢一邊笑一邊滲出香蕉汁食落去外層軟口 內裏有質感多層次的甜品享受🍍「 #燒菠蘿」🍍一大件菠蘿燒出來又幾香口最重要係食落

秋意漸濃，總係心思思想嚟巴希雅燒嘢食，今日趁住週末加上天氣咁好，終於坐言起行！食材放喺一間獨立嘅房間入邊，確保衛生，葷素食材選擇眾多，一串串整好哂，乾淨有條理，而且一眾姨姨喺旁邊密密整，補給及時。除咗燒烤食材之外，仲有秘製咖喱魚蛋，辣得過癮，另外當然唔少得我至愛嘅牛油法包。入場會有一人一張飲品換領券，可以換領九蚊嘅飲品，罐裝飲品選擇亦唔少，仲可以換大嘅樽裝水。一坐底店員就為我哋放好備長炭爐，冇明顯火頭，熱力出奇地持久，食咗兩個幾個鐘都唔需要換炭或者翻炭，而且冇乜炭灰，大讚！食材方面最推薦牛柳粒同雞全翼，牛柳粒肥瘦適中，入口非常juicy！加上辣粉同孜然粉更加係絕配；雞全翼係令人燒得最有滿足感嘅食材，燒嘅過程要好有耐心不時翻動，但成品絕對令人滿足，外皮又香又脆，肉嫩多汁。除此之外鮮魷魚、豬肋骨同四季豆都非常推薦。除咗自取嘅食材之外，每張枱都會有一份蜆煲、大蝦串、芝士牛油金菇、香蕉同菠蘿。大蝦已經剪咗蝦腳以防燒焦，非常細心，蝦肉鮮甜彈牙，仲有淡淡嘅鹹鮮味；牛油金菇以前係冇芝士，加入芝士有微微嘅拉絲效果，更加滋味，另外蒜蓉牛油嘅份量俾得超大方，非常惹味！蜆用煲仔裝住，冇多餘嘅水份，冚蓋放上去

#大尾督必去燒野食 #川式燒烤 .▪️每位$178 任燒放題 (包1飲品)▪️開爐費$50(1-5人) .過左中秋 終於天氣涼返d 可以燒野食啦😏 私心介紹呢間我由細食到大既川式燒烤(雖然有點遠) .星期六晚揸車黎到大尾督 勁大停車場隨便泊 泊好車之後門口計人頭收費 每枱另送(菠蘿,海蝦,蜆,金菇,香蕉) 一坐低就會有職員幫手開爐 亦有辣椒豉油 孜然粉 辣椒粉 配料提供埋☺️.▪️食物方面基本野都齊（主要推介串燒食物 ：雞軟骨 雞腎 牛肉串 魷魚 ... ) 醃肉類不會過鹹 另外中意食菜既朋友好推薦 （平時燒野食 食菜好麻煩Xd) 但呢度原本已經串好一串串 唔怕菜會難燒/散開 仲有重點有原條茄子 🍆 即係可以自己勁落孜然粉辣椒粉燒😆好似出左去食港式串燒咁 😋😋.呢間燒烤幾適合2個人黎拍拖 價錢唔貴 又唔使自己買料咁麻煩 重點係野食串好晒 唔使逐串拮 每樣食一串 岩食再encore 方便又快捷😍 而且因爲呢種炭爐好近野食 爐溫高好多 燒野食既時間唔需要好似一般爐咁耐 👍🏻 .但係真心要秋冬天先黎到🙈夏天應該真係會比較熱。其他都無咩好挑剔🤣 (連廁所都幾乾淨XD).。📌地址：大埔汀角路龍尾村

天公造美，秋風起去左食重慶燒烤特色野😛特別在佢個爐一枱一個自己燒，火喉好平均👍🏻而且個炭可以keep到起碼3個中，唔洗換炭好方便，又乾淨！佢d食物自取，好驚喜係每款食物都有自己醃料味道，唔係劃一一隻味！例如香芧豬扒，香芧味好重；羊架配左一瓶香草🌿；叉燒夠厚夠彈牙👍🏻⋯⋯其他仲有豬頸肉、雞件、牛仔骨，包羅萬有😋另外好深所象係有一串串生蒜🧄、青色長尖淑、牛油多士、洋蔥圈🧅⋯⋯都好特別唔常見！老闆應該精心挑選過食材🙇🏻‍♀️🙇🏻‍♀️仲有不得不提就係個海鮮鍋🦞原來d蜆就咁用個瓦煲焗熟就食得😍仲保留左海鮮味😋同埋隻香蕉就咁燒軟左可以做甜品🤤其實可以request 朱古力醬，但想原汁原味就咁食條蕉蕉都好一流🍌🍌