尚宴 (Closed)

之前已經知道尚宴係京都集團嘅，已經抱住冇希望係預咗失望嘅心態去飲，但去完唔係失望咁簡單，真係極品到唔恨燈光效果差，轉色轉到頭都暈，disco咩，咩年代呀場地音響經常好似爆喇叭咁發出巨響場地佈置更加唔駛講啦，一入門口有大大個神台坐陣一入座坐低簡直眼都凸埋，筷子架佈滿鐵鏽積、筷子頂有d銀色嘅圖案，甩色甩到見到裏面d木，直情𠝹到手嘅，肉酸情度達一百分以上酒樓安排時間不當，敬完酒影相是常識，但酒樓超趕收工，勁快上完菜，到一對新人仲拍緊照時，所有菜式已經上完，記住仲係拍照時間，d賓客都未等到新人送客已經走咗一大半，酒樓已經清場執枱，但一對新人依然係台上拍照，仲未送客㗎，但場內一半枱已清講完d唔關我事嘅嘢，講重點重點係我食落肚嘅嘢，真係不得了屋邨酒樓千零蚊圍酒席都好好多好好多好好多，重要嘢係要講3次㗎⭐️第一味 乳豬🐷凍係常識 乳豬咸到呢又咸又凍係咩玩法第二味 翡翠花姿蝦仁大家有冇食過梅嘅蝦第三味 蜂巢帶子盒食頭2味已經知道冇蟹鉗係常識，但食嘅係芋頭包住粒鼻屎咁細粒，完全食唔出嘅帶子，重點都係嗰pat芋頭，真係未見識過婚宴食芋頭呀，擺齋宴另計第四味 蟹肉百花翠肉環重點係嚿蟹膠啦，當然食唔出有蟹味，

仲話即叫即蒸叫左4碟嘢試下有冇伏先嘆杯茶吹下水先..飲啖茶唔熱水滾茶靚..中國人常識吧問個知客咁耐既要等20分鐘架等左28分鐘後第一碟牛肉腸..入口係室溫..完全唔似即叫即做第二籠鮮蝦菜苗餃..有一粒爆左好大個洞第三籠臘腸包..最正常40分鐘後第四籠出現啦每次飲茶都會叫..醬汁鳳爪出緊煙..諗著熱啦一咬落去內暖外熱..蒸左40分鐘都唔熱透星期日冇人排隊既奇景係有原因其他樓下既間間排長龍價錢仲要唔係親民

晚餐人不多 很容易訂到位子 佈局裝修是粵式酒樓的風格 很乾淨 燈光舒服服務態度不錯 上菜以及更換餐具都很及時青菜類偏油一些 炒飯和鮑魚做的更好 整體滿意 沒有遇到差評裡面描述的情況 按團購的價格可以試一下的

星期日去鱷魚恤大廈飲茶，好多間門口都擠滿人，本來打算轉場，電梯停係9樓，竟然好多位，諗住貪方便，就試一試呢間 落左單 第一碟黎既點心 竟然係楊枝甘露HKD 24.8成碗花奶水， 又無料，食左2啖已經唔想食 點心的盤幾靚，六角型，好似蜂巢五豆雜糧糕HKD24.8糕幾依韌，少少甜，有豆的清香鮑汁鮮竹卷 HKD 24.8鮮竹卷本身做得唔錯， 唔會淋到一pat pat, 料都幾爽口，但所謂的鮑汁好杰 好咸， 咸到封喉鵪鶉蛋燒賣 HKD 28.8燒蛋肉質幾爽口，燒賣皮都仲有質感，唔似雪到溶哂個d, 味道亦可以，唔會太咸 鬆化叉燒酥HKD 24.8一入口成陣油益味， 即刻同經理反映，好彩經理都好爽快同我地取消左 呢度既食物水準參次， 價錢又唔算優惠，真係一次就夠，有咁多空位都唔係無原因的。

