京香閣 (Closed)

自助餐和放題就試過好多次，不過京菜自助餐真的挺特別，真的第一次試，上環無限極廣場京香閣有$228任食90分鐘京式片皮鴨自助餐，於是我們一家去試試！晚上基本上是座無虛席！果然受歡迎！我們位置附近就是片皮鴨區，會見到烤好的北京填鴨，職員會即場切，急不可耐排隊拿一碟品嚐一下！熱辣辣香噴噴，皮脆，油脂滿滿好香，還有點鴨肉，加上青瓜、京蔥，和自家製的煙韌餅皮，沾上京醬﹐我吃了好幾碟，之後真的要好好做運動了！每位還送一份砂窩花膠雞湯和原隻鮑魚花菇！喝一口湯就知道足料，湯很甜，還有厚花膠，好養顏呢！鮑魚花菇都炆得好淋好入味！除了任吃片皮鴨，還有四十款菜式任食，眼花撩亂！有多春魚、腐皮卷、牛𦟌、雲耳、筍、蝦等等。我極推介花鵰醉雞和淆肉！酒味非常濃，雞肉幾嫩滑！淆肉一點也不膩，咸香美味！也有一張點餐紙，有山東大包、椰汁饅頭、生煎窩貼、小籠包，當然要點小籠包，即叫即蒸，熱辣辣，一咬開還有湯汁！還有自助飲品區！另外也有糖水和甜品！整體而言很不錯！

同兩個朋友網上見到好評諗住一齊試下 山長水遠去上環食點知好失望 唔覺得點心甜品即叫即整只係熱翻 炸饅頭完全唔脆 椰汁蒸饅頭係熱但無椰汁味🤢 小籠包同鍋貼啲皮又厚又硬 啲肉粉到🤦🏻‍♀️豆沙鍋餅林嘅 其他都ok自助餐野食超級失望！完全係唔熱 炸物一啲都唔脆仲要凍加淋🤮 我地懷疑佢冇開電制熱住啲野食? 一心黎食片皮鴨點知肥膏多過肉 又係凍 真心伏 唯一抵嘅係鮑魚同埋花菇服務態度都係好 啲食物真係要改進下。。。反映左比職員知佢地話會通知同改善唔知係咪真係會做

朋友仔勁鍾意食片皮鴨，見到有片皮鴨放題，當然唔會錯過要拉大隊試下啦一坐低就每位送上鮑魚＆花膠湯，鮑魚夠腍身，花膠湯味道不錯，可惜唔係任食嘅跟住去揾片皮鴨喇，朋友仔二話不說就拎左3隻鴨脾返黎啖啖肉食得超爽喔...只係略嫌有少少油，小籠包即叫即蒸，醉蝦夠爽口...紅油抄手就真係好難食，只係食到雲吞皮果陣味，無辣無酸無咸味五花腩夠腍而且肥瘦均勻，酸辣湯食落有d 似碗仔翅嘅感覺，但勝在夠熱...埋單每人$270，質素相當普通，我諗都係食一次就夠喇...

通常都食日本放題，今轉同朋友食下其他款～京菜自助餐～ 2百左右任食90分鐘！地點都方便，上環地鐵站無限極廣場E5出口一出上兩層2樓就係！每人先上一份原隻鮑魚、花菇（炆製入味）口感彈牙唔會好韌，砂窩花膠雞湯 （熱湯暖暖胃，入口鮮濃雞味，花膠都是養生吧）如果湯都有放題，我諗可以飲幾碗！擺放整齊乾淨，一盤盤排列好，人流來去拎野食既空間都足夠，中菜款式都好多選擇，職員都時不時refill/更換款式先來一客自製片皮鴨，相信都係呢度重點菜式吧，皮脆肉嫩，肉身大小適中，皮薄，配上青瓜、京蔥、特式醬，任食大滿足之下食了3份😝始終也要留胃品嚐其他款式！小食有鎮江肴肉、手拍青瓜、涼拌茄子、凍蝦、手撕雞！中菜宮保雞丁、上海粗炒、熗炒土豆（偏辣、土豆絲爽口）、蔥油小芋奶、 四川回鍋肉！上海翡翠苗、翠肉瓜炒蝦仁食左幾轉，飽肚亦可選擇雪菜肉絲炒年糕、上海菜飯！糖水有酒釀/薑茶丸子，薑味濃不甜，飯後甜品選擇！點心炸饅頭、小籠包，豆沙窩餅，size是細版，所以埋尾點埋黎食就岩岩好！

