梅光軒 (登龍街) (Closed)

黎開銅鑼灣，見到依間米芝蓮拉麵唔貴又唔使排隊，梗係要試下啦～見到有辣既沾麵，仲要期間限定，老公第一時間話要點依個😁黎勒，材料有义燒粒、流心蛋、筍，配沾麵粉個湯有椰菜、芝麻、蔥粒，味道帶酸辣，好岩又濕又熱既香港夏天。沾麵夠彈牙，辣湯都幾辣，岩晒鍾意辣既老公😘我就梗係試佢既炙燒五花腩义燒拉麵啦～首先，飲啖湯底先～佢用左豬骨海鮮湯底、所以味道好豐富、濃郁、又唔油😋上面舖左厚厚既蔥絲，加強味覺既享受呀！五花腩既义燒好香、好重义燒味，而且表面燒香左，無咁油膩，食落更香😋加埋五花腩既肥膏，更香滑😍用上日本製既中幼曲拉麵，好似公仔麵咁，食落彈牙又有咬口😘另外，我地再加餃子～餃子煎得好好，咬落第一啖食到好煎味，皮又薄，之後就係豬肉和菜既味道👍🏻北海道Bocca汽球布丁好滑，好香濃牛奶味，原來係北海道機場手信五名之內，難怪咁香牛奶味。加左焦糖醬後又係另一個美味既食法！好香牛奶和牛奶味，oiishi 😋綠茶蕨餅，岩晒夏天,外面既綠茶粉好香，一點都唔苦，而係甘香，內面既蕨餅好清爽😊佢既調味盤都好多選擇，例如拉麵胡椒、芝麻、醋、醬油、辣油、七味粉、乾蒜粒等等，好多選擇👍🏻

銅鑼灣登龍街真係名副其實嘅「拉麵街」，有好多有名堂嘅拉麵舖🍜今次就揀咗食北海道過江龍梅光軒，見到佢係北海道米芝蓮推介之一嚟㗎。.雖然而家天氣好熱，但無阻我食拉麵嘅決心😂🤘🏻一坐低店員就會問你想要凍定熱嘅茶，凍for sure❄️🤣茶是免費的，而且店員會不停幫你refill👍🏻話說店員嘅服務態度真係好好👍🏻👍🏻.睇點餐紙發現有為細胃之人而設嘅半份拉麵，咁就一碗$58-62不等，見到坐隔離嘅女士都係叫半份。而我，梗係叫正常份量啦😂😂仲要叫有五花叉燒嘅拉麵😈(普通叉燒拉麵係$75-80一碗，五花叉燒拉麵就$98一碗)拉麵可選醬油/鹽味/味噌，我揀咗味噌。上網睇到原來佢地嘅湯底用12個鐘熬製而成之後，由北海道急凍直送到港。我食拉麵向來喜歡食重口味的😈雖然我係食開重口味嘅人，但食到尾都覺得有點點過咸🙈拉麵麵條係幼身曲麵，有啲似公仔麵🤣特別叫咗要五花叉燒，有三大塊肥瘦相間嘅五花腩肉，食落肉質鬆軟。另外我幾鐘意加喺拉麵嘅白芝麻同蔥絲😋

每日限量十碗， 芝士味好濃， 芝迷要試試....帶子用牛油炒過， 有牛油香....但龍蝦食起上黎有點麻煩， 加上龍蝦味在湯入面並原不突出，整體上不錯，價錢合理， 還可另外加配餃子、雞翼、旦糕....

其實幫襯梅光軒已經好多年。最初只有 Hysan B2 Marketplace 入面嘅檔位。Shoyu Raman 同 Shio Raman 都做得好好，原因應該係真正日本製嘅湯頭。喺香港食拉麵我甚少會飲晒D湯，梅光軒係例外!佢嘅荀同麵都係一流，非常正宗，有驚喜! 叉燒就比較正常。另外強烈推介粟米牛油拉麵，配合佢哋嘅湯底勁 creamy 勁香，好好食! 佢嘅Miso Ramen其實我都好鐘意，尤其加入炒過嘅肉碎同芽菜，微辣唔太鹹，但有朋友係 miso ramen 嘅死忠就覺得唔夠重味。而家新舖左小食同甜品，可惜未有機會試!

