彪哥海鮮菜館

Open Now

Now Closed

今日細佬請食飯，無諗過佢介紹呢間又真係出乎意料嘅好味，最正是焗魚腸，食過咁多間，真係呢間是最好味，令我第一次覺得原來呢個餸係咁正！豬肺湯好飲，我的三歲姪仔平時唔肯飲湯，今晚竟然飲左大半碗！炸鮮奶好食，仲有🦐多士，焗蠔，炸豬大腸，同其他餸都好味，不過喊左少少，呀！仲有個豉椒炒蜆加炸面底都好正。而且佢都幾多選擇，樣樣都好想試，不過真係試唔到甘多，唯有下次再去試吓其他😂掛住食，完全唔記得影相🤣🤣

已經食咗彪哥海鮮菜館羊腩煲好多年，每一次季節當做嘅時候總會第一時間去食。呢排佢哋仲出咗-18度抽真空包裝，我就即刻買返幾packs擺喺雪櫃，咁就幾時都有得食！橫掂都揸車去買，就叫咗一個外賣，返到屋企擺落個煲同堂食一樣咁靚仔。值得一題係佢哋嘅腐乳醬，唔知佢哋係用咩秘方去整呢個醬，好好味！另外仲買咗佢哋得獎菜式「蛇羹」老闆教落返到屋企要將蛇羹返熱，因為食物嘅溫度會好影響個味道，所以我返到屋企就輕輕滾一滾個蛇羹，食嘅時候微微辣嘴最Perfect啦！

Foods were a bit oily but all tasted good. The deep-fried milk jelly is exceptionally nice. It seems to be one of their signature items in the restaurant.

聽講呢間餐廳係做蛇羹起家的，朋友話要帶我嚟試下呢到出名嘅大白菜燉豬肺湯同埋掛鹿肉米線大白菜燉豬肺湯打開燉盎，個湯好清澈，散發淡淡清香，整體味道好清甜，飲落好舒服，呢道菜非常花心思，洗豬肺好麻煩，呢到嘅豬肺洗得十分乾淨，一d異味都冇掛鹿肉米線呢碗米線一邊食一邊流汗💦唔通鹿肉真係咁補？ 用筷子夾起啲米線，鹿肉真係會黐住d米線，取名都有創意，味道還好豉椒炒蜆有鑊氣，味道唔錯，但d蜆好細隻，失望椒鹽九肚魚呢碟份量都幾多，炸到好脆，魚肉好淋，好似唔太新鮮，好一般秘製狗仔鴨煲呢個係家鄉菜嚟嘅，好有特色，材料除咗有鴨肉啦仲有d蓮藕，蓮藕同埋鴨肉都炆到好淋，好入味

一班同學仔再次聚埋一齊食老字號菜餚😍今次食大師傅的廣東菜🤤第一次聽冰碗「戰鬥碗」原來係以前的人會雪凍「戰鬥碗」再倒酒配冰凍的藍妹啤酒及菜餚，一流真心好味😍第一次食蛋黃醬茶樹菇個豬肺菜膽燉湯好正😋🤤十分十分推介期待下次再聚

此店在觀塘區開業以久，老闆娘都白髮滿頭！ 聽William哥講老闆以自己的兒仔名為店名，很有舊一代人對下一代人的情意結！當晚叫了五個小菜，包括有椒鹽鮮鱿，薑春雞，古家鄉煎藕餅，蝦米節瓜粉絲煲 及 炸大腸！ 雖然味到不至於警喜之作，但達到一貫大排檔的水準，食物份量不算大份量這種，但份量合理。值得一讚的是招呼很熱情！雖然是第一次惠顧，期間朋友想食粥，但這是餐牌上沒有的，小店的William哥特意叫廚房煮了一鍋潮式蠔仔粥出來給我們，招呼真的唔錯！五個小菜加了一鍋潮式蠔仔粥，再加一枝啤酒，再送三個甜品，合共都是$700！ 每人除開都是$175,算是抵食！聽William哥講這裡的魚腸焗蛋，古法羊腩煲，八寶鴨很受歡迎，睇見牆上的相片，小店曾攞過獎項，有過一段光輝歷史。 喜歡吹水的人可以來此店搵威兼哥吹水，應該可以渡過一過輕鬆的晚上。威兼哥當晚原本話送多2枝藍妹比我們，不過我們己經飲不了，所以只好下次再去！

讚1.焗魚腸做得幾好，入口唔過乾，香口唔會有腥味，椒鹽粟米都香口唔油膩彈1.其他菜式整體無唔合格，話梅番茄四十八蚊得一一個番茄！都算，話梅味淡到一個點；欖角骨醬汁係有味既，但嚿肉既雪味真係太重；沙嗲粉絲牛仔骨煲竟然係一兜湯咁上檯，而且得好微弱既辣味2.污糟，我明小炒店真係唔應該咁講究，但檯櫈係黑色既，一抹就成張紙巾都係黑色，最得人驚係熱水壺，係有小強爬左出黎，連成日上鏡接受訪問果位太子見到都呆左，坦白講真係超出底線3.服務基本上只理熟客，街坊店其實都預左，但叫啤酒又無人理，叫可樂又無人理，叫五個餸又漏一個咁，食餐飯啫，好累😔

女友兩年前同朋友食過覺得幾好食。網上都聽人講老闆已經退休由佢個仔仔接手，諗住出名食堂差極都有限度。點知一路食一路覺唔妥，最出名既椒鹽鮮魷都出事，辣酒煮花螺，味道得個辣字無酒香，螺係死同啟既。蠔仔煎蛋，同你屋企炒蛋既感覺一樣，死咸無味道，自己屋企煮過都好食過佢。諗住沙薑雞唔會出事啦，白切雞加個沙薑沙啫...成隻雞肉少 ，鞋同咸到一個點。所謂既沙薑汁唔係沙薑汁味，成兜芝麻色既汁同兜雞一齊上。完全煮唔出個種味道。毫無誠意，連收依個價錢都沒資格。依間舊式飯堂以後唔會再幫襯了，可一不可再。

