火滾肥牛海鮮火鍋專門店

Open Now

Now Closed

朋友介紹來試試，湯底選擇多，夠特別有住家feel味道，食材用料新鮮。停車場附近就冇乜，不過都算近地鐡站。坐得幾舒服，雖然地方不大。價錢又合理，可以值得推薦給大家。

我朋友話要帶我去荔枝角食高質雞煲，我都帶住懷疑既心過黎試。好衰咁心諗高質既點會係荔枝角呢頭出現😂係都係尖沙咀銅鑼灣個頭😂我地一行五人，所以早早book 咗位。荔枝角地鐵站行過去大概十分鐘左右，去到門口係舊式既舖，係地牢。一路行落樓梯，兩邊都貼滿咗不同明星過來食既相，睇黎呢間野應該幾出名，明星效應令我對佢改觀😂可能係星期四所以唔多人。每張枱都有餐前小食，辣青瓜 👍🏻免費架坐低揀野食，其中一個先話佢其實咳唔食辣，唯有轉食藥膳湯底醉雞打邊爐（夏天藥膳湯底醉雞打邊爐好痴線，勁燥熱）再加單點餸打邊爐。揀完餸就自動隻雞大大隻，一開頭先落咗半隻雞先，一路等一路聞到香香醉雞味同埋藥膳味！等咗幾分鐘終於食得啦，雞真心好嫩滑同埋好入味叫咗個頂級安格斯肥牛，牛好好食😍好啱我呢啲牛魔王響鈴好明顯係新鮮炸超好食，食完一份有再叫多份！墨魚鯇都好味！仲要主動過黎幫你整👍🏻魚皮餃就不過不失之前叫咗碟頂級牛好好味，之後揀咗份無咁貴既，都ok ，不過真係一分錢一分貨，頂級好食好多😂服務真係好好，overall好好好好食！一定要帶其他人黎試下！

我呢個邊爐精，一星期打足7日邊爐都可以😁 其實打邊爐可以打得好富貴，亦可以平民價，但最緊要係食材質素，用料新鮮！呢間餐廳除左有比較common既麻辣湯底，醉雞鍋⋯ 特別之處，每日有不同炖湯，可以飲，又可以打邊爐😋炖烏雞鍋😋 足料👍🏻封門牛+牛肩脊老闆好窩心，見我地少少，特別出碟雙拼，等我地可以試多啲不同美食！封門牛，牛味十足，唔係度度食到！封門牛係牛嘅橫膈膜下嘅一塊肉，每隻牛只有兩條，可想而知有幾咁矜貴！今日老闆攞到貨，我地有口福😁牛肩脊，肥瘦適中，肉質不韌😋！不過有封門牛係度，會被比下去😁韮菜餃，皮薄饀靚👍🏻蝦丸（好似係⋯ 唔記得左個名😅）夠新鮮👍🏻除左邊爐食材，仲有生蠔食😋美國蠔我一向唔太喜歡，尤其珍寶蠔，得個大字，但無蠔味！但呢款美國生蠔，爽口甘甜！今日真係好口福，有咁多不同既新鮮材料，店舖唔太華麗，但誠意十足，值得推薦！

上之朋友帶我同老公去呢間火鍋店打邊爐,食左老闆介紹的封門柳,食到咁靚既肥牛真的很滿足(因為自己同老公都係牛魔王)今次同老公撐檯腳,再食德哥老闆特別安排的封門柳,牛肉味超香濃,口感淋滑,但要記住最多5成熟就夠,唔駛一陣就食晒大大碟!大大隻花竹蝦做刺身,鮮甜到痺,師傅刀功一流起晒腸起晒蝦筋切粒,兩個人食七八隻你話滿唔滿足先,其他火鍋料都很新鮮桂花蚌、牛骨髓、九菜餃都銖銖味,食咁多好野兩個人埋單唔駛$900講真話平唔平,但係絕對唔貴。

朋友介紹，第一次來，見到好多明星合照相，心諗呢間舖個老闆應該相識滿天下，同埋人緣極好店內地方環境闊絡，坐得舒服，有個專做刺身的小吧台。店員服務態度好好，會介紹食物/飲品比你，不過你唔叫，佢又無黑面湯底叫左個藥膳雞煲（半隻），足料！雞夠滑！另外叫左碟安格斯牛，好濃既牛味桂花蚌，新鮮爽口店內有幾間小房，想一大班朋友聚聚，又食又飲，會係一個不錯的選擇！