呢間中餐廳京香閣近期超熱門 喜愛是京菜既我一定要黎試試 $228任食90分鐘京菜自助餐 每位會送鮑魚花菇同花膠雞湯 而且總有40幾款菜式任你選擇 而片皮鴨係任食架! 油脂較少 肉味較濃 食落唔會太油膩 整體食物質素中上 以咁既價算係性價比高 素鵝,小籠包（有爆汁既感覺, 驢打滾,烤麩, 京蔥牛肉,翡翠炒蝦仁等都不錯吃 花膠雞湯湯底濃郁鮮甜 好好飲 鮑魚花菇入口彈牙 而甜品 酒釀丸子就稍微淡咗啲 而服務員都會不斷加菜 一定可以食到飽為止呢 夜晚都幾爆場 建議訂位 記得唔好浪費食物啊！

話說之前睇到好多唔同嘅人講過話呢一間片皮鴨放題好抵食好好味，我就決意同男朋友過來試下，本來想book 6:00pm時間但係full, 最後就改咗食八點幾果一轉⋯⋯去到個商場上到去，見到一堆人企喺度，都唔知邊度打邊度，帶位又混亂，等左起碼超過15分鐘先入到去，入去一望個格局，其實已經唔多開胃，一碟碟擺晒喺度自己夾，啲人夾好多同埋都好污糟，整到周圍都係，睇見都唔想食入座每人都贈送一份鮑魚花膠，唔算好食，冇乜味⋯⋯我哋攞咗一啲小食，醉蝦醉雞，但係可惜冇乜酒味，唔香⋯⋯ 之後再拎東玻肉，一試，唔淋，失望！ 再拎埋其他熟食，真心no good之後叫左即蒸小籠包，呢個叫做還可以，唔算難食重點就係片皮鴨，出面寫住每人限取幾多件，個其實實際冇人理，片皮鴨尚算可以，因為流量快，夠熱，但超油，食完幾件已經滯左，千祈唔好同人氣店比，因為冇得比飲品方面，任飲汔水豆漿，不過不失唯一可讚係d樓面姨姨，態度好好不過埋單HKD270 1位，貴，但唔值，唔值呢個價

早前係網上團購見到呢間京香閣做緊優惠, $200幾蚊任食90分鐘高級京菜自助餐, 每位送原隻鮑魚花菇同埋花膠雞湯, 另外仲有京式片鴨, 小籠包等四十多款菜式任食, 非常吸引。今日約左爸媽黎食返餐, 預先慶祝父親節。😄京香閣位於上環無限極廣場, 商場連接上環港鐵站, 非常方便。我地訂左18:30枱, 到餐廳時已經差不多全場滿座。餐廳唔算好大間, 一入門口就見到師傅即場製作京式片皮鴨位置, 旁邊係自取任食區域, 京菜, 前菜, 酸辣湯等任食之外, 仲有飲品任飲。另外京式點心, 甜品就係用點餐紙點選, 任點任食。😙入座冇耐店員就上左每位一客的鮑魚花菇同花膠雞湯, 原隻鮑魚大大隻, 口感軟腍之餘富有彈性, 味道唔錯。花膠雞湯就唔大碗, 不過都有花膠, 雞湯味道鮮濃。👍京式片皮鴨有師傅在場不斷炮製, 鴨皮香脆, 加上配菜同醬汁, 非常惹味, 另外我地仲攞左鴨脾食, 鴨肉嫩滑多汁。👍前菜小食款式好多, 我地自製左幾碟京式四小碟, 食物質素唔錯, 平時係餐廳散點都差唔多要$100碟, 任食當然要食多d。😆主菜熟食種類都唔少, 不過我地對點心同甜品興趣比較大, 小籠包皮唔算好薄, 可以好好咁鎖住肉汁,

