烤焗工房 (Moved) New Location

今次係第二次黎食炸魷魚 因為朋友想食門面比較簡約 無咩特別裝修有不少魷魚圖案 睇黎都係主打大魷魚我地叫左一份炸魷魚 可以自選味道有蒜香/香辣/海苔/孜然/咖喱我地揀左孜然好快就到手 果然好大份孜然粉唔多 所以味道唔重 偏淡魷魚本身係完全無味 靠既係炸粉上既調味粉唔係特別好味 只係特別在魷魚夠大可以影相呃下like咁 未試過都可以一試但未必會再翻兜除左魷魚 仲有唔少小食 下次再試😋

好耐都冇行葵涌廣場⋯今日行既時候⋯已經唔同以前⋯以前都有野食買⋯但而家多到⋯一日食唔哂⋯今日試左幾間野食⋯但我比較鐘意食里間⋯佢吸引我⋯我係比佢d野食吸引我😂😂因為我好鍾意食芝士，同埋焗炸野⋯同埋成日都有睇飲食介紹⋯今日比我見到⋯當然要試喇😍😍我首先買咗雙層芝士拉絲飛碟，咁我緊係試左我最鐘意既芝士先喇😌😌睇下好唔好食先再買⋯試咗，真係好好食，好足料⋯唔會太（劉）正👍🏻👍🏻⋯同埋好多芝士⋯之後買咗大大魷魚⋯真係好大🙈都好好食⋯最後試埋扇貝同火焰芝士魷魚⋯好香👍🏻味道都好食⋯唔會淡⋯味道好香濃我會再黎幫襯⋯因爲我一個人⋯食唔到咁多⋯下次一定會再試其他，但⋯我一定會次次都會食雙層芝士拉絲飛碟

同朋友行街經過 見到幾吸引 就買左西多薯條同魷魚全部即炸熱辣辣 超正！雖然全部都係炸 但完全唔覺油膩 非常好！ 不過魷魚好大塊 要同朋友開心share先食得哂 下次行街一定再吃

叫左3隻芝士焗蠔, 蠔唔算大, 正常SIZE LAW, 11蚊一隻想點~面頭有少少SALAD 醬, 芝士鋪滿成隻蠔, 但芝士味唔會蓋過蠔味, 入面蠔味都好濃, 又有蠔汁, 夠鮮味

小編嘅友人將佢哋嘅薯條讚到天上有地下無咁樣就梗係一於要試吓啦！佢哋嘅薯條的確十分香脆，而且新鮮整起真係非常可口。另外佢隻芝士雖然就唔係真係好香芝士味，不過佢表面嘅香草就真係好香啦！佢個吉列炸大蝦都唔錯，蝦肉都算爽口而且表面嘅粉唔會過多。算係叫做不過不失啦！

呢間店foodpigss🐷🐷之前都食過 本身見佢都幾平所以覺得可以 都算係一分錢一分貨🙈 但今次真係勁勁勁失望！！ 事關佢牛柳粒好咸又多根都算 最重點係佢嘅八爪魚係唔熟嫁😠😠😠 之後叫佢換其他野 理應要換返一樣價錢嘅野 點知佢竟然換返3隻雞翼黎😤😤😤 真心覺得明明野食唔熟係佢問題 仲要係咁基本嘅問題 但而加就好似係我地問題 所以敷衍了事🙍冇歉意得黎仲好似受害呢種態度真係不要得👎👎👎👎👎 唔會再光顧！

葵芳三樓既小店..去到都有人係度等緊..亦有好多人企係度食緊..Order左一份炸薯條配帶子..有幾種Sauce可以比你揀..我揀左蜜糖芥末👍👍👍等左10分鐘左右..新鮮炸起..好熱氣但好好味..好食過快餐店果d..夠大條都幾長..一份都幾多.....炸帶子好有中學小食部食既果d既感覺..見到人地食炸西多士都好吸引..但又怕太油😂下次都可以試下..去到葵芳不妨一試👍👍👍👍🍟🍟🍟🍟🍟🍟

同朋友行葵廣，太餓喇，見到啲人拎住盒薯條好想食，幾經辛苦終於搵到間野哈哈。都幾多人排隊，餐牌幾豐富，有炸巨大魷魚，唔同餸配薯條，好多係海鮮，帶子呀吉列蝦等。不過因為我唔食海鮮，而佢既安格斯牛柳粒又寫住人氣，所以叫左牛柳粒薯條，33蚊。薯條都幾多，牛柳粒就得4粒。um普普通通啦牛柳粒，唔算好食，但易咬軟身，不過好似唔夠入味。對薯條有啲失望，佢係偏硬唔好咬口個隻，即係唔係脆。加左蜜糖芥末醬溝埋都算係咁。佢有好多隻醬簡～

