尚宴 (Closed)

terrible place! do not eat here!Sat morning we hoped to have chinese dim sum. the other resturants are all full so we have no choice but to goto this ching dou on 6th floor of crocodile building in lam tam. First, we were so surprised there was a really strange white plastic ball coming out of the tea pot. ggen we asked to change.After having a few dim sum, i was going to put a piece of chicken into my mouth. a small leg on the meat caught my attention. looking carefully, it looks really look a

上到去人流少, 已經奇怪部長侍應常黑面, 態度差, 不禮貌回應, 貼錢買難受食物得個樣, 難吃! 後悔無睇負評就揀左呢間, 經一事, 長一智,洗手間又唔乾淨, 真的無下次!請相信這貼的負評, 很中肯的道出缺點!

禮拜日諗住去鱷魚恤百樂門飲茶點知排晒大隊勁對人咁就上一層去尚宴睇下無人排隊 又有幾多吉檯下 就坐低左跟住見到隔離檯唔知咩蒸瓜個樣好老 已勁系暗黃咁色就知有伏之後叫左五個點心 等好耐先黎個蝦餃蒸到過龍 開晒口燒賣味道可以 但系d皮甩晒咖喱土魷得個色係咖喱 一d咖喱未都無蘿蔔糕可以一舊有味 一舊無味個紅油抄手仲勁 硬到舊石咁 仲要無紅油之後揾左個經理問 佢就串咁話:咁取消佢囉真系唔怪得知下面幾間咁多人排但系尚宴就咁多吉檯下次請我都唔會再去

雖然佢哋啲嘢食係幾好味（唔包括菜苗餃） ，但係服務態度真係好差，（價錢仲要好鬼貴）。叫佢攞啲野就喺度講話“等一等，等一等”結果一等就十幾分鐘先至到，甚至係忘記左。 叫完野食，卡都未開，但係野食到嘅時候，就喺度立刻鬧番我哋轉頭“點解你哋冇卡”態度特別差， 想叫佢攞啲嘢嚟，就同我哋 好嬲咁樣講“咪叫你等等先囉!” 然後佢仲要「骨」住我哋。我心諗:我哋只不過係呢食野點姐，點解要受D咁樣嘅對待， 我唔認為而家係你哋開餐廳就大曬囉

同兩位好朋友聚會晚飯, 來吃團購餐!  開左支Silver Sparkling Wine! 甜甜地, 有梨香味道! 成件事好夾!係你面前蒸, 都幾好玩! 睇得及食得!  每人有半隻龍蝦 巧新鮮! 鮑魚都好甜, 龍躉件夠滑, 新鮮! 手打鮮蝦丸 巧味道!   黃金鴛鴦泡飯, 好得意! 可值得一試! 

午餐打算食好d，但質素差很多。旁邊正常叫的腸粉明顯皮薄很多。個奶皇包那嚨。D菜油到油浸既非常差一定無下次，如果買左可以退錢就退錢啦！d腸粉有問題，個經理仲話做法一樣，咁講大話都有。

今曰黎到觀工作,午餐老闆話要食點心飲茶,我就根住老闆黎到,地方幾大幾舒服,單看樓底起碼有20呎高,今日由老闆發板點菜!叉燒腸粉,腸粉皮又薄又滑，叉燒也很足料，滿滿的,正..灌湯餃外皮溥入面重有好多汁,唔似出面個d乾蒸蒸應該係即做所以有肉汁,1咬落去d汁飛晒出黎,豬肉味重,正,蟹籽燒賣,外型賣相好睇,大大隻,蓋住燒賣表面的蝦有"大隻"兩個字,味道蝦味特出,豬肉味濃,百花紫菜卷外皮鬆脆,肉爽口,吃都紫菜的美味!

