最掂燒味 (Closed)

午膳時間去簡單食個飯，個飯就正常既，但服務差。我叫左個牛腱雙併飯 $50，併左個燒腩；埋單睇番單先發現收左我 $57。問個店員點解收多 $7，佢話因為係併燒腩仔，要收多 $7。奈何我搵哂成張餐牌都無一個位係咁寫。就算先不論有無寫係餐牌度，單叫牛腱飯先 $44 定 $46，俾多十幾蚊先併多個餸已經唔合理啦。店員話下次會寫番係餐牌度，我問佢「咁你唔下次先收番 $7 ?」居然厚顏到無視我個問題，繼續話要收多 $7。$7 唔係問題，係間餐廳既處理手法好有問題，條氣唔順。識話下次先寫番，又唔見話錢都下次先收番。長沙灣咁多間餐廳選，唔會再去呢間野。

搞掂哂野後一家人出黎食下飯，去左食燒味飯，某電視臺介紹過好正咁樣。坐低揀下野食先，燒味都心中有數想食乜啦。唔太想飲奶茶咖啡，可以要求要杯水，如果有茶就好啦～先來個燒腩仔例（$78），層肥層瘦勁靚呀，呀落皮脆肉嫩，夠味又唔過鹹，好正啖啖肉，皮卜卜脆，肥膏佔嘅比例啱啱好，要有少少油水先正㗎嘛。叉燒例（$48），色澤唔錯喎，唔會一味死紅，呢度嘅出名作，一定要試真啲。半肥瘦叉perfect呀！入口甜而不膩，好香玫瑰露，咬落即化，齒頰留香，好耐無食過咁正叉燒再叫多碟菜食下（$15），可揀菜心或生菜，是晚要了菜心。食落好鮮甜，似乎係上湯浸唔係白烚菜，夠好味，點少少蠔油輔助下就夠。自己要左碗米粉（$13）配，已經有好多菜都唔知添，不過菜食多啲無壞嘅，大大碗米粉加上湯，好味。家人要了白飯（$10），忘了影相就食左，白飯都好大碗㗎，飽肚之選。叉燒同燒肉都勁正，呀呀～好想試埋其他燒味呀，下次黎叫咩好呢？！

之前看馬家開飯，看見介紹長沙灣燒味很吸引，可是我換不著頭腦，於是問居住長沙灣的朋友，原來正是她的家後面。昨晚與朋友交收美戰之餘，順便嚐嚐她家後的最掂燒味，可謂雙重收獲。我這個我吃配料的當然選吃最掂四寶飯，最掂叉燒，燒腩仔，豉油雞與鹹蛋均是我超歡吃的。最掂叉燒份量頗多，這裡的叉燒亦是其中一所我吃過的相當不錯。搭配叉燒本身鹹甜的蜜汁，更是好吃入味。厚度方面也是剛剛好，不會太薄或太硬，十分滿意它的口感。豉油雞雞肉吃起來口感細膩柔軟，雞皮部份較薄，沒有油膩感，有少許的膠質，帶有濃郁的豉油香味。燒腩仔皮應該要有的酥脆，咔滋咔滋的脆口感，我完全在這燒腩仔感受到它的風味，而且肥瘦相間得適中，細嚼下滿滿的香氣，十分滿意整體表現。配上粒粒分明的白飯，多麼滋味。均衡飲食很重要，這裡點飯可以加配蠔油生菜一份。生菜一等一的爽脆，應軟的地方很軟，硬的地方爽脆，鮮甜有口感。至於滷水豆腐也很驚喜，豆腐相當入味，而且很軟很嫩，不會乾巴巴或太硬，我最怕吃，當然滷汁是功不可沒。口水雞蒸至滑嫩，再淋上以辣椒乾提煉的辣椒油及灑上香料，外觀雖看似紅通通，但卻是一道酸酸辣辣的惹味小菜。五香牛腱很入味，牛腱切至薄片。牛腱有著淡淡的

