荳子 (馬鞍山廣場) (Closed)

Beans 呀！美食沙漠開左Beans，見唔係咁多人入去試下。環境好悠閒，係以水為主題嘅裝潢，感覺舒適。服務一如其他分店咁好，無論安排座位定落單，職員都好細心。座位同座位間都幾闊，勉強都有d私人空間感。黃金蟹肉意粉 - 賣相勁吸引，成隻蟹禽左上碟，意粉戴左頂帽咁，好精緻。好多蟹肉，有d咸蛋黃味，意粉條條都有蟹肉同汁痴住，食完好飽呀。咖啡好香，其實見到其他菜色都好吸引，不過一個人真係食唔到咁多，唯有下次啦！

下午茶最好搵間環境舒舒服服又可以傾下計既地方Beans 呢間cafe 好多地方都有分店今次去馬鞍山呢個美食沙漠試下beans————————————————————-黃金蟹肉意粉🦀上菜都幾慢 食物唔熱 ————————————————————-芝士肉醬薯條(跟餐加$25)又係唔熱 同埋食唔到有芝士 不過以呢個價錢分量算多————————————————————-最期待既3D Latte 叫咗chocolate cookies latte味道不過不失 但賣相10分超可愛既小熊 係幾吸晴

勞勞下碌碌了一整天，下班後的晚餐變成了慰勞身心的泉源，為左報答自己既辛勞付出，我決定食好喲。於是去o係屋企附近去左【BEANS】度搵食，我哋叫左「卡尼黑松露意粉」、「黃金蟹肉意粉」，跟餐：「黑糖熱薑茶」、「凍檸蜜」。「卡尼黑松露意粉」：賣相一流，芝士味香濃，意粉既份量如果可以多一點會更好，另外就是食物的溫度不太夠熱。「黃金蟹肉意粉」：整個意粉一送上前來，已經被整個蟹蓋完全地吸引著，非常精美，有一點唔捨得食既感覺，不過都要食的，蟹肉既份量如果可以多一點會更完美呢，芝士忌廉味濃，小朋友食既話應該會特別鐘意呢。「黑糖熱薑茶」： 薑味突出，但不會太辣，好暖胃，女仔／老人家飲特別對身體好。「凍檸蜜」：檸檬好新鮮，與蜜糖既甜味好夾，夏天飲零舍開胃。

中午愉閒食好野。Beans假期超多人排隊，見到人龍都唔想等。趁平日唔多人，一於整個午餐。忌廉番茄汁手切牛柳絲意大利粉 醬汁非常之濃味，酸甜適中，仲加上唔少車厘茄，非常適合茄汁怪如我。牛柳都算幾腍，配上意粉總有點中西合壁的感覺。 千島醬蟹捧蟹子帆立貝薄餅  Pizza大約六吋左右，原身餅底，面層舖滿海鮮料，賣相非常吸引。熱辣辣，芝士半融，帆立貝都幾新鮮，仲有蟹子、蟹柳等，味道不錯。 車打芝士薯條 加配嘅小食，份量少少，芝士醬就多，味道不錯。 平日有午餐價錢都唔貴，包飲品。可惜份量略少，非常精緻，味道總算不錯，惟有叫多幾款，或者再飯後甜品啦。

曾經吃過荃灣分店，當時感覺良好，但今次卻有點失望。母親節前夕，媽媽想試這間餐廳，所以於晚市光臨，店外很多人排隊，足見其知名度。我們點了黑松露軟殼蟹意大利粉及安格斯牛肉漢堡兩道菜。1）漢堡：媽媽不喜歡吃太生的牛肉，故事前已叮囑要7-8成熟，但上菜一刻，還是有似5成熟般，但可取的是職員樂意另上新的一份。至於味道方面，牛肉味是夠的，但配料令包面軟掉不少。2）意大利粉：只是普通的黑松露與意大利粉合併，醬汁很乾身，入口沒有順滑的感覺。整體而言，未有太大驚喜，可能餐廳太多人緣故，上菜速度頗慢，但都是可理解的。

假日時間一般都會大排長龍襯住平日唔太多人就黎食個lunch 主打第一款當然唔少得黑松露軟殼蟹意粉 每條意粉沾上濃濃既黑松露味道配搭香脆軟殼蟹 簡直絕配！係每次到荳子都會必點項目！推介！另一款就係pork ribs burger先唔講味道 份量特大 有超多薯條同沙律菜 而主角當然係burger啦！咬落個漢堡 肉汁四濺 非常juicy 本身跟餐有餐飲 有蜂蜜綠茶/黑糖薑母茶/咖啡我就點左款黑糖薑母茶 味道幾唔錯 讚讚👍🏻如果想點其他特色飲品 仲可以以優惠價品嚐添🥰🥰🥰

