巴希雅海灣重慶燒烤

Open Now

Now Closed

大埔真係多左好多野玩,今日約左好朋友去蝶豆花園玩🎊玩完夜晚緊係食埋燒烤玩盡佢啦,咁就緊係要去巴希雅!!咩都唔洗準備夠方便!食物方面:⚪️$198/位 3小時任食🥤包一罐飲品另加開爐費$50枱上有辣粉.水.醬汁同埋燒烤工具💕*我地2個人會有幾隻青口.大蝦.菠蘿.1包金菇(會有埋芝士牛油醬)同1隻香蕉任食既食物用竹籤串好,自己去夾食物種類都幾多,雞牛豬/雞翼/丸類/蔬菜都有👍🏻推介🥰⚪️牛仔骨肥瘦適中,肉質好淋好香好食!⚪️芥末牛丸好香芥末味好惹味!⚪️雞翼雞中翼必食,調味岩岩好,大大隻!⚪️台灣腸仔唔係度度都有得食,黑椒腸好香口!⚪️牛油芝士蒜蓉燒金菇牛油芝士蒜蓉醬加埋一齊燒勁正!整體方面:我地去完蝶豆花園直接搭的士去都唔遠60蚊左右,去玩完就過黎食,都幾方便,咩都唔洗準備😋囉野食既地方都要帶口罩,而且食物都串好哂用夾夾,地方都好乾淨.附近又有得洗水唔怕污糟!!

❤️放暑假去散散心系列同朋友仔講開好耐冇周圍影相於是今日就去咗大埔搵靚景晨早出發，影完相就肚仔餓去咗搵嘢食~喺影相附近有好多燒烤場😆所以我哋就揀咗喺正龍尾泳灘對面嘅巴希雅海灣重慶燒烤~燒嘢食冇錯，係燒嘢食！係咪未見過咁靚嘅燒烤場呢？我都係第一次見，竟然可以喺燒烤場影到渡假風嘅相😍環境靚之餘，每張枱有部大風扇吹到正，唔怕燒到出晒汗，你睇我準備食燒雞翼張相就知我幾爽.講返正題先，呢度係畀你燒足3個鐘，款式都幾多吓我自己係食肉獸😍見到佢啲肉同串燒真係流晒口水極力推介佢嘅羊架同埋牛仔骨醃得好好食，再加埋佢嘅香草粉，好惹味唔食紅肉嘅有雞肉串同腩肉片選擇😍蔬菜方面一樣都係好多款式，個人覺得燒大菇菇係極之吸引加分嘅係個爐，有網架，食物就咁放上去燒，唔洗自己用叉拮到天光都未拮到🤣火力仲超強勁，第一轉我放咗啲嘢上去唔夠一分鐘，竟然已經燶咗🤣真失敗，不過到第二次燒就掌握到個火候燒得好靚喇！燒雞翼就係第二轉燒出嚟嘅傑作💞另外，入場費仲包咗張劵俾你去換一份海鮮、金菇、菠蘿同埋香蕉，飲品只需加$20就可以無限任飲，勁正🎉啲員工仲要好熱情，我哋食咗兩個鐘就飽到上心口，臨走嗰陣有兩個員工叔叔問做乜咁快走咁蝕，包3個鐘

巴希雅海灣重慶燒烤 (大埔)大埔汀角路龍尾村101號今日適逢星期五當然就係想去遠少少嘅地方，同女朋友散吓心休息吓啦，聽講最近有一個新嘅人造沙灘當然就唔會放過去打卡啦而打卡之前當然就係搵吓嘢食啊，去咗一間到幾耐歷史都成日會同啲朋友一齊去食嘅餐廳，喺疫情之下都已經好少出去打邊爐或者燒烤，今次就同女朋友重溫下燒烤嘅感覺咁耐冇食依然佢哋保持到選擇多同埋環境舒適嘅優質優點佢哋做嘅方式就係可以自己控制火候仲可以賠償自然同埋辣粉俾你選擇，佢哋嘅串燒配料都特別多，除咗普通嘅肉類佢哋仲有海鮮供應，佢哋嘅魷魚到大大隻好好味另外佢哋嘅肉類都唔錯，有牛肉串呀雞扒啦楊楊扒同埋豬扒，樣樣都大大份另外佢哋而家仲有燒菠蘿海蝦選擇，整體來講佢哋嘅環境都幾舒適，而且餐廳好少咋每一胎枱會有一個風扇令到你唔會覺得10分熱啱晒游完水，想過嚟燒烤嘅朋友仔