一班朋友係觀塘做完運動，梗係去彪哥度開飯啦，先來一定是炸奶奶🤭，迷你焗魚腸，保持水準👍。今日老闆彪哥推介菠蘿雞及乾煎花蚧，原來是鮑魚鷄煲，因鮑魚界了花紋似菠蘿，鮑魚軟淋 ，雞肉滑溜冇過火，美味呵😋。而花蚧大小適中， 經老闆悉心炮製，煎乾身內裹又juicy，好好味呀。（可能太吸引，只顧吃，後才發現漏了影相😅）。最後，彪哥還請我們試新菜式，招牌煎麵改版，肉絲煎米粉，西式賣相，中式味道👍😋。整體感受老闆是用心煮理的人，值得推介。

It’s always a pleasure to come. Must go with a bigger group of friends so you can try everything! This resturant is so underrated! Everything always tastes delicious! They also come up with new dishes now and then so I always need to come back. Some dishes require up to 2 days to prepare so you must reserve.

有40年歷史位於觀塘嘅「彪哥海鮮菜館」一直都係我最愛嘅廣東小炒，裝修看似平凡嘅菜館，但內有乾坤，得獎無數。「蛇羹」係必食！食過一次之後已經記得佢哋嘅味道同其他行家不一樣，果然係值得攞獎。另一得獎菜「砵酒焗生蠔」食得多，今次試吓「砵酒焗白鱔球」，味道一樣咁好食，外脆內嫩，配合洋蔥和汁一齊食，簡直係無敵！尤其是加碗白飯...「椒鹽鮮魷魚」香脆嘢味，一咬落去嘅時候入邊啲汁標出嚟，油溫控制得非常之好。馳名「炸奶奶」每次都一定要食，外面脆皮加內裏微甜鮮奶，味道剛好。每次新鮮出爐嘅時候夥計都會攞住盆鮮奶問大家有冇興趣食，好似人哋買點心推車仔咁，好有氣氛！仲有叫其他頭盤和蔬菜類，但係唔記得影相🤣🤣最後有新鮮自家製「生磨杏仁茶」有時睇到員工喺度滅杏仁皮，真材實料，不會落杏仁粉，味道跟酒店的還要好，值得推介！

店的故事由1982年開始近40年，店由李棠師父由街邊檔做起到之後入舖，問及第二代傳人 James Li ，原來店名正是他爸爸李棠以他廿名字最尾一個字命名，原名「蛇王彪」，後正名為「彪哥海鮮菜館，店舖年齡同餐廳店齡一樣，感受到爸爸對他的愛。主打另類美食罕有以鹿肉及蛇肉入饌。全港首創掛鹿米線，鹿肉本身估計佢哋用國產貨，但原來他們用英國、澳洲或紐西蘭的來貨，掛鹿米線當中的肉碎由廚師用心將鹿的背脊骨撕出肉末再加入少少鹿脷邊的肉碎，再放入高湯中，肉碎掛在米線上造成類似螞蟻上樹的效果，每一條米線都沾滿鹿肉碎，湯頭好鮮甜，撒一把葱，吃得過足癮，人生中第一次嚐到鹿肉的滋味，仲一啲都唔黐牙，據稱仲好補身，營養價值比其他肉類更高，真係好鐘意呢個菜式，大開眼界。見餐牌仲有清湯鹿腩及堂煎鐵板鹿脷，已經列入Must Try Item！疫後約齊各兄弟試晒佢餐牌的特色菜。另懷舊特色滋補蛇羮亦係重點推介，蛇羹以薑絲、木耳絲、蛇肉絲、雞絲、肉絲、果皮絲等材料，湯頭以老雞及豬尾骨煲三小時以上，蛇肉選用水蛇貪佢可去濕，配以唐檸葉切極幼絲，取其清香，老雞湯滋補，但因用老雞熬製，患有感冒者不適宜食用因有機會將惡菌困在體內難以清

之前都有食開一段時間，發覺食物越來越不新鮮而且烹調方法亦未有以前的好，性價比低，服務只顧hardsell ，極度失望，以後都唔會再幫襯，睇住佢個仔接手後 味道就開始難食 ，老闆娘又只顧sell海鮮

話說天冷想食蛇，原本想去既排大隊，太餓下就去左格離( 即呢間)! 佢話有蛇有糯米飯 ( 既店前身似蛇店， 心想應該都正路) ; 價錢係97蚊 ( 蛇羹+ 糯米飯+ 炸奶) 心想算叫正路既，就入門！！！ 跟住！！！ 佢黎左1碗蛇羹( 中式偏細飯碗size );再黎1碗濕爆既糯米飯( 糖水外賣碗size ) , 然後1舊 炸鮮奶( 呢舊ok) !!!! 係咪甘樣做生意呀！我真係呆左！！ 佢比得出果下好野！！ #千萬唔好幫襯，唔望你多/ 好好食，但唔係過份成甘！

明年澳洲悉尼舉行的《國際美食博客比賽》#IFBC預告第二站拍攝 特選餐廳。。。好好味道呀！1）蛇汁浸雞2）千葉豆腐3）鴛鴦炒飯4）水蜜桃咕嚕肉5）蒜蓉芥蘭6）肉鬆蒸水蛋7）大良炸鮮奶8）木瓜燉雪耳