今日和太太往馬鞍山beans食晚餐,我們點了酥皮黑毛朱和湯種包,鮮蝦南瓜意粉、熱檸蜜和凍莫卡咖啡。酥皮黑毛朱和湯種包賣相吸引,湯種包溫度適中, 包食落軟綿, 酥皮黑毛朱酥皮熱辣辣食落香脆,黑毛朱用汁煮方法烹調,第一次食汁煮黑毛朱, 汁煮黑毛朱肉汁軟腍熱辣辣,入口即熔,黑毛朱肥瘦適中,食落惹味啖啖肉,配菜有黑蒜,薯仔、西芹和洋蔥,食落爽口醒胃,最後沙律食落新鮮,配上黑醋食落開胃, 整份酥皮黑毛朱和湯種包食落惹味, 份量十足；鮮蝦南瓜意粉鮮蝦食落彈牙,南瓜食落鮮甜軟腍, 意粉食落爽口美味；最後凍莫卡咖啡忌廉味香滑,咖啡味香濃。餐廳座位舒適, 食物美味有特色, 價錢合理, 我和太太食了一頓好味高質晚餐。

馬鞍山新開左beans cafe之後，成日都好多人排隊，雖然有其他分店，但都仲未食過，今次就係馬鞍山試下dinner啦。我地6點幾就入去，所以唔洗等位，坐左一陣已經見到排長龍lu。軟殼蟹意粉上網睇到好多人叫, 應該係好受歡迎,就叫左兩份添個蟹幾好食，幾脆，都唔算太細隻意粉唔錯幾濃味不過真係細份左少少，dinner應該唔夠，下午茶就得菠菜帆立貝意大利飯比想像中好，唔係一pat野，D飯硬左少少，帆立貝都有幾粒，比想像中多，都唔錯不過都係細份左少少

復活節放假可以去食下午茶，最開心!!!今日食咗心太軟同埋點左一杯玫瑰咖啡。原來可以有3D造型架，不過店員就話要等一陣，當咖啡送到嘅時候都覺得好可愛，唔捨得飲呀!下次放假都可以再嚟食甜品啦~

這間是區內罕有有格調餐廳，見到下午茶價錢便宜，決定一試。費倫天拿薄餅 $64厚批邊鬆軟，批內有溫泉蛋，配上香濃芝士，啖啖滋味，我鍾意燒黑椒牛肉水牛芝士帕尼尼·薯條$55包外脆內軟，醬汁微辣惹味，配上新鮮爽脆蕃茄生菜，減低油膩感，沙津新鮮，薯條香脆，份量較多。蜂蜜燒雞紫薯意大利飯 $74紫薯飯較濕潤，帶甜味，飯內有洋蔥粒，加重甜味，配上淡味燒雞，味道正常。芝士肉醬薯條$52薯條炸得香脆，肉醬濃，內有芝士，濃味又滋味+$25可加配自家製蛋糕，芒果味

之前一直都好想試下，但次次到晚飯時段，條龍就勁長，長到唔想等。🤦🏻‍♀️🤦🏻‍♀️🤦🏻‍♀️難得年三十晚放早，就即刻早早去排隊。果然早到有著數，一陣就入到去喇。😎😎😎———————————————————🧡千島醬蟹棒蟹子帆立貝薄餅（$92）呢個pizza有一層厚厚的芝士，仲有千島醬mix埋洋蔥，食落去好juicy，唔會乾。上面仲有蟹棒條和帆立貝👍🏻👍🏻👍🏻———————————————————🧡黑松露軟殻蟹🦀意大利粉（$98）呢個意粉真係枱枱都有點，黑松露味十分濃郁，仲有好多磨菇添架。而軟殻蟹又很酥脆，炸哂後都食到蟹肉架，唔淨係食到炸粉。———————————————————🧡蜜糖🍯單骨雞翼（$54）雖然係甜甜地會食完又好想再食嘅小食，但就冇乜特別，不過不失啦。呢碟配咗沙律菜，點下蜜糖，都幾fresh。———————————————————🧡燒雞紫薯飯 （$112）呢個真係不推介。我本身好鍾意食紫薯，又見係新推出，就一於試下。可惜令人失望🥴🥴🥴雖然紫薯飯裏面有紫薯和洋蔥，有濃郁的紫薯香味，但甜嘅飯感覺有D怪，而且同燒雞不夾。🥳🥳🥳每款主食都可以免費送飲品，包括蜂蜜檸檬🍋/薑母茶/咖啡☕️