終於放暑假原來已經5年以上無再黎過巴希雅喇地方大左好多呀比以前更舒適炭爐燒方便又快捷而且佢用既係備長炭唔洗換炭可以燒到尾仲有好多風扇唔怕好熱款式又夠多丸肉菜多春魚基本上有齊原條茄子都有雞軟骨同牛肉我最鐘意而且佢係一串串既串燒放落去就燒得連我都搞得掂呀都要睇住會燒燶嫁另外每枱會有一份蒜容牛油金菇菠蘿 蜆 海蝦同香蕉一如既往菠蘿真係又甜又好食金菇入晒味好正性價比高值得去呀3小時任燒198咋好抵呀暑假快d去喇岩晒一家人去

同男朋友屋企人揸車去大尾篤bbq，之前都食過覺得幾高質好食所以再黎食，佢有間屋咁有齊曬丸類，蔬菜，肉類同海鮮咁，我地要左個海鮮拼盤有青口同海蝦，雪櫃夠冰凍，青口幾甜，唔洗沾豉油，海蝦啲殼好易meet證明新鮮，中意食肉既朋友呢到一定啱曬你，超多種類，黑椒牛扒，雞軟骨，牛柳粒，蒜蓉雞翼，多春魚，原塊魷魚等等，連蒜蓉包都有！個人認為最正係佢個爐好猛料，食物好快熟，爐頭熱力分佈好平均，師傅好好人，特登比個風扇位我地坐涼爽啲，野飲選擇都好多，一大班朋友黎啤啤佢就啱曬，建議早啲黎，食耐啲坐耐啲，因為而家9點半就冇得拎野食，10點就要清場啦

好耐冇黎大埔，便相約朋友到「巴希雅海灣重慶燒烤」食下野，好耐之前黎過，今次再來感覺唔同咗，好似啲座位位置變左。不過天公不作美，我哋下車時好大雨，既然一場黎到就唔會走既，不過入到去個地下好似瀑布咁，有點唔方便。但員工招呼很好，介紹邊度攞野食，有蜜糖（另費$15細）及蒜茸（另費$5）燒更好，咁我哋就幫襯下。最後仲教埋我哋燒茄子，最佳員工👍🏻。同埋間唔時走埋嚟睇下我哋有什麼需要。食物：多春魚、牛肉串、牛扒、羊架、雞全翼、雞翼、雞扒、雞腎、雞軟骨、雞件串、腸仔、芝士腸、漢堡扒、貢丸、墨魚丸、魷魚、黑椒腸、豬肉、蟹籽丸、韭菜、豆角、茄子、冬菇、蒜茸包...等等。以上係我取既食物，但仲有好多冇攞，肚仔位置有限，食啲自己鍾意嘅先啦係咪😉青口x2、蝦、金菇、菠蘿另上，每枱一份。香蕉，燒到變少少黑就攞去收銀處附近，有職員處理，整咗個朱古力香蕉，幾好味😋整體來說，食物質素仍然能保持到，尤其係牛肉串特別好食，我哋第二轉攞咗10串，牛肉勁淋身。羊架好重羊羶味，我嘛嘛哋。丸類都唔錯，雞翼都好食😋食物係滿意嘅呢支飲品好好味😋

準備開始時，職員問我知唔知邊度攞嘢食，我答知，然後佢又話要拎埋大碟同夾去攞嘢食，下一句佢忽然問我嚟過未，我答嚟過。然後個職員怪責我嚟過要早啲講，等佢唔使再講。我當堂O咗咀。請問：1. 呢間食肆開咗好多年了，呢位職員何以見得我上次嚟過就一定記得啲規矩?2. 對每枱客喺入場時講一次規矩好困難？3. 如果唔想講，點解唔第一句就問客人嚟過未、需唔需要講解，然後先開始講呢？P. S. ～我哋雖然嚟過但真係唔記得要拎埋大碟同夾去攞嘢食～希望我哋下次幫襯仍然可以牢牢記住要拎埋大碟同夾去攞嘢食而唔需要勞煩職員再講

