Beauty and Juice (Closed)

最近天氣熱辣辣, lunch time 特別想食沙律, 偶然發現了這家 Beauty and Juice真的是相逢恨晚！$48的沙律可以從6款配料中選4款, 另配藜麥紅米飯, 完全不用擔心吃沙律會不夠飽。配料選擇有西蘭花椰菜花、紅菜頭蘋果、冬菇草菇、麻醬番茄、南瓜、紫薯, 食材新鮮, 調料適中（不怕淡茂茂）, 份量也絕不吝嗇！相比同場另一家主打素食的餐廳, Beauty and Juice 的沙律實在贏太多了！不單抵食而且好食加$30還可以配健康果汁, 下次可以試一試！

行到攰入左東廣場想坐低飲杯嘢，見到有果汁就好開心咁買左一枝當時已經賣左好多，得翻4枝，我揀左B10好味丫，新鮮健康感覺，冇糖冇加水青瓜味好出，跟住係甘筍味同甘筍溶，然後有少量蘋果嘅甜，橙味唔係好覺冇咩橙酸味我本身好鐘意飲一隻日本甘筍雜果汁，現成嘅，個味比佢甜一d同冇咁真實收到飲品嗰陣，驚覺原來係玻璃樽，好開心，好靚，翻到屋企洗乾淨想繼續用呢我慢慢飲，睇翻個介紹原來B10 係對皮膚好架希望多d人都會欣賞li d 天然健康嘅嘢，對自己身體好d

之前買過兩次1day programs, 都係自己衰, 兩次都因為工作太忙, 冇依時飲用, 將個program 分咗兩日飲, 令到效果唔係太顯著。咁岩早排見到大台節目 「嘆得好健康」介紹Beauty and Juice 既果汁排毒療程, 令我下定決心再試。今次終於可以一日完成8支排毒果汁, 仲要好乖咁全日剩係食咗兩條菜(因為俾老細捉咗去team lunch)飲後感:- 每支果汁味道都好好飲, 容易入口, 而且飲到有果肉, 所以全日都冇肚餓感覺- 沒有累/ 全身冇力既感覺, 放咗工仲去咗跑步, 都可以好似平時咁跑到3.5km- 夜晚開始感覺到個肚係到咕嚕咕嚕同放屁,第二日朝早就暢順咁排便,感覺真係排晒身體既毒素出黎- 最重要係肚腩位扁咗, 前所未有咁扁- 胃口明顯細咗, 唔會話冇食一日野之後第二日就好想食番夠本, 唔怕食突反吸收是次8支果汁: G6/G7/B5/B6/B7/B8/B9/S2最愛B5同B9, 其中好多支果汁都加入咗super food 如 有機螺旋藻粉, 有機小麥草粉, 飲落更健康

做yoga之前去東廣場想食d野想食的店沒開其他的沒什麼興趣也不能吃太飽想了很久 不如飲冷壓果汁吧這是我第一次飲冷壓果汁據說比較健康因製作過程沒產生熱 保留維他命C亦無添加 無防腐劑全都即日製作因為排便不順 揀左改善腸道健康的G2有羅馬生菜 羽衣甘藍 西芹 青瓜 椰菜 西蘭花 蘋果 檸檬入口有少少草青味 但好快隨之而來比蘋果的甜掩蓋整體幾香甜易入口亦飲出蔬菜清新的味道我覺得幾好味和普通果汁口感有分別較少微粒顆粒 入口順滑飲完果晚排放較多氣體然後也有便便（不知是否剛巧岩時候）因果汁吸收唔到纖維仍然要食蔬菜本體但間中飲下呢d冷壓果汁心理上覺得幾健康同舒服呢度賣$39 360ml亦算平玻璃瓶下次帶回光顧可減$1$1誘因有點太小玻璃瓶好靚可是我想不到用來做什麼好又比較重 還是拿去回收吧

公司附近有間以新解蔬果主打既健康果汁店.🙈🙈🙈 雖然公司大部分都係女仔,但大家都十分鍾意食重口味同埋肉食較多😂😂所以次次食完飯經過大家都必買呢間果汁! 佢有幾種主打,包括:Greens,Beauty,Boost,Tonics仲有季節限定果汁而我成日飲呢款就係B5,屬於Boost系列既.入面有紅菜頭,羅馬生菜,青瓜,甘荀同蘋果😍😍 有d人會好怕紅菜頭果陣青味 不過呢支混合埋甘荀蘋果帶起左所有蔬果既原汁甜味!完全唔會有假甜既味道👍🏻🤗飲完一支之後自我感覺十分良好 去廁所仲十分順暢🙈

