BEATS

Open Now

Now Closed

位於繁華尖沙咀酒吧區的 Beats by Vsing 是一家集歌唱、表演、美食於一身的餐廳。引入了創新的 Sing-to-earn 概念，讓客人可以在舞台上展現歌唱風采，同時觀眾可以通過下載 VSING 手機 app 向獻唱的客人表示支持，送上心意滿滿的禮物！在這裡同時可以品嚐到精緻的佳餚。首先是即開生蠔，新鮮、軟滑、多汁，每一口都散發著濃郁的海洋氣息。意式生牛肉薄片則是帶來異國的風味，肉質細膩、口感滑嫩，令人陶醉。避風塘墨魚咀則將中國傳統美食與現代口味完美融合，香辣可口，一試難忘。香煎北海道帶子意大利飯彰顯了廚師的精湛技藝，每一粒帶子都煎得恰到好處，金黃酥脆的外表下是鮮嫩的口感，搭配濃郁的意大利飯，以及香濃的蕃茄香氣，帶來一場味蕾的盛宴。美國 U.S.D.A. 肉眼牛扒伴紅酒燒汁絕對是滿足肉食愛好者的絕佳選擇，肉質鮮美、口感豐滿，搭配上香醇的紅酒燒汁，香氣十足！在這裡還可以品嚐到不同特色 Cocktail/Mocktail，如清新可口的 Children Song、充滿熱情的 Midsummer Madness。無酒精飲品為我們帶來一份清涼的愉悅，也能感受到濃厚的唱歌氛圍。總之Bea

餐廳地點都幾就腳，就喺諾士佛台側邊入去。經過聽到歌聲吸引，所以我哋入咗去坐嘅位置都闊落。第一個頭盤我哋有生蠔，生蠔嘅size都幾大，而且夠新鮮仲有擺設，佢個碟中間放咗乾冰，所以上枱嘅時候有煙既效果，可以影相打卡。之後由佢哋自製嘅辣醬焗薯仔，薯仔夠脆身，都幾香。而且個份量都幾多，我覺得夠三至四人分享。個餐仲會有小食，係蟹餅。蟹餅揸得唔會太鬆脆幾有口感，如果飲酒食會幾夾。佢上面仲會有啲魚子添，見到魚子就會覺得幾抵食。之後main course有意大利飯，我個人比較鍾意食濃綢小小嘅汁，以佢呢個就會冇咁濃，但係味道層次啱啱好。如果鍾意食得冇咁鹹嘅人就會覺得呢個味道適合。另一個主菜係牛扒，佢會另外有醬汁擺喺側邊俾你自己點，牛扒我叫咗5成，食落有肉汁，有少少脆身，一路飲酒一路食，覺得味道非常好。呢間酒吧算喺香港，比較新式嘅酒吧，因為冇乜見到有配備有埋手機appVSING去俾你登記做會員，之後點歌上台挑戰，然後台上嘅螢幕會出現你嘅會員名同挑戰歌曲，台下嘅人仲可以用app入面嘅貨幣去為你製造唔同嘅舞台效果，仲有加油字句，送禮物都得。舞台設計都夠大，而且仲有燈光配合，所以氣氛一流，感覺會好似同一班朋友慶

週五收工happy hour 去尖沙咀近諾士佛台既尖沙咀打卡演唱會餐廳食晚飯，非常適合同一班朋友收工或假期作樂，餐廳除左有注場歌手現場表演之外，原來食客都有得一齊玩，食客除咗可以即席上台獻唱外，仲可以下載VSING APP 向其他食客發送禮物，的確好玩。除左好玩之外，食物質素都好有水準，有上至頭盤生蠔，小食炸棒棒雞，黑魚子蟹餅，肉眼牛扒同卡邦尼意粉，全部都係水準之上，有得食有得玩，性價比極高。真係好啱一班朋友落去聽吓歌，唱吓歌，食吓嘢咁。

今日難得收早就同朋友去試下一間新餐廳地理位置位於尖沙咀美麗華附近，地鐵站一出行5分鐘就到，一入到去場地好大而且好有氣氛，因為呢間餐廳係會有唱歌上台獻唱，佢會有駐場歌手輪流唱歌，台下嘅觀眾亦都可以用手機下載APP展示一下歌藝，而且呢度亦都可以派發禮物如果你覺得佢唱得好嘅話，我哋兩個人嗌左前菜有蟹餅，單骨水牛雞翼，半打蠔，另外主食方面嗌咗牛扒，先講個蟹餅煎得好香口而且蟹肉個比例非常足夠唔會過多加上其他配料咬落去味道十分提升，加上醬汁作為開胃菜簡直係冇得彈，而生蠔方面海水味十足，足足有手掌咁大隻，加埋檸檬汁先咪更加突出，而單骨雞翼炸得好香口唔會太過油膩有少少辣嘅感覺一路睇住歌手唱歌表演一路食呢種小食簡直係冇得彈，牛扒方面我哋嗌咗五成熟啱啱好煮到粉紅色，而且肉質都鎖起牛扒入邊唔會過熟，咬落去好彈牙，之後我哋再帶咗個卡邦尼意粉，呢個汁煮得啱啱好唔會太過油膩，因為自己好怕食好重忌廉味嘅，但係呢個就煮得啱啱好，每一條意粉都有忌廉同埋牛奶包住，飲品方便我哋嗌咗蘋果特飲，飲落去好新鮮而且有少少梳打水嘅味道中和一下唔會過甜，而且呢度越夜越多人好似去咗演唱會咁，而且呢度每一個人嘅唱歌水準都非常高作為聽眾嘅我

超級有氣氛, 有種去咗演唱會現場食飯飲酒嘅感覺😋食得出佢用龍蝦汁煮個Risotto, Risotto軟硬程度適中, 連埋高質素帶子, 成個飯食落去值回票價！！薯條係用粗薯, 配上松露粉, 即使係唔太食松露嘅朋友定係松露愛好者嘅我都好欣賞🍟啤酒係買咗佢依家嘅promotion, $300有30杯, 非常之抵飲, 可能係啱啱開先有呢啲咁蝕本嘅promotion🤣🤣嚟咗幾日, 佢每晚都有駐場歌手表演或者同客人一齊唱歌, 氣氛超級好！佢哋唱歌都好高水準, 仲有一個歌手特別似家謙, 唱歌都超好聽🥰🤤員工服務都好好, 態度一流, 個個都好nice好friendly😚😚不過有個缺點就係：唔係個個客人唱歌都好聽😂有時有啲唱得唔太好聽就要忍成首歌🤣🤣要睇吓好唔好彩喇！

這一間無疑是我最喜愛的餐廳，菜單中的所有菜式都十分優秀、令人感到驚嘆。我會為你們推薦它的明太子卡邦尼意大利麵，自家製勁辣棒棒雞，避風塘墨魚嘴等等，真的出色會一直支持！

呢個蝦意粉真心好好食，駐唱歌手都好有質素，環境又好好，我已經黎左兩晚，夜晚氣氛又好好，VSING個app又唔難用，親民貼地，大家一齊飲酒唱歌真心好開心，之後都會推薦朋友落黎一齊玩。

員工服務態度100分，環境新裝修好闊落好乾淨，食飯時間仲有駐場歌手唱歌，個氣氛好舒服。嘢食份量又唔係特別細份，岩岩好， 聽個Staff講，個risotto仲要係用到刺身級嘅帶子，整體來講， bar and restaurant 黎講有驚喜。