巴希雅海灣重慶燒烤 （大埔）一入去比我感覺就係好大好大，分開左3個既用餐地區，地方都大所以都唔太擔心因為疫情問題食得唔盡興食物方面:食物種類都算豐富，豬雞牛羊肉都有，不得不提既就係佢既羊架同雞軟骨，羊架好肥美好香，雞軟骨就係招牌一定要試爐既熱度都好夠，唔洗怕好似平時燒野食咁要等好耐，另外值得一讚就係員工不錯，有好多你手，所以隨時都有一兩個係你周邊standby，唔洗怕地方太大冇人招呼用餐🌾心情：呢個地方都幾熱鬧，服務都不錯，野食幾新鮮，地方夠大所以坐得幾舒服，適合一家大細假日黎食地方夠大

/ 同男朋友揸車去左大埔行街街，突然心血來潮想食燒烤、串燒⋯然後男朋友就提議食「巴希雅」👅我地去果陣都仲有d涼風，所以好適合燒野食，不過食食下就好熱，流哂汗💧🙈！💬第一次食呢款燒烤，都幾特別🤩，男朋友好可愛，佢話放哂上去俾我影相打卡📸️，然後下一秒我地就不停反🤣，因為驚燒燶晒🙈，哈哈！不過又真係唔錯，都有好多野食，三個鐘串燒任食，都唔錯⋯當中最鐘意食雞軟骨🤪，佢仲包左有一兜蜆、每人一條香蕉🍌同埋每人一隻海蝦🦐，都幾好食👍🏻！

週日198一位加20蚊飲料暢飲，好啦，我以為質素會好高添，點知去到調味料得水、醬油、辣椒粉、孜然粉。油同蒜蓉最基本的都無。問左工作人員先知原來係要比錢買，蒜蓉5蚊一盒，超級細果种。另外服務質素我覺得欠佳，攞野食得碟係每個爐位得一個，無錯係一個！！！另外還要自己自帶夾去攞的，開爐會有人派比你，但無人提及過這些工具有乜野用。而攞野食得地方又超級遠，需要行來行去浪費好多時間。反正我就覺得這價位唔值。唔會有下次

真心！真心我燒嘢食真係好得！係第一轉有少少失控😂同個火熟咗之後我認為我自己掌控得幾好！唔錯！😂😂入面有個叔叔真係120%好好人，佢間唔中會行過嚟問我哋有無嘢幫手，落雨又擔心我哋，勁nice 呀講番嘢食先，嗱，呢度好多都係一串串吉好哂俾你燒嘅，相對圍爐叉住嗰種我ok呢個多啲，一嚟舒服啲二嚟好似易控制火喉咁，雖然第一吓我衰咗😂佢嘢食種類都好多㗎，基本肉類蔬菜丸呀呢啲齊哂，仲有蒜蓉包成碌茄子等等，見到咁仲唔串燒職人上身咩佢哋會set好爐頭俾你，跟住就慢慢燒，第一轉我係….燒焦哂😂原來都幾受熱好快熟，第二轉醒啦轉快咗就ok好多，個多春魚好靚㗎個鯖魚燒得啱啱好，佢哋配咗孜然粉同辣椒粉，仲有一款辣汁，燒嘅時候做調味。跟住有張卡仔有菠蘿，香蕉，海鮮，牛油金菇拎，菠蘿兩面燒到少少金黃，外暖多汁又甜，口感好正，香蕉燒到成條黑包，㩒落略帶軟就可以切開，加埋佢哋嘅朱古力醬同焦糖醬就完美句號啦

今次嚟到大尾篤呢間巴希亞，本人就覺得係咁多間bbq場入面算係比較好食嘅， 因為佢獨特嘅炭火爐上燒，佢用佢唔係用我哋普通bbq嘅炭，而係用咗長條形嘅備長炭，所以熱力會更加均勻，同埋燃燒時間都特別長，燒出嚟嘅嘢食就唔會咁易燶，同埋熟得均勻啲，更加重要嘅係炭香味都濃啲喇。 更加方便你燒就係佢全部都係用咗串燒形式，本身就已經串好啲嘢食，一拎起做燒得， 所以真係十分之方便。本人最鍾意佢個羊㗎，醃味啱啱好， 燒出嚟唔會好大陣騷味， 同埋佢仲有孜然粉同埋辣粉畀你， 燒完出嚟灑下呢兩種分就更加有炭燒嘅風味。 除咗羊架之外， 個牛肉串都好好味， 食落好嫩口， 唔會好似平時啲燒牛扒咁難咬。今期重推出咗新嘅炭火玉子燒，只需要50蚊，就包咗三隻雞蛋同埋一個鑊，可以放上炭火爐到燒，分開蛋白同蛋黃燒出嚟嘅雞蛋更加好食，好有炭火風味。