老父與老媽子得閒返港，於是相約到觀塘共進午餐。而此區十分繁榮，人口在十年內增長數培，食店在中午時間都要輪候。所以老父提早到達鱷魚恤大厦9/F的尚宴，坐定定在大堂中央等子孫們丶一齊飲茶，共渡天倫之樂。相信是不同年齡層有不同的快樂。有年靑的朋友情願等位也不願意早起床或早出席。此店是攪婚宴的好地方，由其是她的大銀幕，將美麗笑容，歡樂過程等傳到在座客人心内。在老媽子仍未到達前，我要選擇恰當點心，以表心思。五香鹵牛展的味帶咸，要點少少同上的鹵水汁後品嚐，才生出香味。再點了四款蒸製點，不過並不精囉！餡料乾，豬肉丶蝦肉粒粒碎，有蝦而不起膠。帶着我不愛的酸味。鵪鶉蛋燒賣的蛋白乾得似膠片，小心條脷受傷。蒸蘿蔔糕重口味，記住不可加豉油，可能與煎的蘿蔔糕用同一製造方法，廚師是否從成本出法呢?可取的算是懷舊魚翅餃，外與內都清楚見到多條翅，不盤算下也給它合格吧！北菇錦花雞是老媽子和小親親的致愛，雞肉夠滑，蒸出鮮味添入魚肚片內，最快清碟，我未能得嚐，相信是四款點心中最正常的。叫噃個雙拼菜式，應可令各人飽肚。因為雙拼有十粒點心丶鹵水食品及炒米粉。但唔好問我詳情。搵嗰樓面姊姊問吓啦。而姊姊好醒目，也不用我多講，就回答

尚宴是京都飲食集團旗下的婚宴品牌，位在一幢開設多間主要辨婚宴的酒樓的建築物內，酒樓主色調為紫色銀色和白色，而一邊是落地玻璃，境觀開揚，環境舒適優雅。鴻運乳豬盛盤有叉燒、燒鵝、滷水豬腳仔、鼓油雞和脆皮燒乳豬，水準都不俗，特別是乳豬，仍保持化皮的脆皮。XO彩鳳蚌片裏的珊瑚蚌十分爽甜，但雞柳則雞皮稍多，炒蜜糖豆和甜椒鮮甜爽脆，喜歡它拌碟的律菜亦十分新鮮，可供食用。天婦羅沙律鳳尾蝦，擺盤精緻，炸蝦外皮是炸芋角外皮的酥脆口感，個人認為比日式天婦羅的炸漿還要好吃，蝦肉鮮甜彈牙，沒有梳打味，沙律主要是罐頭雜果，不特別，但平衡吃完炸蝦的味蕾。竹笙雞蓉燴燕窩的燕窩上桌時以另一碟子盛載，侍應先在客人面前將燕窩加入湯羹中拌勻再分給客人，好讓客人親眼目睹那黔貴的湯羹原來用上了一飯碗分量的燕窩。金瑤扒雙蔬有金菇、瑤柱、西蘭花和小棠菜，忘了拍照，但是不錯，金菇、瑤柱絲與𧐢油的味道很搭，吃了多道肉類和煎炸小菜，此時來一個清淡的菇和菜十分合適。蠔皇金錢海鮑片，鮑片味濃香彈牙，菇肉厚且滑。清蒸大海斑，清蒸魚重點是海鮮要新鮮和火喉，其次是豉油和配料，通通合格。一品脆皮燒雞的表皮略咸但香脆，仍保持肉汁和有雞味。瑤柱蛋白海皇

BLACKLIST, BLACKLIST & Blacklist!!今晚係Family Gathering, 本來想開開心心食一餐, 最後全部人食到成肚氣 😤😤😤我們order左個12人套餐，入座時Captain服務態度OK, 但Waitress阿姐服務態度真差 😡 只想要多壺熱水，Waitress阿姐竟然話 "早D講啦，分兩次" 😠😠頭段上菜速度還可以，食物味道OK!! 之後再加個干燒伊麵, 跟著上菜速度龜速🐢🐢🐢上個炒飯加干燒伊麵足足等左40mins, 同左6個人講, 其中同一個Captain講左3次 (我估計2個Managers, 2 Captains, 1個Waitress阿姐). 每次都話幫我跟單，跟完又無Follow Up 👎👎終於忍唔住出左去Cashier再講 😬 其實全間酒樓半FULL, 唔知點解上菜咁慢？？🐌🐌🐌🐌🐌最後死吹難吹後，炒飯 & 干烧伊麵上菜，味道Poor... 炒飯無色，又話有樱花xx, 完全無！！跟住到甜品，又要吹幾次先上 😡😬😠😤😱🙅👎全晚都係飲凍左的茶，水 😢😢 無人refill我地係唔係去左黑店？💀💀💀💀

