珍姐海鮮火鍋飯店

Open Now

Now Closed

bookmark左好耐終於黎食到我地大概兩點到 都人多 不過就唔洗點等位 然後叫左3樣野拔道腩雞飯 $55雞肉juicy 雞皮爽口 分量十足 最有驚喜係個醬汁 醬油裡面加左檸檬葉定香茅味 超級清新 停唔到唔到口 珍姐咖喱羊排飯 $85份量十足 懷疑兩個人食都得😂😆羊肉嫩滑帶油香 咖喱屬於椰奶重嘅果種 同辣味剛剛balance 好 好好食薄荷檸檬茶 $20清新 解膩 不過就冰較多 但可以接受成餐飯 都感受到店家嘅誠意 驚喜滿滿未食完已經期待下次再黎☺️值得推薦嘅lunch

Big JJ Seafood Hotpot is best known for its legendary hotpot feasts and buzzing nighttime atmosphere, where tables are packed with groups dunking premium seafood and meats into steaming broths. But did you know that during the afternoon, it transforms into a hidden gem for Hong Kong-style comfort food? This time, I visited for their 常餐 (set meal), and let’s just say – it’s just as good as their hotpot! The menu changes from time to time, keeping things exciting for regulars.Lamb Rib Curry with R

🚩中環上班族飯店 真正的香港味🚩📍 珍姐海鮮火鍋飯店在中環上班的朋友，一定對「珍姐」毫不陌生。這間位於蘭桂坊旁的餐廳，晚市主打火鍋，午市則為茶餐廳格局，主打以中環區來說非常超值的碟頭飯。晚市部分時段的預約長期爆滿，可説是一席難求。午市雖然不開放預訂，但門外經常有一條長長的人龍，想要食到的話，就必須要有足夠恆心和耐力。你會問為求一頓飯付出那麼多是否值得？我會説，帶着這麼高的期望進去，出來的時候我依然覺得這個午餐絕對要推薦給大家。🍴老蘭嫩牛蔥油撈麵 ($85)先要說，這裏的午餐價錢可説是逆天，最平只需$55就有一碟雞飯，別忘記這裏可是香港的中心商業地帶，亦難怪能吸引這麼多上班族前來。這次難得來到，我試了它的嫩牛撈麵，選擇這個的原因主要考慮到它晚市做火鍋，想必牛肉的質素會有一定保證。結果不出所料，牛肉如其名非常嫩口，肉質亦不錯，最重要是牛味都充足，果然是馳名火鍋的名單。雖然只點了例牌的分量，但一點也不會覺得不夠喉，正常食量的女仔應該會覺得剛好。不過要留意，所謂嫩牛就是把牛肉煮到半熟狀態，接受不了非全熟牛的朋友就可能不適合了。撈麵的醬汁亦調較得恰好，不會過鹹。值得一提，午市的大部分飲品都在$2

今次終於有時間去中環食珍姐lunch menu~之前我有試過weekend 去，食咗閉門羹。而最開心係我可以試到個拔道腩雞飯，聽聞係off lunch hour 先有！我今次因為唔係lunch hour，所以都唔洗排隊。拔道腩雞飯拔道腩雞飯的雞肉非常嫩滑，肉質鮮美，搭配上特製的醬汁，味道層次分明。米飯吸收了雞肉的鮮汁，出乎咗我對雞飯既想像。珍姐咖喱羊排飯羊排煮得恰到好處，肉質嫩滑，咖喱醬香氣撲鼻，咖喱亦唔會太辣，反而有一種溫和的香甜感，讓羊肉的味道更加突出。再加埋米飯，真係好正。

中環食到50幾蚊一個飯算平呀，仲要係好食！雖然餐牌選擇唔多，但就貴精不貴多，試過佢哋個拔道腩雞飯同封門柳豬油撈麵，兩個都好食。唔怪得長期要排隊。餐廳裝修好有香港茶記特色，所有佈置同擺設都好有心思，想像到如果夜晚喺度打邊爐一定好有氣氛。唯一係啲侍應比較有個性，有次同同事一行3人，都過咗1點半先去，人龍唔算長，同埋啲枱都開始清緊，目測有兩張冇人嘅4人卡位，我地問侍應我哋可唔可以入去坐，佢堅持要我哋等，我哋心諗，啲人1位嚟食嘢，你都要佢搭枱㗎啦，我地都知要搭枱，咁點解唔俾我哋3個入呢？而且後面都冇4人等位，好奇怪。然後我哋再三要求，個侍應先至好晦氣咁俾我哋入座。雖然每次去都覺得佢地啲嘢食係ok，但佢地侍應啲態度都令我卻步，所以其實次次都係飯腳們話去我先去！不過講句公道說話，呢個價錢呢個食物質素，中環嚟講係算CP值高嘅。

