最掂燒味 (Closed)

貓貓身為個道地香港貓，食燒味就理所當然。叉燒腩拼燒腩仔飯，好大份量呀！貓貓食左一啖叉燒即刻濕左個嘴。叉燒腩好多水份，香滑，咬落去味道beep曬出黎，幸福！終於感受到男人的浪漫。叉燒夠味，唔會好甜，原來男人既浪漫就係品嘗道地美食的細節，bravo喵！燒腩仔既皮燒得好脆，脂肪乾身，唔似其他舖燒腩仔整得痴笠笠。呢度原來賣鹵水豬耳，真係好耐冇食過呢啲男人味野食。豬耳有豆腐配搭，豆腐入曬鹵水味，豬耳好彈牙，呢餐幸福指數高，香港食物真係冇得輸！

我不嬲都是傳統廣東燒味的大粉絲。 在一眾燒味類別當中，燒肉及燒鵝是我最喜歡的選擇。 只要能吃上一碟有水準的燒肉鵝飯， 就已夠我樂上了半天了....久聞這一間位於長沙灣區內新樓盤地下的燒味舖 做得很不錯， 一間看似貌不驚人的燒味地鋪竟在網上獲得了一面倒的好評， 作為一個燒味的大fans ,  又怎能不去和它碰碰面呢?事不宜遲，甫一坐下便馬上點了一碟燒肉燒鵝飯。 飯上桌後一看，就知道絕對是一絲不苟之作 ---- 除了有飯一碟之外 , 還有例湯一碗以及餐前小吃一碟 , 絕對是配備齊全的一客午市燒味套餐....例湯煲得非常足火路，一喝就知沒有下味精，味道非常的家常。湯色清澈之外又夠清甜潤喉， 和一般燒味店弄出來的行貨味精水絕對是不能同日而語....身為開胃小食的醃蘿蔔非常爽脆 , 醋酸度亦控制得啱啱好，用來開味蕾確是最適合之選....燒肉及燒鵝的水準亦是十分之高 ---- 燒肉是名符其實的五層肉 , 肥瘦相間的層次十分明顯 , 入口豐腴結實滿有肉香 ， 皮是脆香而鬆化的，令人一食難忘.... 燒鵝吃到的都是近腩位， 屬啖啖肉的部分。 皮是熱熱哋帶微脆; 肉雖厚身但一點都不覺韌柴還帶點來自鵝的膻

餐廳唔大，人流無停過，平日晚都fullfull地燒鵝拼燒腩仔飯 $60分量都幾多，而且質素都好好！燒鵝香口而唔肥膩，脂肪唔多，亦無碎骨。右上角既係非一般既梅子醬，梅子味比較溫和，有梅子既酸甜味而唔會遮蓋燒鵝本身既味道。燒腩仔好正，肥瘦分明，肉質細嫩，個皮仲好脆添！燒味飯有配芽菜仔同餐湯/熱飲見到餐湯叫十全十美健康素湯，一於試下有幾勁！試完之後，好肯定揀岩左！員工話佢地咁耐都係得呢一款湯，個湯主要係南瓜打出黎，仲有南瓜粒，薯仔粒，花生等。下面果張相係專登放耐d,真係有好多南瓜係底！個湯味道好濃郁，唔講真係唔知係全素，不過湯上面真係少少油都無！叫多個滷水什錦 $36,價錢的確唔貴。當中既豬耳同豬大腸仲好出色！豬耳同豬大腸都滷得入味而唔過鹹，而且好腍身一d都唔韌！叫兩set飯加小食其實可以三個人分，俾多少少，燒味飯都可以由頹飯變成上品菜！