和朋友去了大埔汀角路龍尾村103號的巴希雅海灣重慶燒烤BBQ，佔地相當大，好多座位，而且每張枱相隔好寬闊，可以自成一角，而且有得免費泊車，如果有車來就非常方便。這是一個用傳到傳統炭爐燒的自助bbq場，入場時包每人一張汽水券和海蝦， 青口燒菠蘿和香蕉卷等。汽水可以在收銀收亭那邊取。燒烤食材在另一邊的單位裏取，放在凍櫃裡，企理衛生，擺設分明。有羊架，牛肉串，豬扒，雞翼，八爪魚，雞軟骨，丸類，蔬菜等。羊架好肥美，而且不會太羊騷味，撒上孜然粉，非常匹配，喜歡吃羊的一定會鍾意食。另外牛肉串和牛仔骨，肉味濃，而且醃得夠味，又不會太咸，燒起來再加些香料孜然粉等，相當惹味。另外還有雞軟骨，雞腎及八爪魚，也是必食推介。還有海蝦，青口，牛油金菇。我還是第一次食燒香蕉，加些朱古力醬，是個不錯的甜品。燒菠蘿，越燒越甜。總結：巴希雅海灣重慶燒烤是一間相當具規模的bbq場，座位非常多，佔地亦好大，最適合有車人士，可以免費泊車，非常方便。百幾蚊的自助bbq場來自，食物選擇和質素性價比高，適合和朋友或家人過來一起吃燒烤😁👍👍

真正嘅炭火玉子燒就在巴希雅海灣自助bbq揾到😍 炭火玉子燒係佢哋嘅新品上市👍🏻我係玉子燒嘅愛好者，當然要book定靚位去食啦😋巴希雅海灣自助bbq當然係對正個大海啦，入口正正對住龍尾灘，景色怡人，真係好適合任何年齡嘅大小朋友嚟食，負責人話遲啲重有好多新嘅活動玩呀，大家一定要密切留意佢哋嘅公佈了!!先講食物質素，真係有品質保證，味道唔會醃到好咸，有番食材嘅鮮味，而且食完唔會好口渴，証明無加”師傅”啦！食物款式多不勝數，我嘅❤️心水係安格斯牛肉粒，羊架，無激素雞全翼，燒菠蘿，燒韭菜等等。真係無諗過百幾蚊有咁好質素嘅享受👍🏻😍想食玉子燒只係加幾十蚊就有整食材同個pan，至於加咩材料就由自己決定。個pan係送給你帶回家架，真係有得玩，有得食，重有得拎🎉

同家人一齊來差不多HKD180一位要加HKD50 開爐費都算係OK啦, 因為佢有地方比你free parking(･(ｪ)･)-黎到呢度必食既係牛肉串真係極好味, 佢牛肉真係好香濃牛味又無筋。佢拎食物個度都好企理,D姐姐都好好人, 如果無哂個樣食材, 你同佢講佢都好快就幫你Refill番,唯一唔係太好既地方就係,我地5人去食, 佢只比一隻碟你去裝食物,搞到你D生既食物唔可以同D丸阿果D分開放,搞到D有汁既食物又癡哂係D無汁既食物度,我唔係好中意甘樣溝埋哂黎放:’(同埋佢好似想挑戰我層層疊既極限。我慢慢堆個一隻碟去到山甘高,然後叫男朋友一手拎住隻碟,然後我臨走個陣用手拎住其他無汁既串串,甘樣先岩岩好叫做5人份可以食一轉。-暫時我食過既野入面, 都好似無野唔好味,如果茄子可以比D蒜蓉你一齊燒就正,隻大蝦好好味同埋D蜆都好鮮甜,但好可惜只有一人一份:’(同埋野飲都係一人一支:’(不過你再買佢都唔係好貴, 唔算獅子開大口,所以都好OKAY !