荳子 (馬鞍山廣場) (Closed)

好耐之前同朋友一齊來吃過lunch, 上次來味道同服務也不錯。 今次自己一個經過見到有位，就來個me time 。 今天來到2:30原來已有下午茶，不過都係lunch set食物吸引一些。 叫咗份Hawaii chicken salad panini ，跟薯條及飲品一杯。坐位空間感夠，坐得舒服Ginger tea with brown sugar ，個杯set 顔色pinky 款式特別。比想像中大份，薯條份量算多。可惜麵包面已烘濃，一食落口感覺苦。 其實濃得咁明顯也俾客，真的有點不可思議。其實內裏餡料十分豐富味道也ok ，在不想浪費之下只好把麵包表層撕走。

點了個all day breakfast, 原來個窩夫係圓形。食落都好鬆軟同蛋味濃厚, 有蜂蜜同cream可以點黎食。我自己就好鐘意食蜜糖, 所以用黎點炒蛋都正。煙肉又唔會太硬太火農, 亦都冇話太咸太油。腸仔就有少少太軟身, 比較難切, 但味道都可以。另外點了芝士薯條, 唔係粗個隻薯條, 但係都夠脆同真係有薯仔味, 芝士汁份量都夠多, 味道就唔夠chssesy. 飲品方面叫左熱黑糖薑茶, 都好夠薑味。早上時段可以坐下傾下計都唔錯。

屋企人一直都好想試BEANS，決定今日早少少去食飯，避開人龍。我地接近6點鐘到達餐廳，竟然唔洗等位就有得入！自己唔太餓，叫左個Egg Royale，沙律醬汁酸酸地好開胃，egg benedict無咩特別，整體我比70分～呀妹叫左黑蒜蜆肉帆立貝白酒意大利粉，非常惹味，呀妹食到停唔到口！媽咪叫左黃金蟹肉意大利粉，呢個好特別，外邊比較少食到既一道意粉，但由於本人唔中意食鹹蛋，所以無試到，無得評分套餐附送餐飲，有檸檬蜜糖 / 黑糖薑母茶選擇！但用熱飲杯黎放凍飲未免太孤寒 呢度少少扣分，但整體都算可以既～

第一次黎食beans，叫餐時都還好，叫了一個沙律、意粉同薄餅，到埋單的時候問一問侍應才知道餐裏有兩杯飲品，但侍應完全沒有告訴我有兩杯飲品是免費的，我覺得客人點餐時應該告訴客人

今日下午剛有餘閒, 兩口子就在附近找間食物好味又好耐沒來的餐廳, 享受一個悠閒下午茶。原來已換了新餐牌, 以前的至愛「黑松露雜菌意大利飯」已不在餐牌, 至愛的甜品「朱古力蛋糕」也下了架, 下午茶餐牌的有個紫薯蜜糖味的意大利飯, 有點考慮是甜飯會不會味道不太夾? 亦不是個人心頭好, 但因太喜愛意大利飯, 還是試試, 我們點了「費倫天拿薄餅」、「蜂蜜紫薯燒雞意大利飯」、加點「自家製蟹肉薯餅」和招牌湯品「龍蝦湯」。「費倫天拿薄餅」~ dough (麵餅圑) 的質素仍保持一貫水準, 焗得鬆軟香脆和好味, 材料有菠菜、Mozzarella芝士、温泉蛋, 唯材料不多, 食落唔夠rich, 有點失望。「蜂蜜紫薯燒雞意大利飯」~ 燒雞份量很多, 味道也是好味的, 飯的顏色有紫薯的紫色頗有特色, 意大利飯有紫薯和蜂蜜的甜味, 並不太對個人口味, 對意大利飯控的我, 這款新口味的意大利飯算是失望, 還是喜歡傳統味道的意大利飯噢! 「自家製蟹肉薯餅」 ~ 保持水準, 麵包糖外層香脆不膩, 內層薯餅薯味濃郁而且香滑, 非常可口。「龍蝦湯」 ~ 味道濃郁, 龍蝦味芳香撲鼻, 加上香滑的忌廉, 超好味, 湯的稠度