哩度嘅賣點係低溫煮食，保留食營養同酵素~香滑有機南瓜湯(半生) - 據講加咗耶青水打成嘅南瓜湯，的確係冇一般南瓜湯咁膩口；湯只係微暖，相信係低溫煮食嘅特色雜菌田園絲瓜甜咖哩無殼飯 - 原來唔係飯嚟，係用耶菜花打成飯粒狀；食味來自甜咖哩，幾特別牛油果羽衣甘蘭田園沙律配時令洛神花醬 - 食材新鮮，洛神花醬甜甜酸酸咁後記：一心追求健康瘦身可以試下，生果蔬菜汁幾好味；由於低溫煮食，食完全餐感覺較生冷

叫左個薄餅⋯份量實在太太少了⋯唔知點講，似係tea，但係要比正餐的價錢。除非係一個on diet的女仔，如果一個男人來食都唔知會唔會吵起上來。如果改善到呢個問題，相信會多好多人。

十月的第一個星期六，我選擇了觀塘的Beauty and Juice吃午餐。原本是選擇另一間素食店，但12:00前到達東廣場，那間店還沒有營業。店員忙碌地做準備，不便向她們詢問營業時間。於是，我走到另一邊，看到Beauty and Juice有午餐。而且一份生機套餐的價錢只是$89，與我所知道生機食物的價錢相比是低很多。便決定一試。 店子小小，餐桌要佔用店子外商場的地方。但應該是被許可的。因其他食店也有此安排。 餐牌與門旁的有限空間，也不忘以乾花作裝飾。顯出小店在這沒有絲毫格調的商場中，也要表現出閒適自在的風格。淡色有紋路的方形木餐桌，配搭白色縷空靠背膠椅子。像置身在花園中。那時正好沒有太多客人，可以悠閒地吃午餐，更令人感覺假日的惦靜。（沒有太多客人，可以與店員閒談片刻。我喜歡這樣。）Beauty and Juice原本只售飲品，或許還有小食。剛開始做正餐，所以價錢是新張優惠。 是日套餐，$89。每天提供不同款式的生機素食。 前菜是香滑牛油果忌廉湯。平時牛油果的味道很濃郁。有些人甚至不喜歡其果青而不含甜味的味道。但這個湯，牛油果味道不易被發現。第一個嚐到的味道便是甘筍味，或許還有蘋果味

Join左2days program真係瘦左好開心因為住係觀塘無意中發現到呢間冷壓果汁店，一向係無飯夫婦嘅我，平時好少食蔬菜，見到有green G2嘅蔬果汁就一定要試一試啦結果一啲都唔腥好fresh嘅感覺，飲完個人好舒服，之後店長介紹1day program, 1日飲8支代替3餐可以選擇不同嘅味道，啲果汁顏色好靚色彩繽紛，因為啲果汁係用玻璃樽裝嘅，不過一次過攞8支返屋企都幾重，飲完之後腸道好明顯健康左好多，因為1日裏面飲左8支果汁食少左好多嘢，個胃口細左，呢2日排清左身體裏面嘅毒素，感覺真係好健康，上磅睇過仲減左3磅好開心呀!!所以我會介紹比鐘意健康嘅朋友，因為又好飲又可以排毒瘦身，呢個天然嘅減肥方法又方便又健康。飲完後，我最鍾意B4奇異果同埋B5嘅紅菜頭

今日經過東廣場, 無意中見到呢間果汁店, 原來係賣呢排好hit既冷壓果汁, 有十幾款味道, 大約$37-39一支, 比出面同類型果汁平好多@@除左果汁, 呢度仲有salad同pasta, 主要target附近番工既OL~Vi買左呢支B5黎試下,入面有紅菜頭, 羅馬生菜青瓜, 甘荀同蘋果, 店員話所有果汁無加水同糖, 單單係一支360ml既B5已經用左3個蘋果, 所以係好健康, 幫助排毒~ 果汁飲落甜甜地, 蘋果同甘荀味道好出, 其餘3款菜味就唔係好覺, 岩哂d唔中意食菜又想健康d既女仔XD整體幾好飲, 店面仲promote緊一個1-3days program, 1日飲8支黎排毒清腸胃, 1日program$300, 有機會都想試下~