明白中午食飯時間想做多幾輪，但係兩位男士好快咁15分鐘內食咗兩個飯，使唔使喺我哋手上搶走我哋嘅杯跟住勁差態度咁話 「有冇爭你哋嘢？冇嘅話，你哋去買單啦！」仲要其實有起碼三張枱佢哋都未得閒叫出面排緊隊嘅人入嚟。依個價錢($75位)明白唔可以要求好好服務，但係對食客基本嘅尊重都冇，香港人真係咁鍾意貼錢買難受？

個午餐豬扒醃到勁重味，香茅又甜又鹹咁。再配啲蔥油個感覺超級奇怪。 出面就算同價嘅豬扒飯都有誠意多過佢好多。仲要坐得又逼夾又吹住你走，真係買錢貼難受。無謂嘥時間排隊。

珍姐海鮮火鍋飯店📍 中環和安里9號地舖┄┅┄┅┄┅┄┅┄┅┄┅┄┅┄┅┄Lunch諗唔到食乜就會去食🙂‍↔️食過好多間茶記嘅蔥油豬扒飯都超越唔到以前諗住等一排佢就唔使排隊 點知紅咗幾年lunch都仲係排長龍🥲🥲▫️ 頭抽蔥油豬扒煎雙蛋飯($65)作為一個唔食蔥嘅人都完全接受到佢個蔥油個汁甜甜地又勁濃味 超好送飯🍚豬扒煎得好脆 食落勁香口燶邊太陽蛋完全係無得輸 完美嘅碟頭飯💯┄┅┄┅┄┅┄┅┄┅┄┅┄┅┄┅┄

此店對中環友並不會陌生，位置座落於和安里（好似與2010年豚王舖位一樣）。牛肉就是珍姐招牌，每天都有不同部位騙牯牛肉供應，如吊龍、匙柄、腩包等等，第一次到店的話，可以考慮選擇騸牯牛皇。豬骨蜆煲，也是珍姐招牌，必先喝一滿碗，才放入火鍋配料。香酥腐竹必試，香脆可口。時間將近結束時，珍姐必放歌曲，女團Cookies出道歌《心急人上》、謝霆鋒《活著viva》等Y2K年代快歌。可惜，黑柏葉比以前差了，不新鮮且韌，應該換了供貨商。2人光顧，點餐如下：活墨魚醬料（每位） x2香酥腐竹手工魚皮餃手切羊黑柏葉牛匙柄（中）招牌豬骨蜆煲清酒（杯）伯爵檸（揸）白菜加一後，合共HK$1,661。

一直心心念念要食到呢間好出名嘅珍姐火鍋，好lucky地係一個凌晨嘅晚上，捕住佢開放時間，終於book到6點嗰段時間，四個人gathering🎉.喺訂位嘅期間有幾樣item係需要預先訂嘅，包括咗扇牯牛，據我所知，珍姐啲牛好出色，即日凌晨香港屠宰劏，所以訂咗碟老蘭嫩牛四併，試試佢🤓. 海鮮拼盤呢個item都需要預訂，有四款唔同嘅海鮮包括咗有蟶子、帶子、同埋兩款海蝦，真係好鮮甜🫶🏻.除咗食材，仲要湯底都好重要，見天氣凍就order咗個清潤嘅椰子竹絲雞湯，呢個item都需要預訂🈯️湯滾咗之後即刻嚟返一碗先～果然超級潤心潤肺.是日精選海魚，師傅會幫你起骨切片，魚肉鮮甜嫩滑🤓無後悔加.鮮製三寶手打肉滑有三款唔同嘅手打肉滑，其中一款係羊肉，好重孜然味，另外兩款係牛肉滑，一樣都yummy.小食仲order咗酥炸韭菜餃、即炸魚皮、九肚魚，全部上枱都熱辣辣，goodgood.溫馨提示，呢間係淨係收cash嘅，所以記得準備足夠喇💰.最後成間舖嘅環境氛圍服務，都令我哋體驗好好，除咗員工會為大家介紹菜式之外，會搭下嗲，吹下水。同場有其他食客都係慶祝生日，全間舖播哂生日歌熄哂燈好有氣氛，仲送咗杯自家製啤酒俾我哋飲，