趁住復活節，今日同一個好耐冇見嘅朋友食lunch。由於我好耐冇食過日式拉麵，而登龍街又有好多間日式拉麵店喎，咁就去咗朋友未試過嘅梅光軒度試吓啦(我都係第一次試)。我哋喺門口排左一陣，不過始終店入面唔係太大，所以我哋都係坐面壁嘅高身枱。我就叫左未噌拉麵，加＄20配炸牛肉薯餅同汽水，而朋友就叫咗味噌海鮮拉麵，加$15配煎餃子同汽水。味噌拉麵，湯底豬骨味及濃度稀稠適中，飲大半碗都未至於濟咗。拉麵質感有彈性，食到尾都冇淋，而且個麵餅都幾大個，食完好飽。至於塊叉燒只有少少肥膏，對我來講非常好，因為我驚食肥膏。豬骨湯嘅濃香味充分滲入叉燒，帶出肉嘅鮮美，如果可以伴多幾塊就好啦！朋友嘅味噌海鮮拉麵望落去賣相非常好，我就無試到，所以唔知個味係點。加＄20配炸牛肉薯餅同汽水，加$15配煎餃子同汽水。炸牛肉薯餅食落唔太油，好多薯蓉，但就是比較少牛肉。餃子都煎得非常香，餡料豐富，有韭菜豬肉、唔太肥，煎餃子來講比好多餐廳較健康。

大草同小草放假一齊係cwb拉麵街搵食，見到食間有得叫半份拉麵，岩晒小草個小胃子，決定一試。店內有位男士應該係店主，服務好好，非常有禮貌小草食左依碗半份的味增拉麵。細細碗，岩晒！食完仲可以試埋其他小食。拉麵上有好多大蔥，正！大草當然食全份的拉麵。試左人氣一番的灸燒五花叉燒拉麵，湯底都係揀左重口味的味噌湯。湯頭落左好多白芝麻，幾香。比起小草個碗，依碗就油多啲。不過多番半隻糖心蛋又唔錯喎！小草追加糖心蛋。轉套餐可以加小食，明太子雞翼，推介好好食！另外亦加左份日式煎餃子，大草推介食法，點白醋+胡椒粉，推介一試！

知道梅光軒係登龍街開左新店, 次次夜晚收工想食, 都係要排隊, 終於今日上完training, 就啱時間3:30黎食Lunch, 原以為無咩人, 點知3:30都有7成滿, 看來真係唔簡單.一心諗住食最愛味噌海鮮拉麵, 點知見到隔離既客食果碗連湯都飲埋就即刻轉"灸燒叉燒拉麵", 仲有得揀湯既味道, 最後揀左最出名既醬油.好快熱辣辣既拉麵送到, 賣相吸引, 第一淡先飲湯, 以為好咸, 但飲落湯竟然帶鮮甜味, 不會死咸, 叉燒望落係豬腩肉, 但食落一點都唔肥膩, 加上燒過, 好惹味,  麵非常彈牙, 最最最欣賞加入白芝麻粒, 其實$98一碗拉麵都算有點貴, 但又覺得值得, 一大碗份量, 食完好想好想食甜品, 有汽球布丁, 蕨餅, 蛋糕, 真係好吸引, 但太滿足食唔落, 唯有留待下次, 我有睇過MENU有半碗麵, 到時就可以試多唔同類型既食品, 真心覺得這間非常體貼, 由一入門口即問熱茶定凍茶開始, 拉麵有半份, 照顧細食既客, 其他拉麵選擇又多, 照顧到唔同類型既客, 我覺得梅光軒同其他拉麵店唔同,  個人認為係整條拉麵街做得最出色