冷壓果汁，這風潮其實都風靡了香港好一段時間。可惜大多的冷壓果汁店都開於中環，但當Beauty and Juice在觀塘出現，九龍區的OL要注意了。 我去探訪Beauty And Juice之前，先在facebook與店主溝通，先講述自身的情況及想達到的目標。而我是次的目標並不是為減肥，是想為身體排毒。店主都很細心了解我需要，再幫我準備不同的果汁配撘。我決定了進行兩天的斷食，斷食是用新鮮果汁來代替三餐。幫身體來個大掃除！連續兩日斷食，每日6支果汁，合共12支。店主以一支Green Juice；一支Beauty Juice來幫我製造餐單。第一日，身體沒什麼特別反應，剛開始的餓感都不大，加上果汁與果汁之間有飲水，至於身體是日並無排便，也沒有肚痛感，但有放屁。第二日，飲完第一支Green 1（G1是最多蔬菜成份，當然草青味會比較重）後，就有排便（小量）。是日無飲水，全日都以果汁代替。中午時間超肚餓，要用上毅力去堅持，飲果汁飲到滿嘴都是甜味，故很想食咸味的食物。正正因為果汁味飲到好悶，所以這就是斷食的挑戰。大約黃昏時間就再次排便（正常量），而且排便十分順暢，排毒進行中。最後，整天都有放屁，而屁屁

觀塘上班既你，Lunch 來來去去都係個幾樣選擇，飲茶、快餐、粉、麵、飯又或者M 記，咁鬼重口味，真係食多幾餐身材都走晒樣。觀塘既OL想減肥除左自己帶 Lunchbox，依家就多左一個選擇 ─ 就係新開業位於東廣場既 "Beauty and Juice"。講真$68 可以有蔬果汁 + 沙律 +三文治既Combo 唔算貴，難得店主又係青年人，經常晨咁早去搵新鮮材料，努力去轉研唔同既口味，有心有力推介自創既蔬果汁，呢種自家辛苦經營既小店，絕對係值得去支持下既。雖然我唔係大客仔，但每星期都買一次，食一日健康午餐，俾腸胃休息下，哈哈，幅圖仲有我剛剛飲完蔬果汁既"戰績"。(喝完的玻璃瓶可以留低自用喔! 但我會將它們洗乾淨，再退還給店主，雖不會有任何退瓶費或節扣，但這樣比較環保，讓玻璃瓶可以繼續循環再用)沙律比例及份量對我而言很足夠亦很飽肚，有蕃茄菜及我最喜愛的鷹咀豆 + 藜麥，店主調配的味道及口感也不俗，藜麥及豆不會無味或者太硬。反而Combo 的三文治要改良一下，第一次食有麵包皮，之後再食幾次雖然切走了麵包皮，但麵包仍然很硬，醬料又太稀，跟碎蛋白好像不太搭配，相比起沙律，三文治的確失色好多，希

等咗大半年，觀塘終於又有一間salad house啦。話說開源馬會對面個間餐廳無啦啦cut左個salad bar，攪到我呢個食菜多過食肉嘅人唔知點算好，今日終於比我發現東廣場地下有呢個好地方！地點係東廣場地下終極轉角位，去到最入架啦，主要係賣時興嘅pressed juice。除咗juice都有salad賣，Salad Combo都只係$68，有juice+salad+sandwich。Juice多得花多眼亂，不過有呢個好清楚嘅menu，清楚list out曬材料同功效，想試下味，問下店長就得架啦！我揀呢個紫色，係B7，紫椰菜+蘋果+香蕉+火龍果，好好味呀！！no extra added sugar，仲有d果肉添。Salad其實除咗個沙律醬以外，可以叫做冇選擇，指定係佢嘅house salad，有羅馬生菜配鷹咀豆、蕃茄、藜麥用granola。鐘意食菜嘅人一定喜歡，佢個藜麥做得好好食！個人黎講豆嘅比例可以少d，菜加返多d就perfect啦。不過我相信，份量應該係可以adject嘅！Combo 仲有個sandwich，蛋沙律三文治，感覺有d削... 如果改用homemade bun，提子麥包