彪哥海鮮菜館

Open Now

Now Closed

到彪哥吃飯是因為一次在觀塘遊蕩，見門口有一大堆人正在等位，所以今日就諗住離試下啦, 我們4人點左蒸大聖子、魚茸浸莧菜、至尊千葉豆腐、蒸帶子半打、砵酒焗生蠔、香港炒飯聖子一上枱已被外表吸引，好大隻，影完相慢慢吃也不遲，味鮮甜，肉爽不韌。至尊千葉豆腐刀功了得，滑溜有口感，中間有蝦粒、冬菇粒、青紅椒粒和白果，用蠔油獻汁，賣相漂亮。砵酒焗生蠔打開錫箔紙，果然大大隻，香味從錫箔紙內升起，蠔邊略焦，蠔肉內軟，蠔汁豐富，加了砵酒和洋蔥的甜味很野味。魚茸浸莧菜很多鬆鬆的魚肉和青綠的莧菜浸在白色的魚湯上，魚肉不腥，湯不油，還很大碟。蒸帶子唯一不滿意的菜，味太鹹香港炒飯不知為甚麼叫香港炒飯，有中芹粒，葱和蛋粹，還有欖角粒,飯粒不乾身，好味不油

啲friends玩即興約食飯，揀咗彪哥。呢間飯店未嚟過，都幾得意，佈置好懷舊，可能真係舊。嚟到睇見牆上posters，又蛇又鹿，我都唔敢亂咁郁，眼尾睄下係咪得亞伯亞嬸食？又唔係𡃓，乜人都有個個都好街坊。唔食野生動物，爬行動物，我哋求求其其叫咗幾様嘢。日式青芥苿牛柳粒，青芥辣好嗆鼻，牛柳粒俾梳打粉醃到好淋冇哂肉味，食食下有啲反胃。千頁豆腐，刀工勵害，豆腐片到咁薄都唔爛，中間堆餸為裝飾，雪藏蝦白果有幾粒，材料靠䜴油生粉汁攞味。藥膳浸菜，有堆𣏌子係面，唔知湯底有乜中藥。果皮蒸鮑魚仔，$60一隻鮑魚仔，老細話仲有三隻，果皮蒸。冇乜鮮甜味，𡁻咗好耐。老實講，啲餸菜真係好普通冇乜特別，唔係唔好食又唔係好食，就係食完無乜印象果種，唔寫低真係好快唔記得...

炸奶奶一定要食，超好食。叫咗幾個自創菜式都好有驚喜。藤條炆豬肉好入味，配飯食一流。椰子雞湯好够火候，看似清淡却味道濃郁。我中意杏汁無傳統咁味濃但好清新好容易入口。自制醬汁鳳爪清甜得來帶辣，夏天食無得頂!一定會再去。

時間匆匆, 一個轉身, 裕民坊可愛又有回憶的小店已經一間一間的被清拆,心情就好像看著行刑一樣般沉重, 一個又一個活生生的人倒下來.剩下來的還有幾多?彪哥位於宜安街, 不受重建影響, 仍然安安穩穩的存在在這個新舊交錯的社區.這幾天咳個半死, 先來一杯生磨杏汁清肺潤肺,杏香四溢, 味道天然, 沒有人工化沖劑的味道,像比較薄身的杏仁茶, 質感滑溜溜, 連乾燥的喉頭都讚好!這款飲品雖然簡單, 但製作過程繁複, 不是很多地方可以喝得到,一杯小小的飲品卻突顯大大的誠意, 不得不讚好!脆奶拼京都骨 ($88)脆奶是彪哥的招牌菜, 甚至特設外賣供客人外帶($6/件), 可想而知幾受歡迎! 明明咳個半死, 還是豁~豁出去, 吃完再算!炸鮮奶外層呈金黃色, 又薄又脆,中央的餡料像燉奶一樣, 滑滑溜,除了鮮奶的香濃味道, 更有點點椰汁香味,單為此道來彪哥都值得!京都骨有醋香, 酸甜得宜, 正好緩解豬肉的膩,京都骨骨多肉少, 對於我來說, 吃得有點困難呢!我不是一個喜歡啃骨頭的人呢!藥膳浸莧菜($68)天氣漸漸變暖, 菜心, 芥蘭等又老又黃, 但莧菜則合時宜, 最為爽甜.加上用藥材上湯浸熟, 令莧菜更為鮮甜,

團年飯$1600叫左12隻大聖子, 好肥大,鮮甜...Bu酒蠔雖然只有4隻但有手掌大，有酒香味蠔又甜，食落喉嚨暖暖地，正蛇湵，好足料，蛇肉唔鞋口。鹿湯煮鳮，隻鳮兩斤幾好肥美，好香好滑 但沙拉骨不好食，味道有鉄秀味...花甲好大但無味服務員好忙,但一有時間就同D客閒話家常見到餐廳寫住每日有靚湯, 約$15,下次再試