放工行過喜韻，見有間燒味叫最掂燒味，忍唔住入去試下有幾掂。餐牌都算幾多選擇，其實佢紅色左個最掂叉燒，不過我想食燒腩仔多d,所以就叫左個腩雞飯。d腩仔好正！個皮勁脆之餘，d肥瘦好適中！食6件都唔覺得溜！雞都幾滑！又滷得幾香。跟餐仲有前菜一小碟，係我最愛既大豆芽。仲要讚下佢個薑蓉，唔會太咸，唔會太大舊葱，好新鮮！叫左個燻蹄，係我喜歡既薄切。肉同皮既分佈好平均， 最正係佢個醋有啲酒味，唔會調得太酸同燻蹄超級夾！ 另一樣不得不提嘅就係佢個湯！南瓜的甜味超出眾！ 有南瓜，甘筍，眉豆等等。老闆話個湯冇用肉煮嘅，因為食燒味已經食咗好多肉，所以用啲菜去煲可以中和返，真係好貼心呀 P.s. 只要叫個燒味飯，就可以加錢叫一個菜！

屋企附近有一間燒味店，環境唔錯一可以坐低慢慢食，而且燒味質素好高，一向都好鍾意去食燒鵝紅腸飯燒鵝個皮好香脆，而且燒鵝都唔算太肥，好香鵝味，加上餐廳嘅特製醬汁，能突顯燒鵝嘅香味，而紅腸都唔錯，有時啲紅腸會好鹹，但呢一個紅腸一啲都唔鹹，味道啱啱好，而且份量都算好多，個飯都算大份，而且有埋菜心，有肉有菜，好健康燒腩仔腩叉飯我特登試吓呢一個腩叉，如果怕肥嘅話可以揀返普通叉燒，呢一個腩叉好香好滑，雖然有少少肥，但係放肆一次都可以嘅，個燒腩仔簡直不得了，個皮超脆，而且好香好香燒肉味，肉質結實，鹹度適中，真係好鬼正，50幾蚊食到個燒腩仔，簡直抵到爛低糖黑芝麻豆漿/竹蔗茅根水黑芝麻豆漿係低糖嘅，非常之好，因為平時都唔鍾意飲咁甜，豆漿都算可以。竹蔗茅根水更加清甜解渴，不錯好少餐廳可以食到咁佢味既燒味，呢度啲燒味又好味，價錢又合理，絕對值得去食！

文人多大話我很多時寫東寫西我中學老死更是文學老師帶她吃飯看戲之後遵從心所欲，就是看餐廳改的名來了最掂燒味實在了不起番查開飯差唔多所有較新食評都給真正後知後覺，我。端來素材清湯2阿姐立刻試喝很久沒喝刻意標榜蔬菜的湯老人家當然喜歡迎接我雖為食但好湯還是識的有幾粒肥豬肉吊吊味我百無禁忌根本不是茹素是追逐口味之慾的俗人最終要色味女友告訴她的燒豬肉脆換取3件以我义燒取得最好1 义燒2 燒肉3 這一絲不甜柑桔酸梅凍湯真是肥人極飲十分推薦寫下心得後遲來一小食38元滷水什錦真是太完美結局腸林好好吃豆腐火熱,熱喇喇正中老人下懷真的一熱遮3醜醜也許不太要命食材夠熱可化腐朽為神奇，下午茶時刻最掂逐漸多人回看他們特別烹調的燒汁幸好我大食而且不浪費早已大大啖嚥了一間中小企食評絕大俾A了不起忠心為香港歡喜。