個戴眼鏡老闆，知我地一行人係牛魔王，介紹四款牛俾我地食，當中牛𦟌最特別，另有隻美國野生生蠔，非常新鮮，臨尾老闆賜我地一個炸坑腩，呢味真係不得了…美食推介…熟…烏頭扣，炸坑腩煱…牛，煱底可當湯飲…其他…生蠔

因為訂唔到另一間蒸海鮮，於是改book呢間。位於2個港鐵站之間，要行10～15分鐘，唔太方便。5個人去食，叫蒸美刺身餐，每位$268先上刺身，口感不算十分新鮮，尤其是甜蝦主菜始終都係蒸海鮮，第一次食蒸海鮮，有bb象拔蚌，蝦，扇貝，魚。呢幾樣都好鮮味，尤其係象拔蚌，有點喜出望外。跟住有雞件，蟹子丸，海膽丸，蝦滑釀茄子，鯪魚肉釀青瓜。最後，會用湯底煮粥，無想象中咁鮮甜。

去到食蒸鍋，無得散叫，只有套餐，我們兩個去，套餐四位起我已經打個突。然後侍應哥哥話：“好啦，見無乜人，做被你啦"$298一位1. 刺身拼盤 垃圾三文魚背6件，急凍魚10件，希靈魚4件，幾粒八爪魚，4片魷魚，同一堆唔知乜螺，竟然有一條切成4份嘅蟹棒。。太感動了😢2. 死蝦2隻3. 細蜆6隻4. 龍躉碎一碟，大約5件肉，4件骨5. 幾件碎上嘅雞6. 餐牌話係象拔蚌仔，但無又唔講，求其攞兩隻扇貝被我就算7. 餐牌寫手打四寶丸，但竟然攞咗啲佳寶解凍四寶丸被我，呢次真係忍唔住問佢地“唔係四寶丸咩?"佢竟然答“我地轉咗餐牌喎"。。。$298，唔算平，兩個人飲咗兩支啤酒，$900埋單，食垃圾，服務差。。。一次過，絕不回頭😤😤😤

晚上 21:45 入坐，按人頭點了海鮮蒸煱，每位 $338。全部海鮮均是瞓覺貨，雞肉又梅又多骨，每次最多蒸兩層，食、等、食、等，食足兩個半鐘！冷氣、伙計又唔夠！就算收 $138 都嫌俾多佢！永無下次！

上網睇到有人推介呢度打邊爐所以黎試下.呢度係長沙灣同荔枝角中間.location好唔就腳.坐青山道小巴就最方便.呢度係地庫，個場好大，貼左好多明星到訪過既合照.坐位唔會迫，都幾好坐.我地叫左個雙併湯底:皮蛋yim西馬蹄，（唔記得咩名）菇花膠翅裙湯.第2個湯底係要先飲湯，後加水打邊爐.湯幾靚，大家都話好味，飲完再飲.配料叫了幾樣：牛併盤，芝心丸，珍紅魚丸，鮮菇墨魚滑，雜菜藍，魚皮餃，枝竹.個manger招呼和態度都好好，要一讚！但係其他既都好梳忽.可能個場太大睇唔到咁多.水干晒都冇人加湯．如果可以在上菜時講下呢個係咩會仲好，因為牛併盤一黎到大定都唔太個邊個部位打邊個部位.牛併盤好特別，樣樣都好食！最出色既係牛胸爽（圖中白色塊狀），口感如名樣樣牛既部份既口感味度都唔同，叫個呢個併盤就可以多樣試.圖中為細份量.都夠3﹣4人.美國牛就肥D就甘香D，本地牛就肉味重D，又有D特別部位.呢個推介愛牛之人.芝心丸冇試，但友人說只係普通.珍姐魚彈係呢間野推介之一既配菜.口感比手打的彈牙，但魚味就普通．有D失望.同街市芽菜檔的潮式魚彈一樣味⋯⋯可能珍姐係潮州人．鮮菇墨魚滑都係餐廳推介之一既配菜，味度如其名