首先我要講嘅呢度嘅服務真係好好但係只限一個上咗年紀嘅叔叔我唔知佢 係咪老闆但係我覺得佢真係好鍾意自己份工佢英文日文好似每樣都識啲咁樣首先我一入到嚟個地係勁滑又油嘅同埋我想講如果你唔大食千祈唔好叫全份女仔嚟講我都算大食真係食唔曬一碗麵因為我鍾意食辣咁當然係叫咗麻辣味啦結果好似一啲辣味都冇感覺上湯底真係油咗少少而且佢上嘅係油油嘅肉粒唔係普通拉麵嘅叉燒流心蛋算係唔錯湯底係算合格 不過 唔係我鍾意嘅味道應該係行淡麗嘅風格阿妹叫嘅湯底係麵豉湯底佢嗰個反而有啲辣不過真係鹹到暈反而佢個明太子雞翼真係好好食加埋佢個醬真係天衣無縫

一入黎呢度既感覺超級醒神 因為係新裝修 加上超大膽 全鮮紅既裝修 入黎打左個凸 下次黎一定認到佢簡直可以話係由頭紅到落腳 我點左一份鹽味拉麵試試 黎到既時侯暖笠笠 上面啲觸鬚仲識郁郁下其實對於素配料 我真係一般所以！我一黎就食晒啲配料先 剩番兩大條叉燒同溫泉蛋 仲有剩麵 呢個係我最鐘意既食法佢叉燒係堅好食 半肥瘦 又長又厚 再加上燒到有啲香甜 反觀我朋友果塊無我咁好食 應該有一半係我lucky 溫泉蛋佢無特別加工 只係表層染左少量油漬 比較特別係鹽湯底 除左清之外 佢又有少少咸香如果唔鐘意主流既濃味拉麵 應該會鐘意呢個

原本諗住去金田家食 不過見呢個開左間新拉麵店 裝女修又幾醒神 就黎試試佢今次點左個餃子同埋佢地既招牌（好似係）醬油味拉麵同行既朋友就點左鹽味拉麵 我就鐘意我果個多啲 一陣再講點解碗麵黎到 湯底幾濃郁 岩我口味值得一提既係佢topping既蔥好香 仲有少少肉感 食落口索索聲 有少少after taste 唔錯麵黎講幾吸湯 唔洗用匙羹餸湯都夠味但朋友個鹽我就覺得略淡 比起醬油味 醬油完勝餃子🥟都ok 正正常常 唔伏但又無超正 算幾脆口最後想講下係佢杯茶 應該係麥茶/玄米茶 好少見拉麵舖會跟埋 唔洗加錢 感覺好抵 😂

裝潢不需要好靚，簡單既菜色亦吾算多呢個蛋糕係店鋪老闆請食^ - ^我都吾知點解🤔🤔👆🏼薑味拉麵真係第一次食感覺好補一個拉麵有啲dry可以+15蚊 就有餃子加汽水餃子醬汁由自己調配*最後，甜品吾錯😌係銅鑼灣最平大概60蚊有找既日本拉麵店不過比我揀半年食一次就夠😅🙈

究竟香港有幾多間拉麵店? 呢樣野就真係唔清楚，我淨係知道每開一間，我都好有興趣去試一試，來自北海道的梅光軒，有著米芝蓮的光環，出現係拉麵店滿佈的登龍街去北海道的時候都無食到呢間拉麵，所以唔可以對比到香港同北海道的味道，呢度唔只有傳統食拉麵的自閉位，如果結伴黎食比較方便傾計拉麵選擇都唔少，唔知係咪新開的關係，而家惠顧任何食品，加$10就有布丁或者WARABI食，咁抵我當然兩樣都叫晒啦炙燒五花叉燒拉麵 ($98)拉麵用上曲麵，軟硬適中，湯底濃而且無味精，咁我就可以放心大啖飲，五花叉燒一大塊，偏瘦但已經煮到好淋，表面經過炙燒，所以叉燒會更香，流心蛋亦合格，達到溏心效果味噌海鮮拉麵  ($98)有三款拉麵都可以選擇叫全份或半份，全份價錢同半份差唔係好遠，食得晒就當然叫全份，而較特色的拉麵就只有全份可以ORDER，海鮮拉麵有帆立貝同叉燒，呢塊叉燒同另一碗的炙燒五花叉燒大不同，肉質比較滑，但五花叉燒就較香肉味較濃，各有各風味原味牛乳布丁 ($10)、抹茶蕨餅 ($10)一開始有提過點左兩款甜品，$10實在係太抵食，牛乳布丁先用牙籤弄破表面，整個布丁就要走出黎，好有趣的一個做法，然後再加上黑糖漿，布

