荳子 (新都會廣場)

Open Now

Now Closed

條龍好長，但好好彩有兩人位available 而前面全部唔係兩人，唔使點等就有位坐。不過係tatami 位面壁咁（有堆草做background)D waitress 好殷勤，好勤湛水綠茶流心蛋糕 $68呢個幾好味，唔漏。紅豆🫘唔爛但香紅豆🫘綠茶latte $48食完上面嗰個呢杯飲唔落了，太濟。但好味既香茸梳乎厘 $58呢個咩伴碟都無，味道不過不我only, 唔recommend蘋果肉桂茶 $40上面堆甜品配呢個茶啱d。清一清。

好耐之前已經幫襯開荃灣嘅beans今次開係葵芳，試咗佢早餐同午餐 早餐亦需要加一收費，一餐可能arround$70魚柳唔算炸得好出色 ，如果無個醬可能未必食得曬，下次可以試其他野不過杯野飲比我想像中好，特濃朱古力叫左少甜，飲到朱古力味的確係濃嘅，但正常甜度可能會好飲過少甜。午餐叫左蟹肉意粉+凍蜂蜜檸檬蟹肉意粉比係荃灣食嗰時差左唔少，唔知點解覺得食落陣味臭臭地，但我個fd又覺得ok。加左$28 加左個燉蛋，味道ok個檸蜜可能因為冇吖少甜，所以都幾重蜂蜜味，正。整體嚟講，環境真係好舒服，職員都好好，感覺有train過員工，員工都會係附近，同都算細心，但食物方面就野飲好過主食。

睇住由Beans係荃灣開店，成日都排隊，到宜家開左好幾間分店都未食過。今次葵芳新開張，排左半個鐘入到。😋青口蕃茄醬有啲切碎左既蒜粒，味道平衡得岩岩好，用黎點麵包一流！🍝溫泉蛋肉醬寬條麵肉醬有咬口，配埋蕃茄汁酸酸甜甜，好有食慾😋😋😋🍕開心果蜂蜜pizza好耐之前係韓國食過蜂蜜pizza，好特別好味🤤呢度都係，芝士咸香，加上蜂蜜，一咸一甜意外地夾🐷豬手（碎上）可以簡碎上定原隻上自己切。皮好脆肉好腍，唔算好香口，不過以cafe黎講係幾犀利😆主菜可以用優惠價+$28 要黑松露薯條🍟/ 羽衣甘藍沙律/ 蛋糕，份量全部都唔少，如果兩個人，可以叫個主菜+2份小食+2杯野飲就夠🥰

行開葵芳見到原來beans搬左黎呢到一段時間，條隊一如既往咁多人🚶🏻‍♀️🚶🚶🏻‍♂️6點10去到都排左個幾鐘頭先入到去！味道唔會差太遠，都係正正常常。😀😀但坐位比起之前分店更闊落更鬆動，坐上黎更舒服，唔使同隔離坐得咁逼！可以坐係到慢慢飲下咖啡嘆下☕️職員又nice👍🏻👍🏻蟹肉雖然唔算多但蟹香味好足夠👍🏻又係小食拼盤🤤要埋少少肉醬係薯條上面更惹味！好鍾意薯條上面有肉醬。

同同事一齊食新開左幾個月嘅beans，雖然呢間店有好幾間分店，但其實我從來都未食過。啲人話呢度出名意粉，於是就叫左我最鍾意嘅黑松露軟殼蟹意粉。另外再嗌咗個黑松露醬薯條。不過個軟殼蟹係勁細隻，炸得又唔好食，啲炸粉吾得。跟住個黑松露意粉又勁淡，完全吾知自己食緊乜，加左鹽同黑椒先好啲，食完都吾太滿足。個薯條正常，黑松露醬正常。不過個咖啡都係偏苦，吾係幾好飲。應該吾會再試，除非去第二間分店啦，都可以比多次機會。

終於等到葵芳開分店啦🥰好大間空間感超大，坐得好舒服👍🏼下午茶飲咖啡又多咗個好地方啦🥰很可愛的小心形拉花😆❤️每次嚟都一定會食佢個All day Breakfast 😋😋😋今次仲叫咗個漢堡同埋意粉，勁大份👍🏼👍🏼👍🏼

♨️Beans 荳子葵芳興芳路223號新都會廣場1樓135號舖@beans_cafe_hk ♥️葵芳新開荳子店，店舖好綠油油樓底又高好舒服，先係門口用佢哋提供嘅酒精消毒雙手好貼心，服務員態度唔錯，用餐時間90分鐘但過咗都冇特別催👍🏻經過黑暗既一星期我好需要食甜放鬆下，食物及飲品水準依然保持到👍🏻🔷Lemon 檸檬柚子芝士蛋糕外型已經好鬼吸引，有柚子同檸檬嘅清新香味，芝士好滑，有層次嘅蛋糕👍🏻🔷Oreo 吐司以往已經隻過幾次，絕對係邪惡嘅軸心😈，實在係吸引同好食，但成個磚已經縮細咗冇以前咁大件lu 🔷焦糖單骨雞翼好香脆，好Juicy, 加上蜜糖恰到好處，而且一碟有8隻性價比好高🔷Rainbow latte🔷Latte 咖啡夠熱夠香濃，特別點一杯彩虹咖啡為咗打下卡🤣食物：8.5/10抵食：8/10環境：8/10。。。#hkcafe #美食日記 #美食推薦 #香港美食 #香港美食指南 #coffeeshop #coffeeaddict #coffeetime #coffeeart #hkigfood #hkfoodie #foodie #hkfood #foodhk #foodiehk #foo

