越南麵包

Open Now

Now Closed

去過兩次越南當地法包的確好好食、麵包烤得鬆脆、入面有肝醬醃菜肉片、實在令人回味！今日去開九龍城睇戲（好平好抵睇！）諗住搵間好嘢食，就嚟試吓哩間越南法包店！真係估唔到都幾貴，午市套餐都要百幾蚊🤔包一份包一杯熱飲🥖➕☕️越式慢煮豬肉芝士法包$144麵包都算烤得幾鬆脆、冇乜芝士味、都食唔出慢煮豬肉有乜特式、更加冇越南風味⋯⋯唔係唔好食就係一份三文治囉⋯⋯跟普通咖啡咋喎⋯⋯連加一百六蚊？食三文治？越式香茅牛肉法包$114哩個少少似越南風味、事關有香茅又有酸瓜、都有六成越南滋味⋯⋯搵餐廳唔想伏、真係要睇多幾編食評先好幫襯😕

呢間一睇餐牌覺得佢好貴，本著佢有慢煮豬法包好特別，把心一橫去試所有菜式都對得住個價錢！食過就返唔到轉頭🥺🥺成日都會心思思想再黎食🥰蝦豬湯檬既蕃茄湯底鮮甜到可以飲曬，可以飲到完全無味精，呢個湯粉相對比較抵食慢煮五花腩法包外脆內軟，肝醬同沙律醬個味超夾，不過以法包來講，佢百幾蚊真係好貴，唔可以成日食🤔️另外叫左牛油雞翼，成廿蚊隻都幾貴但好出色，脆卜卜又有肉汁柑桔沙冰幾清涼，可以叫走甜健康啲 應該係用生果即打。

呢間小店encore左兩次 想介紹好耐 雖然價錢有d貴 但係幾高質 有驚喜嘅😍 小店環境舒適 不論我lunch定夜晚去都試過包場咁濟😂 兩個人去建議好似我咁一個叫包一個叫撈濛 係夠飽嘅 又可以試多d😋. 蝦餅肉碎撈濛 . 呢個濛粉係我食過最好食嘅濛粉 以為好林個種普通野 點知咬超爽又彈牙之餘又好索汁 蝦餅炸得香脆 肉碎送粉係唔錯 落埋個汁小清新 唔會太咸 👍🏻. 牛油果法式麵包 .呢度必叫麵包!! 個包非常脆口 幾時都keep到咁乾身 之前試過軟殻蟹 肝醬 今次試牛油果 🥑 啖啖牛油果 仲夾左d扎肉 佢個醬汁叫左小辣好醒胃!! 而且好貼心幫我地分好哂👍🏻Lunch會包野飲 set由$90-130不等 相對抵食過dinner 檸檬茶會偏甜 都可以加錢轉滴漏咖啡☕️同事話好推介 唔食芫茜記得走呀💚

難得與好友相聚，就去越南麵包去試一試食過下午茶，入到去環境清靜，佈置簡潔，點了個慢煮五花肉麵包，味道相當好，好有肉味，非常特別，和點了個雞肉拌飯，拌飯好清新，我和朋友麵覺得2樣菜式都很滿意，值得推介！

之前經過九龍城，除咗泰國菜之外，都見到有啲越南舖頭，網上見到有人講一間所以我就試吓，呢個價錢都唔平，小店形式經營，嘢食都會出得比較慢嘅，不過呢佢哋個法包就好大個，今次我哋叫咗佢個肝醬扎肉慢煮五花肉麵包，再另外加咗個番薯條，同埋七喜，個包嘅份量都好大，啲材料都好多，一次過擺唔到落個口度，我都要分開來食，不過佢嘅慢煮五花肉，真係煮得好好，食落去都唔油，不過女仔嚟講算半個都好飽啦，不過小編就鍾意食脆脆的燒腩豬肉啦，大家有興趣你試一次都無妨嘅

👵🏻嫲嫲鍾意食東南亞既野食黎九龍城就最適合不過平日十二點半到只有我地一枱客去到大約一點令就坐滿八成平日普遍都係冷清啲餐廳樓底高 座位尚算舒服闊落👍🏻裝潢設計令人舒適又不失時尚我食法包既經驗唔多 但呢個絕對係我食過最好食既法包👍🏻😳最驚喜係加入左芫茜 即刻香氣大增 齒頰留香唔誇張燶邊豬頸肉爽口 油脂滿滿 唔會乾🤤越式法包不乏青瓜絲蘿蔔絲扎肉 仲有少少沙津醬🤩酸酸甜甜好fresh好開胃好好味🤩岩晒熱焫焫既夏天🤔略嫌豬頸肉太少 定價亦偏貴未必有下次喇