登龍街既地面可以話係香港一條小小既拉麵街 一條小小既街都有約十間拉麵舖係度駐守而梅光軒最田近就係度開左新店加入左戰團佢係香港少數既米芝蓮拉麵店 不容忽視 呢度用左紅噹噹既accent做設計 加上新裝修 新速速既狀態下非常搶鏡 今次我就叫左個鹽味拉麵 清淡得黎幾醒神 我最鐘意係佢塊叉燒 每一塊都又長又厚 好有咬口 加上佢係偏濃味既 撞埋淡咸香既鹽味湯底 顯得別特出眾 加上麵底掛湯感都強 唔會因為湯底偏淡而唔夠味最後十蚊可以叫到三粒蕨餅，拉麵店黎講好少見，店啊員話呢啲全部都係日本直送既 食落口似係唔甜既和菓子，靠抺茶粉吊味，飯後可以清一清喉嚨，感覺都幾清新

拉麵而家漸漸分成傳統類,同現代類,呢間係主做傳統拉麵, 即類似日本60年代推住架車仔出黎個類既傳統拉麵!地方唔算太大, 但係都坐得舒服既, 服務就唔錯, 尤其個經理比較熱情!拉麵我比較中意既係醬油拉麵, 呢到醬油拉麵比起日本就無咁咸,因為香港人普偏唔中意食太咸, 所以師傅減低左小小咸度去fit返香港人口味!但係如果客人要求咸d, 佢都可以跟返日本風味去整!因為我知有人好中意食最正宗既傳統式拉麵!麵身係曲狀, 方便更容易吸到d湯, 令到就咁食麵都食到d湯!基本上傳統拉麵我認為呢間係最正, 所以中意傳統式拉麵既人必試!有d人會問如果細份d係點, 細份d係真係好細,我覺得只夠下午茶啦,如果以我既份量黎睇既話, 我正常食2碗飯既人!最後比較得意係呢到有d綠茶類既甜點食, 口感很軟, 味道卻很濃, 都幾好味,個陣做緊推廣加 小小錢就有一份 唔知宜加仲有無啦!

最近知道登龍街，開了一間米芝蓮推介的北海道拉麵🍜，我身為拉麵控，當然要一探虛實。這裡的地方不大，座位約廿個，剛剛有客離開，所以可以直入不用等。我們㨂了醬油拉麵$75，加$15轉套餐，餃子(3只)和汽水。鹽味拉麵$75，加$15轉套餐，明太子雞翼(2只)和汽水。醬油拉麵，湯底味道不算太濃，湯底用了豬骨、雞、昆布、沙甸魚，所以湯底清甜，平時吃拉麵，好少咁多蔥，我好喜歡這個安排，而拉麵外型有點似公仔麵，不過吃落都好彈牙。餃子煎得幾香脆，肉汁豐富。鹽味拉麵，顔色好清淡，想不到味道又幾好，不會鹹，湯底味道清甜，荀條很粗又嫩，不喜歡濃湯，一定喜歡這個。明太子雞翼，外皮炸得香脆，明太子包在雞翼內，帶一點辣味，想不到日本都有好像中菜一樣，會有釀雞翼。抹茶厥餅($10)三粒，綠茶味濃郁，煙煙靱靱。