沒有華麗裝橫，沒有大規模廣告策劃，有的是美味和真心。觀塘其實有很多有心食市，這次光顧的是彪哥海鮮菜館。這裡地方不大，如果你想「食環境」的請另覓他選。伙計都很健談，你問一句答你十句。點了好幾個小菜，推介是蟶子，真的很肥美。然後最意想不到的是甜點：炸鮮奶，一開始我還怕會太膩，誰知一入口我已想夾第二件，真的很讚。另外推介的是椒鹽鮮魷，十分惹味，你會忘記了它有多熱氣，然後不停往咀裹送。相反，挺有名的蛇羹卻有點名不副實。

好彩早到（六點到），七點半左右門外已有人在外排隊。一早睇左食評，一心帶位外地朋友去一嘗鹿筋薑醋，但佢反而麻麻，不過啲海鮮真係好好味，火喉足，又唔覺有味精。不過唔好期望有好好既服務，連老闆娘自己都係咁講。

「鹿根薑醋」 此個曾奪得「中華廚藝學院」2005年度美食大賞的銀獎，來頭不小。凍的鹿根裡面混有薑粒，薑是用醋浸了六十天，讓它酸辣得來脆口，整體味道集酸、甜、香、辣於一身。鹿根則是來自英國、澳洲及紐西蘭，對於骨質疏鬆很有幫助，多吃有益。吃一啖鹿根薑醋再喝一啖生磨香滑杏汁，就是最佳的吃法。 「彩蛋白花卷」 此乃2004年香港旅遊發展局「美食之最」(蛋組) 的銀獎菜。卷內是一片酸薑，一件皮蛋再加蝦膠 ，此乃酸鹼中和，囗感豐腴，產生的中和味道就是它精彩的地方。我覺得它雖然是用油炸，卻完全吃不出又油份，這可說是煮藝最高的境界。「曠野鹿骨」 一次過能滿足三個願望菜，有筋有骨有肉，用了紅燒的做法，似炆牛腩的味道，而且味道完全不騷，瘦的鹿肉亦完全不痴牙。品嚐時要一啖鹿肉，一啖紅蘿蔔，才能吃出肉味的特出。 「鐵板燒鹿舌」 一條鹿脷只有兩件可用，只用中間最嫩滑的部份，很珍貴稀有。而且鹿比較溫馴，不躁底，低卡路里又低膽固醇，屬健康食材。煎時完全不用落油，配上雞脾菇同煎，出面燒得焦香，只下少許鹽調味就足夠。吃時先吃脷，很有肉味，比牛脷、豬脷更柔滑；再梅花間竹地吃一吃雞脾菇清清味蕾，再嚐鹿舌，就能品嚐出它最佳的

跟朋友在觀塘出席活動，而事後就拉隊去彪哥菜館，聊聊天、說說笑。簡單的點了好幾味。蒜蓉粉絲蒸蟶子夠大隻，一人一隻夠豪氣了吧！蒸得又剛剛熟，吃起來有陣鮮味，肉質嫩滑吸引。炸豬大腸就失準，其實香港想找好一點的，很難；有時候太腍身，又沒有甘香，的確是差了一些。椒鹽鮮魷比起香港漁市場是差得多了；脆醬外層炸得深邃色彩，一點都不健康，而且肉質沒多少味道，只得嚼勁。豉汁炒蜆一睇就知殼多肉少，就算味道好到「曉飛」，都沒多少肉可以吃到。之前食過水準不至於此，可能今次失準吧！

可能因很少聽到小菜館有炸鮮奶這一道菜的原故，早前一聽到朋友推介位於官塘的這間小菜館有這一道菜就立即去試試看，果然外香脆，內滑溜。可能這道菜令我太回味，其餘餸菜我都忘記了，大概都是一般吧了！故今次3人行再去回味一番，再來一個炸鮮奶，仍然是那種令人回味的味道。其餘餸菜也真是不過不失，除椒鹽鮮魷外，我覺得太多粉醬又不香口，不叫也罷！

上年曾經受過某雜誌之專訪，地點在觀塘宜安街的彪哥海鮮菜館。主要，是品評其糯米飯。說起上來真巧合，早前有幸成為美食大賞的評審，在不知情之下試彪哥的糯米飯，同桌的評審一致讚好，最後，拿下銀獎榮譽。這晚在附近出席活動，完場後，一行數人便拉隊過來晚飯。彪哥的身世不用多談，看看菜館上的剪報，已經認識了這位主理人的一切，以前出口成文的彪哥，隨著年紀漸長，如今收火了。其實在早年來過兩次，留下不錯的印象，菜膽豬肺湯是該店名物之一，湯身清甜鮮潤，豬肺滑得彈破，沾些醬汁更具鮮味。男人的浪漫，是不是一定要豆腐火腩飯？豬大腸一樣浪漫到底，可惜的是，此豬大腸非常之硬。彪哥的蛇羹出色，椒鹽菜式也不賴，椒鹽鮮魷外層脆而酥化，鹹香惹味，魷魚彈牙，絕對是水準以上。至於豉椒炒蜆，只是普通不過的貨色，與外邊的水準相若，蜆肉欠缺爆滿，略嫌瘦小。麻甩佬眾多，不如叫隻雞，霸王雞肉質還可以，嫩滑而不老，雞味不大突出。聽說過彪哥是香港首批引入蘇格蘭聖子的菜館，以蒜蓉蒸最簡單，更勝豉椒炒，完全突顯其鮮味。每次到佐敦金山，總會來個砵酒焗蠔，彪哥的焗蠔，相比金山，蠔肉明顯略遜一籌。最期待的糯米飯，結果令人大失所望，沒見只是數月，竟然判若兩

