第一蠔粉麵 (Closed)

雖然現在好多餐廳都叫苦連天，但依然不少餐廳開張。旅行前看到有周刊報道這間位於太子專食本地蠔嘅餐廳，價錢唔太貴，又幾有趣，因此同屋企人去食下。店非常小巧，完全係家庭式經營，幸好而家係剛剛報導初期都未太爆，不用等位也可以入場。間鋪係有第二代蠔民開嘅直送點，家族於流浮山養本地蠔，蠔日日有新鮮貨，基於佢哋對蠔嘅認識，佢地創作左好多種唔同嘅菜式。鮮蠔湯米線應該係呢一間野嘅入門之作，要認識最原始嘅鮮味，呢一個米線一定幫到你，大大隻的鮮蠔，最清新嘅湯，加上米線，愛簡單鮮蠔的味道，一定非這個莫屬。可能你會話另一個簡單的選擇一定係鮮蠔粥，綿綿嘅粥底加上數隻同樣大小嘅鮮蠔，加上店方提供的菜甫，鮮蠔粥立刻提高了非常的水準。平時食潮州嘢都知道，香脆蠔餅唔係間間做得好，有時有啲潮州店都做得麻麻，但呢度用上非常大隻而足料的蠔仔，還有其蠔餅用上了鴨蛋來煎，粉又不會太厚，味道層次都不同，最緊要剛剛煎起那一刻又香又脆。個人來說，胡椒鮮蠔湯絕對係我個人最愛的選擇，呢度個蠔嘅鮮味，頭先食米線嘅時候都已經知道，不過完全將蠔鮮味提高到最高嘅層次，最愛一定係呢個胡椒湯莫屬，飲下去，又熱又滾，而且胡椒香好強，加點薑絲，味道更強。太

香港食肆勁多，專門店亦不少一，但主打蠔的卻少見。位於旺角的「第一蠔粉麵」，就在太子站B出口，佔盡了地利。當然，有地利及人流，舖租自然貴，所以店子不大。可能食物種類多，所以見廚房都人頭湧湧，各師其職，出菜自然快，出菜快，翻檯快，未嘗不是生存之道。望望餐牌，有幾款都想食，仗著人多勢眾，也好，可以叫多幾款。由於餐廳主人本身係流浮山有家族生意，鮮蠔金蠔貨源足又穩定，品質有保證。鮮蠔胡椒湯（$88）湯底感覺上就似喝著胡椒豬肚湯，蠔味不單沒有被蓋過，鮮味反而突出，個人幾鍾意的一道菜。香煎金蠔（3隻）（$98）一般煎金蠔都會用上蜜糖或桂花蜜，但店方卻一反傳統，用上了砂糖，雖然邊位依然脆口，但欠了蜜糖那一份溫柔芳香的味道。金蠔湯米線（$58） 金蠔比鮮蠔多了少許嚼勁，蠔味更濃，相比之下，湯底便顯得稍淡，換個角度，用胡椒湯取代，多了一份澎湃的感覺，可能會更好。鮮蠔湯米線（$58）湯底跟金蠔是一樣，但鮮蠔的鮮味是更濃郁，米線放耐了仍不覺得太稔身。香脆蠔餅（$58）另一道令自己欣賞的就是蠔餅，食落蛋味好香濃，原來是用上了鴨蛋，老實說，因為成本貴，家陣十間有蠔餅提供既，都未必有一間肯用鴨蛋，而且炸得啱啱好，熱

去旅行之前在太子經過見到呢間新開主打食蠔嘅舖頭，見價錢又唔係好貴，好似幾得意，同朋友入去食下。好少見到淨係食蠔，而且有好多款，又有鮮蠔，又有平時食開嘅金蠔，仲有酥炸生蠔。由於是小店，餐廳相對唔係好大，都預期唔係坐得特別舒服，也是正常。試咗幾樣，覺得最好嘅就係鮮蠔胡椒湯，湯有好多隻蠔，全部都幾大隻，但那個湯真係要讚，好鮮好甜。自己選吃了一碗鮮蠔湯米線，這個相對清淡一點，蠔嘅品質一樣好好。另外我們share叫了一碟串串金蠔仔，這個我覺得做得不錯，那個蠔邊煎得好脆，而且好肥美。另外米線其實有好多種款式，湯底可以揀蕃茄、酸辣、麻辣，不過我覺得如果配襯鮮蠔，應該清湯最好。而且有好多配菜，例如韭菜、芽菜、芫荽、蔥花等，自己可以整一碗自己喜歡嘅米線。朋友選了台式麵也不錯，還可以加底。當然要點就一定係食蠔，如果愛蠔，記得要來這間第一蠔粉麵呀！

