第一蠔粉麵 (Closed)

位於太子既第一蠔蠔湯米線個湯底好鮮味，仲有招牌金蠔米線都好香，不過蠔既size 就比較細隻，唔算好有肉，如果可以大隻反d 就更好🤪，除左蠔之外，發現有蝦湯底，都好香，下次要黎再試😋😋同時仲試左蠔粥，有肉鬆同埋蠔組合而成，清清地，但都帶出到蠔既鮮味😁

本身鍾意食海鮮嘅我 😋聽到呢間主打蠔嘅粉面店好興奮🥰 店舖格局好細得幾張枱除咗蠔之外其他餸菜同埋米線店差唔多🍜可能希望太 大食完都係感覺普通未必會再訪🌝⭐️ 鴛鴦蠔湯米線 🦪貪心嘅我梗係一次過食晒兩隻味🤪 兩款蠔唔算好多肉好大隻 🥲 鮮蠔食落口感同味道唔算特別新鮮🌊仲有少少硬嘅感覺🗿 金蠔比較好更飽滿 帶一點點甜🧡 但仍然缺乏蜜味🍯 米線湯底比較鹹份量不多 以$72來說 服務態度不好而座位不舒服 CP值有點低

#灰到太子作為一個蠔粉🥰其實我bookmark左呢間超過一年🥴🙈最近喺太子附近 突然諗起就去食～-🔻鮮蠔湯泡飯 $58泡飯份量好多～米粒偏長身，我就唔太食得慣🙈有六隻蠔，尚算鮮甜。湯底有胡椒調味，唔會太鹹～-👀個人喜愛度：7/10🔜回訪可能：⭕️-🚩 第一蠔粉麵 (太子)太子西洋菜南街258-260號長寧大廈地下C及D號舖-#美食 #香港美食 #homekong #hongkong #hk #hkfood #foodie #hkfoodie #香港 #홍콩 #맛집 #홍콩맛잡 #oyster #泡飯 #蠔 #글

唔洗山長水遠去流浮山，黎太子就可以食到流浮山既鮮蠔同金蠔。餐廳位於太子地鐵站B2出口隔離馬路，即係17M小巴站行前少少，交通非常方便既位置。地鋪有幾張枱，仲有樓上也有幾張枱。衛生OK, 職員也很快手。上星期食左鮮蠔粥 ($58)和豆漿一支($10) ，今次食金蠔炒飯($78)，感覺金蠔比鮮蠔更好味，蠔味更凸出。金蠔有4粒，咬落口唔會好硬，size OK唔係細粒， 而且個炒飯同金蠔既味好夾，我好鍾意，成碟清晒夠飽，下次再黎食可以再encore個金蠔炒飯。 呢間餐廳仲有其他同蠔有關既食物，例如蠔餅，蠔米線，煎金蠔，炸生蠔，串串金蠔，蠔湯等等。亦有米線再自選配料，都可以加鮮蠔或金蠔。鍾意食蠔既朋友可以黎試試！

太子地鐵站附近這間第一蠔粉麵，聽聞是由流浮山蠔場開設的食店，食材「產地直送」，正是farm to table概念，因此專程前來一試。金蠔米線 (8.25/10) 香煎過的金蠔，一入口有濃厚鮮香的蠔味，丁點的蜜糖甜味，吃下去齒頰留香。鮮蠔米線 (7.25/10) 鮮蠔大約是廣島蠔的size，不大不小，蠔味鮮香，但個人認為不及桶蠔的碩大鮮甜，也不及肥蠔仔的以量多令人滿足。所以，下次再吃，還是只會點金蠔。———————————————————————————⭕️ 總結：由流浮山產地直送的金蠔，蠔味濃齒頰留香，值得一試，會翻食金蠔 ✅ 💵Budget: $80 pp

全部蠔都來自本地流浮山蠔場。特點是細粒但新鮮有蠔味。叫了個二人套餐（$218），有鮮蠔米線和金蠔米線各一碗、煎蠔餅、小食和飲品。整體份量好夠，飽肚，不過未能滿足食蠔的心，因為蠔真係唔多。金蠔好食過鮮蠔，更飽滿和有蠔味。湯底很清淡，喜歡濃味的朋友一定唔鍾意。湯面的菜甫無乜味，全靠芫荽調味。我初時都想加辣椒油，但忍住，食食下終於感受到鮮甜味，不過仍然是淡淡的。煎蠔餅煎得鬆化，蠔細小又唔多但都幾好味。小食選了墨魚春卷和櫻花蝦餅，普通無乜特別。