尚宴內裡光猛四正，是晚人客不多，用餐環境寧靜舒適。食物方面，先選皇牌三寶($208)，內含清蒸珍珠仔、蒜蓉粉絲蒸扇貝(四隻)及當紅脆皮雞(半隻)。清蒸珍珠仔不算大條，但肉質滑溜好吃。蒜蓉粉絲蒸扇貝用上細隻扇貝，調味鮮度合預期，比數日前在另一酒家吃的好。當紅脆皮雞皮脆肉嫩，不肥膩，富雞香，不俗。牛油煎焗鮑魚同樣用上細鮑魚仔，鮑魚仔肉質彈牙不韌，已有交待，牛油香味能吃得出，但不算強。秘製果醋骨醬汁酸香醒胃，加上洋葱味道更搶口。排骨選用帶軟骨部份，腍身得來又有爽實口感，可以一試。甜品吃了芒果凍布甸及蛋散。芒果凍布甸分成三小件，一口一件，進食方便。布甸芒果味不重，質感稍實。蛋散香脆度不足，相信上碟前已放了一段時間。

這一天的工作，由觀塘開始，而且一點鐘才需要去機場報到，那我就閒來飲茶。是日太太就建議我上去鱷魚恤中心找一家酒樓坐底。她隨後過來。鱷魚恤中心九樓是一間叫做尚宴的酒樓，本來的我是準備去百樂門的，但免得排隊就當然不排啦，上一層的這一家尚宴，就完全不用排隊，仲有一個落地玻璃的窗口位坐，而且這一個酒樓場地，是專門為了婚宴而設計，所以環境上同座位的舒適程度，也比較上等。茹素的太太有她的素腸粉同奶皇包。今時今日，大多酒樓都做流沙奶皇包的，要碰上一家不賣流沙包的酒樓，的確是少之又少。這一個奶皇包，當然也是流沙餡的包，夠香夠甜，只是流沙餡的黃沙不夠美滿，咸蛋的味道不夠重，夠甜但不夠沙。 太太的素腸不評，只評核我的叉燒腸，幸好是腸粉皮不算厚，不過又不是又薄又煙韌的一隻，豉油是普通的，叉燒幸見有肉粒，而且是腍的，一切都不錯，只是豉油的問題，影響了整碟腸粉。 蘿蔔酥，本來是為了太太而叫的一個點心，幸運地由我先行吃一個，因為這一個蘿蔔酥混了肉碎在餡。而且美中不足的事，就是個酥餅一夾就散，令我很不開心。

近年底, 要出席的囍宴是一浪接一浪, 是晚就來到這裡, 單計環境, 本應是不俗, 但未入席前是無乜冷氣, 之後就相當冰冷, 奇.脆皮炸子雞: 2分, 食物整體水準是相當差勁, 如這客脆皮炸子雞, 皮不但不脆, 更是淋淋的. 雞肉相當肥, 熱度不足, 只是溫溫吞吞.聽說這裡一圍酒席是不便宜的, 看來場地的費用是佔去了大多數的成本了.

本身去睇酒席擺酒，見肚餓 所以順便坐低食埋嘢食物-叫咗6款點心 (是次消費118兩個人)：1）香茜牛肉腸粉- 雖然啲腸粉卷得唔係好靚(有啲爆餡料)，但味道唔錯。個粉皮厚薄識中，香茜味冇蓋過啲牛肉。2) 咸水角- 成個拎上手係有啲林林地既感覺(外皮微脆)，個餡淡味咗少少3) 蝦餃- ok的，但個皮可以薄多一點點4) 叉燒包- 跟一般既差唔多，個包皮實咗丁點5) 雞扎- 一般，不過啲冬姑好似有啲怪味....6) 菊花蝦枝卷- ok的，不過好似唔係好底食, 因為得一半春卷皮有包到餡 令一半用了作菊花形修飾用總結: ok啦, 唔會特別話會想番去食某一點心

相比同大廈其他的酒樓，這兒沒有那麼多人，不用等位，所以父母最近也愛上來這兒。這個星期五我們原打算來飲下午茶，來到才發現，新年期間，不設特價時段。 今天由姐姐做東，我們四個人吃了很多點心，所有點心味道都不錯。來了多次，我很喜愛這兒的流心奶黃包，吃時小心會被燙傷呢。 雖然很多評論都說這兒的服務很差，或許我幸運，來了多次，暫時還覺得這兒服務不錯呢。 月初試過這兒的早茶，真的很便宜，不過，酒樓新春期間有不同收費，不知新春過後會否加價呢!