睇咗Mill Milk嘅介紹，我一直心心念念生日要食到，所以喺生日前個幾月已經叫朋友mark實，捕住佢開放時間，終於book到6點嗰段時間。話哂第一次試，我哋就揀咗佢嘅招牌豬骨蜆煲。豬骨味濃郁，再加少少蜆嘅鮮甜，趁未淥嘢食，自己已經𢳂咗兩碗飲🤪據我所知，珍姐啲牛好出色，仲有款即日劏，所以除咗叫碟老蘭嫩牛四併之外，我哋仲叫咗扇牯牛皇。先講老蘭嫩牛四併，有四款牛嘅部位，分別係封門柳、牛頸脊、牛匙柄、牛胸簽，未上菜之前就已經有員工拎住哩四款牛肉嚟向我哋一一介紹，同我哋解釋邊款肉味比較出，邊款油脂感比較重，我自己食牛就最睇重肉味，其中封門柳最為突出，口感紮實。其後扇牯牛皇，食唔食得出即日劏，我就真係冇本事，但就食得出睇得出啲嘢真係新鮮架，望落啲牛嘅色水都好靚，一樣又係有幾個部位(sorry 唔係好記得🤡)不過相對老蘭嫩牛略嫌肉味唔夠出，次序應該調一調轉食。隨此之外，其他配菜都大件新鮮。最後成間舖嘅環境氛圍服務，都令我哋體驗好好，除咗員工會為大家介紹菜式之外，仲不斷會YO食客，搭下嗲，吹下水。同場有其他食客都係慶祝生日，全間舖播哂生日歌熄哂燈好有氣氛，仲送咗杯酒俾我哋飲，哩餐生日飯食得相當輕鬆愉

😛回頭度：8.8/10😛💰是次人均消費：≈ $550┈┈┈┈┈┈┈┈┈┈┈┈┈┈┈┈┈┈┈🌟必食推介：「扇牯牛皇」、「老蘭嫩牛四併」、「招牌豬骨蜆煲」、「花雕醉雞翼」、「菜脯蝦醬豬肉滑」、「生面（配葱油及豉油）」┈┈┈┈┈┈┈┈┈┈┈┈┈┈┈┈┈┈┈珍姐啲牛肉正就唔洗多講啦，「招牌豬骨蜆煲」更係非常足料兼膠質滿滿👍🏻👍🏻 現場環境非常有氣氛，播住大家熟悉嘅廣東歌，侍應會同大家打成一片，幾正！🕺🏻💃🏻┈┈┈┈┈┈┈┈┈┈┈┈┈┈┈┈┈┈┈而缺點就係好難book位同埋有限時(每晚做2輪)..想慢慢吹下水歎下酒慢慢食就難啲了... 想食嘅記得較定鬧鐘上網book位啦~┈┈┈┈┈┈┈┈┈┈┈┈┈┈┈┈┈┈

—去完旅行返嚟都係咁熱 臨走前聚一聚打邊爐00:00搭正開放預約2個星期打後嘅日子晚市兩輪時段為18:00 | 20:40而有d菜式要喺book位時預訂埋招牌豬骨蜆煲($298) |🌶️醬料($30/位)當日屠宰扇牯牛肉($420)是日精選海魚|芝麻斑($278)菜脯蝦醬豬肉滑($98)鵝粉腸($88)陳皮魚蛋($58)/潮州黃牛丸($88)酥炸韮菜餃($88)即炸魚皮($78)周生啤($58)伯爵檸($48)————————————————————珍姐海鮮火鍋飯店中環和安里9號地舖

嚟到中環食飯 冇理由未聽過珍姐 晏晝嘅珍姐由12.3開始要排隊等位 食完就要即刻走 長期有人喺門口排緊隊 必叫食品 拔腿雞飯 雞本身非常之滑 再配埋蔥油非常惹味 仲有另外一個係香港人頹飯 特口午餐肉餐蛋飯 配埋特製豉油汁 別有香港風味 搖身一變 夜晚梗係非常出色嘅手打牛肉火鍋店 長期排隊 要入waiting list 現場氣氛非常好 壽司牛肉非常出色 非常新鮮 每日都有唔同當造嘅牛肉部位 員工更會同你一齊飲酒聊天 氣氛非常之澎湃 完全感受到70 80年代嗰種風味

珍姐 - 樂哥蕃茄咖喱牛脷飯餐 - $85呢個餐會更配指定飲品(伯爵薄荷凍檸檬茶)，第一次飲這種配搭，十分清新、唔會太甜👍🏻至於個飯的咖喱汁是港式咖喱味道，很惹味而且牛脷煮到非常軟淋，好食到食完想即刻再食😂價錢喺中環嚟講算公道～