網上見到著名飲食雜誌介紹呢間酒樓有半席花膠宴食，有片皮鴨，有鮑魚，有條魚食下，阿！睇片都幾吸引，就提意屋企人生日去呢到食啦～一入到去間野無乜客人，都心知不妙！無錯！我地一行7人，但待應姐姐安排張細枱比我地坐，算啦！唔緊要逼小小都仲食到野。江南八小碟，無碟食得人，我爸爸係做左20幾年既燒味師傅一食就食得出燻蹄變壞既，同個部長講呢碟野變壞左，佢一句唔好意思都無講，十問九唔應，木口木面咁，之後話我地口味唔岩唔緊要，換過其他野比你。ok!無問題，之後繼續食啦。食片皮鴨從未試過蝦片多過啲鴨，仲要啲鴨係連埋成塊肉，真係覺得好新奇又有趣，係咪我見識小，片皮鴨係連埋佢塊肉食跟住到個炸海老，一埋梅晒既沙律菜做伴碟，件炸海老粉漿厚到爆，我到依家都勁度懷疑隻蝦其實係咪未熟？之後到上花膠湯啦～個花膠湯係幾好飲既，公道啲好飲就係好飲，但人地個鍋裡面仲有湯（大約仲有2-3碗）問都唔問就自己收走？問佢我地個湯係邊？佢用耳機問「有無人見過28號個湯？」我真係忍唔住笑，到底呢間係咩酒家？人地未飲完既湯都可以收走？ 好啦見前面啲餸淨係得個湯食得人，接下來啲餸都唔抱咩期望。蒸魚，條魚凍既叫個部長埋嚟又係木口木面，同佢講條魚

忍唔住要寫食評，因為食物質素真係麻麻地。鮑魚炒蟹唔係好新鮮。唔怪得全晚得幾枱客。除左團購俾嘅$400幾之外，每人仲要收茶位酸菜$15/位，總共四人夾埋係$500左右。

星期六和友人到呢間觀塘尚宴食佢$68點心1.5小時放題! 我地該日上午11:01入座，因為團購得1.5小時，仲要last order時段係完結前半小時。所以一坐低已把握時間寫點心紙然後給侍應。但係等到11:20都見未有野食上枱。所以都叫左個女侍應幫手追單! 我們同佢講因為團購有限時嫁，我地其實order左等到宜家都接近半小時都未見有野食上枱唔該幫我們追下張單啊。但係呢個女侍應態度非常無禮貌﹗她唔係幫我地跟進而係即下print張入座紙來同我們拗話我們11:01入座，邊度會等到接近半小時，你們係團購啊嘛﹗ 跟住我都不直佢所為同佢理論﹗我話我地就係團購我地得1.5小時食，無理由第一張入單紙order左都要等接近半小時以上啊嘛! 你係唔係應該幫我地追下張單呢? 佢竟然話返我們轉頭,佢意思話團購係咁啦,佢話佢入去催廚房D人佢未會比人鬧! 我們完全唔知呢個女侍應講緊咩囉，佢真係好九唔撘八!佢未即係間接話佢地茶樓係咁嫁，特登要嗰D團購客等嫁! 等佢地唔可以叫好多野食! 跟住我叫佢唔好我地講埋d無聊野，她就行開左去!我地等到11:31即係入座後半小時,叫左另外個女部長來! 同佢講我地係團購order到

每逢星期六都會同家人一起去飲茶。今次我哋揀咗位於觀塘嘅尚宴。全因因為我哋想行APM。個環境都算幾spacious,唔會太過逼夾.我哋好怕好嘈及好迫嘅茶樓，好彩依家唔會有依種感覺。去飲茶來去去都係蝦餃燒賣。但係今次喺尚宴竟然有懷舊點心。我哋order 咗好多包點。而家好少地方可以食到麻蓉包及鵪春蛋燒賣。 點心質素算有水準。 個蛋黃千層糕蛋黃味好濃郁， 或者好耐冇食鵪春蛋燒賣， 覺得好好食好正！！仲有大包及炸饅頭。個大包好重，好有份量！服務算ok啦，或者因為多人太忙碌，要叫幾次先有人加茶。下次都會再幫襯，價錢唔算貴，食物有質素

在團購買了個任食點心放題90分鐘，連加一每位$92，我們訂了兩點鐘，但早了20分鐘到都可以提早入場。任食點心約20款，炸物都是炸定的，唔熱，但仍然是脆；燒賣牛肉球這些蒸物質素較好，食物也能跟足單到沒有漏。

手多多在網上買了團購90分鐘點心放題，四人價$262和一人價$68，每位收取服務費$24，平均每位約$80。點心放題和自助餐有任食任飲優點，點心放題可以安座，點選後由侍應送上。我們很都不客氣，選擇多款點心品嚐，點心質素都很普通，但值得一讚是時菜鯪魚球爽滑好肉味，所有炸物都是即叫即炸，熱騰騰的！90分鐘點心放題很快就過，結帳後，我們見沒有客人等位，侍應也沒有表示我們要結帳後要離開，我們再閒聊多半小時才離開，如果喜歡吃點心是不錯的。

