烤焗工房 (Moved) New Location

是日心血來潮，想做下運動但同時又想搵食，所以就決定由屋企出發行去葵涌廣場再行番屋企，總共約行兩個半鐘！運動完就當然要好好咁慰勞下自己，所以我就揀咗一款邪惡兼熱氣嘅小食！（暗暗地俾個籍口自己食野😂）。▼炸薯條配安格斯牛柳粒（$35）薯條有多種醬料，分別係芝士醬、芥未蜜糖、千島醬、沙律醬、茄汁同埋期間限定嘅藍莓石榴醬！試過芝士同芥未蜜糖，個人認為芥未蜜糖係最好味的！小食份量好多，炸薯條新鮮熱辣脆卜卜，夠曬香口，面頭淋滿曬醬，每一條薯條都可以點到，牛柳粒燒得好好，有少少脆邊，入口軟腍牛味算濃！值得再食！

這間食店每次經過都一定會點一嚇大大炸魷魚，炸魷魚有蒜香味，感覺非常惹味，而且份量十足，吃起來十分香脆。魷魚外脆內軟非常惹味，過往吃的時候，食店還未有幫忙把這些魷魚切塊，但最近食店已有切塊服務，所以吃起來比較方便，如果你們經過，一定要試試。

去葵廣，除咗買衫、褲之外，當然去吓個美食廣場掃吓街先啦！呢間鋪頭長期都咁多人，我都忍唔住排吓隊，一路都聞到好香，我問佢可唔可以多d芝士醬，佢又倒多一個圈俾我，個薯條🍟好香口，配埋d牛肉粒，真係一絕，記住試吓啦！

今天早放工，又來葵涌廣場閒逛，惜朋友未收工，唯有自己隨意掃街，食住等~烤原隻魷魚🦑比較出名，但我還是被其他小食吸引了~芝士流心雞球🐔，即叫即炸熱辣辣，外層炸粉薄薄的，香口酥脆;內釀水牛芝士🧀，有拉絲效果但流心效果不突出，芝味香口~ 雞肉🐔 鹹香味濃，但質感頗乾身，失色不少;底層的椰菜絲🥗，爽脆可口，惜份量少， 未能做到平衡油膩感的效果。每粒芝士流心雞球只有魚蛋般大，分量不多，不太飽滯。整體味道很香口，但雞肉乾身，吃罷很口乾，好壞參半，就評ok吧👌

去葵廣覓食, 今次就試下烤焗工房🔥有好多款炸物可以選擇, 例如: 炸大大魷魚🐙, 薯角, 西多士等等, 今次就揀左薯條類🍟, 有5款醬汁可以選擇(芝士醬, 芥末蜜糖醬, 千島醬, 沙律醬, 酸忌廉)炸薯條🍟配原粒珍寶帶子($30) 配 芥末蜜糖醬汁😍唔洗等好耐就食到啦～ 新鮮出爐,熱辣辣的嘅薯條同帶子, 炸粉啱啱好, 唔會太厚, 薯條和帶子都炸到香脆, 食落十分可口, 加埋芥末蜜糖醬就更加惹味😙 不過太多醬汁,食落比較鹹😪

係葵廣三樓行街既時候見到好多人手上面都拎住一份西多士加薯條既嘢食，就忍唔住搵下究竟係嚟自邊度既呢。終於係Top世界行入一陣搵到佢嚟，原來呢度係有個新既立食區，有幾間唔同既新舖，包括有網上好多宣傳既炸雞舖。入到去都係見到呢一間Bake & Grill係最多人係門口等，而且仲有好多唔同既小食配搭，本身想叫西多士配其他嘢食，但覺得咸配甜實在太奇怪啦，結果就揀左個比較正路既薯條配雞翼，因為有薯條，佢都有唔同既醬料配搭，例如蜜糖芥末醬，沙律醬等，我地就簡左個千島醬。食落去雞翼同薯條都好熱，新鮮炸落，正正常常都大路，不過可能因為呢個唔係主打菜，所以就無咩特別。

今次係為左尤魚而來，因為老婆特別鐘意食。見店內有2重炸尤魚，大大塊炸尤魚，同譜通尤魚鬚。2種都叫左，可以對比一下。大塊炸尤魚，味道唔錯，有多種口味，點左個蒜味，幾好食。譜通尤魚鬚，味道同樣唔錯。 2者相比，價錢差不多，當然大大塊尤魚會吸引d. 望manuel仲有好多好野，希望下次再試。

同朋友係附近食完手卷，就見到呢間鋪門口有好多人等緊而且見d食野都幾吸引，就唸住買黎試下啦服務員話全部都係即叫即製，所以要等五分鐘到最後，我地就叫左個火焰芝士魷魚雖然係標籤原隻魷魚，但係我覺得份量真係好少，芝士份量超多比想象中失望不過，值得稱讚既地方係賣相都幾靚，而且芝士配魷魚食既呢個配搭都幾特別，係我第一次食