行葵涌廣場少不免要掃街啦！3樓多左好多小食店炸野一直都係小豬既favourite等左10分鐘左右就有啦份量算幾大份食得岀係即叫即炸，因為好熱辣辣要吹下先擺得落口味道就不過不失，係一般既味道好評係份量真係唔錯！我食完都飽飽地

作為此店大受歡迎嘅小食，我都係喺社交網站見到評價唔錯先去試下 ，而我今次選擇左28蚊嘅安格斯牛柳粒，大致上我認為都唔系太差，賣相方面十分惹味，都算係可以激發起賣家嘅食欲；食材嘅配搭方面，牛嘅油因為流左落菜嘅表面，睇落唔會太油膩之餘，食落去都有中和嘅功效，亦同樣地，令入口嘅罪惡感得以減免；味道方面，係牛同菜嘅配撘下，蔬菜味有助平衡牛本身過咸嘅味道；但係口感方面，我認為牛柳粒煮得un左啲，雖然只系有7至8成熟，但係可能因為太大火，而煮到失去左些少嘅口感，不過可以一試的。

呢間好多人排隊，話明掃街，食吾倒好多食物，係呢間食左炸魷魚，脆粉ok,有好多味道選擇，例如咖哩、辣味、子言粉等等，我選擇左子言粉，咬落去魷魚有點奇怪，我覺得好假，薄身，吾難食亦吾算好食，我應該吾會encore,我食過台灣果d炸魷魚，非這樣口感

每次去葵涌廣場都要去3樓掃一掃街，宜家唔止出面位置有得食，連入面Top世界個位都有得食埋。今次就係試左3樓Top世界入面嘅呢一間烤焗工房，見到店面貼左好多張美食相，真係樣樣都想食，不過最後揀左寫住銷量冠軍No.1嘅安格斯牛柳粒 （$28）。仲加左$12 要左個燈膽飲品-桃味梳打。賣相就夠晒啦，個燈膽係膠造，飲完可以翻用添。雖然唔係好有桃味，但佢係有汽，味道都幾好，唔太甜。等左5分鐘左右，終於有得食啦，望落份量都幾大兜，賣相幾靚，有生菜絲墊底同蕃茄粒伴碟，可惜食落一啲牛味都無，非常失望。完全真係比佢張相呃左😔

之前在旺中吃過烤焗工房的小食很不錯，最近見到葵涌廣場也開設了分店，於是與朋友試試它好吃與否。朋友愛薯條，我愛安格斯牛柳，便點了這個雙拼。不過薯條方面朋友略嫌炸得不夠金黃香脆，軟軟的，有點弱不襟風，輕輕一叉就斷開兩節 (沒有沾到任何醬汁) 而且不是新鮮薯仔即炸 (這方面她很挑剔) 但她蠻滿意芝士醬汁香濃滋味。至於安格斯牛柳粒烤得焦香汁嫩的模樣，真的好誘人，我還沒離開，就開吃了。牛柳粒一口一個，帶點肉筋但是很好咬，不會太油膩也不會過度乾扁。牛肉香甜肉汁，不斷在口中冒出來，愈嚼愈香。

好耐冇嚟過葵廣掃街，原來開咗好多新舖。其中呢間店就有好大大大嘅炸魷魚！只係$28咋～仲有幾款口味可以揀。我地兩個人食一塊～外面香脆，裡面彈牙。不過好難攞，我地邊食邊跌到一地都係碎XD總括嚟講都值得試～好味又抵食～

來到是日葵涌廣場覓食的最後一站，烤焗工房。大家的共同目標都是為了大大隻魷魚，光是份量就勝人一籌。誰知，這最後一站絕對是中伏之選。轟炸大魷魚$28價錢便宜，魷魚尺寸也是重量級，店員推介的蒜香口味，說是本店的最受歡迎之選。先看外表，絕對加分，但味道負分都極點。炸粉較厚及硬，做不出酥脆的口感。最重要的是鹹到一個極點，和放一茶匙鹽入口沒什麼差別。味道嚐不出蒜香，更多的是椒鹽，淺嘗了兩口就貢獻給垃圾桶了，無謂虐待味蕾，是百分之百的重口味中伏之選。燒汁八爪魚仔 $25一盒有5隻，爽脆彈牙，失敗之處就是燒汁和沙律醬根本一點都不搭。撇除這點，其他還算正常。芝士蒜香焗蠔$30大概是這店廚師鐘情於沙律醬，又見它出現了。其實多款食物味道都偏鹹，單靠沙律醬是不能中和味道的。 一試即刻，難有下次。