燒味，一向都係其中一樣最愛既中式食物，味道款式變化唔多，黎黎去去都係雞叉燒燒肉等等，但偏偏呢種如此簡單既食材有種吸引力。傳統燒味店比人印象係油膩同埋較唔健康，今次係長沙灣意外試到呢間一改油膩型象既燒味鋪，原來燒味都可以食得健康 。跟餐的湯，叫做十全十美住家湯講到咁誇張就試下佢，飲落南瓜味好濃好濃，配料有蘿蔔粒淮山粒等，仲食到桂圓竟然係燒味鋪飲到咁健康既湯囉，飲得出無味精，不過因為無用豬骨豬肉煲，相對會淡味得多。滷水併盤$38：有齊滷水豬腸，豬耳，蛋同豆卜，岩哂有選擇困難症既人，滷汁尚算濃，尤其豆卜吸哂啲汁幾正，不過覺得豬耳唔夠爽口稔身左啲，雞細細隻都唔會太飽。燻蹄 $38：相比起上一個滷水併盤，個人覺得呢個小食會係更好選擇，清涼口感已經令人耳木一新既感覺，重點係食得出好新鮮，肉質唔韌，十幾塊兩人share都好足夠。最掂叉燒併燒鵝飯$55：呢到招牌係叉燒，仲叫自己做最掂叉燒，當然要試下佢囉，食落感覺同平時既叉燒好唔同，一咬就散開，肉質出乎意料咁鬆化，唔需要埋牙肉搏既叉燒而另一特點係一啲都無油膩感，食碗飯都無多滴油，感覺好健康，不過始終於覺得叉燒要有燒燶哂邊先叫叉燒架嘛（好唔健康唔好學我

屋企附近又開新餐廳，今次係燒味店，開口招牌大大隻字"最掂燒味",看來信心十足，應該不會差吧！燒鵝腩叉瀨粉，跟素湯首先十分欣賞店家除了白飯，仲可揀瀨粉，對於夜晚食飯會消化不良既我實在驚喜！老闆不停提醒腩叉係好肥，叫我地諗清楚對於平時食叉燒一定要食肥叉既我係無難度的呢個腩叉肥得黎十分爽口，燒鵝也是很肥美，充滿燒鵝油脂香~湯雖然是素的，但十分足料，清甜好喝另外叫左個牛輾味道甜甜的，帶點酒香！餐廳小小，裝潢新穎舒適不散點，也有每日推介晚，價錢化算！

星期五的晚上放工後去了長沙灣街市那邊看中醫，其後便去多近喜韻地下的最掂燒味吃個燒味飯。裝潢非常光鮮企理，很有連鎖食肆「太x」那種輝煌感覺，但當然價錢是合理得多啦。自家製飲品只售$10元，樽裝還有營養標籤，非常有誠意，連鎖店最少賣貴一倍價錢吧。六花茶冰凍清甜，味道與夏枯草差不多，很有清熱解渴的感覺; 黑芝麻鮮豆漿香幼而有豆香，兩者也很不錯。最掂叉燒拼脆皮燒腩仔飯: 燒腩仔的皮非常非常香脆，脂肪與肉的比例剛好，很有肉香，加上黃芥末醬，相當匹配。所謂最掂叉燒，相信店方也蠻有信心，蜜汁味濃，蠻香甜，肉質算是鬆軟，但未見幼軟，可是已經比不少專賣燒味的店還要好。秘製梅子醬燒鵝全脾飯: 說到燒味，最邪惡的必然是燒鵝脾飯，可謂是挑戰膽固醇的一餐。燒鵝脾皮脆肉滑，看圖也垂涎三尺，鵝肉香而嫩滑，必然滿足。秘製梅子醬略微太濃，有點太甜，我還是喜歡傳統的酸酸甜甜味道。

位於長沙灣開業唔係好耐的燒味鋪，但店主將環境裝修得高尚，新派令客人可以喺更舒適的環境享受店家的傳統燒味味道。而且飯食的拼拾應有盡有，就連溏心豬手同梅菜扣肉都有。而我當然選擇左自己的最愛燒腩仔拼店家招牌腩叉飯飯餐跟有醃菜同湯/熱飲，而店主就激力推介他們的健康素湯，十分清甜，充分的蜜棗同元肉，解除了燒味多了的油。招牌腩叉肥廋各半，雖然未能話係入口即溶，但也十分香口。最後仲點左個滷水拼盤，有豆腐，蛋，大腸，豬耳，十分底食