放工來到旺角花園街買衣服逛下，經過一間以蠔做主打的食肆，店中有自家養殖蠔場，蠔肉都是新鮮貨，吸引了我這個嗜蠔控去一試除了蠔之外 都有供應自選米線，湯底都有酸辣、麻辣、清湯等……配料款式都多，例如有芝心牛丸、炸魚角、水餃等……蠔做主打的有蠔仔粥、煎蠔餅、串串金蠔仔、酥炸生蠔等……款式令我垂涎三尺鮮蠔湯米線$58(餐飲另加$8)~一共有6隻鮮蠔，蠔味晤算濃，但湯底都好清晤令人口渴，有店中自家製菜蒲、青葱、芫荽及芽菜，讓碗米線份量更豐富蜜餞金蠔$98(三隻)~這款蠔身明顯比前者大隻，煎至金黃色澤，蜜餞過的蠔豉甜蜜膩口，蠔肉豐腴濃郁，肉汁都豐盈再來多份炸魚皮($15)，份量都多，爽口鹹香，抵食可能是新開鋪，沒有水吧 ，飲品方面沒有咖啡奶茶，只得汽水，本來想食酥炸生蠔，但又沒有供應，有點可惜，蠔做主打的餐廳，蠔算是中規中矩，好明顯平價少少的蠔較淡身，蜜餞金蠔值得推介，始終吃起來較香口有餘韻，甜甜地又令人吃得過癮

前言：在這間「第一蠔粉麵」用膳期間，鄰桌的一位中年女士結帳離開，店內的兩位老闆與員工先後對那位女士說她的口罩已經有點殘舊，店裡有口罩可以免費送她，結果拿了數個口罩給她，這樂善好施的舉措，讓看在眼裡的我不禁暗暗叫好。正文：知道太子附近開了這間由本地第二代蠔民經營的蠔主題米線小店之後，便想前往一試，這天工作過後，正好幫襯。店子小小的，地方不大，只有四張或圓或方的桌子，牆壁上，就掛有店中主打食物的彩色照片。店中的食物主要分為兩類：季節限定的「招牌蠔情系列」，有「金蠔湯米線」（$58）、「鮮蠔湯米線」（$58）、「串串金蠔仔」（$54）、「酥炸生蠔」（$88）和「脆炸蠔餅」（$58）等八款食物，是這店的主要賣點。另一「特色清湯米線系列」，有七款不同配料的米線，可照顧到不愛吃蠔客人的口味，不過在我看來，吸引力就肯定不及「招牌蠔情系列」了，始終，這店子的蠔都是全部自家供應，每天由流浮山新鮮運到，自然特別吸引。這「鮮蠔湯米線」的湯如假包換的確有著蠔的味道，與別家的湯並不一樣，足有七、八隻的鮮蠔大小不一，但都頗為飽滿。配菜本來有芽菜、韭菜、芫茜和蔥花，我雖剔走了芫茜，但芽菜、韭菜和蔥花，加上白滑的米線

個舖位係之前太子丸茶手作嘅舖位，地方唔算好大，尋晚大約9點左右去到，叫咗一個炸蠔餅同埋一碗蠔仔粥同朋友share，比起平時喺廟街同類型嘅鋪頭，佢哋用嘅唔係細細隻嘅蠔仔，而係用一啲大隻有咬口嘅本地蠔，食落去冇沙。先講下個粥底，本身有胡椒落咗去，所以都幾惹味，但同時間你亦都需要另外叫一杯飲品，以免過分口乾，跟餐要嘢飲只需要$8，但現時只係得罐裝飲品提供，抵唔抵飲見仁見智。另外炸蠔餅，同圖片中嘅擺位有少少唔同，但係仍然會食得出蠔嘅口感，新鮮上菜然後攤凍咗一陣再食，都唔會有大量嘅油溢出嚟，加埋雞醬食都幾夾。除咗主打蠔仔之外，亦都有其他日常見到嘅米線配搭，即使同行朋友唔鍾意食蠔，都可以一齊幫襯下小店，尤其係主打本地蠔，更加需要本地人來支持呀！

讚1 煎金蠔唔錯，外層煎得香口，入口煙韌，有少少甜身，雖然個人鍾意食蜜糖版多啲，但呢隻都砂糖既都唔差2 蠔粉麵幾大碗下，好多蠔仔，湯底係最好既，鮮甜彈1 湯底蠔味淡身左啲，明明見到好多，但入口又唔太夠味

不時不食, 冬季梗係食蠔啦鮮蠔米線好正, 個湯有埋老闆娘自家炒嘅菜脯, 我連湯都飲哂呀~好味道店員又好人有禮貌, 初初開業係有少少甩漏,可以接受最重要係食物質素好, 我會再去食呀推介 : 鮮蠔米線, 蠔餅