之前聽朋友話試過呢度打邊爐啲野食吾錯，已經想試架拉。今次借朋友生日既機會，約左一大班朋友黎烚下烚下，多人啲可以試多啲吾同既食物。一開始我地就叫左刺身魚同埋蝦食，味道吾錯，好新鮮。之後就叫左啲小食，鳳爪，炸豆腐同埋皮蛋，最好味就係個鳳爪食完呢啲就叫左個牛肉，魚蛋，拼餃，豬頸肉，炸魚皮，響玲，菜呀呢啲野食。最好食就係牛肉，同個響玲同埋魚蛋。我地掛住食淨係記得影牛肉=_=響玲好脆,吾會好似出面禁林哂。我地只係叫左一碟,因為食得太多,個肚會無位食其他野..魚蛋好彈牙,好好食!豬頸肉好有口感又夠味,值得一試炸豆腐用黎做餐前小食同埋拎黎送酒最岩,佢吾會好喊,炸到岩岩好.整體泥講都算ok！

新開張時覺得好食,湯底好但最近就越來越差服務差食品質素又差叫手切牛佢比的是看圖片以前好食真是手切另外炸魚角,可能油溫唔夠,油淋淋已經決定以後唔會再去

星期五加上年尾, 在較旺的區域真是一枱難求, 加上又遲約, 唯有退到其他區域餐廳位置實在了能, 在兩個地鐵站中間, 點行都要 15 分鐘, 加上毛毛細雨, 真係未食已經火滾...環境算是乾淨企理, 光猛非常, 也有電視可看, 等人也不覺悶, 洗手間就不要要求太高啦... 食物方面:湯底: 蕃茄薯仔湯底, 及花膠雪耳什麼湯底, 湯底鮮甜, 味精應該還是有一點點吧, 但不太嚴重牛拼盤: 質量還可以, 沒什麼特別, 又不是完全沒有牛味, 其中類似鹵水牛肉的最為好吃, 牛肉片, 牛肉粒等等是合格的各式自打丸類: 彈牙好食, 很鮮味, 特別是蝦丸. 有些滑類, 例如皮蛋墨魚滑算是新鮮的選擇桶蠔: 應該是一桶 6 - 7 隻的普通大小, 桶蠔只要新鮮, 其實很難不好吃的.餃類: 魚皮餃沒特別, 街市一般貨色. 雲吞反而太多蝦了... 服務方面, 大部份哥仔都是90 後, 算是勤快的, 很忙, 不過還可以改善. 例如初時我想攞幾杯水, 就等了半小時, 我明白我們應先叫點食物或飲品的, 但也不用等這麼久... 火鍋開始後要加水, 又等了近20 分鐘, 等到要熄爐等... 哥仔事後也過來打

好耐無再寫食評依間野我九月試過一次已經重來過. 所以我對佢既感覺係唔錯的. 尤記得第一次幫襯時候得兩個人, 老婆大人唔食肉, 但對於個牛肉拚盤好有興趣, 唯有照叫一碟不過一支公隊哂佢, 食到一半都覺得有d "漏", 所以印象都算深.第一次食只叫普通既湯底, 第二次再去就試佢既姬松茸瑤柱翅裙濃魚湯煲, 湯底好夠濃, 夠味, 用料亦算好足, 的確值得推荐. 我果次係飲哂個湯咁滯, 要再加湯(非原裝湯)先可以再食火鍋. 如果佢加番相同既湯就當然更好, 不過都理解機會不大.相信黎過既都有興趣佢既牛肉拚盤, 之前已經有朋友介紹過不用多講. 我覺得質素都唔錯, 要彈既係佢的確切得好薄而且唔算大塊, 所以計落的確係唔算抵食. 而可能真係太薄太細塊, 嚴格地唔係好食得出其牛肉有咩咁特別, 所以有D朋友既批評都可以理解. sashime 魚生, 切功比好多賣大路日本菜既都好, 都算值得一讚.其他既配料等, 大致上都正路屬平均或以上類別.相信最大問題係價錢. 佢地既貨色都算正路唔錯, 但以地區計係絕對偏貴. 好多朋友自然會用其他差不多收費既黎比較, 咁佢既貨色又未算最好, 就會更突顯佢

服务员完全无笑容，0吾识礼貌、0吾识招呼、0吾识倒茶...... 全晚只有4种蔬菜供应，问是什么都记0吾住，差！298元的牛肉拼盘，失望！崩沙腩比较有特色。牛颈脊未有试，但298元一碟，比新东记贵1/3，不知有何厉害！四宝丸，除了虾丸比较好外，全部无鲜味，0吾掂！饺子拼盘，非常普通！2人吃了600几蚊，最惨系食完口好干，又话无味精!