荳子已經食過好多次🤣 由中學食到依家 最鍾意佢地嘅黑松露軟殼蟹意粉🍝 時不時都會想返去食 今次佢地開到來葵芳 木系裝修🪵 望落好舒服 空間感都算大 超適合同朋友或者情侶過來一邊食飯一邊傾計 不過每次經過都要排隊 哩次都唔例外 6:30左右到 等左10分鐘左右 餐廳有90分鐘時限⚠️✿ 卡邦尼黑松露煙肉意大利粉 ✿ [$106]雖然睇落去好似好少 但係整散咗之後原來好多 好Creamy 而且有淡淡的黑松露味 食唔停🤤 而且煙肉同蘑菇份量都好多 每啖意粉都可以食到 排隊係值得嘅🥳 嘢飲有得揀蜂蜜🍯檸檬🍋 黑糖薑母茶 同咖啡☕️ 揀左蜂蜜檸檬 清新🍃✿ 油封鴨腿肉意大利飯 ✿ [$128]今次來終於唔係食軟殼蟹意大利粉🤣 想試下其他嘢 平時去其他餐廳都好少見有油封鴨腿 蘑菇同鴨腿肉好多 啖啖都可以食到肉 鴨腿肉肉質比較有咬口 幾特別 有surprise 面頭仲有塊脆芝士🧀 整碎加埋啲飯一齊食 好正😝 嘢飲揀左黑糖薑母茶 啱曬想養生嘅人 唔會好甜👍🏻✿ 黑松露醬薯條 ✿ [+$28]薯條外脆內軟 份量都好多 黑松露醬好濃郁 超正👍🏻✿ 卷.山政小山園 ✿ [+$28]卷蛋好鬆軟 抹茶cream嘅濃

一直好期待呢間餐廳亦無系OpenRice寫過評價今日真系忍吾住同朋友一齊一人叫左一塊白松露醬烤肉眼扒個味道就好似 一段唔健康嘅愛情一樣冇內涵冇味 少少肉味都無但吾知點解好甜吃到我一頭霧水卡邦尼意粉好食 可以淨係嚟食卡邦尼意粉第一次寫食評因為真係比塊牛打開左新世界

今日同朋友食生日飯，成日係OP見好多人都話Beans的甜品好精緻及食物質素都唔錯，決定下。環境寬敞舒適，座位都算大，整體都好岩三五知己聚餐。我地揀左燒豬仔骨（半份），薯條配羽衣甘藍藜麥新鮮沙律，豬仔骨都幾入味，我本身就幾鍾意BBQ 汁，個味調得好好，都幾好食的，肉質嫩滑，唔會柴身。沙律亦好足料，好多羽衣甘藍，但沙律汁就唔多，覺得唔太夠味。另外，我地仲叫多左個凱撒沙律煙三文魚，餐整得都有啲驚喜，沙律菜好新鮮， 口感夠脆加曬芝士粉落去成個沙律都好有味，有三塊麵包。黑松露醬配薯條又係必食之選～薯條炸得剛剛好，軟硬適中，熱辣辣！甜品以叫左兩款，一款係桔仔造型的，非常可愛，三粒小桔仔，食落相當有驚喜，橙色外層炸得脆卜卜，口感煙韌軟糯，mochi入面係好濃的奶黃餡料。另一款檸檬造型好逼真，真係唔忍心食，味道亦好唔錯，唔會太甜，岩岩好，值得一試。飲品：阿法奇朵咖啡，好得意，咖啡另上，仲有白煙冒出，好有意境，但咖啡量就唔多，勝在玩味性質及打卡一流。GG白桃莓莓，味道好唔錯，幾開胃及清新。整體質素高，打卡亦唔錯，可以再來。