朋友從美國回來渡假，他是一個超級燒味發燒友，常説在外地無論在那𥚃吃的燒味，此終都不及香港，就算是當地唐人街最有名的都不外如是，所以他每次回來，總會四出尋訪，他説一日三餐吃燒味都無問題⋯⋯今天我們去到長沙灣，是他兒時長大的地方，看到一帶的舊樓當中有幾幢市建局重建的新樓，地下有一間裝修得有點中式色彩的燒味餐廳，店外還貼有大台"X家廚房"在這𥚃吃飯的照片，朋友看到招牌寫著「Best BBQ」便二話不說，直入店內。秘製梅子醬燒鵝飯（$50）燒鵝皮脆肉嫩，份量十足，重點是那碟酸梅醬，不是一般的冰花酸梅醬，醬汁是用烏梅、山楂、梅子和烤鵝的汁調製。叫燒味飯還附送一小碟酸菜和素湯，原先估計素湯應該無乜味，但原來很清甜，材料都很足，有青紅蘿蔔、冬菇、圓肉和一些豆類煲成，是一個健康的湯品。脆皮燒腩仔配腩义（$57）腩义不是很多地方吃到，是半肥廋的义燒，但食落又不會有肥膩的感覺，燒腩仔方面，最驚喜是燒腩皮很脆很鬆化，腩仔肉則肥瘦分明。秘製口水雞（$52）雞肉嫩滑，但口水雞的重點在於醬料，這個醬料是辣中帶酸，但個人喜好則覺得如果加點麻辣和花生碎就更加惹味！油菜（$15）價錢合理，份量十足，吃了咁多肉，吃點菜平

平時食開燒味鋪，都係啲衛生同埋環境比較差嘅餐廳但呢度最掂燒味就主打高貴路線，光線光猛、座枱空間感大、乾淨企理黎最掂燒味食飯，當然要叫番最掂燒味雙拼飯要咗最掂叉燒、燒腩仔 叉燒好軟淋、外脆內軟燒腩仔嘅皮卜卜脆，但唔會硬身、肥瘦均勻 而另一特別之處就係，隨餐仲附送開胃小菜，有酸甜蘿蔔絲同青瓜係呢D細心位加曬分同行朋友就叫咗個梅菜扣肉飯 飯嘅份量同我個叉燒飯一樣都係超級多，女仔應該食唔曬梅菜扣肉用大飯碗盛載，滿滿的當中肥瘦當然唔會均勻喇，梅菜扣肉一定多膏先夠好味 鹵水醃得入味，而且脂肪係口中即溶，做到梅菜扣肉應有嘅神韻餐飲轉咗健康飲品有杞子六花茶 銀花雞骨草原來仲係自家牌子、自家工廠製造 望下營養標籤，發現係比較低糖，飲落真材實料

今日約左朋友去長沙灣既工業大廈入面上運動班 做運動之前梗係要食飽個肚先有力架麻長沙灣既餐廳都多 經過呢間最掂燒味 心諗 係咪真係咁掂呀😂 咁岩又想食飯飽肚d 肥妹唔捱得肚餓架麻 所以就入去試下啦😋一入去有兩個侍應叔叔 同平時茶餐廳既叔叔唔同 佢地好nice 又會介紹下d燒味😂有傾有講 入面有幾張四人枱 裝修有點懷舊feel同埋都見到幾多人買外賣燒味有選擇困難呀 樣樣燒味都想食 另外仲有豬手呀扣肉呀個類飯揀最後揀左肥妹至愛既燒鵝拼燒腩仔飯😍秘製燒鵝拼燒腩仔飯個燒腩仔係好靚既個種一層脂肪一層肉既腩肉 唔係個種淨係得一大舊肥膏果種 呢種燒腩食落口一d都唔肥膩 層皮燒到脆卜卜 好有口感 同埋好juicy 燒鵝表皮充滿油光 燒鵝肉質好淋 一d都唔鞋口 啖啖肉 識食一定要連皮食 加埋中間個層薄薄既脂肪 食落口好濃既油香味 好邪惡😋另外不得不提既係佢個自家製既梅子醬就咁食既時候已經食到好似有濃濃既肉味同平時食既酸梅醬好唔同問番侍應叔叔先知 原來個梅子醬係佢地自家製既 有落肉落去一齊煮 唔怪得咁香肉味啦每舊燒鵝都忍唔住要放落去游水 點滿晒醬 好夾好濃既肉味好好味呀 😋😋😋😍😍😍隔離仲有碟酸菜 如果覺得

又到食飯時間，正諗緊不知食乜好，就比眼前間餐廳名吸引住-最惦燒味。看看店舖 ，相信新開不久，舖面門口好闊，門面裝修特別，眼見店內還有卡位，便隨即入內，試試呢到d燒味是否好掂。餐牌主打燒鵝，而我又想試這店的义燒，於是就點了碟燒鵝拼腩义飯，加杯凍檸茶，合共$65蚊，價錢合理。賣相方面，燒鵝色澤光滑，义燒顏色鮮艷潤澤，,汁液濃厚而肥膏少，配上一少碟酸瓜小食，睇見已食指大動。至於味道方面，更啱哂我口味，除了义燒偏向瘦而不太肥腻，肉燒得不太乾身，口感上佳，而义燒汁全渗透了肉裡，肉汁飽滿，味道甜密。而燒鵝皮脆而光澤，肉汁多而不帶腥味，配以此店特別醬（少許酸）食用，非常惹味。食完此店燒鵝，難怪此店以最惦燒味命名，確實味道一流。👍👍門面宽闊，裝修特別燒鵝份量多，色靚味美啖啖肉，皮脆肉厚义燒味濃香甜，不肥腻