京香閣：任食90分鐘片皮鴨及京菜自助餐（$228）+10% （晚市）位於上環既京香閣，晚市有提供90分鐘任食片皮鴨自助餐！好吸引酒樓呢個自助餐好受歡迎，我同朋友快坐到出門口。甫坐下，店員便送上砂窩花膠雞湯及原隻鮑魚花菇，另外有一張點心紙可以以點小籠包、甜品等小點，保持即點即製的新鮮。-片皮鴨同埋其他京菜都係以自助餐形式提供，真正可以食片皮鴨食到飽！長枱餸汁四濺，但菜式係幾吸引嘅，包括鴨崧叉子燒餅、手撕雞、京蔥牛肉、上海炒年糕、翡翠炒蝦仁等等...飲品有豆漿汽水等選擇。我覺得呢度嘅種類選擇令人滿意，不過因為時間同形式限制，就唔似平時點菜的精緻，如果希望一次過食很多款不同的京滬菜，都不妨一試！

朋友在上環返工，佢話帶我去一間在無限極商場的「京香閣」食一個$228任食90分鐘的高級京菜自助餐，因為佢哋公司平時會同客人去食午餐，覺得水準不錯，今晚就帶我去食任食晚餐。每位客人來到都會送上原隻鮑魚花菇及花膠雞湯，鮑魚同花菇都很入味，花膠雞湯好清甜。 享受完飽魚同靚湯後，還有四十多款菜式，前菜，甜品及小食任你選擇， 每款自取食物都用蓋子冚好， 相當衛生。最令我開心的梗係可以任食京式片鴨﹐有專人在不停 切片皮鴨，皮脆肉軟腍，有啖啖油膩香配上薄餅醬汁， 青瓜絲及蔥絲，美味可口。自取菜式我喜歡乾煸四季豆， 咕嚕肉，糖醋魚及百味水煮牛肉，都很不錯。前菜必吃手拍青瓜，油燜筍， 京式素鴨等等，味道十足京川口味，不會令人失望。全晚亮點， 玫瑰酒浸鮮蝦，蝦非常新鮮，夠爽脆彈牙，吃十次也不會討厭。最後即叫即製的招牌小籠包，生煎鍋貼，春卷，高力豆沙及脆麻花都不要錯過。整體上可以話平靚正，而且相當飽肚，愛吃的大胃王一定會好喜歡。

識食 緊係食京菜放題😍日本放題食得多都厭 轉一轉 食下中菜先～.最吸引眼球一定係呢個即片既片皮鴨一開波就好多人排隊啦‼️每人每次最多可以拎4片配合餅皮 京葱 蜜瓜條 青瓜條等等味道有層次不特止 唔會太膩 又ᴊᴜɪᴄʏ!!!鴨肉烤得好香 金黃色又香口怕唔夠快拎唔到⁉️唔會～師傅會不斷拎新既鴨出黎片架務求人人食到滿足🙌🏻❤️.食到咁上下 店員就會拎每人都有既鮑魚花菇同砂窩花膠雞湯過黎～花膠大大舊架 入口即溶 湯頭鮮甜.呢度既嘢食種類好多 不能盡錄連甜品都有成7,8款等我介紹下啲必食架啦🤤醉蝦同醉雞都好正 個人中意食酒味重既嘢食茄子🍆都好正 少少辣 煮到好淋 切細仲好入味添。

All you can eat chinese food with signature Peaking Duck!!!! The quality is not bad and I will rate it 7/10. The 3 points because the duck is pretty fat and a bit cold even it is freshly cut in front of you.There are other chinese food option and they are not bad too.