我曾頗活躍地寫食評，因疫情關係，差不多攔筆一年。 今日在這餐館的經歷，忍不住要寫一寫我感受。幾年前報章推介此餐館，特此前來幾次，對餐館的印象蠻不錯。 今日下午駕車到九龍城買東西給媽媽，本來買完東西便驅車回家，喜見前面有一私家車泊離咪表位，立即泊入。時間是3點許，我們想想不如找家店下午茶，不約而同想起這間店。 怎知換來一肚氣。到埗時，餐廳內已有幾枱客人，有幾兩張空枱的杯碟還未收拾。店員將一張近門口的四人枱清理後，指示我們入座。 我們點了一碗豬肉蝦檬粉和一客下午茶(豬肉腸＋迷你檬＋粉卷＋飲品)，飲品選了港式奶茶。等了二十分鐘後，店員才給我們兩杯水。 隔鄰的二人枱，枱面的杯碟待了同樣時間還未清走。 察看情況，樓面原來只有店員一人，她沒有因應客人多而加快腳步，而是好整以暇，慢條斯理地工作。等了三十分鐘後，我忍不住問店員，若是還未開始準備我們點的東西，不如取消吧。 她不慌不忙回答幾次，說正在準備中。  可能因我的「催促」，五分鐘後她端上一杯奶茶。 奶茶溫度不熱，牛奶成份多，說不上是港式奶茶。再等五分鐘後，店員備上那客下午茶，兩小串豬肉腸，兩小塊粉卷和一個迷你檬。天呀！ 這三樣東西都應是未開店前，

［不喜勿插］好想自私食，因為好容易有位，但係真係幾好食，價錢係稍為貴嘅，但係小店製作好認真。咖喱慢煮牛肋條同手撕豬肉芝士包都係超水準濃味之作。牛油果沙冰逐杯逐杯即叫即整，要有耐乜等一等，但真材實料。另外有河內啤酒飲，有到種說不出嘅甜味。

疫情下的每個星期日，令人最頭痛的總是「吃甚麼」的問題。今天忽然想起open rice 的外賣自取功能，便點了薑黃雞肉、香茅牛肉、肝醬扎肉幾款越南麵包回家開餐。雖說是外賣，但包裝精緻整齊、麵包的水準依舊超卓：麵包外脆內軟、蔬菜清甜可口、肉食入味香嫩。越南麵包不失為留家抗疫之選。

想食越南菜，第一時間會諗起中環嘅明珠，好可惜明珠已經結業😢但依家有另一選擇，就係九龍城嘅越南麵包🤩為何好有家的感覺？因為越南麵包用嘅餐具好可愛，杯子同碗有花花、波點圖案，可見呢間餐廳連餐具都精心挑選，食物質素同樣不錯🤩◭ 香茅牛肉麵包 $95法包雖然未到熱辣辣，但依然好鬆脆，唔係好硬嘅法包入面材料好豐富，有牛肉、蘿蔔絲、青瓜等，配以特調醬汁，好好味😋◭ 越式鮮蝦豬肉湯檬（鮮茄蝦湯底）$89有時食出面嘅越式湯河好油膩，但呢款目測湯底無一層油，仲係好濃郁嘅鮮茄湯底檬粉好爽口，好怕食到好「淋」嘅粉麵鮮蝦同豬肉碎正常水準◭ 炸蝦餅 （3件）$62炸到金黃色嘅蝦餅好彈牙，沒有太多炸粉，真材實料👍🏻越南麵包係一間回頭指數極高嘅餐廳，餐牌選擇非常多，每次都可以試新嘢🤩

可說是慢工出細貨，今日鋪面只見一個人。疫情期間人手不足外賣又多，仍然保持水準! 抵讚！推介豬手，五花腩，蕃茄蟹肉湯蒙。仲有肝將法包，外脆內軟，外賣都沒有失色，不能不試。