其實我成日行過呢間鋪頭，經過嘅時候見到個名，快入面都諗：最掂，真係有幾掂呀？之後有一日，我個fd就問我食唔食呢間嘢，佢話個湯好好飲，咁因為我係好鍾意飲湯嘅人，我就被佢吸引左，去試下呢間嘢有幾掂。呢個鋪嘅外表其實係一個好似普通嘅茶餐廳，所以正常人未必會揀入去，但係如果你咁諗，你就會miss左一間真係好唔錯嘅餐廳。我叫左叉燒燒鴨米粉個叉燒肥瘦啱哈好，而且外面嘅蜜汁甜度適中，好好食！燒鴨唔會太肥，而且俾嘅部位都唔係差嘅位，特別在於佢個梅子醬，同出面燒味鋪俾嘅唔同，應該係自己再調較過嘅，所以好特別，都好好食。特別鍾意飲湯嘅我，不得不介紹個湯，因為，佢個湯係紅蘿蔔，豆煲成嘅，完全無肉，係零肉呀，但係個湯都超甜！超甜！超甜！證明絕對唔係講笑，真材實料。鍾意飲湯嘅，真係要試下。我地仲叫左個滷水拼盆，有蛋，豬腸，豬耳，豆腐，樣樣都好入味，唔會太鹹。真心推介！！！

來長沙灣等老公放工，探完班後，決定到附近吃埋晚飯才回家，乾手淨腳。老公提議不如一試佢公司附近的《最掂燒味》，皆因這間看似尋常的小店，非常旺場，尤其是午餐時間人頭湧湧，經常爆滿，所以連他這個「冒牌地膽」都沒幫襯過。餐廳位於青山道喜韻商場地下，踏進店，是一般茶記格局，近門口的開放式廚房入面裝置了太空燒爐，往前走，店內地方不大，沒有甚麼裝修，但企理乾淨。細心一數，原來只有 22 個座位，難怪老公說午市繁忙時段，一位難求。菜牌很簡單，以燒臘飯和堂食燒味為主，不過配搭很豐富，選了燒鵝全脾飯及腩仔叉燒飯各一。原來店裡的燒味飯，全部都會奉送十全十美健康素湯或熱飲及一小碟酸甜爽脆的醃漬蘿蔔。健康素湯內裡有薯仔、紅蘿蔔、花生等，入口清甜，菜味豐富，而且最正是夠曬熱辣。秘製梅子醬燒鵝全髀飯 ($88) 率先送上，先挾起肥美的鵝髀嘗一口，皮薄、脂肪少，光滑挺身，色澤油潤均勻，咬落帶脆，很甘香；而鵝肉亦醃得非常入味，完全不羶，母須靠梅子醬去減低羶味，加上啖啖肉，肉汁豐富，是大滿足的快樂！至於另一碟燒腩仔叉燒飯 ($50)，燒腩亦做得不俗，豬味純，估計是用了新鮮豬，而且肉質鬆化夠腍，肥瘦相間，帶微微炭香，味道唔

今次已經係第二次黎呢間餐廳！ 一試難忘係講對上一次！估唔到簡單嘅一間燒味舖都可以令我就係咁深刻嘅印象！唔單止燒味好食，重點係個湯，完全令我愛不釋手！明明冇用肉煲，但都好甜好甜價格完全係街坊價。今晚嚟到嘅時候都全場滿座，似乎大家都幾喜歡呢度。咁佢食物質素都真係幾好嘅而且服務態度都好好，燈光幾光猛，地方都坐得舒服。今次叫咗個叉燒燒鵝，唔使錢可以轉米粉，轉瀨粉都得，上面加幾條菜，感覺再平衡一啲，唔會太多肉。 叉燒肥瘦適中，而且好夠味，甜甜地好靚肉！ 燒鵝個皮都幾脆，重點係佢呢個酸梅醬真係好好食！完全feel到啖啖梅！ 朋友叫咗個糖心豬手，個汁好入味！睇得出啲豬手應該浸咗好耐！ 豬手唔會太林，繼續保持有咬口！ 美中不足嘅係啲毛有少少唔係好清得好乾淨，不過少少自己咬左都係可以接受嘅，味道夠搭救！鹵水拼盤有我鍾意食嘅鹵大腸！其實豬耳豆腐同埋鹵蛋都好正！不過我特别鍾意d鹵大腸好厚身！特別有咬口，而且唔會太林，又唔會太咸！食咗咁多個肉啲叫番個菜既呢個就係令我念念不忘嘅湯啦！有南瓜紅蘿蔔，仲有好多豆！好清甜！ 真係好鍾意小店煲的湯， 真材實料就係呢到！兩個人食咗150蚊，正常價啦！食到好飽呀