已經唔係第一次食Beans，會回頭係因為食物有水準。係馬鞍山美食沙漠搵食，Beans可以話係沙漠中既一片綠洲(咁講好似有D誇張 XD)但係佢既食物質素同上年第一次食時都係好味既! 是晚同朋友兩個人食晚餐，Eggs Royale，即係煙三文魚egg benedict 。賣相吸引，鮮黃色荷蘭醬好creamy同香濃，上面加左少少黑魚子，煙三文魚正常。一切落去蛋黃好似岩漿咁流出黎，正呀!朋友叫左個期間限定紫薯烤雞意大利燴飯。都幾特別，每一粒飯都俾紫色既醬汁包住打卡一流，食落甜甜地同好香紫薯味，但又唔會好似食甜品果種甜。雞肉就不過不失，味道不錯!另外加錢叫左個肉醬薯條小食，正正常常，無特別。

呢間餐廳今次係我第二次幫襯，對上一次喺大埔食感覺麻麻地，今次俾多次機會佢，喺馬鞍山再食多次。Lunch 時間，我叫咗黑松露軟殼蟹意大利粉，而朋友就叫咗忌廉番茄汁手切牛柳絲意大利粉，飲品叫咗熱檸蜜同凍檸蜜，另加 $25 加配芝士肉醬薯條。凍檸蜜飲落清甜，不過蜜糖多啲味道會更好，同大杯少少就再好啲喇，熱檸蜜都一樣。黑松露軟殼蟹意大利粉 : 上枱已經聞到好香，但可惜麵條較韌，而軟殼蟹雖然係成隻炸完切件上，但本身屬細隻，炸完之後只食到炸醬，蟹肉完全食唔到，失望到極點。忌廉番茄汁手切牛柳絲意大利粉 : 試左幾淡，個醬汁做得不錯幾好味，再試埋牛柳絲，可惜牛柳絲好韌，大打折扣。同朋友食完自己個粉後，侍應應該落漏單，等咗好耐先上芝士肉醬薯條，可惜連咁基本既芝士肉醬薯條都做得咁失敗，成碟薯條完全無芝士味出現過，係咪廚師忘記左落，不過我無出聲，加上肉醬都係無味既，朋友要問個侍應攞茄汁點嚟食，陰公。呢間餐廳真係不會再幫襯，性價比實在太低了。

叫了意粉，等了廿分鐘先黎，味道好似用滾熟，加pat茄汁，只可醫肚，但價錢一啲唔平，成6x蚊。或者大家樂肉醬意粉好食過佢，食完叫左埋單，但都要等成15分鐘，啲員工人多，可惜只係企係度，示意兩三次，錢都無意收，最後要不斷揮手，先有人行過來，如果趕時間，唔好選擇呢間，出菜慢，埋單慢，擰杯水都要叫幾次。之後打算再比多一次機會，全店得三枱客，想要求坐卡位，店員話只可以坐前面逼埋一齊，擺明趕客，所以無下一次。

午餐時間嚟到馬鞍山廣場，難得Bean唔駛排隊，立即walk in。原來有Lunch set食，價錢大概$5x - $7x，跟一杯餐飲。初先都驚又忌廉又蕃茄汁會唔會好怪，點知又唔會喎，好濃烈嘅蕃茄汁味，意粉軟硬度適中，唔會太淋身。野飲就係熱檸檬蜂蜜茶

今天约了朋友去馬鞍山Beans嘆下午茶，雖然位於商場內 open space，但係唔覺得太嘈，環境幾好。下午茶選擇唔多，我叫咗流心抹茶吐司，都幾流心喎，味道剛好，同食心太軟差不多，只是換了麵包，配埋清新抹茶雪糕，不錯，加杯檸檬生薑茶，啱啱好。另一个是法式蘋果酥，超薄的蘋果酥，配黑糖薑蜜，加雪糕一齊食會冇咁甜，又唔太漏，否則就太甜啦，加杯 荔枝玫瑰花茶，花香清茶味，鐘意既話仲可以添茶，不錯。平均每位$65~食个tea，環境不錯，傾吓計，唯一不足是選擇不算多囉。