冬天食燒味飯，這個常識究竟有幾多人會識？把熱飯放在燒味上焗，尤其是這碟問你怕不怕？燒鵝叉燒飯$55大碟得很。 叉燒自定了是半肥瘦，又淋又有肉香，蜜糖汁撈飯好好味， 燒鵝有些脆皮，皮下鵝肥不多，不會覺得好膩，鵝肉都好味， 現在很少機會食燒味飯會有菜跟，而今次是兩條菜心，夠淋夠甜。

長沙灣多隱世美食大家吃貨應該都知，不過今次唔係介紹café,而係香港人食開既燒味。同一般既燒味鋪大相逕庭，不但乾淨既鋪面，裝飾亦有酒樓feel，伙記都好親切，同你推介。我地二人就叫左一碟最掂四寶飯、燒鴨飯加左碟油菜，每一個飯仲會跟一個中湯、餣左既青瓜同蘿蔔，零捨開胃。叉燒沒有落色素是我最欣賞的，用青木瓜汁餣左再燒，老人家成日話成多燒味唔好因為色素多，不過係呢度食就唔會有呢個問題。另外燒腩仔燒得好香脆，肥瘦分明；而雞肉都嫩滑。另外個燒鴨皮燒得幾脆，味道適中，送飯一流；個中湯清甜，南瓜味好出，一口燒味飯一口湯。推薦大家不妨一試，去到長沙灣唔止高質café仲有燒味。

​ 一個人食中午飯，忽然興起想食燒味， 反正大把人都係一丁友食飯，我一個女生也不奇怪吧！ 最尾選擇了燒腩燒鵝飯， 估唔到脆皮燒腩可以整得咁香脆，肉味道適中不會太咸； 仲有燒鵝都好滑呀，可以食埋皮！ 另外配上一些韓國風味前菜，酸味十足非常開胃。 除了黃色的介辣醬汁之外，也有特製的燒鵝醬， 不是酸甜醬但味道有點特別，也是甜酸甜酸。 用了泰國香米，點了少米也分量十足，質素不錯。 也有百烚的菜心，已很夠豐富。 還有自家製的豆漿，有埋招牌跟餐只需要加$5 , 豆味香濃而且甜味適中，也可以攜帶走😋

燒鵝飯($86):由於想食燒鵝脾,所以加錢都冇問題,因為知道脾位係最滑最好食。果然係肉質鮮嫩,啖啖肉,加上脾位冇任何肥膏絕對係要食之部位。秘製燒鵝拚叉燒飯(＄５５):叉燒好腍得嚟有彈性，仲係少少肥！但係不肥膩！味道啱啱好,加上濃香的蜜味,絕對係食叉燒之最地方。加上,燒鵝大件又有肉汁,配上自家酸梅醬,兩者二合為一又係一絕配。糖心豬手 ($38):用上甜酸醋來淹製的豬手,不但豬肉質嫩滑, 加上非常入味,用來當前菜食,絕對係非常開胃‧佛山燻蹄 ($38):平時都好少食燻蹄因為怕唔新鮮, 但這裡就沒依個問題,因為食落非常新鮮,加上燻蹄非常爽口彈牙,肉味濃香。

燒鵝飯($86):由於想食燒鵝脾,所以加錢都冇問題,因為知道脾位係最滑最好食。果然係肉質鮮嫩,啖啖肉,加上脾位冇任何肥膏絕對係要食之部位。秘製燒鵝拚叉燒飯(＄５５):叉燒好腍得嚟有彈性，仲係少少肥！但係不肥膩！味道啱啱好,加上濃香的蜜味,絕對係食叉燒之最地方。加上,燒鵝大件又有肉汁,配上自家酸梅醬,兩者二合為一又係一絕配。糖心豬手 ($38):用上甜酸醋來淹製的豬手,不但豬肉質嫩滑, 加上非常入味,用來當前菜食,絕對係非常開胃‧佛山燻蹄 ($38):平時都好少食燻蹄因為怕唔新鮮, 但這裡就沒依個問題,因為食落非常新鮮,加上燻蹄非常爽口彈牙,肉味濃香。