烤焗工房 (Moved) New Location

轟炸大大大魷魚🦑 雖然日日都係新都會番工，但係就真係好少去葵廣掃街，呢間嘅大大大魷魚🦑我想好耐架啦，但係一個人食好似好邪惡咁，今日男朋友嚟接我放工 終於可以試下大過塊面嘅大大大魷魚啦🤣我專登叫店員唔好切開，要原條咁食先壯觀同有特色㗎嘛~ 魷魚上面嘅粉係有得選擇嘅，我就選擇咗蒜香同埋孜然粉，魷魚真係好大條，炸到好香脆，炸粉完全係適中，再加埋上面嘅孜然粉就更加惹味😋 由於咬落去唔會好韌，魷魚味都ok~

烤焗工房❤️喺葵廣掃街可以試試🍟呢間烤焗工房由入面搬左出出面後明顯地旺左勁多，🥲條長龍長到呢！可惜我無影到哈，不過佢主打炸物同各款小食，❄️但我因為天氣凍既緣故所以都係叫左炒烏冬黎暖下先💕Menu 如下：炒烏冬有八款味道同配料可以選擇添！仲有新推介，依加可以比你免費加黑椒。💁‍♀️蝦球炒烏冬（$40)👍"超有鑊氣拎上手仲熱辣辣嫁 份量都幾多嫁 仲可以免費加黑椒 超惹味""但超多人排隊 等候時間較長"

突然好想食呢間嘅大大大魷魚，所以特登同朋友行過黎買，今次點左紫菜味。唔知係咪個服務員重手左，今次塊魷魚好鹹，就算連埋冇乜味嘅魷魚肉一齊食都係僱鹹，不過食到好香嘅紫菜味，但唔係好多，如果落多少少會再香啲同好味啲

I was so excited to have deep fried mushrooms and while it was nice at first to have a large amount of mushrooms, but instead of deep fried, it just felt greasy and soaked in oil 😭

本人甚少光顧貴店，打算購買鹽酥雞。但貴店的外牆上的菜單花多眼亂，本人看不見確實的菜名。隨後，本人便上前以詢問的語氣跟該女店員說想要一份「炸雞」？該職員只用不耐煩的語氣問本人是什麼炸雞？雞軟骨還是雞件？本人因為該職員的態度及當下以為「雞件」即是鹽酥雞，所以就回答了雞件。其後本人再看清楚餐牌才見到鹽酥雞這個選項。本人立即與該職員説明本人想要的是鹽酥雞。該職員立即用長逹三秒的白眼回應我。本人當下感到十分無奈及慨憤。完全看不到貴店的職員的素質！

放假同朋友嚟咗葵廣掃街shopping，放假咁開心梗係比自己放縱一下食啲邪惡野啦😋🔺炸薯條配安格斯牛柳粒🐄佢有幾種醬汁俾你揀例如芝士，蜜糖芥茉，千島醬茄汁，沙律醬。一定有一種啱你！作為芝士愛好者嘅我梗係揀芝士醬啦！首先個賣相好吸引見到啲芝士半溶喺薯條都已經令我食慾大增🥰而且佢一啲都唔吝嗇俾咗好多芝士醬👍🏻但可惜佢嘅芝士味唔夠濃感覺溝咗忌廉😭其次我好鍾意食粗薯條，因為咁先食到多啲薯仔肉😋呢間舖頭就啱晒我👍🏻佢嘅牛柳粒味道普通但價錢咁平就算！佢嘅份量都幾大份自己一個食晒就食唔到其他嘢😭所以同朋友仔一齊share就啱晒🥰

今日應承咗朋友要拎啲嘢落港鐵站比佢，所以唯一一日可以 #自然醒 嘅星期日，#小秘書 未夠11點就起咗身... 為咗唔想遲到，急忙起身洗頭沖涼，連早餐都未食就衝咗出門口。既然個人都醒咗，倒不如去 #葵涌廣場行吓，口痕嘅我，上咗3樓搵食。本來嘅 #購物商場， 依家有1/3嘅舖家都變咗食市，沿住電梯上左邊嘅方向，更自成一個角落，小食店林立。#小秘書 好耐冇幫襯過嘅「烤焗工房」生意似乎靜咗啲，既然唔駛等，我就買隻 #轟炸大大大魷魚 回味一下😉 今次加咗 #海苔粉，但係就完全食唔出海苔味道😅 相反我覺得魷魚厚身咗，口味亦都豐富咗👍🏻 不過呢... 成條巷都喺度播緊啲洗腦歌，我怕怕呀🤫