豬肺湯有兩個好拍檔，一是杏汁，另一是菜乾！這裡已經不只悲出名了，出色的小菜亦不勝枚舉．叫了這個白肺湯，份量大而湯渣豬肺亦非常的多，真材實料．菜乾乾淨無沙，而豬肺亦沒有豬燥味，湯底鮮甜，而火侯亦足，喝下去非常順侯！

見佢哋近排有少少劣評！不過都試一下，book咗餐生日飯送俾媽媽！我唔寫嗰d咕嚕肉呀!嗰d炒菜呀!淨係寫下d特別d嘅菜！頭盤先黎個凍嘅拼盤，唔記得叫乜，不過有八爪魚，海蜇呀咁，ok正!跟住黎一隻童年白切雞！無錯，有兩隻脾嘅！點解我咁講？因為我見到其他食客話無雞脾，我覺得奇怪啫！唔通我阿媽生日所以留番兩隻脾俾我哋？叫半隻雞有一隻脾，一隻雞有兩隻脾，咁你哋叫例牌，可能係上半部，無脾架喎！Anyway, 個薑蓉無得彈！味道剛剛好！到湯，當然係豬肺湯啦! 超清超甜！正！砵酒蠔，明明以前好似係$35隻，而家$198一桶，我問店小二“做乜好似貴咗？"佢話供應商d蠔一桶裏面有大有細，有時一桶入面有一兩隻超大，有六隻細!既然俾人投訴，不如改做一桶一桶咁賣！哦…原來如此！佢重好禮貌咁話其實無貴到，好啦!兩桶！蒸蟶子, 同出面差唔多啫！如果可以少d油就perfect喇！Wasabi 牛柳，係好食，不過真係細碟咗少少！我心諗---可惡的通漲! 唉…可能係閒日又十點半，無乜人，我見個阿姐坐喺度搣杏仁！個阿姐重話養顏，唔駛講嘢啦!一人一杯！熱嘅唔該！戲肉黎啦! 個搣杏仁阿姐攞住個生日蛋糕出黎重唱埋生日歌！攞命！我

尋晚同老婆, 阿仔黎食晚飯。因為之前聽過這間D招牌菜, 叫咗 1. 砵酒焗生蠔 $198 2. 豬肺湯 $68 3. 童年雞 $80 4. 介辣牛肉 $88. 個女侍應拿了一瓶桶蠔出來, 見到大隻有一两隻, 小的都有六七隻, 便點了砵酒焗生蠔。 伙紀擺上茶及熟花生, 發覺碟花生好怪, 有D只有一半, 有D明顯已經變壞, 心想: 不妙 ...童年雞先到, 很細碟, 連雞脾都冇, 大都是胸骨, 味道一般。好了, 主角焗生蠔出場, 打開鍚紙一看, 呆了... 除咗一件大少少的蠔在中央, 只有三隻很少的蠔, 其餘全是洋葱, 真正偷工減料 介辣牛肉也是超小的一碟。這時令一枱也正在考慮叫生蠔, 那個女侍應sell話大的有三四隻, 又假意問我們係唔係有三四隻好大的, 我即時面黑, 叫埋單。其實我地坐低見咁少人, 應該即走, 但見老婆話試下呢間先唔走。建議大家想開心食一餐, 唔好幫趁這間謀人寺三四人枱全set得很怪, 那些甚麼甚麼威水相全都很殘, 相信巳被遺忘。今晚老婆買了同樣的桶蠔 $85, 煮出來足足七隻中型, 二隻大型, 非常好味

2個人在觀塘食飯, 經openrice search到這餐廳叫了碟茱, 正常, 無咩特別每人一隻扉背, 唔錯, 但細隻左d年x腩肉....erer.....係食唔好食, 完全唔香, 唔夠味豆腐... 賣相好得, ok滑啦, 但又係汁唔夠味焗豪2隻, 幾好食, 但豪都係好細隻, 唔抵食, 個汁好食x古米線, 出晒poster, 以為有咩特別, 點知無味, 仲衰過普通湯米線 , 最後我地加反d焗豪的汁去食lor加了一枝啤酒...埋單成400蚊, 唔好食又貴下次唔會再來