Food was nice and pork was crispy, nice service and herbal tea surprised me, keep going with this affordable priceOrdered 2 dishes and a herbal tea with an appetizer, the waiter suggested us to order soup and crispy pork rice everything was better than I expected

家中老豆以前係燒味師傅，做過好多間大大小小的燒味餐廳，由細到大都會等老豆放工後拎啲燒味返屋企俾我地做宵夜！所以我對燒味有一定既要求！但老豆已退休，已經無法再整燒味俾我地食嚕！所以得閒我都會周圍搵燒味飯食，睇下食唔食到好似我老豆整既味道！黎呢間食係因為朋友介紹既，佢話呢間既叉燒好出名，所以叫佢帶我黎試下，睇吓係咪真係咁好食先！朋友叫左雙拼飯（叉燒&油雞），佢既叉燒係瘦叉，切得幾厚，唔孤寒。而油雞既內有胸肉同髀肉，朋友話叉燒調味岩岩好，燒得幾香，唔燶，而雞肉都厚肉，一啲都唔柴，伴碟既薑蓉都好正，撈飯食一流！店員話腩叉係佢地最出名，一定要試！所以我叫左個燒鵝拼腩叉飯！腩叉係半肥瘦叉燒，每一件都真係見到有一節肥一節肉，但食落一啲都唔油，反而口感好夾！而燒鵝既肉質細嫩，每舊肉都好入味，皆因燒鵝拎去燒前一定要用香料、豉油等材料腌製一段時間後才拎去燒既。坊間有好多間餐廳嘅燒鵝都會腌製得唔均勻，所以啲肉有啲咸有啲又冇味。而呢間呢方面做得幾好，味道同我爸整既有幾分相似！另外，值得一讚既係，呢度環境唔錯，乾淨企理，地面唔油！店員雖然係麻甩佬，但一啲都唔粗魯，仲好有禮貌添。而且佢嘅飯量好多，仲有埋湯，男仔食

同屋企人星期日諗住出去食個簡單晚餐，行過見到有間燒味舖就一於入去試吓。我哋每人叫咗一個燒味飯送飲品再加個小食，非常之飽。單拼燒味飯$38飯底非常之多，差唔多有成兩碗白飯，貴妃雞分量好多，佔咗成隻碟甘濟，味道似係白切雞，肉質滑，唔會太油，個人覺得啱啱好，個飯撈埋啲姜蓉食好正。燒鵝拼腩叉飯$62平時半肥瘦叉燒就食得多，腩叉真係第一次食，每節都係肥豬肉咁濟，好爽口，送飯一流，燒鵝份量都不小，鵝肉夠肉汁，餐廳真係好大手筆，比勁多肉我哋。滷水雜錦＄36豆腐滷得好入味，豬耳有驚喜，平時食嘅係爽口，但呢一度嘅豬耳係比外面大塊， 會多一層口感，大腸也不錯。                        

昨晚去長沙灣搵好友食晚飯，正考慮食什麼的時候，見他樓下有一間不錯的燒味餐廳，我們看一看環境後就決定今晚試一試。入到餐廳後員工都很有禮貌地安排位置，及介紹餐廳來的招牌菜式。店內環境尚算寬躺，座位也不感到擠迫。上菜的速度也非常快，期間都有很多人幫襯！員工們都很快手快腳地工作，值得一讚！脆皮燒腩仔拼腩叉飯$57燒腩仔非常香脆可口，味道不錯，叉燒肥膏較多但食落去也不油膩，而飯量也偏多，適合大食的男士們。最掂四寶飯$50叉燒偏瘦但肉質也很多，油雞非常嫩滑！配上香味的鹹蛋黃半隻，增添不少食慾！飯量也較多！適合想嘗試不同燒味的朋友滷水大腸$38大腸醃得很入味，值得一試！配上豆腐，顯得不太油膩。白灼時蔬$15生菜的份量也十足，尚算新鮮！

Apparently, they do good Cantonese BBQ so tried this place.Started with a mix of intestines, tofu and soya egg.The marinade was quite strong and tasty so everything well flavoured.The star of the show was the BBQ pork, it was sweet and moist, while the pork was tender and soft.The pork knuckles were a bit too elastic for my liking.A good option for buying roast meat but it can be pricey for its location.