好耐冇食牛， 結果經過葵廣見到安格斯牛柳粒 ($29)，心諗咁平不如試下，仲要見到鋪頭寫係招牌就忍唔住試咗，點知係一個伏😂 牛柳係醃得幾好食，蒜鹽同黑椒味比例都做得岩岩好，亦都唔會過油膩。食落雖然唔乾食，牛味都食得出，但係舊舊都勁多牛筋，接受7成既牛柳粒既肉都咬唔爛，仲有d痴牙，要放棄食。醬汁調得再好味都冇用。可能下次會好食d，可能係今岩依批牛差，但唔會再下次，非常失望真心🤦🏻‍♂️🤦🏻‍♂️🤦🏻‍♂️🤦🏻‍♂️🙂🙂

今年聖誕派對希望幫襯小店 唔想年年都叫Pizza Hxt PxD炸雞太普通 就搵左烤焗工房早係12月頭已經聯絡左店主查詢菜單同價錢 我地今次叫左8人份量到會 店主話只要揀啱想食咩 佢就會幫我度身訂造 食物份量有多無少 果然黎到無令我地失望🤤 而且準時6點半送到黎！我地菜單有:芝士鮮茄豬排飯好食 有好多舊豬排 芝士味都ok香蒜由魚炒意粉超級受歡迎👏🏿炒得好香 又足料咸蛋雞翼咸蛋都夠 炸得好趣！烤焗大拼盤全部都係炸嘢！係好熱氣 一陣就清曬！全部都係雞雞翼比較咸 雞塊好juicy shake shake 薯條可能等得太耐 d薯條林左🥺全部都係超大份 價錢合理 人均百零蚊 意粉同焗飯係多到爆盒 8個人係食唔曬 本身店主想送多一個沙律比我地 我拒絕左 因為費事浪費食物 佢個餐已經好夠！下次搞party都一定會再叫呢一間到會😁 真係大件合抵食！

掃街有 d 想食炸物，經過呢間見到 d 圖片影得幾靚仔，就心思思想試下，見到佢好似皇牌係食原隻魷魚，不過我果一刻唔太想食咁大舊既野，最後叫左個薯條併炸魚柳 $35揀左最愛既蜜糖芥末醬，見佢仲有其他3款醬汁揀，但係無野比蜜糖芥末醬更吸引我 haha 埋單只係等左 5 分鐘就有得食啦，熱辣辣好新鮮，好脆口，薯條就類似 M 記果 d , 幼身 d 不過加埋 d 醬係好味 d 既，加上 d 醬汁係爆多，haha塊魚柳都好香，食魚有魚味呀，熱到辣嘴！

喺網上外賣平台叫左個煙三文魚卡邦尼意粉，完全淡而無味，完全不是卡邦尼，好似普通白灼意粉一樣，無芝士味，無蛋無煙肉，好似完全唔知卡邦尼要用咩材料，無下次，仲要加埋運費要$59，唔抵食！

好似旺角同葵芳都有分店，上次喺旺角食無咁多芝士，葵芳分店原來多好多！真係拉到絲㗎！仲有啲火炙味！好正！牛柳粒都幾多粉，味道都幾好，又唔算太老同太硬，有啲咬口咁啦，整體黎講都幾好食！

28 蚊 淨手撕雞走醬 送下面一點點青瓜 不錯 減肥又口痕的人可以叫黎食 上面有少少油 應該係雞油黎 會加d芝麻上去 同埋有芝麻油 可轉沙律醬 不是好大碟 唔會好飽肚 但我覺得都過得去 鹹鹹地 等要一段時間 叫做可以tailor made比你

🍟🥩🍖葵廣輕食系列💕▫️餐廳：烤焗工房▫️地點：葵涌葵富路7號3樓3069-T11,T12號鋪葵涌廣場(🤪葵廣)▫️營業時間⏰：mon-sun 11:30am - 9:30 pm▫️價錢：～$20-30+—美味：🥩🥩🥩🥩環境：🥩🥩🥩（冇得堂食）價錢：💰💰💰—葵涌廣場，簡稱：葵廣，係眾所周知既掃街勝地🍮🥛🧁🌰🍰🍥🎂🍜🍲🍱，包你可以由晨早食到夜晚。牛柳粒薯條🍟係佢地既人氣之選🤤牛肉軟硬適中，而且又香😚$30幾蚊食到噤高質既牛柳粒好抵🤫，性勝比幾高👻而且薯條唔油，仲好脆，配牛唔錯🤤你地可以自己選擇醬料（蕃茄醬/千島醬/沙拉🥗醬）值得一試😍—

黎到葵廣呢間小店幾十款燒物炸物見到呢樣立即心心眼好想試😍.黃金脆炸薯條🍟（$28）薯條係熱辣辣即叫即炸既🥔每條都沾滿鹹蛋黃醬食落每條薯條都有沙沙既感覺同鹹香既味道🙃非常足料同飽肚💁🏻‍♀️記住同朋友share 咁先可以掃多幾檔街🤤.推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）