之前都想來太子試一試呢間蠔餐廳，但中午嘅時候見到都幾多人排隊，所以就放棄咗。今日係晚餐時間，見到有位可以立即入，當然來試一試啦！餐廳嘅招牌菜全部都有蠔，而且全部都係熟嘅，男女老小都啱食。今次試咗個鴛鴦蠔湯米線，鮮蠔粥同埋香脆蠔餅！米線配嘅鮮蠔算幾新鮮，金蠔有陣陣的香味，整體唔錯👍🏻 鮮蠔粥有新鮮的碎肉，配埋鮮蠔，兩個都鮮甜，係一個唔錯嘅配搭，令個粥感覺又新鮮又健康最值得推介嘅，一定係個香脆蠔餅！即叫即炸好新鮮，炸到好香脆，同入邊鮮甜嘅蠔肉形成咗一個有趣而又配搭嘅對比，配埋甜酸醬食好開胃！雖然係炸出來但係亦都唔會油膩，做到香脆又唔油膩嘅程度，喺香港唔算常見！絕對係嚟到呢間餐廳必食嘅菜式！

哇哇哇.... 真係食到哇哇聲 最近喺太子搵食嘅原則 都係唔使排隊就入去㗎啦 咁今日入咗去一間叫做第一蠔粉麵... 其實冇睇門面就已經沖咗入去 點知入面大部分都係用蠔做主打 咁一於就試下佢啲蠔啦...叫咗一個58蚊嘅蠔餅...一個鮮蠔粥好記得我問過服務員 蠔餅大概要整幾耐 因為好趕時間 佢話十分鐘之內一定得最後應該大概八分鐘就上菜呢個蠔餅好足料 炸 得非常好 唔會太多粉亦都會 滴曬油... 份量 佢就唔係好大份正常一個女仔都食得曬跟住嗰個蠔 粥 喺相片就知道足夠嘅材料我諗大概有八粒鮮甜入味

由於老公好鍾意食蠔，所以拉左我去太子食蠔粥。諗左好耐，因為我自己麻麻地食粥，所以我點了金蠔米線。飲品我選了紙包飲品，而老師選汽水。飲品何價錢算合理。餐牌好清楚，店舖都好衛生乾淨，老闆都好nice。驚喜來了！ 原來佢d粥系又香滑又好味，份量又大碗又熱騰騰，真係值得以後再黎。至於我嘅金蠔米線都好味，湯底清清地但有香味，應該冇味精，份量同相片一樣，老闆笑容又好，入嚟食嘢都覺得開心。期待下次再嚟，我會叫埋小食！

喺太子旺角附近行完街，個肚餓餓地就開始四圍搵下有咩好嘢食。👀行到嚟太子站B出口附近就見到一間名為「第一蠔粉麵」嘅食肆。見到佢咁霸氣嘅店名，又覺得食蠔嘅米線鋪比較少見，就一於入去幫襯一下！😈坐底咗之後睇下個餐牌，有一系列以蠔作為賣點嘅米線，決定同朋友點左金蠔同鮮蠔米線各一碗，另外再追加個香脆蠔餅試一試！😎鮮蠔配上為米線調味嘅蔥花芫茜的確係幾夾，帶出到鮮蠔嘅鮮甜清香！另一碗嘅金蠔米線又係另一種嘅美味，生曬過嘅金蠔經過輕輕煎過，就更加香口，個人更鐘意金蠔米線！😋👍🏼接落嚟試埋個蠔餅！平時喺大排檔食過蠔餅，普遍炸粉佔蠔餅嘅大部分，而又會用少量蠔仔甚至蠔碎混入蠔餅之中，加埋用大量油炸蠔餅，所以油抑味好重，食完會覺得好熱氣！😖但今次叫嘅蠔餅，蠔嘅數量充足，絕無以炸粉欺場！🙌🏼炸出嚟嘅蠔餅金黃色唔易散，食落唔會有好嘅油抑味，唔會覺得熱氣！真係要讚一讚！👏🏼店鋪嘅鋪面唔算好大，繁忙時段未必可以坐到好多檯客🙊所以店鋪都有做好多外賣嘅生意。店員大多都好有禮貌，值得一讚。想試蠔米線嘅朋友，可以試下E間「第一蠔米線」。👍🏼

