北京老家 (Closed)

今晚同同事突然烤鴨癮起，就係旺角附近找了這家北京老家，結果有點失望。話明烤鴨癮起當然要叫烤鴨啦，不過等左極耐先黎到，烤鴨上檯時不太熱，份量不多但價錢卻很貴。除了烤鴨還叫了拔絲地瓜，也與想像中的拔絲地瓜不一樣。叫了一個酸菜炒粉條，本來以為菜單上沒有辣椒，應是不辣（因其他會註明），結果上檯先發現係辣到流眼淚的級別，最後吃了兩口已經頂唔順，經過今次之後，下次簡烤鴨店都係會簡d大路的好了。

有朋友生日，十人來試一試。Order 左八人餐唔洗唸咁多，再加左幾個送。八人餐其實都夠十人食，都幾大碟。有魚，有牛，有豬，有鴨，有前菜，有餃子，有甜品。最先因爲想食片皮鴨先來，可惜呢味最失色，鴨皮太肥，有一半都很肥食不下去，白色皮唔好食好粉。其他松子魚，牛排都好正！前菜都幾大碟，最後係有剩。我地再叫左小龍包正常味道，同肉醬拌麵就唔知食緊咩咁，怪味！最後拔絲蘋果好味，很少地方有得食

喺太子呢頭返工真係好幸福，附近多野食，仲有北京老街呢間又經濟又好食的餐廳，都是我同同事最喜愛食飯的地方。可能佢要上樓，到午飯時間，都唔洗排隊，仲有位，就算多啲人一齊食都唔怕，唔洗迫。通常我地多人就會每人揀一個餸，然後一齊分，一齊食。每個餐$58，有例湯﹑白飯同甜品，免加一同茶錢。周圍裝修都幾標緻。扮下古色古香咁。我最中意食水煮面青，夠哂麻，夠香口，唔算辣，真係想連啲湯都飲埋！入面有大大條花椒好足料，仲有寬粉，豬肉，大白菜，芽菜，夠哂豐料～另一至愛係糖醋魚塊。好多時食呢類咕嚕食物，都會好厚炸粉，或勁多汁整到似食漿糊咁。但呢個真係無，魚好滑，個汁岩岩好唔多唔少。麻婆豆腐﹑欖菜四季豆同蔥爆牛肉，都係送飯一流，煮得好香，夠哂惹味！最後，要趕住走，無影相的糖水，係桂花小丸子，送的小丸子都有好多粒，真係飽到攬住個肚走！而加食個茶記都係五六十蚊一個餐，仲要係頹個種。但係呢度可以食到精緻的小菜，坐得舒適，唔洗趕住交枱，伙記仲好友善，好幫忙，會介紹下啲餸，主動問我地有咩未來幫我地去追。真心推薦～

見到匯豐信用卡滿800有85折 用左電話訂位 最後要原來要網上訂先有.本身都無乜野,但系詢問後店員話要出示相關資料(e.g網頁),搜索後出示咗,佢睇完好似唔想比咁既樣, 我先問佢系咪要上網訂位,佢先話系, 唔知系佢唔想比折定真系要網上訂位..要網上訂先有折既話 一開始講就唔洗咁麻煩

今晚得幾個人係屋企食，當然偷懶唔煮飯啦。好耐無食過北京老家，家中兩老又無食過，就帶佢地去試下。因為搞到好夜先決定過去，好好彩仲book到（差唔多7:30 book 8:30，自己都覺得自己過份 ）因為兩老第一次去食，比 d 時間佢地睇下有咩食，之後叫咗 d 京菜正常嘢，好似北京鴨，松仁魚，小龍包，炒飯，刀削麵等。上菜唔耐，等一陣就有，賣相一如以往，不過味道就重咗 d（好似松仁魚個汁甜酸度太重）不過整體都OK。員工好有禮貌，好有耐性，抵讚

餐廳冷氣好細,有部份冷氣機重要無開,香港夏天炎熱,食到邊食邊流汗,好辛苦! 我地叫半隻片皮鴨,實質得1/4隻,我地見隔離檯叫1隻,份量都係得半隻,份量非常不合理 !  !

見網上有不小好評，諗住帶呀媽去試下點知中伏。片皮鴨- 冇肉汁又乾又鞋，塊餅皮又乾又硬，好似唔熟，好難食小籠包- 皮好厚，肉汁有d怪味，好難食蔥油餅- 非常之一般，淡而無味水煮魚片 - 汁底OK，但啲魚片滑涮涮，好渣上湯菠菜- 沒有機會失敗的一道菜，但真的比較淡炒刀削麵 - 食到一半，老公問我係咪齋麵，我話係餐牌冇寫有肉，點知食到尾，居然見到兩條肉絲😅，真係得兩條冇厄人高力豆沙- 一般，no comment至於服務態度方便，我一向要求並不高，但當我詢問有沒有信用卡discount的時候，他們的態度突然變差，唔通呢個侍應係老闆🤔🤔🤔總括而言，我肯定唔會返去再幫襯