疫情嘅關係好多人都WFH平時因為要返工嘅原因，都冇乜嘢機會平派試食同一種食物。今日有幸，可以一日至三間唔同嘅法包因為平排試食，所以食得出邊一間好味啲！本人認為，呢一間只係排第二名。麵包外脆內軟，但係冇乜越南嘅味道。呢一個法包應該係適合香港人嘅口味而設。佢Menu上面就話係Hua Hin style... 本人唔清楚乜嘢係叫做 Hua Hin Style... 所以食落去唔知點樣比較。不過入邊有啲好似沙律醬嘅物體，應該係豬或雞肝醬。食落去甜甜地，有啲creamy。仲有入邊有啲叉燒，啲肉醃到有少少甜。應該係叫做偏甜。唔知叫做好食定係唔夾。但係肉汁嫩滑一啲都唔鞋口呢一點係可以加分嘅仲有10分足了！！！一個order都應該好夠食。不過價錢有些少貴平時出面食都係40 令$$$ ，呢一個就算嗌外賣都要加入。點解要加入呢？我仲等咗十幾分鐘先攞到個包。一拎上手唔係特別熱，微暖，可以接受總括來說，唔係太差！不過又唔係太好食！不過不失。如果倸九龍城又好想食越南法包，咁就九龍城應該只係得呢間好食

九龍城錯綜複雜的街道名稱，兜轉而至，走進這裡。時段客人不多，有三四枱客，因為疫情又有變化，大家坐得很疏離。沒有適合心水選擇，姑且放棄以米飯為主糧，一試牛油果炸雞法包。食物端上，賣相委實不吸引，一只長法包孤獨地躺在一隻長長的白碟上，只有幾絲沒有色彩的伴菜，幸好法包內的餡料點綴了單調。不帶期望，卻走出驚喜。一口咬下，法包有牛油果炸雞酸籮蔔，配合放入的醬汁，出乎意料的美味，再咬一口，法包很軟身，炸雞也很軟滑。整個不起眼的食品，有著實而不華的味道。再加一杯越式熱咖啡，很不錯。

舊朋友相約去食飯，佢哋決定去食越南餐，上去openrice搵下有咩食，😎見到九龍城有一間特式越南餐館 ，我哋決一齊去食，入到店裏面發現裝修間格唔錯，而且餐具碗筷主要用粉色系列，好有色彩 。😍睇完餐牌之後， 我哋決定叫咗雞翼，法包，加青口試下先，雞翼嚟到時已經聞到香味，食落外層又香又脆，內層肉質又滑，味道一流😍😍 ，再試埋個法包真係好有特色 ，牛油果同蝦嘅味道配襯得好夾，跟住再叫咗個湯檬， 牛肉串同蕃薯條 ，蕃薯條味道好新鮮，😆牛肉串又軟又淋 ，湯檬個湯底係用蟹肉蕃茄烹調，非常特別。👍食完真係好滿足，下次都想再黎食，試下其他食物！

71放假, 下晝有重要野做之先都要醫肚。幾年前食過, 今日再試, 水準仍舊, 值得回頭幫襯。點左肝醬越南麵包, 慢煮越式手撕豬肉芝士麵包, 蕃薯條, 凍咖啡。越南凍咖啡當然冇問題。咖啡唔會淡而無味, 冰塊融後仍然有咖啡香味, 夏日炎炎正好眠以外, 飲咖啡都係一大享受。蕃薯條好食, 但跟餐加差唔多$30得果幾條, 認真唔夠喉, 性價比麻麻。慢煮越式手撕豬肉芝士麵包。手撕豬肉好食, 唔會柴, 入口啖啖肉, 麵包香脆, 其他TOPPINGS 清新, 配搭一流。不過芝士唔多, 味道唔出。整體已經十分好。肝醬越南麵包。呢個超級好食。肝醬味道配上辣辣地既肉,  麵包香脆, TOPPINGS 清新, 一啖有好多層次同味道, 所有食材絕配得非常好, 冇野可以挑剔咁濟。不過食法包就諗起去越南食咁樣既法包圍番都係幾蚊港紙, 呢間餐廳越南法包配上靚材料盛惠$100, 硬係有種奇怪感覺。總結。法包, 咖啡十分好, 座位舒服, 可以係度休休閒閒歎個brunch/ tea. 值得回頭, 大家去九龍城食泰國野食到悶就去呢間餐廳搓搓their best!