鍾意食金蠔嘅人，以往只可以山長水遠入流浮山品嚐，而家第一蠔坐鎮太子，突然口痕想食都好方便。前排禁夜市，唯有外賣返屋企食，太多選擇樣樣都想試，所以嚟個全蠔宴。🥢金蠔炒飯 $63⭐️⭐️⭐️⭐️四款蠔當中呢個金蠔最好味，蠔味重之餘亦較juicy，而炒飯都算唔錯，炒得乾身而且多料🥢串串金蠔仔 $52.5⭐️⭐️⭐️呢個蠔size同炒飯果隻一樣，但唔知點解串蠔無上面果隻咁香口，味道亦淡dd🥢香脆蠔餅 $52.5⭐️⭐️蠔餅真係好香脆可口，仲有好多我鍾意食嘅蔥，可惜蠔較大隻炸完出嚟某d位有少少韌，而且相對坊間用嘅迷你蠔，亦唔會有每啖都有蠔肉嘅好味🥢鮮蠔粥 $52.5⭐️⭐️粥綿蠔飽滿重蠔味，可惜將大量芫茜混入粥裡面就唔ok，所以我怕咗食少少都唔想再食二人共消費：$220.5 (foodpanda 價)

呢間食蠔專門店前一排係人氣長龍店 今日竟然門口一個人都無 入面仲得一個客🙀好似個個都去左隔離買涼拌野今日試一試個鮮蠔湯米線外賣 佢地會自動幫你分湯 好細心 本來想試鮮蠔胡椒湯 問左成店員 呢個係菜底 連個湯底同蠔湯米線都唔一樣 不過呢樣價錢貴四十蚊 都係試下個米線睇下伏唔伏先叫蠔湯外賣大約十五分鐘我就食 係一兜湯 一兜粉 湯比得都好多 熱辣辣 湯底唔算勁鮮甜胡椒粉味湯 d蠔都係漲卜卜睇落好新鮮 蠔都有成八粒 size係手指尾咁大 $58黎講 算抵

再次禁止晚上六時後堂食後的第一餐外賣，幫襯的是這間「第一蠔粉麵」，一碗「鮮蠔湯米線」（$58）加一罐免費奉送的可樂，就成了這夜的晚餐。店舖貼心地把蠔湯和內有不少材料的米線分別用發泡膠兜裝好，再放進塑膠袋中，無疑是不環保的，但就十分方便。回家後，把鮮味蠔湯倒進內有多隻細小鮮蠔、蔥花、冬菜等材料的米線中，邊吃邊喝，不需多時，已把整碗「鮮蠔湯米線」連蠔帶湯和滑溜溜的米線全部送進肚子中。這簡單但飽足的一餐，我可在家中享用，已算是個幸運的人，要是晚上還需在外工作的人，在現時的禁令之下，既不能在家用餐，又不能在外堂食，要是工作的地方不便進食的話，便要頭痛到哪裡吃飯才好了。這沒完沒了的疫情，揮之不去，就像惡毒的害蟲，揮之不去，可真害人不淺！

記得少時候，老豆耐不耐便不惜 長途跋涉，一家大小乘坐巴士從佐敦老遠入流浮山食蠔, 幾廿年前, 未有冷氣巴士, 閘門很 open, 很不安全，可以很開放地看到巴士門外的, 青山公路沿途的青山綠水, 路程個多小時，來回大半天，好像去了一個小旅行！自此便種下了喜歡吃蠔的鮮甜味道，逢蠔必歡。始終去流浮山吃蠔路途遙遠，一年只去到一次起, 兩次止。聞說太子開了間吃流浮山蠔的食店，很期待希望揾日去幫襯, 終於今天有機會過海去旺角，順道出太子見面一下。店鋪很細，只能放４張細枱, 可見香港租金真是難以負擔，點了鮮蠔米線(8pcs)及串串金蠔仔(6pcs), 價錢不算太平, 但也合理。鮮蠔鮮甜, 金蠔甘香, 流浮山的味道回來了! 非常滿足！問左急凍金蠔一斤要$500, 約20隻, 比在流浮山買貴, 可能因為要計埋租金入數! 香港人做生意, 租金大過主人婆, 香港人吃東西吃的都是租! 味道再好都被 昂貴 價錢(租金) 打了折扣!

聽說開業约/\個月，門口貼滿了介紹，入去試下，首先地方超細，但相信租金唔平，因位置好，叫了蠔粥，蠔餅及胡椒鮮壕湯，味道整體一般，碟頭超細，蠔的數量比正常想像中少，但價錢完全不配，粥味無乜，都係粥還粥，蠔還蠔嗰種，蠔的size比食傳統蠔潮州蠔仔粥大少少，得幾隻，肯定有味精，蠔餅好鬆化，但蠔隻亦是細小稀疏，似乎食炸麵粉多d,湯夠辣，但無乜胡椒味，共有八隻蠔，取價88, 唔抵食。見客人入來都不是叫蠔食品，而是叫其它食物及粉麵套餐，因價錢約五十元，但不知水準，我們平均人消費一百零二元，但好似無乜野落肚，試個算啦，一般貨色，總之唔抵食。