Beans 呢個黑蒜蜆肉帆立貝意粉一啲都唔馬虎，意粉本身炒得好爽身，唔會好粉又唔會好油，啲黑蒜好夠味，蜆同帆立貝都唔會話俾兩粒你就算，係份量偏少，唔係好夠喉。除左意粉仲加左碟焦糖單骨雞翼，賣相好吸引，味道就是滿滿的蜜糖味，單骨上除左顯得大碟啲（可能係店舖目的），我仲都覺得其實都幾方便，好易「lun」骨。叫主菜 其實有野飲送，但係我想飲佢送既以外既飲品，就要正價減八蚊，不過唔緊要啦試下嘛，叫左個玫瑰伯爵茶，賣相係好靚，但味道就正正常常啦，係玫瑰味淡啲，唔值得另外花錢叫。

晚上八時半入席，唔洗等位。三個人叫咗四個餐：risotto, pizza,長通粉同埋半隻燒春雞。三個人嚟講，每人一個餐就一定唔夠飽架啦！所以叫四個就啱啱好！Risotto嘅黑松露味好強，但仍然容易入口；pizza係薄批，喜歡芝士嘅朋友一定好喜歡，因為cheese嘅比例好高，焗完之後融咗係啲麵包入邊，好滋味最令我意外應該係燒春雞，因為係皮脆內滑我叫咗杯green tea latte，喜歡抹茶嘅朋友一定會特別開心，因為抹茶味好重，但我自己就鐘意奶味比較重嘅green tea latte整體而言，食物質素比預期中出色！值得一試！

今日和太太馬鞍山Beans食晚餐, 我們點了德國燒朱手, 煙肉薯仔、酸椰菜和黑醋燒汁, 手撕朱仔骨漢堡, 焦糖洋蔥、太陽蛋和薯條、凍咖啡和焦糖焗蛋。德國燒朱手, 煙肉薯仔、酸椰菜和黑醋燒汁賣相吸引, 燒朱手可以叫侍應事前切開, 燒朱手食落香脆脆卜卜, 食質食落惹味有油花, 肥而不膩, 配上黑酣燒汁食落醒胃, 煙肉鹹度適中, 薯仔食落香脆, 酸椰菜食落開胃, 整份德國燒朱手, 煙肉薯仔、酸椰菜和黑醋燒汁份量十足, 口感豐富；手撕朱仔骨漢堡, 焦糖洋蔥、太陽蛋和薯條份量十足, 手撕朱仔骨漢堡朱仔骨食落惹味, 口感爽口美味, 漢堡入口軟綿, 太陽蛋蛋味香滑、洋蔥食落新鮮爽口, 配上焦糖口感有層次, 薯條炸得金黃, 食落香脆,整個手撕朱仔骨漢堡, 焦糖洋蔥、太陽蛋和薯條口感豐富, 味道十足；凍咖啡味道香濃, 最後焦糖焗蛋焦糖甜度適中, 焗蛋蛋味香滑,配上的朱古力心太軟味道香濃, 士多啤梨和紅桑子甜度適中, 整份焦糖焗蛋口感豐富, 食落美味。餐廳座位舒適, 食物賣相吸引美味, 而且晚餐免費奉送凍咖啡和$25優惠價加配焦糖焗蛋, 我和太太食了一頓高質美味晚餐。

Beans 冇得取票，要排隊等位，所以每次見到長龍就放棄了，今次只排3至4張枱，就一於在這裏食晚飯啦。等咗一陣，就入座啦。環境寬敞， 雖然在商場內，以開放式經營，但都唔算太嘈。柔和燈光，本來幾舒服，但由於燈光實在太柔和了，加上餐牌字體太細，所以睇得好辛苦😥最後我們点了小食洋蔥圈、三文魚沙律，主菜帆立貝pizza 、雞扒紫薯risotto 、羊膝，跟餐加了薑母茶和檸蜜。洋蔥圈炸得乾身脆口，咬落去 洋蔥帶有甜味，加埋茄汁更加鮮甜，另外有一執沙律菜伴碟。厨師將三文漁捲成一朵花，令擺碟望落比較精緻，可惜撒咗一些芝士粉喺面，反而令到花失真，除此之外，魚和菜也新鲜，只可以說正常。主菜 pizza， 帆立貝新鮮，配上蟹柳和魚子，整體带出清淡味道，餅底口感適中，如果再多些芝士就更好啦。Risotto是用紫薯烹調 ，望落幾健康，至於雞扒，皮煎得幾香，肉質夠滑，不過就吾夠juices 啦。最後是羊膝，配上幾片竹炭麵包，我會選擇麵包另上，因為咁樣擺碟令羊膝太失真啦，好似喧賓奪主咁。先講麵包，有些失望，比較乾，最後我哋都冇食曬啲麵包，但係羊膝就好淋，好入味👍整體不錯，每人平均$150，價錢都可接受，除咗三文魚