除夕晚不想到旺區跟人擠擠擁擁, 所以只簡單在家附近的餐廳食個晚飯。 今次挑了這間從未吃過的荳子。其實我一直想試, 因為它好像都薄有名氣。 是晚有十多人在餐廳外排隊, 我們加入排隊行列, 等了大半個小時終於有檯啦！看到鄰檯的意粉份量不是太多, 擔心不夠飽, 所以提議每人選一款意粉, 再加一客龍蝦包和一客薯條。 每個套餐均配一杯飲品。黃金蟹肉意粉他選的意粉。 意粉是偏硬的口感, 但我們都可接受。 醬汁多, 由忌廉汁加鹹蛋黃粒而成的醬汁味道其實ok, 但微硬的蛋黃顆粒數量有點多, 食起來跟creamy的忌廉汁在口感上有點衝突, 不太融和。 而且蛋黃醬汁味道跟意粉有點錯配, 兩者不夾! 配料方面, 蟹肉都比較少, 感覺有點dry。黑松露軟殼蟹意粉炸軟殼蟹過於香脆, 而且蟹件沒什麽肉, 跟平常吃到的酥軟口感完全不同, 又好油膩, 認真麻麻! 反而黑松露意粉帶來驚喜, 黑松露味頗香濃, 不過醬汁比較少, 不夠creamy。 整體而言, 味道是不錯的 (除了蟹件)。原隻波士頓龍蝦(Lobster Roll)龍蝦肉切粒加上沙律醬混合, 做成龍蝦沙律, 而拑則拆了殼, 吃起來很方便。 龍蝦肉爽口, 不過

中午叫了set lunch, 加薯條及咖啡！這個包不錯，好多肉！薯條要加$25！ 都幾香脆！再叫了個hot Latte,再加$！在馬鞍山見到這間鋪！幾開心😁！多個choice!

美食沙漠有間beans🤓個egg benedict同earl grey lava toast都比想像中好食，egg benedict好流心👍🏻佢隔離伴碟既沙律🥗都好食，麵包粒重好 crunchy 無隔夜油益味，鍾意佢個汁酸酸地好開胃。個toast攤到食晒egg benedict先食都重脆，外脆內軟，焗得好好，earl grey味唔係好濃，可以改良下！佢啲朱古力crumbles 好正食唔停口，又脆又香可可味。但野飲唔掂🤢個3D拉花好核突⋯重等左半個鐘⋯⋯⋯

之前都好想食荳子，但今次終於都可以食到。我點了荔枝紅茶，味道好香，薑茶我不太好，而水果茶就係好睇唔好飲，但好唔好飲就見仁見智啦！豬手好味，值得推薦比大家，皮脆肉嫩，好似食緊薯片咁意粉味道不錯薯條配土耳其醬味道都可以，不過我鍾意點茄汁多些海鮮pizza味道正甜品方面，我不太喜愛忌廉蛋糕，但桔仔甜品超好味，熱騰騰的外表，內里係奶黃/吉士醬，加上雪皅。一個人食就會太滯，二至三個人食就剛剛好

6點左右到，好彩未有人潮，立即有位，坐低後觀察到6：30就排左十幾人了。跟餐熱檸蜜杯具賞心悅目，味道好出，完全唔似一般茶記熱檸蜜。煙三文魚蜆肉忌廉意粉，煙三文魚脂肪分佈平均，入口即溶，咸度適中。蜆肉口感彈牙，冇腥味。意粉咬口剛剛好，忌廉汁奶油味香濃。菠菜帆立貝意大利飯，新鮮嘅菠菜香草清新可口，爽口蘑菇提升整體口感，香濃芝士融入半硬嘅意大利飯粒之間，令人一啖接一啖停唔到口。全碟焦點一定係飯上面嘅香煎帆立貝，6、7粒雖然細細粒，但粒粒都完整有埋群邊，外邊煎至金黃色，咬落去先享受到焦香，再感受到極鮮甜嘅貝肉，口感彈牙，食西餐竟然都食到咁正嘅海鮮，好驚艷！Dark Mystery蛋糕外形特別，好似由27粒小球組成咁，其實係greek yogurt蛋糕。食到中間會好似月餅咁，見到一粒血橙味嘅圓球，餅底係芝士蛋糕。焦糖香蕉窩夫。黎到時有啲驚奇窩夫竟然係冬甩形，食落感覺介乎雞蛋仔同平時嘅窩夫之間，有淡淡蛋香同蜂蜜味。兩樽醬汁就麻麻地，楓糖同白色疑似奶類醬汁味道不太討好，加落窩夫後感覺唔太夾。啡色餅乾碎冇乜味道。香蕉切開一半，塗上焦糖再烤至微焦，味道不錯，上面嘅杏仁同菠蘿粒不過不失，而爆爆珠就格格不入