平時日本放題就食得多 無諗過原來酒樓都會有得任食！早2日父親節同屋企人去左上環呢個京香閣一人晚市任食套餐只係228每位仲會有砂鍋花膠雞湯同原隻鮑魚花菇添。上環地鐵站E出口上既商場已經係了就算落雨都唔洗怕吖🥰.自助拎既嘢食種類都唔少屋企人表示片皮鴨最吸引眼球的確 都係最多人拎 排隊架每人每次可以拎4件 配埋薄皮同青瓜好juicy 真係不得了 唔會太膩配埋竹庶茅根👍🏻👍🏻👍🏻.另外醉雞 醉蝦都好好食酒味香 唔洗點醬油已經好正了！甜品有酒釀丸子 高力豆沙 桂花榚等等應有盡有 而且份量唔會一叫就好多 唔會好易飽慢慢食食足2粒鐘❤.嘢飲同樣係自助的 除左竹庶茅根仲會有汽水 用冰冰住的 夠曬凍呢～

酒店自助餐同日式放題就食得多, 全中菜嘅自助餐就真係第一次食!🙌🏻-入座坐定定後首先每人一碗花膠雞湯🐔同原隻飽魚花菇🍄滋潤一下先😌-👨🏻‍🍳師傅現場即切片皮鴨🔪隨自己口味揀返鐘意嘅配料💁🏻‍♀️👉🏻冷盤同熱食選擇都十分多~~我最鐘意肴肉, 涼拌青瓜同木耳😋👉🏻點心例如生煎窩貼🥟同小籠包仲係即叫即做, 熱辣辣上枱-💁🏻‍♀️甜品當然係重點之一自助餐嘅好處就係可以每樣食d試勻晒🐷🍡酒釀丸子、薑茶丸子、高力豆沙、驢打滾、豆沙窩餅、脆麻花一應俱全🤩-

$228任食90分鐘 京菜自助餐✨成日食任食都食日式放題 人大左反而越黎越鍾意中菜呢💕講到京菜點少得片皮鴨呢京式片皮鴨即場有師傅即片 皮脆肉嫩 煙韌既餅皮包住香口既鴨油 好香口 仲要任食!!🤤 出菜速度亦算快東坡肉 回鍋肉 肥膩香口 好邪惡但食唔停😆糖醋魚塊 酸辣湯都幾好飲仲有好多款涼菜包括涼拌雲耳 鴨崧叉子燒餅 手撕雞 乾蔥豆豉雞 最鍾意烤麸👏🏻每位仲送原隻鮑魚花菇同花膠雞湯添甜品方面有豆沙窩餅等 款式幾多選擇放題黎講都幾有誠意 鍾意中菜既朋友不妨一試

buffet就食得多，北京填鴨buffet你又食過未?🤔今日我就去左喺上環嘅京川滬菜酒樓京香閣食京菜自助餐，$228任食90分鐘，每位送原隻鮑魚花菇同花膠雞湯😲😲，鮑魚花菇燜得夠淋夠入味，雞湯濃郁鮮甜，十分滋補🤗重點當然係片皮鴨啦🦆，有專人即刻切比你，仲有蒸住嘅餅皮，餅皮做得夠薄，配搭埋青瓜、京蔥同京醬，仲有得任食，大滿足呀🤤另外仲有多款京菜任食，有醉雞🐔，宮保雞丁，素鴨，四喜烤夫，糖醋排骨🐖，翡翠炒蝦仁🦐，東坡肉等等等等，多到數都數唔哂🤗除咗自助京菜之外，仲有點心任叫，有小籠包，鍋貼，饅頭，紅油抄手等等，全部都即叫即做，上枱熱辣辣架👍🏻食完主菜仲有甜品食添，有酒釀丸子，薑汁丸子，高力豆沙，豆沙窩餅，脆麻花，食勻晒咁多種京川甜品呀🥳