今日想介紹既main就係尼個京菜啦,一上到尼成間餐廳都好古色古香既感覺,而且都係一圍圍圓枱感覺特別中式添,非常之有氣氛~一尼先食左2個前菜,雞絲粉皮同醉雞,雞絲粉皮味道唔太濃麻醬味道有點小,反而醉雞味道就非常入味而且仲好滑添大家都爭住食哈哈~🔸 雞絲粉皮 HKD82🔸 醉雞 HKD98之後就到主食了,我地叫左酸菜魚同北京填鴨啦,味道超正der~~~填鴨不過不失,肉汁都幾夠,包起上尼食真的不錯,,之後我地仲叫左個排骨架,超大條,當你覺得夾既時候已經好難夾會唔會好難先食到d肉尼....個答案係唔會架,因為d肉係一下就分離左出尼啦,真係有驚喜,個醬亦都一流,真係值得推介呀~~~🔸  京燒排骨架 HKD108🔸 北京填鴨 (半隻) HKD198之後仲有個酸菜魚,個湯真係超級好飲而且魚都好夠滑,可能因為我地叫左小辣既關係啦,所以酸味較重,不過成個口感都超級好味呀~🔸  酸菜魚 (原條) HKD268Overall尼講成個dinner都非常之有質素我地都仲叫左小籠包同擔擔麵,,都非常之不錯(一睇到冇相就知咩事啦hahaha),所以真係可以尼試一下呀!

一家五口點了八樣菜，包括酸泥白肉（肉少丶好薄而且粉皮多）片皮鴨（乾到一個點，皮又粉丶幾十歲人食過三十次片皮鴨最難食今次）丶糖醋排骨（味道ok,但肉質簡直是煲湯豬肉一樣鞋）丶葱爆牛肉（算正常，但又唔算得好食）丶菲菜盒子(真係鹹到吐出來）丶拔絲士多啤梨（算入得口，同其他北京菜舖洒家做法有點不同，其實好似冰糖胡蘆一樣）...沒有一樣好食。大家一邊吃一邊彈，大家認為是中伏的一餐，老人家吃得很失望，講完。唉！

星期六一家人去旺角北京老家食晚飯，這裹裝修很古典，很有北京菜館的風味，坐位都很舒適。我地叫左幾个菜，還有甜品呢！這裏最出名北京填鸭，叫左半隻，唔算太肥，幾好食！冷盤有豬皮凍，幾特别，好爽口！另外一客雞粉皮，味道不錯。還有紅燒牛肉麵，這个較差，味道一般！😏最後拔丝士多啤梨甜品，賣相很靚，😋味道不錯，士多啤梨好甜好新鲜。這裏菜式好多選擇可以一試！👍

今晚又相約了一班舊同事食飯。好多年前都試過一次北京老家，已經覺得所有菜都好好味所以今晚再黎。當然一定要食招牌菜片皮鴨，片皮鴨的皮烤得好香脆，而且肥膩適中，唔會食到一口油。小食方面的蒜泥白肉，有好香的麻醬，下層放滿了粉皮，還有雞絲粉皮，滿滿的麻醬，與爽口的粉皮十分夾而且室內環境都好有特式，細心留意會見到枱中間飼養了金魚，真是賞心悅目。還有餐廳環境一d 都唔嘈吵，所以好適合聚會，一邊說說笑笑，一邊享用美食。

主角片皮鴨太干，沒有肉汁，所以包埋粉皮食會吸干口腔所有水份。其他菜式做得不到位，如北京炸醬面的炸醬不夠濃和咸香，面條亦彈性不足。醋溜白菜不夠酸也沒鑊氣，普通得很。比較好的是蟹粉小籠包，皮不會很厚，有韌性，蟹粉的咸鮮食得出來，亦有肉汁但略油。 不評餘下的了，香港很難食到出色的京菜。#test_mk.🔔 Beijing Home.📍 3/F, 220 Sai Yeung Choi St S, Mong Kok.☎️ 2970 0500

已經第三次光顧， 每一碟餸菜都穩定水準 香椿拌豆腐（凍嘅！ 味道帶出胃口）素鵝（一般）京城豬皮凍（好味， 有d似上海菜嘅餚肉）北京填鴨（半隻，但份量感覺偏少，沒有鴨香味）京燒排骨架（帶甜味，不濃味， 排骨炆到好腍）胡同炸脆雞（好香，味道似炸子雞）小籠包 （一般）京東肉餅（味道似鍋貼，好香口，好味）鍋貼（一般）水餃 （好味）蔥油餅（唔夠香，較乾身）擔擔麵（一般）慈禧牛肉手擀麵（味道清淡，麵質較硬）拔絲蘋果 （蘋果較腍，味道可以已）高力豆沙 （好味）

回鍋牛肉之前都食過，覺得好味決定再叫，需然有辣味，但係唔食辣既人都接受到，唔會入唔到口。雞肉炆香菇係第一次叫，原來係有粉絲既，香濃的汁加上粉絲，配搭啱啱好。今次糖水轉左湯圓，都唔錯。

呢間食過好多次，今次先至寫食評。佢既午市套餐，選一個主菜配白飯，有湯有茶有甜品，雖然要收茶錢，性價比都係高既。先講干扁四季豆，如果你對呢味餸情有獨中，就要黎試下，佢個汁好野味，啱晒送飯。如果你係無肉不歡，最好成碟都係肉，就要試下呢個唐醋豬軟骨。個人喜歡咬埋d軟骨，呢度就做到啦，呢個餸一樣咁啱送飯。