今次第一次食呢間，睇見個餐牌，好多熱氣野食，有安格斯牛柳粒，有紐西蘭羊架，有焗蠔，有燒春雞，仲有沙律薯條揀，多到唔知食乜好好啦，叫呢個手臂咁長既魷魚試下啦，都只係等左幾分鐘，出到黎好熱辣辣，味道就一般，但勝在開心，手臂咁長喎➡️魷魚呀

對葵芳廣場不熟悉的我，就覺得呢間舖的位置有啲難搵。前排睇開其他美食評論家的食評，都讚呢間的炸物，尤其大大魷魚好食。心動不如行動，我就特登去左葵廣搵呢間烤焗工房食佢既大大大魷魚。鄰近都仲有幾間呢排好岀名既食店，不過我爲左大魷魚過黎，係唔會咁易比其他食物吸引～於是嗌左個蒜香味大魷魚，唔想食得咁呢hea，唯有加一蚊要碎上！等左五分鐘左右，大魷魚黎啦！首先見到佢既時候其實已經心諗點解咁既樣...🤔 點解，點解同我平時睇人地既相同片好似有啲分別，唔通碎上會冇咁正😭後悔都冇用啦，試下味囉。可能太大期望，等左五分鐘，但食落不算勁脆，也不太有蒜香味。唯一就係熱辣辣，唯有襯熱辣辣嗰陣塞晒落口。食過一次就算。

今天去左葵廣掃街，見到好多人排緊呢間，即管試試！最後決定試吓牛柳粒配薯條Sour cream好多，足夠分配比每條薯！鐘意sour cream既朋友定一要試呀至於牛柳粒就有點太韌，下次可試配其他！

招牌幾得意,有創意~其實我最初都係俾個魷魚所吸引咋。必食轟炸大大大魷魚~ 小食店寫明必食結果我同朋友一齊叫左一份口味揀左蒜香。應該會好可口$29,另加一蚊切件小食店既選擇好多。有不同款式既小食。有炸物。意粉。甜品等等。。。我覺得小食店以炸為主。因為方便快捷。最後新鮮出爐既蒜味炸完隻魷魚~口感比想像中軟左d,口感唔爽口魷魚好薄身。似平時食既一半。無魷魚既鮮味。另外。炸粉算厚身。食既時候會外皮同魷魚會分離。因為新鮮出爐，所以夠晒脆總之。好壞參半。

這店名為「烤焗工房」，顧名思義是以烤焗之名出名，不少人都會前來吃那大魷魚，但友人卻選擇了牛柳粒哈哈！等待時間較為長，但總算是即點即製，所以等待也是值得的～這個安格斯牛柳粒份量比想像的多，下面鋪了菜條吸油，牛柳粒調味十足，而且牛柳肉相當稔，比起之前荃灣吃的牛柳粒可謂差天共地，吃到停不了口呢～

葵廣其實真係好易吸引人買野食，只要有少少Gimmick都可以大排長龍。而呢一間最吸睛嘅都應該係呢塊大魷魚喇！但係其實冇特別，得個大字。雖然唔算好多人排隊，但賣嘅食物款式好多，有魷魚鬚、薯條、牛柳粒等等。咁但係最吸引應該就係塊大魷魚所以叫左一份。必食轟炸大大大魷魚💰HKD29佢係大塊嘅，但係其實佢都幾識欺騙人，事關魷魚就只係得整體大概一半，咁另外果半就炸醬黎嘅🙈有啲被騙嘅感覺。值得一讚係佢份魷魚好易咬，一啲都唔靭。以掃街黎講最怕就係麻煩。但呢個咁易咬，就方便一路行一路食。起碼我同幾個Friend Share都好容易。(可叫店員一早幫你剪定，但收1蚊)佢個炸粉外層好神奇。雖然唔係非常厚又唔係非常油，但係炸到一舊舊咁又唔係好好食，瘋狂剥落。店員推薦我地加蒜香粉，然後食落冇蒜味冇香味，完全唔知蒜香左去邊。食落外層仲要有陣甜味，好奇怪咁，唔知其他味會唔會正常啲呢？落單後等候時間不長，大概五分鐘左右。食物種類雖然多，但應該係貴多不貴精。好食又稱唔上，但又唔係難食。只能說普普通通。價錢就唔算太貴嘅，掃街不妨一試，但真係只得一試而已。

在葵廣走著的時候看到這家店的廣告，應該是被大大快的炸物吸引到了，便走過來買了一塊試試看。其實小店還有其他不同的小吃，不過則相對地普通。轟炸大大大魷魚共有五款口味，分別為蒜香、香辣、海苔、咖喱和孜然。喜歡重口味的我自然選了蒜香。店舖可以使用八達通付款，非常方便。等了幾分鐘，魷魚就準備好了。視覺效果是不錯的，因為真的好大一條，而且應該是壓平了？所以感覺更大塊。咬下去，外層香脆，蒜香味道不算強烈，魷魚易咬爽口。吃的時候有些炸batter會掉下來，而就算只是吃那表層，還是挺不錯的，很香口鬆脆，不會太軟或太油膩。這個價錢來說，可以選擇跟朋友分享一塊試試看