Beans係葵芳開咗新分店，見到都有唔少人排隊，星期六嘅時間排左20分鐘先入到，環境就好大，裝修好有親親大自然嘅感覺🤣❣️豪華英式全日早餐 $132呢個都無咩特別，成碟最推介都係Beans窩夫，鬆鬆軟軟，其他材料就真係一般，食落仲有陣油膩感，相比其他分店就真係遜色好多🥸❣️波士頓龍蝦意大利飯 $168呢個有啲失望，所謂嘅波士頓龍蝦係只有一隻蟹鉗同幾粒嘅蟹肉，其他都用蝦粒代替，意大利飯嘅蕃茄味唔太突出，所以食落會有海鮮嘅腥味😅，上面個塊以為係蛋皮，食落原來係煎過嘅芝士，鹹鹹香香幾惹味🤓❣️加配 黑松露醬薯條 $28呢個十分推介，薯條新鮮炸起，黑松露醬份量都多，美中不足嘅係只有淡淡嘅黑松露味🥸❣️免費餐飲 檸檬蜂蜜叫左一杯凍一杯熱，凍嘅較出色，蜜糖唔太甜，配埋檸檬酸酸甜甜幾好飲😁👅好味度：7.5（10分滿分）其實唔知係咪因為新開嘅原因，感覺比九龍灣分店遜色，定價都算進取，但質素就未保持到，希望遲下可以有改善啦🤪🏦是次消費總額 $360（人均消費 $180） 🍴須加一服務費

以前成日食荃灣個間 汁左之後都冇再去過其他分店食 今次佢係葵芳開 好近好方便 點都要去試 聽講長期都要排隊 但我地好早去食 早上11點已經到左餐廳門口 我地到之前已經有人排梗隊 11點可以準時入座 帶位店員好有禮貌 入座後自己用QR Code落單 好方便 餐牌選擇有好多 有全日早餐 意大利飯 意大利粉 漢堡包 Pizza 小食 甜品 飲品 好多好多選擇 落單後好快會有店員過黎覆單同埋俾返張單我地 一路等食物到 一路有好多客入黎 好快就坐滿左我地叫左一份全日早餐 焦糖香蕉熱烘窩夫全日早餐 可以揀比高包或者窩夫 多數都會揀窩夫 佢地既窩夫比較特別 係出面好少會食到呢種窩夫 全日早餐有炒蛋 煙肉 焦糖香蕉同埋兩個窩夫 跟埋糖漿同埋忌廉 一份簡簡單單嘅全日早餐已經好好味 另外仲叫左手撕豬仔骨漢堡 焦糖洋蔥 太陽蛋配鮮忌廉薯蓉 一上到枱個漢堡好大個 個份量幾大 手撕豬仔骨份量都好多 啖啖都咬到好多肉 啲肉食落甜甜地 幾好味 鮮忌廉薯蓉打到好香好滑 小食叫左個焦糖單骨雞翼 一份四隻有八件 呢個係荃灣第一次食已經好中意食 每一次都係必叫 雞翼整得好香口 好多焦糖 甜甜地 好好味 飲品跟餐叫左杯泡沫鮮

大年初二黎到新都會，又襯Beans二點先開，就黎左食頭一輪，唔洗點等嘛對上一次食Beans已經係荃灣店嘅時候，對Beans嘅印象都係食物唔錯，希望今次葵芳新店無令人失望啦首先係豪華英式早餐，坦白講我覺得價錢都幾貴（$138+$28加配黑松露薯條），而且佢嘅食材又無乜話特別矜貴，質素就正正常常啦，佢個窩夫查cream再加煙三文魚都幾好好食之於薯條就正正常常啦第二樣野食蟹肉牛油果他他呢個我反而幾推介，蟹肉幾鮮甜，加埋牛油果同沙律菜，配搭烘熱左嘅包一齊食，幾清新，好食野飲方面我就叫左凍榛子拿鐵，偏甜同埋估唔到有cream係上面，咖啡味都幾香，建議大方如果想叫可以叫少甜最後，值得一提嘅係，有位員工都好詳盡咁解釋點解個蟹肉他他遲左上黎，其他員工上菜時都有講新年快樂，優質服務態度值得一讚

呢杯signature 特濃朱古力真係不得了唔甜 似食緊甜品😋手撕豬仔骨漢堡焦糖洋蔥 太陽蛋 沙律 忌廉薯蓉甜甜地手撕豬肉加漢堡唔食牛嘅朋友就啱食啦白汁忌廉原隻扇貝闊條麵呢個餐廳新出嘅味道尚可 扇貝BB比較細粒每張枱分隔比較遠 私隱度高 我坐嘅位置仲有田園feel門口仲有香芬消毒酒精搓手味道都唔錯可以試吓

蟹膏甲羅燒黃金蟹肉意大利粉上枱時 全隻甲羅燒上 蟹肉又夠 🤩滿滿嘅蟹膏可以撈落意大利粉度 食到停唔到口食到最後都仲有少少蟹膏同蟹肉剩低所以食到後面有少少膩巴馬火腿火箭菜薄餅算係厚底pizza上枱嘅時候滿滿嘅火箭菜喺個Pizza上邊如果係薄身Pizza嘅話就會更加好黑松露醬薯條個黑松露醬夠晒味叫咗個Pizza加$28就可以要埋個黑松露薯條環境方面餐廳都算大 但係坐嘅位置同張枱就比較狹窄擺放餐碟嘅位置都有啲逼夾要食完一碟就即刻收走