昨晚跟朋友去了一間酒家食飯。 諗住冇乜驚喜，來來去去都係叫小菜。 但係這間酒家D小菜及前菜確實有啲特色。前菜叫咗個日式菠菜及泰式雞。菠菜好爽口， 感覺好fresh. 泰式雞粒，很香囗之後叫咗個孖寶有脆皮燒雞及蒸海班仔。 $148..超抵食條魚夠新鮮仲有＄10隻鮑魚或帶子， 我哋就選擇咗帶子。 帶子有線條仲有好多粉絲。 個鐵板豬手。 。超正！豬皮super彈牙！ 估唔到喺酒家可以食到鐵板嘅嘢。 幾條fusion!其實喺這間酒家食飯真係唔貴。質素仲幾好添！所以我覺得可以推介一下！

星期日同咗屋企人去食生日飯. 去咗一間位於觀塘鱷魚恤中心9樓嘅酒家, 尚宴.晚飯以海鮮為主. 我特別喜歡 這三道菜: 日本清酒冰鎮鮮鮑魚, 上湯龍蝦 及 炒龍躉球.. 日本清酒冰鎮鮮鮑魚:  很鮮甜, 帶出清香嘅清酒味. 鮑魚質感啱啱好, not chewy at all.上湯龍蝦:  龍蝦夠新鮮, 肉夠彈牙, 上湯唔會太油膩. 炒龍躉球: 好大碟! 淨係個糖膠裝飾都好大! 炒得好香. 有木耳及其他配菜好豐富.  顏色上好夾其實服務唔算差, 侍應都有講有笑, 很合作雖然看到評價有正也有負評。但是我的結論是值得支持！ 因為質素真的唔錯!

星期日母親節因爲要方便媽媽就去到觀塘飲茶，本身想去第二間但實在係太多太多人了，所以去左呢度。我地寫好點心紙想落單時，店長行埋黎拎點心紙，一句聲唔出黑哂面咁係我老公手上搶左張點心紙....我地叫加水又係店長行埋黎，我地唔該佢幫我地加加水佢一粒聲唔出走左去，之後行埋黎發脾氣咁大大力將茶壺蓋蓋上再拎走茶壺，放返個茶壺過黎時就大大力掉個茶壺。咖哩魷魚：得四片魷魚，下面有2舊豆卜墊高，但豆卜好乾仲有少少變味。鳳爪：好咸。牛肉球：算幾好了，起碼唔會好大陣穌打粉味。鮑汁雞腳：雞腳未煮得好....仲係好硬.....好難咬開，汁都係好咸。芒果pancake:皮好厚.....芒果肉得好少...上面個粒車厘茄完全唔知點解會係個甜品上面。蛋散：已經淋左了......都唔夠蛋味。肉絲炒麵：難得地係分開上，算係茶樓少見。麵炸得夠脆，汁料就少肉絲但都係太咸....魷魚鬚：算係香脆，成餐最好嘅野食了。叉燒包：算多餡了，但較細個。埋單係出櫃檯埋單，但佢地唔會主動比張單你睇，我係要問佢地拎單比我check，一check就發現佢收多左個我地冇叫到嘅春捲....立即同佢地講返...如果唔係就比佢地收多左錢...呢間茶樓真係差

有香腸，有豬扒，冇魚，冇雞，冇乳豬，咩玩法？要排大隊出去攞食物，300幾人等咗成半個小時都未開始有得食！食物質素真的一般，可能比一般更差！有外買壽司！你見過未？應該係超級市場貨色！有香腸！平時BBQ個啲有豬扒！好干好難食！有例湯（青紅蘿蔔煲豬腳）排到你嗰時咩食物都冇哂，包括乳豬（本身有三十多圍，唔知有冇10隻比人攞），排到我只剩一件雞pat pat, 佢話已最後，之後唔會再有，其實只開始了30分鐘左右！仲有酒家會貼心地將食剩的香腸再煮一道蕃茄腸仔先經典！

11-12-2016 昨天星期日提早做冬，訂了二圍半全包宴，每圍3千幾，提供廳房食飯，4:30時起可以打麻雀、卡拉oK，每圍又包1支紅酒、6罐嘉士伯、8罐汔水，汔水可換嘉士伯。環境舒適又佈置美觀，與家人交談不受其他食客干擾。侍應2位阿審服侍週到，後來打賞她們。當日其他食肆多數分頭、二圍時段，這家酒樓沒有時段限制，人齊就叫起餸吃飯。金豬拼盤皮脆入味，花姿象拔蚌軟化彈牙，鳳尾蝦炸得甘脆香口配以新鮮沙律……清蒸石斑又滑又好味，伊麵、炒飯香噴噴……。以前食飯會剩餘，今次吃清。